UPDATE at 11:00 PM Chutyhnoh - Puhpa Zorammawia cha Shiva theater 8th Block Koramangala, Grace Home Boys Hostel kiah liata hmohapa a cha. Aly achhih hmeiseih.. (source: Nancy from Misual.com).
Read: Puhpa Mawia Bangalore liata hmopakhuana thatih siapa
Ary latapa he news parohpa kha a cha:
Zahnia (Nov.18) za khata Puhpa Zorammawia, New Siaha pa cha Bangalore liata Naga Pastor ta Paying Guest ataopa tawhta ara papua ta a yna pahno leipa ta a y hai.
A lapino phone ta Siaha ta bie achho pachieno ta a rei dah ta cha chyhsa nata ama pabua zie reihta, khazia ma na hostel liata na va chho vei tahpa ta a viasano ta achhopa cha a vaw ngalei zie achi zie tla reih ta, police station la arapa hawhta pahnopa a cha.
He hawhta a cha vata Bangalore Mizo Association (BMA) nata Mara Student Organisation (MSO) chhituhpazy nata chyhsa hropazy ta hmo yzie pahnopasia awpa ta Ashok Nagar police station la ama va charohpa cha my dawh 3:00 rachhoh ta avy ta my dawh 7:00 rachhoh ta apua pakhua haw tahpa dei ama reih.
Tawhta Paying Guest ta a ynapa Naga Pastor taopa lia chhaota hiahrina taopa chahra ta, amo chhaota buabana a y tla lei zie ama reih. FIR deikua Bangalore liata Ashok Nagar police station liata pangiapa a cha.
Ano thatih apahnopa nama y khiah he ary liata palasapazy liana heta nama pahnosa awpa ta ahawpa nama cha:
Pihno Rinpuii - BMA President - 9448-136-598
Satlia Madawnga- Secretary - 9886-527-194
BMA President ta a rei dah ta cha Puhpa HT. Sangliana zy chhao ta atheina hawta bao eita, atahma he Bangalore police ta achakhiecharie kawpa ta ama charoh pathao ba awpa hawhta a reih.
With inputs from misual.com
Note: Puhpa Zorammawia he PWD department, Siaha liata Junior Engineer (JE) hriahaipa a cha. Bangalore lata reikah (English) achu awpa ta azupa chata, a zatlo tawhta thlakha chhao apha mahleipa a cha. Thatih eima vaw update lyma aw.
Tlahboh kawpa ta hmo cheingeipa a cha awpa ta eima thlachhana liata athei chyu suh vy.
-
|2009-11-20 11:17:54 emon_amaraAvaw pei hmeiseih na,Atla kawpa nata abo kawpa ta avaw kua hei thaw n'awpa ta Abeipa o la thlachha chyu ei suh vy
-
|2009-11-20 16:51:25 HmoHawPuhpa Zorammawia cha Shiva theater 8th Block Koramangala, Grace Home Boys Hostel kiah liata hmohapa a cha. Aly achhih hmeiseih.. (source: Nancy from Misual.com)
-
|2009-11-21 04:55:17 Dr John Hamlet Hlychho - Mawia We Are Praying For YouPuhpa Zorammawia (mawia) he Power & Electric Deptt, Siaha liata JE a hria nga haipa chata, Dawdaw (d/o Puhpa H. Hlakhu) Vahpa a cha. Computer Course (6 months) a chu awpata Bangalore lata a zu pa a cha (English a chu awpa chalei pata). Ano he Evangelistic Team - Grace Ministry (ECM New Siaha) liata Team Secretary a cha ngahaipa a cha. Marasaw nawh nama tiamana vata alypa a cha hmeiseih. Abeipa ngiachhiena vata sapa, palohrupa & thlahpa lata tlahna (total healing) avaw hnei thei nawpata thlah eima vaw chha khei nga kaw.
.
.
. 
