SIAHA - National Bank for Agriculture & Rural Development (NABARD), Mizoram state unit ta atliata liata Project Sanctioning Committee (PSC) ama hneina liata project hluhpi Rural Infrastructure Development Fund (RIDF) ry liata hmala pathao awpa ta aryh tah ta, cha liata Chhaolo Water Supply Scheme (CWSS) chhao a hlao hra.
NABARD ta a py chiehpazy cha Aizawl New Capital Complex liata water supply, Champhai Water Supply Scheme upgrade nawpa zy, Khawlailung nata Saitual liata rain water harvesting tank-zy chhao a hlao hra.
Rs.1146.21 lakh he project zydua a chha awpa chata, NABARD ta Rs.1031.24 pie ta, alaipa (balance) Rs.114.97 cha Mizoram state sawkha ta a pacha awpa a cha hra.
He acho liata palasa hleikho heta, Aizawl, Serchhip, Siaha nata Lolei district sapalih liazy ta thotlahpa lalai (rural roads) 13 nata 2 rural bridges zy a hlao hra. Phusa achha awpa cha Rs 6878.09 lakh cha ta, NABARD ta Rs.6190.28 lakh paphua ha ta, alaipa Rs 687.81 lakh cha state sawkha ta a pacha heih hra aw.
He lalai project he ta thotlah khih 55 zy cha lalai yzie hnei viapa ama hnei thei ha ba aw.
He project zydua he March 31, 2012 ta patlo khai awpa ta pangiasapa ama cha hra.
Notes:
- Siaha district liata lalai project varo a y hra awpa ta pangiasapa cha ta, thotlah khih thokha motor lathloh phaleipa a hneipazy chata he he eima phahnai khei kaw awpa ta pangiasapa a cha.
- Chhaolo liata Ti lana project peimawh kawpa he Chhuarlung Water Supply Scheme tahpa a cha. He he Mara reih la ta Chhaolo Water Supply Scheme tahpa ta a moh he thlapa chasala kho achhih kaw. Cabinet Minister zachhihpa Puhpa S. Hiato, PHE portfolio a patu no cha chho ta, he he Mara rah liata project to Mara reih ta ta so thei lymapa chasala, hmiala ta Mawreih ta so tyhpa chahrasala, athaona chata Chhaolo Water Supply Scheme tahpa ta thlapa chasala tahpa kho achhih hmeiseih. Chhaolo he Mararah thotlahpazy liata Water Supply Scheme yzie hneipa ahnei tuachaipa acha ngyu aw. Eima lykhei hmeiseih. Khi hropazy chhao he hawhta Ti Supply scheme yzie hnei kawpa he hnei thei lyma chyu sila aly achhih hmeiseih aw.
Related News:
* NABARD sanctions several projects in Mizoram - WebIndia123.com
Khi saw zy rie thei am avaw tao ty. A ta noh lia tah he haw ta hmoro na ngai tapa ei ma hmo pa he Abeipa kho khei na va tah a cha.
A ly khei na cho ta Z. Eric Notlo USA