SIAHA - Integrated Child Development Services (ICDS), Project Office cha zahnia, Hmypi 2 pa khata Puhpa S. Hiato, Minister i/c PHE, Industries, etc ta a pahy haw.
Minister chata bie reina hnei ta, ICDS cha no saw phaohpa nata hawtizy mohohtuhpa department ama cha zie reih ta, project thiehpa pahy thei hapa a chapa cha aly achhih zie a reih hra.
ICDS he ta heih hawsai nata hawti rairuna chi nano nanopa a hneipazy chyhsa pitlohpa ama cha thei nawpa ta mohohpa he a chhuah chaipa a cha, a raihria he Khazohpa bie nata chhao a hmie kawpa a cha a tah hra.
Hawti hnatlana phapa a hneileipazy mohoh awpa he ama rai cha ta, hnatlana phapa ama hnei thei n'awpa ta nozy chhithana chhao ama rai a cha hra, a tah hra. He rai hriatuhpazy cha apiena nata palohru hmeiseih ta rai hria awpa ta bie a ta hra.
Kaladan Multi-Modal Transit Project chochah reihpa ta Minister cha ta Kaladan (Beino) chavata hmapa ta baly laihpa ta siepahliena nata sohdaohna pahy palah awpa a cha zie a reih.460MW pie thei awpa Power & Electricity Project chhao ryraona tao pathi haipa a cha.
NLUP chochah reih ta sipasa rietheipazy paduapapua nawpa a cha zie reita, yzie hnei kawpa ta hma ta, sawkha chhao a sosi kaw, chavata apara kawpa ta thlai rai theipa cha mah vei, a tah hra.
PHE department ta Siaha district chhoh su nanonanopa liata hma a lanazy chhao a palasapa hra. (Source: DIPR Mizoram).
ICDS chochah aki viapa ta a rei khohpazy chata ICDS info. - click here
-
|2010-02-04 01:10:23 MarapawEima rah hawtizy chata hmo peimawh kawpa a cha. Zahnia kha ta Mizoram khi hropazy liata chhao ICDS Project office-zy ama pahy holo hra. Aly achhih kaw.
-
|2010-02-04 07:53:24 emon_maraICDS a yh hawtu hapa vata, eima rah hati malu thipa zie he ama vaw hlu kaw ty, tah eisila eima tah chheitu nata pangiasa va na...Hati zy cha eima myla vawtlo awpa miah chhitu rona kawpa cha eita. chasala,athao no tawta hmopha ahnei/aty thei lei vata hmo rona kawpa cha tlo/atyh thei tyh vei ei, Nip in the bud ta ama vaw rao khai typa va acha. ICDS he ta hmo pha kawpa eima rah hati zy chata atlo khei hmeiseih nata ei hna beisei hmeiseih. Kei ei kho dah ta chhochhi la, he liata ahriatu awpa zy he MSW (Medical) nata MSW (Community development + working with child & family development) zy cha thei cheingei ei sala ei ta kaw.
Kaladan Multi-Modal Transit Project , he ahy to raita pahno khaipi ta chasala ahlu viapatala a positive impact ngala he eima pahno chyuh nata ei pangiasa. He project 460MW pe Beino lia khita kaw sa eisala Beino chheipa liata eima rah chyhsa apahrapa zy cha ama yna ama pasie cheingei awpa byuh ta khatai la zy e ama sie sualua va i!!...Government heta ama zydua ta a compensate khaithei va ma i...Chalei pachhaota polution ahlu awpa zie he kawpa cha ty nata tahma hla heta pasana hri chhao acharei hluvia hra aw, cha leipa chhaota hmo hropa achhiena lata mia tlo khei awpa hlupi ay....
.
.
. 
