SIAHA - Maraland Research Society (MRS) ta a pachhuapanohpa 'Rediscovering Mara History, Culture & Identity' tahpa biepipa hmapa ta Seminar peimawh kawpa cha hlaotloh kawpa ta Mararah khihpi Siaha liata hneihapa cha ta, ary liata palasapa he MRS Secretary tawhta report a cha. Marasawzy chata hmo peimawh kawpa cha ta, reih hra ma y.
Atohtaotheipa Khazohpa ngiachhiena nata chhithana vata Maraland Research Society seminar cha, tari 27th &28th January, 2010 @11:00 AM pata Forest Deptt. Hall, MADC liata hnei pa cha ta, hlao tloh ngâsa pata patlôpa a cha.
Daihti pathao n’awpa ta Puhpa M. Vabeiryureilai, Fin. Secy. MRS; JRF, Zoology, MZU, ta Abeipa la pavaosana daihti (Devotion) hnei ta, Khichhai laipa Puhpa S. Khipô, CEM, MADC ta Seminar pahyna a hnei. Khichhai laipa ta he Py avaw duapa he Marasawzy nata Mara rah châta ângiah zie nata hmasiena châta cha awhpa ta pasyuna bie reina a hnei.
MRS seminar cha Puhpa Dr K Robin, Secretary nata Puhpa Dr K Zôhra, Vice President, zy ta ama chhitha. He seminar he Thatibu nata TV-zy sie pahlie pa ta ahlao khopa mai châta hruana taopa a cha hra. Rev Dr Laiu Fachhai, President, MRS ta avaw duana chhapazy, Py ta achhuapazy, member châ theina dah zy nata py ta angiapa hropazy zawpi lata reina a hnei khai tawta, paper present-na ta pazao pa a cha.
Nohno (2days) chhô hmapa cha ta, day 1& day-2 ta pachhaipa a cha. Day-1liata râh nô-paw zahchhi kawpazy, mopakha phahnai ngiapazy, noto Thatibu editors-zy chhaota hmapa a cha. Ahlao thei pazy malu rohna hnei pa cha ta, member 80 hlei ta ahlao theipa roh pa a cha. Paper sâpangaw (5) hneipa a cha. Day-1daihti chha tawta Organizing Board member-zy, receptionists nata hruapazy chhaota Zala Pati South Gate Restaurant liata dôh khopa a cha.
Day-2 liata paper sâcharu (6) hneipa a cha hra. He noh liata rah nô-paw pazy hlei khô ta Puhpa Kunal, IAS, DC, chhao hmia hmô theipa a cha hra. Day-2 daihti hma khai tawta avaw hlaopa zydua châta Puhpa KH. Beihlô, Dy. Chairman, MADC ta Zalapati paha kawpa South Gate Restaurant liata mania pachhua-panoh pata, a chô liata MRS ta alynabie a reih. Seminar hlao patloh tuhpa Khichhai laipa, Puhpa S. Khipô, CEM, MADC, Puhpa Thaly T. Azyu, DCF, MADC, Siaha town chhô liata Thatibu Editors-zy, New Skylinks Vision, mopakha phahnai ngiapa zy, mararâh hmotaopa a cha pa pahnona vâta zy avaw hlaopa zy nata seminar hlao patlohtuhpa zydua chô liata alynabie eima reih hmeisei.
He nohno(2days) hmah chhô ta avaw hlaopa zydua châta Thopi paha kawpa nata nohchho pati MRS ta a pachhua-pano pah hra. Paper present theipa zydua châta Honorarium, Bag, Writing pad nata Pen- zy hlâpa ama cha. A zydua ta paper sâhrawhleikha (11) hneipa cha ta, Paper he Mâra reih, Mongyu reih (English) & Mâw reih (Mizo) ta hma pa a cha. Seminar paper zydua he a Bu ta papua awhpata pachhua-panoh nga haipa a cha. He ary liata palasa pazy he paper nata rei pahmao (discussed) pazy ama cha.
1. Biogaraphical sketch of selected mara chiefs/kings. Puhpa C Thahe, J.E., P&E, Siaha.
2. Future of Mara language: problems and prospects. Puhpa Hiphei, Ex. MP (RS).
3. Historiography. Puhpa Dr K Zohra, Vice President, MRS; Reader, Govt Siaha College, Siaha.
4. Hlichhy and Hly-ah: Hisrorical anaylysis. Puhpa S Hrachu, Translator, MADC, Siaha.
5. Mapping Maraland: Geographical boundary of Maraland. Puhpa PP Thawla, MLA, Mizoram.
6. Positive and negative impacts of the demonization of some of the mara traditional practices by Christianity. Puhpa Rev Dr M Zakonia, ECM, Siaha.
7. Resources: Bamboo. Puhpa Dr Bobby Beingachhi, Asst. Secy., MRS; Asst. Professor . PUC
8. Socio-religio matrix in the contemparory mara society. Puhpa Rev Dr Laiu Fachhai, President, MRS; Director, SIM- North East, Shillong.
9. The contribution of S. Mokia, towards mara history and literature. Puhpa Pachi Hlychho, Secretary, BSE, MADC, Siaha.
10. The relevance of traditional Mara marriage system in 21st century Maraland. Puhpa Dr Chawngkhuma Chawngthu, Reader, Govt Siaha College, Siaha.
11. Urbanization in Maraland: the making of Siaha Town. Puhpa Thasia T Azyu, Sr. Lecturer, Gov’t Saiha College, Siaha.
Daihti rypao tuapa chaipa liata seminar pachhua-panoh hei awhpa ta parysa pa a cha.
Atahma MRS ta enrolled member 20 hnei haipa cha ta, ahyrai member cha khopa maita khatinoh rai ta Rs. 50/- hlata chy via lei pa cha thei.
Sd/-
Secretary
Maraland Research Society
-
|2010-02-06 16:30:50 paw meih - Aly achhi kawHe hawta eima rah nopaw pazyta eima chipho chata ama vawpachhuapano pahe aly achhi hmeisei.Ama paper zyhe chabu ta ama vaw papua tita lahla paliata aypazy chata reithei hra awpa cha sala eima ly kaw aw. MRS he tha patlo chyu su vy.
-
|2010-02-08 04:36:14 Maraland Research societyMRS Logo ataopasuana liana heta entry sakha chhao dao-pa acha leipa vata, result he papua thaipa cha vei, nama pachathaina eima cha hia.
Maraland Research society
Hqrs:Siaha
-
|2010-02-08 08:15:17 NB.Sila - Aly achhihmeisei tlaina
He hawta Marapa hry ta eimâ Ngachha hmeiseipa nopawpa zy tlai ta patopatiapa eima Marapa Chipho pabosa theinawpa nata eima chipho cheicholo via nawpa Marasawzy Mopavâ nawpa ta Seminar ronah ngaitapa amaw hlao tlo thei nawpa vata tha eima ly khei hmeisei.
Atahma akaw thyu haipa Thyutlia viapazy chapi ta Eimanopaw naw tawta nama patopatiapa seminar heMarapa nata Keimo thyutliapazy ky hmasie na nata thatlo vianawpa chata Lathlopha miah nama pahypa hmeisei.
Hehaw tlai he ta Marapa he miah vaw chhitha lyma via chy ula, Mara sawzy hry ta Mara Culture, Tranditional nata Literature kypachana chihe eima chho liata arie khai hawbapa ta a cha khia ta chaMarapa ta akaw sie lainawpa Lathlo chhao he thlalohpa nata Phopipa ta asiepha lailyma aw tapa he beiseina ei hnei.
Avaw patopatia pha tupa,
Zachhipa;
Rev Dr Lai-u Fachhaizy, Dr K Robin zy nata chakaotupa zydua,
Paper Present achhuanoh tupa Nopawpa zydua,
Marapa thatlo via lyma awpa khopasana vata anathliepa zydua
Tha apatlotuhpa khizaw kaoki zydua hnota hnota ....
"For Our Land nata People" tapa Motto: ta avaw sie khei lyma haipa MSA, Centre vyupa ta alyna bie ei cha hla ei.
Nama kypacha chaipa Eima Rah nata Chipho he tlâparei lymâ maw sy.
Eima rah nata chipho kypachâna Lâthlo nama pachu haipa;
NB.Sila
Chief Editor
MSA, Centre,
Ygn.
-
|2010-02-08 10:41:45 ApeikawMRS nama raihriapa apha thlabao na ta, Logo competition ahlaopa ama y leipa cha apei kawna. Pahy heihpa nama chhuah ma? Athaipa eima y holo taraw, chasala a standard ahnaitu aw eima tah vata vaw submit awpa ta bahta eima ka achhie vata eima vaw submit leipa a cha. Vaw pahy via heih ula apha aw.. su hrola tawhta nama order vei khiah cha vaw pahy heih ula kho achhih kaw aw!
-
BT
-
|2010-02-09 05:28:10 AnonymousMRS logo kha adaiti papua pa liata sakha hmata dao leipa pita, chahrasala, akhopa chata Official lei pata pangia theipa chata, OB ta ary ta da haw ta rei thei pa acha hra.
JPG/Psd/Bitmat profile format ta he liata pangia theipa acha.
Veebee_mara@Yahoo.com
MRS: Hqrs, Siaha.
-
|2010-02-09 15:03:37 eMRS papers thokha zy vaw rei nata, a pha kaw sai.Lypa a cha ngasa. Eima pho chata hmo peimawhpa hmo hlupi a chupa chata, arona ngasa.A phakaw nota, ei palo y kawpa thokha zy cha: Rev. Laiu ta aropa pp.9 -10 liata achuna kyh liata eima hnaina chha lia khata, teachers nata politicians zy sai za bai ta.A do khai taraw pata, no nata paw zy heta ama saw nazy school liata ama chupa kho la ta ama O chyu lata ama mokhei ma? no nata pawzy ta responsibility ama hnei hra tahpa pahlao thei chhochhi sala a pha kaw nata ei pangiasa. Cha kho lata eipalo ta ei vaw vei kaw tyhpa Macha Hiphei ta Mara rei chochah liata a ropa, p.4 liata Mara reih a thachhahna chhah sakha cha literature liata eima hnai tupa he a cha. Literature he eima pho nata rah mania pabohsa tu awhpa a chapa vata eima hra awhpa a byu ngasa. Sawlakia zy he khaziama mawna zyta riapha kawpata Sarlamkai tahpa ta mania chhuh ama chhuah eima ta khia ta la, factor hro hlupi hry liata, a chhapa sakha cha written record phakawpa eima hneileipa va a cha pata ei pahno tyh.Eima rah nata pho he Khazohpa ta mania tlua papua hata, a pabosa raih deikua he keimo Mara cheingei heta eima tao awhpa Khazohpata mania a hnaw.
-
|2010-02-11 10:42:06 Mara satlia - pachana mia kha......Chabu arohpazy,articles rohpazy he apha ngaita...Puhpa Lai-u (vanoh paw) , napachana Mara chi nata pho chahta palo nahmana zy he reipachhiepa chaty hrasala, nakiapahlia eima y...Scholars-zy heta pachana posohpa hmapata ti nata rah taopa thi ama chhua laihra tapa rie navaw pahno awpata....acho liatapa "e-politicians nata teachers sai na baih..." vaw ta thla pa chi khaw....! chasala, Maraland Research Foundation chhitupa zy , chysa pitlohpa,athai sohpa nata palo kaw kawpazy amacha.
-
|2010-02-12 16:51:04 eRev. Laiu he reipachhie leipa nata, a paperzy he khahma reipachhie hra vana. Apha kaw nota no nata paw zy ta ama sawnazy chachuna kyh liata ama responsibility a vaw palah leipa kha a pei ei ta vata eivaw rei tlao a cha. Teachers nata politics nazy ngahlah ta responsibility hneileipa ei ta, no nata paw zydua chhao ta tha ama phia hra awhpa ei ta na a cha. I think you misunderstood me.No nata paw ta ama theina rakha ta ama mohopazy la ama chuna ngahlah chaleipa ta ama character chhao a pha via nata eipangiasa. There's no hard feeling here.
-
|2010-02-12 17:19:20 Ei SupportHi e, na reipa he ei cha support. Constructive kawpa ta critique taopa he hmopha kawpa a cha. Rev Dr. Laiu he scholar achana hawhta na comment liata na chhuahpa chhao he positive kawpa ta a nathlie thai cheingei hra aw. He hawhpa comment phahnaipa he chakhiacharieh kawpa ta eima tao tyhpa athohna chhao a cha. Keep it up!
- Na viasa, AW.
-
|2010-02-13 16:03:30 Beikhochhi - Articles post awh pata ahawna.To,
Maraland.net Administrator,
Ngiachhie pata Pupa Hiephei Articles rohpa kha Maraland.Net liata navaw post thei va tly ma? Author ta pasaina achapie thei khia la vaw post beila kho achhi kaw. Vaw reih nata apha ta kaw nata Mara saw net ahma thei pazy dua chhao ama rei hra awhpata eikho pasa kaw.Hnabeiseihna chota
Bekhochhie
Delhi
-
|2010-02-14 02:49:05 StaffDear Khochhi, na hawna he hlaopatloh awpa eima vaw chhuah aw. Eima cha ly.
-
|2010-02-14 16:09:25 Laiu FachhaiDear MRS a khokheituhpa zydua,
Nama khokheina nata hmahsie via nawpata pasyuna bie pha ngaitapa zydua vata ei cha ly ngaitakaw ei. MRS he eima pahao dyupa cha ta, chavata a pahahpa nata a daihti nata soh lata a pasai thei awpa mo chyhta ta eima pathao chy. Hmialata cha a lai via laih lyma aw. History, culture nata identity la chhah dei cha leipata science, etc la chhah chhah chhao research tao via laih lyma awpa eima chhuah. Chavata Marapasaw research a tao ngapa nata a vaw tao laih awpa zydua ta hmaohkha ta hria khoh khai awpata eima hrua khai.
Tawhla, article criticism piepa he hmo pha kawpa a cha, hmahsei viana a tlokhei awpa vata. Chavata "e" reipa chhao he a do kaw - no nata paw maohphaona kha vaw pahlao khao tlai va ta. Publish awpa liata cha vaw pahlao ei chhuah aw. Eima no, Vanoh no, nata keima pacha dah liata cha, eima sawchapawpa he kheihhawhpa siku lia rai ta kiah sa la, a pei tah hlei mapi. Achhapa cha, textbook liata a ypa zydua pathaisa khai awpa ta o liata tiama ta pachu lyma eima chhuahpa vata. Marapa no-paw hluhpi thokha deikua cha ama sawzy cha a pachu thei awpa duahmo liata a duah leipa ei ta, ama thaina ta a daih lei vata. Cha a phapapa ta ama rei lyma thei nawpa ta discipline a vaopa he ama tao thei chaipa cha ta, cha chhao cha no-paw thokha ta cha ama uasa lei vata a pei kaw.
We are just beginning, we have a long way to do. Let us all work together for the good of our beloved Maraland!
Vanoh Paw
-
|2010-02-14 16:31:40 eI appreciate and respect the Rev.Laiu's respond to my comment.And I am also grateful that more efforts will be given to include the diffrent concerns and responsibilities. MRS chata nama pie na nata hmalahna liata thyutliazy eima ly kaw tahpa ei vaw palahsa hra. Eima rah nata pho he Khazohpata mania chhi lai ta, a thaipa hlupi zyta MRS he ama vaw pazao lyma awh tahpa ei hnabeisei. Seminar liata nama paperzy kha a phakaw sai. Since it was the first time,it was only natural that there should be limitations and shortcomings. It would get better as it grows older. The fact is, they are good. God bless your hardwork. You have begun a good work and it is for the youth of the Mara to follow the good work done by our seniors. Eima chi nata pho, eima rah chata eima thaina nata talent, eima quality chyu thyu ei su u. God bless Maraland.
-
|2010-02-23 09:48:37 paw alyna - alynaHe hawta eima rah kyhpacha pata MRS apatopatiatuhpazy ,Aizawl base ta aypa achuhaipazy nata a eih-viapata Dr.K.Robi,Dr.Laiu fachhai nata Dr.Zohra zy cho liata keima pokha chhaota alyna bie reih awpa chhatia leipa ei hnei hmeisei hra.Khazohpata nama chakaona liata tha chapatlo via lyma ei se.
Tanoh Marahpata eima peimaw chai bapa hawta a cha pacha he hawpa taona ,Seminar ronah kawpazyhe acha hawba.Tanoh he hawta athai,aso,achuhaipazy hroh liata ahmaopakhyna achyhtuh hawpa vata eima likaw liata apahnothaina chi y thei khao leipata ,arah nata chipho thapasana chhao alei ta alei lymapa acha,
Chavata amozy ama patopatiaphana zawzi ta ei vaw palasah kho kawpa cha ,tanoh Marahpasaw achuhaipazy pita eima likaw liata awareness phapa eima hnei via thei lyma nawpa nata eimarah nata chipho thapasana eima hnei via lyma thei nawpata eima chuna suh/khih liana heta Student Seminar he hnei khai thei lyma sila,cha khai tawta arah chho lia chhao he Ko 1 ta ei kha he ahnei thei lyma heih sala,tahpahe amozy ama tao phana zawzi ta Uta,viasazy lata ei vaw palasah kho kaw hrapa acha.
Khazohpata nama patopatiaphana nata nama pie pasaina zydua he eima rahsawzydua thatlo via nawpa cha ta byhna pie maw sy.
alykheina chota,
pawhmotu
