Mizoram sawkha liata Cabinet Minister Puhpa S. Hiato cha officer hlupi ta zipa ta Mararah khih hluhpi chahry ta, Beino chavah liata project laipa siepahliena lalai (road) chhia nawpazy moh ta, Lomasu khih cha Myanmar (Burma) nata sohdaona liata khih peimawhpa a vaw cha ba awpa vata Tourist Lodge ma ru kawpa sa awpa acha vata asu zy a mohpa hra. Ary liata Zonet report he reih ma y. Mara reih la ta eima palie.
Cabinet Minister i/c Tourism, Industries & PHE, Gov't of Mizoram, Puhpa S. Hiato cha Pakhynoh (Wed.) 3/2/10 tawhta Pachynoh (Sat.) 6/2/10 taih kha India nata Myanmar (Burma) sohpaliena peimawhpa Kaladan Multi Modal Transit Project lalai (road) chhia nawpa nata Beino chavah liata baly pasiesa nawpa hmozy mopa ta Mararah Chho nata Notla khih hluhpizy a cha hry.
Khi a tly chhoh ta khi nanonanopa - Kaochao, New Laty, New Saikao, Vahia, Laki, Khopai, Zyhno, Bymari, Lomasu, Theiri, Theiva, Amobyu nata Zero zy tly ta, Lomasu liata Myanmar nata sohpalie khohna su awpa Tourist Lodge, phusa Rs.300,00,000 (Rs.300 lakhs) achha awpa cha asu a moh pasia hra.
PHE Minister achapapa Puhpa Hiato cha ta khi to liata ti ama niepa nata dopa pie awpa dahzy a mopasia kheipa heih hra.
Minister he Siaha Deputy Commissioner (DC) Puhpa Kunal, Tourism Director Puhpa Vabeiha Hlychho, PHE SE Puhpa H.C. Lalnunzira hleikhota PWD, Power, PHE nata Department hropa officer khazie leichama ama zi hra.
Central sawkha ta Mizoram chhola siepahliepa ta Kaladan Multi Modal Transit Project tao dah chhao mohpasia pa ta, rai ama hria nawpa chochah liata ryhraona chhao ama taopa hra.
(Maraland Tourist map liata Lomasu ala dah. He map he thlie lei awpa a cha (not to scale). Beino chavah hmapa ta sopaliena heta Mararah he a pakhaih ba hra awpa ta pangiasapa a cha. Lomasu liata Tourist Lodge ma ru kawpa he International standard ta sa awpa cha awta, foreign la tawhta sohdaopazy ama tlo nawpa su peimawhpa chhao a cha aw).
Note: English news ta a rei dah ta cha Lomasu he - the "site selected for the base of Border Trade between India and Myanmar" a tah. India nata Myanmar sopaliena liata Supipa ta Lomasu he hma awpa a cha. Chavata, he hawhpa Tourist Lodge ma rupa he cha awpa chhao a chapa alyu. Aly achhih hmeiseih.
Mara cha achu haipazy, he sopaliena thiehpa a vaw y awpa cha heta apatohpatia chyu hra ei si.
Related news in English - Samaw.com
-
|2010-02-09 11:30:43 Lomasu satlia - Ly achhi kawnaLypa acha hmeiseih. eima khih, kha hlata chysa mohnao pata y tyh chita, tahma deikua moto ta ama chanao ba aw. He hmo he Lowasu sawzy chata hmo ngiatlah chapa, vahneina nata khazoh byhna ronah kawpa acha. anodeikuala o hmo nata rah zy he zua chakhy leipa sila, eima zuapa chhaota marasaw lia cheingei zua thei sila apha kaw aw. h6 phapa hlupi vaw ngia awta, hmo phaleipa chhao avaw ngia hra aw, cha tita akhisawzy eima vai thai angiah ngaita. tawhta la, Lomasu hmia daiti cha pi kaw awpata ala ta, he daiti liata marasaw kaoto liata pahrapa zy baokhana nata deichhyna chhaota reiraoh kaw pata y chyu aw pata ei cha haw ei.
Lomasu satlia
-
|2010-02-09 17:16:07 AmenLomasu Satlia, na bie reipa he ado kawna. Mawna chhaota maniah mohnao pachai heih eita, atahma cha Mawpa paw pakhapaw chhohlana areipa "Chho la tawhta Khaihna a vaw pua aw" Mizoram liana heta a vaw tlo aw atahpa he Kaladan waterway project (Indo-Myanmar border trade) nata Kaladan Hydro-Project (460MW - Mizoram state liata alaichai awpa) zy he a cha ngyuna thokha ta ama tah. Lomasu byhna nama daona he ei chalykhei hmeiseih ei. Mararah moh phapha tuhpa vaw cha muh vy.
- Siasi Satlia
-
|2010-02-09 21:34:01 alyukyachikhizaw chysata chamohnaohrasala avaKzopata achatlyuawna.hmaituchaipazyhe hneachhaba awta hnechaipazyta hmai amasa baawna.chahawpahranachata keimo marachysazykzopahe myleiawpa abyu.chavata Ohmosakha eivawchaleihraaw,lomasulaita MTP GS.natanapachhuapamaei.
eichalyukaw.
sasaMD
-
|2010-02-10 16:00:49 Anonymous - Eu khokhei kawIndia nata Myanmar (Burma) sohpaliena peimawhpa Kaladan Multi Modal Transit Project lalai (road) he Lai District a cha hry khiah tala, he project he Marasaw chata phahnaitu aw vei. Mararah chhoh la tawhta lalai he tao cheingei thei ei sala ei khokhei kaw ei.
-
|2010-02-11 09:37:01 mara satliaLomasu Tourist - Cum- Commercial Hot Spot Project avaw y awpa cha aly achhi kawna. Acho liata Project Cost Rs.300 lakhs tapa khi, Rs.3000 lakhs tlao cha khia maw! Tao chheipa he chysa dah acha pavata..... Abeipa byhna nata khokheina eima dao vianga kawna, alypa acha hmeiseihna...
.
.
. 
http://mizoram-samrakshan.blogspot.com/2009/09/mizoram-report-mizo-kum -2008-2009.html