Maraland.NET - The Home of Mara people on the Internet

Noh thoh aryu awpa District Handloom Fair, MAHCO (Mizoram Apex Handloom and Handicraft Cooperative Society Ltd.) nata Development Commissioner for Handlooms, Ministry of Textiles, Gov't of India apakaohpa ta ama pachhuapanoha cha Hriaheihnoh zala dawh 1 pa khata Siaha D.C.'s Conference Hall liata Addl. D.C. Puhpa Thangchem Zathang ta a pahy.

(Puhpa John Saikhuma, Gen. Manager, DIC, Siaha ta Fair a chhihtha).

Pahyna apakhyna he Puhpa John Saikhuma, Gen. Manager, DIC, Siaha ta chhitha ta, MAHCO Manager Puhpa K. Rothawmliana ta Handloom Fair he Siaha liata a ei 5-na ama hneina a cha zie reih ta, MAHCO ry liata member 200 ama y haipa ta a palasa ta, he Fair liana heta chyhsa 22 ahlaopa ta ama hry liata Handicrafts pakha nata Pickle ataotuhpa pakha ama hlao thei hra tahpa a reihpa hra.

(Photo - District Handloom Fair, Siaha, zawpi ahlaopazy).

Khichhai Laipa Puhpa Thangchem Zathang chata ko 1977 liata a dua thaohba no tawhta MAHCO cha thata a hmahsie hapa zie reih ta, ary liata soh chhao phusa thy sahkhah atloh hapa ta a reih. Ama hriapasana vata atobina eima hnei pha kawbapazy reih ta, ama hlaotlohna zawh eima zi haipa ta a reih.

Siaha liata Fair pachhuapanoh theipa cha aly zie reih ta, ama sie lyma nawpa liata hlaotlohna ama to pazao lyma awpa ta a khokheina a hlapa hra ei.

(Puhpa Thangchem Zathang, Addl. Deputy Commissioner bie a reinopa. Photo of DIPR Mizoram).

Note: DIPR Mizo tawhta Mara reih la ta Maraland.net ta eima paliepa a cha. Nohthlah chhopasianazy he adovei khiah maniah chhothei ula eima ly kaw aw.

• Add New
• Search

Comments (0)

Write comment

Your Contact Details:

Name:

Email: do not notifynotify

Comment:

Title:

UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge

Message:

Security

Please input the anti-spam code that you can read in the image.

Powered by !JoomlaComment 4.0 beta2