SIAHA - He ary liata news-zy he eima rah liata thatih hnochaipa thokhazy eima la pakhypa a cha. Ahluhvia he Moonlight newspaper tawht apaliepa a cha. Ahneina pathaipazy, music album thiehpa, vaduana, Tourist lodge khih 5 liata a y awpazy, Hydel project thatih update zy a cha. Reih hra ma y.
(Photo: Eima rah khihpi Siaha vaih thokha - Bazar nata Siaha Vaihpi zy. ECM Local Church Vaihpi Achhyna O alahah kaw. Photo courtesy: Saiha Herald and Multiply.com).
Ahneina Pathaihpa:
Satlia Lallungmuana Hrahu nata Laihsa Lynn H. Ngohei, Mara chanozy hry liata M.Th eima hneipazy cha Pakhynoh (Wed) February 10 pa khata New Colony Achhyna O liata ahneina pathaihpa ta ama hnei haw. Alykheituhpa ama hluh kawpa ta biedaopa a cha. Maraland.net ta eima lykhei hmeiseih hra.
John Beizachhi Phuto Hla Collection pachhuapanoh hai:
Atahma hla he Fine Tune Studio, Siaha liata Hlasathaipa Puhpa John Beizachhi Phuto hlazy collection cha pachhuapanoh haipa a cha. fan-zy ta ama ngiatiah lei kaw.
Puhpa K. Chala (Mister) maniah a paha sai:
Puhpa K. Chala, Mister tahpa ta aw tyhpa cha Hmypi (Feb.) 8, 2010 pa khata Council Vaih Thlasu liata meikapa ta a ri ahuapa a cha.
Hmypi 7 pa khata Council Vaih thlasu kiahpa rachhoh he meika ta, he meikapa he pasa kaw leipa a pachhaina liata aka sao tlamawpa a chapa ta pangiasapa a cha. Maraland.net ta machhie asapazy eima taokhei hmeiseih.
Lomasu hleikho ta khih 5 zy Tourist Lodge sanction haw:
Puhpa S. Hiato, Cabinet Minister i/c Tourism, PHE & Industries zawzi ta Lomasu Tourist Lodge hleikho ta Phura, Saikao, Zyhno nata No-aotlah liazy Tourist Lodge-zy sa awpa ta sawkha ta sanction a papua khai haw. Aly achhih hmeiseih.
Tipa, Zyhno, etc zy Greater Water Supply Hnei hra aw:
PHE portfolio apatupa a chana hawhta Tipa, Zyhno nata khih thokha chhao Greater Water Supply Scheme pha kawpa ama hnei thei nawpa ta hmala haipa a cha tahpa bie eima dao hra. Eima vaw palasa chiehpa hawhta Chhaolo Greater Water Supply Scheme cha sanction hapa a cha hra.
Tipa Hydel Project Upgrade aw:
Tipa 'Haosaino' Hydel Project cha 5 MW pie thei awpa ta pitloh viapa ta tao awpa achapa ta Minister heta a reih.
Beino Hydel Project Update:
Tawhta, Kolodyne Hydel Project 460 MW apie papua thei awpa deikua cha plan taopa suh ah leina vata taopathi haipa cha ta, central sawkha la tawhta ha haipa chata, thlai pathao ba awpa a cha tahpa ta reih ta, zawpizy cha MADC sawkha. Mizoram sawkha nata Central liata Congress sawkhana sai a cha vata tha eima patlo awpa deikua a peimawh tahpa ta reih ta, cha cha eima ly veichahna a cha hra aw a tah.
-
|2010-02-12 08:11:03 sadu thliena!siaha he vaihto chyu ta o choh roh a lyu ta hnia khai haw sila, a ngia kaw awh ei pangiasa, a unique kaw nata eipangiasa...
