BANGALORE - Board/Senate of Serampore chata Serampore College/University ry liata BD (Bachelor of Divinity) cha Graduate - BA tlyma akhopa degree ahneipazy chata achu apasai tyhpa cha, ko 2010 tawhta Plus 2 (Class 12) nata PUC a passed pazy chata achupasaina lapi a pahy haw.
(Rev. Dr. Lalchhuanliana, D.D. adao thiehpa, centre, nata Rev. Dr. Lalchungnunga, (Ph.D, JNU) Principal, Serampore College/University, right nata Orthodox Christian priest zy)
Atako Senate meeting peimawh kawpa hneina liata Class 12 or PUC a passed pazy chata BD he admission la thei ba aw ei ta, ko 5 ta ama patlo thei aw. Graduate pazy ta ko 3 ta ama chu tyhpa cha ko 4 la ta a tao ha hra.
Degree thiehpa B.Miss (Bachelor of Missiology) chhao curriculum nata syllabus zy pachhuapanohpa a cha khaohta achuna pahy pathao awpa ama chhuah hra.
Senate ry liata doctoral studies peimawh kawpa a mohohtuhpa South East Asia Theological Research Insitute (SATHRI) Bangalore liata a ypa cha Serampore College, West Bengal la ta pasie awpa ta tah hrapa a cha.
He thatih he Serampore College/University Convocation 2010, Bangalore liata February thla thaona liata hneina liata phuahpa a cha.
He convocation he United Theological College (UTC) liata hneipa cha ta, he liana heta Mara saw hry liata a zahlao theipa cha Satlia Siatha Solo, BD a patlopa a cha.
Mizoram tawhta chyhsa varo a zahlao ei ta, Rev. Lalchhuanliana cha Doctor of Divinity (DD) pano adaopazy liata a hlao. Rev. Dr. Lalchhuanliana he Presbyterian Church of Mizoram liata Church historian nopawpa a cha.
Mizoram state tawhta D.D. degree avaw dao chiehpazy cha:
Presbyterian Kohhran tawhta 6 dei ama cha chy, chazy cha: Rev. Dr. Zairema, Rev. Dr. Lalngurauva Ralte, Rev. Dr. Lalsawma, Rev. Dr. C.Pazawna, Dr. Khuanga zy ama cha. Mizoram Baptist Awnanopa tawhta 2 – Rev. Dr. H.S.Luaia, Rev.Dr. K.Thanchungnunga dei cha ei ta, Mara Awnanopa tawhta Rev. Dr. T. Laikai chhaota Mizoram state tawh heta 9 dei ama cha chy.
Senate of Serampore ry liata Doctor of Divinity he dissertation/thesis ropa ta piepa chaleipa ta, chalei theipa cha hra vei. Senate/Board ta Awnanopazy chata phahnai angiah patluapa nata peimawhpa atahpazy a vaw pie tyh, he doctorate degree he soh hmeiseih ta, achuta a chu papua thai lei awpa degree zachhih kawpa a cha.
Serampore College/University thatih chyupa:
Serampore College (University) he Serampore khih, Hooghly District, West Bengal liata y ta, Kolkata (Calcutta) tawhta ahla leipa liata a ypa a cha.
Serampore University he missionaries - Joshua Marshman, William Carey and William Ward (the Serampore trio), zy ta ko 1818 pa ta ama hmopapuapa (founded) nata paduapa a cha.
Serampore affiliate pa he college 54* y hai ei ta, atako ta D.Th, D.Min, M.Th, B.D, nata B.Th degree apalazy cha 689 pha ei ta, Bachelor of Christian Studies (BCS) 339 la ei ta, Diploma certificate alatuhpa 63 ama pha hra.
Py 12 a passed pazy chata B.D. direct admission ama hmo thei ba awpa he aly achhih hmeiseih. (Source: MizoramSynod.org)
-
|2010-05-26 11:21:37 marama - can apply Bth after passing Class XIII was passed class XII in the last two year a wooulk like to studied Bth or BD. In our collage do you have Bth session. If you have i like to know how to apply and how to registered in yurs collage.. I'll waiting your reply in may Email.
.
.
. 
warm Greetings from Varghese,Bangalore.
This is your kind notice that i have completed my Batchlor Degree and looking forwad Theological Studies i,e. BD. I want to know how to take admission in your college. please guide me. i hope u do the needful.
I am eagerly waiting for your response.
Thanking you,
varghese P
Bangalore