Maraland.NET - The Home of Mara people on the Internet

Lyuva Ku thla eima hma thei heih awpa aly a chhih hmeiseih.

Organising Committee na cho la liata eily hmeiseih, Abeipa ta tha chapatlosa ei se.Apha kawpa nata apala ngaita pata nama hma thei nawp pa he ei khokheina a cha.

Puhpa Khaihra Chozah (L) Daiti nona khata thata ei vaw hma ha hra, kha khata tanoh taihta ei hro liata Mara na he paithai khao vei...he daiti he ngiatlah ahy zy chatama cha a cha cheingei hra nata ei pangiasa..

Population nata Geohraphically ta chy kaw hra ei sila Marasaw, Maraland tahpa eima vaw cha thlapa nata he hawta Festival zy vaw hnei pita identity pha kawpa zy eima vaw hnei thla lai lah hra na dah zy hi.. arohnah na, apha kaw tlaina..Aly achhi hra tla ma aw... Phatata pacha sili laih tua hma u...

LYUVA KHUTLA FESTIVAL CELEBRATION-2010

Hma hei awpa ta MADC liata nopawpazy ta ama vaw patohtia heipa alyhpa a cha hmeiseih. Chief Guest, Comperes nata Recorders zy he ta 'Lyuva Khutla Festivel' he alypa nata ronah theina hawhta maniah chhihtha cheingei aw tahpa chhao eima hnabeiseih.

Anodeikua, tovyu hropazy mopa ta palohtlah achhi thai vei. Marasawzy eima po o pakaw dah he ado kawpa ta pahno vana! Mizopazy ta 'Chapchar Kut', 'Thal Favang Kut' liazy ta Marasaw tovyu phapa maniah ama piepa pahno ba va na! Sawlakia awpa tlyma, athi la lah awpa tlyma, Mara la hropazy chhao rai la awpa ta hruapa cha bei ma pi! Keimo Marapazy deikua Tlaikaopa nata Lai chyhsa eima chipa vata Marapazy ta eima palypa-uasana ronah chaipa noh liata Marasaw su hla viapa nata khih chaki viapa lata pahrapazy aheihsaipa ta Tlaikaopa nata Laipa zy cha tovyu pha kawpa reichhyhpa ama cha ha heih ba he zaw!

Tawhta, 'Hlichhy la' he Zyhno khih tawhta avaw thaopa cha ta, a thei khiata la Zyhno MTP zy ta la hri ei sala a pha aw. Zyhno MTP zy he Marapa rah chhoh liata MTP Branch lai kawpa sakha ama cha hra tahpa he nopawpazy ta pahno hra ei sala.

'Sawlakia' chhao he athei khiata la Chapi or Chakhei MTP Branch zy tovyu pie hripa cha sala pha aw. Mara History mopa ta Sawlakia he 'Chapi-Ngiaphia' chyhsazy ta ama pathao tuapa a cha. Tahma ta MTP Hqrs: Siaha Cultural troupe zy ta 'Sawlakia' ama la tyhpa he 'Sawlakia' la dah dopa cha vei. Tlaikaopazy ta 'Solakia' ama tahpa nata ahnia kawpa a cha. Chavata, Mara Festival hmahna daihti liata cha Mara la dah dopa la theipa chasala pha aw. Myla hano taihta tahma ta hmo eima taopa he yzie a hnei awpa a cha.

Marapazy pita 'Khuallam' nata 'Chawnglai zawn' la he hnei leipa pi ta, khichhaipa lazy tlai ta Marapazy palypa-uasana liata ama vaw la nga hrawpa he pha vei. He hawhpazy he 'adisaona' chikha a cha hra tahpa pahno awpa a cha. Khichhaipazy tobyu khokheipa hlacha Keimo Marasaw, eima unawhpa, khichha la (Myanmar) lata ypazy khi hruapa cha hra sila pha via syulyu aw. Marapazy chata apohkhana nata kyhpachana dopa athaona chhao a cha hri aw.

Hmo chyhpa ta heta hmo laipa pi tlokhei thei tahpa pahno a daih haw. Marapa laso nata hlao aozy cha Marapa ta mohoh sala, khacha kohki ha sala pha hri vei ma?

Mara Thapasatuhpa

Dear mara cowboy,

Mara chata thapasana hnei chi ta, Maw(mizo)na welcome tu chi tapa eiphno naita lynabie ei charei hmeseih... Hmiala daihti liata Rah chata na theina nata na sona zy kha na vaw hma lyma awpa ta ei cha hla... Liberalism is an instrument of Self destruction for this vulnerable community like MARAs...

Hi JK,
Na vaw pahno lei tlamaw khia ...Lyuva Ku thla cha lei pata, Lyuva Khutla tlao a cha....kei chhao na vaw rohna dah he a doh via hawta vaw pacha tyh nata, ei hiahri pasiana liata eina chhona dah ta cha, lyuva khutla he a y zie cha lyuva khu ama patla khai tawhta hma tyhpa chata Ku (festival) hlata cha Khutla (completely done) he a dyh via.

Comment zy vaw rieh na ta, novah achhih kaw... comment piepazy he a phahnai hmeiseih, a hnohchaipa ta "Khutla" tahpa a chhopasiana chhochhi he la ei ly hmeiseih... eima pahnopa adoviapazy comment liata so lyma tyh suh vy.. eima thokhei kaw tyh la y... ei ly kawna...

Na pado aw......Namoh pahnotheipa cha leipa deikua lohia a chhi kaw.

Keima mopakha pachada ta ei vaw ropa a cha, cha hawta vaw sincerer vei kha maw a key word or root meaning liata...eitao chhei thei hra... alypa cha kaw...

JK Chozah, Lyuva Khutla chhopasia tuhpa Ivory Solo ei cha
Na vaw ngiah lei va cha thei ta, he he zako noh chhao thata comments liata a eihna a y tahna ei pahno Chavata he a vaw reihtupa zydua ta ama vaw pahno awhpa ta ei khokhei vata ei vaw chhopasia khawmaw!

Pachana hlata na sincere via...lypa cha kaw...!!!

*Tlyliah* tahpa he playground cha ta a hmah thei tlaima i?. Hlano mano mapaw zy vaw hmadah acha tlai vama i?. Marareih dopa ma a cha ha va tly ? hei ha......

'Tlyliah' he hlano mano-mapaw chha liata palyuna supipa khih beizy o tlyhmia liata a y tyh... khisaw ta he 'Tlyliah' khibeipa tlyhmia liata a ypa he o ama sa dah chhao ama chado tyh. Tlyliah he khih kha pahlypa ta hmotaona kyh liata ama hma chai tyhpa vaw cha ta, la nawpazy, ataopasuana, apalysana, etc, zydua he 'Tlyliah' liata ama tao tyh. He he keima pahno dah a cha, a pahnoviapa nama y khiah vaw rei hra tua rai u..

Eima chhithatuhpazy ta Lyuva Khutla hma he awpa ta ama vaw pachhuahpanoh pa he la a pha ngasa. Chahrasala, achô lia daihti rain lia khi MARAPA ta la eima hneipa chi 6 ngala pahlao thei a cha!! Hmiakhupati lâ tai chhao ta palao thei khao leipa chata, he deikua la eima pahlao cheingeoi awpa a cha. A La thaipa ama y cheingei aw tahpa ei hnabeisei.

Lyuva Kutla


Marapazy pi ta nôpaw daihti nota kôkha chhôh ta ‘Cha-ypi’ ama vaw hmâh tyhpa he ei palih a châ. Chazy cha: 1. Pakhupi O dôhpa. 2. Khohna Kiah. 3. Lâlia Chhiah. 4. Pazita- zy a châ.



“Pakhupi O dôhpa” he eima nôpaw daihti nota ‘Cha-ypi’ ama hneipa hry liata peimawh chaipa sâkha châ ta, “Lyuva Khutla” ama vaw ta tyhpa he a châ. “Pakhupi O dôh” zy chhao ama vaw tah tyh hra. Atlâhpipa ta ‘chavâ-nopi daihti- Pami (March)’ liata hmâh tyhpa a châ. Lyuva khai ei ta, lyu rao hei hlâta hmâ tyhpa a châ. Marapa satlia laihsazy ta amâ palypa-uasana daihti pha chaipa châ ta, azozâ khidei ta hlazy sapa ta ama lâh tyh. He daihti liata ama lâ tyhpa he “Pakhupi tlâ” or “Pakhupi Lâ” ama vaw ta tyh.



Marapazy pi he eima nôpaw daihti no tawhta tlâh lyu taopa chi châ pi ta, kô kha chhôh zydua he lyu taona liata ama daihti hluh via cha ama hmâh tyh. Atlâhpipa ta Marapazy ta cha Nawh – Hmypi chhôh he lyuvana daihti châta ama hmâh tyh. Pachawh thla liata lyu he rao tyh ei ta, chapu sa awpa ta lyu lâ amâ vaw rie pathaona daihti chhao a châ hra. Patôh tawhta sâh chi ama vaw tu tyh. Atlâhpipa ta Phiapi-Di liata sâh hria daihti a châ tyh. Sawpâ (Chapi-Ngiaphia reih - Fawpâ) phao daihti nota paw thokhazy ta cha ama lyu hmo awpazy ama vaw mo pathao ha heih tyh. Chatanachata, sawpâzy ama phao khai tawhta Odypa paw nata satlia nazy cha lyuva ama vaw pathao pakhua hei. Hmypi liata lyu vah he ama pachhâ khai ha tyh.



Atlâhpipa ta Di thla liata Khih beipa nata khih nôpawpazy ta ama kôkha chhôh lyu tlana awpa râh reihpahmaohna ama vaw hnei tyh. Ama lyutla awpa râh ama pasia khai tawhta khizawzy hnota pahnosa tyh. Chatanachata, Ody tota ama lyu hmo awpa cha amâ vaw mo chyu tyh. Marapazy pi he nôpaw daihti liata cha lyu taohna kyh liata atheina chi nanopazy ama vaw hnei hôlô. Lyuva daihti chhôh he atlâhpipa ta atheina he ei thôh ama hmâh tyh. Chazy cha: 1. Lyu Pama. 2. Rialochhi Panana nata 3. Aoh zy a châ. Ody tota lyu ama va chhôh he sahma avaw tao chyu ei ta, Lyuva khai tawhta khih chhôh liata ahnei viapa O âchhaipa ta sukha liata sahma he ama vaw do kho tyh. O amâ chhaipa nazy ta ama Vaothaw hneipa cha sahma niedo pakhypazy châ heta ama vaw thiepa tyh. Satlia laihsa nazy cha sahmazy do ei ta, hla sana chôta Pakhupi lâ ama vaw lâh tyh. He hawhta daihti ama hmâhpa he “Kutla” ama vaw ta tyhpa he a châ. No-noh noh thôh chhôhzy ta ama vaw niedo pazao tyh. A yzie cha Lyuva khai ei ta, lyu rao daihti châ mâh tlô leipa ta, raihriapa ama hnei leina daihti, ama raitly daihti a châ vâta khizawzy ta apalypa-uasana daihti châta ama vaw hmâh tyhpa a châ vâta “Lyuva Khutla” ama vaw tah tyhpa a châ.



He hawhna heta thokhazy ta cha ama vaw reih tyh hra. Hmypi- Pami chhôh he Marapazy châta cha ama raitlyh daihti pha chaipa a châ. Chapaw nazy ta lyuva khai ha ei ta, lyu ama rao daihti a châ mâh leipa vâta râh âkhiepa ta ama puana daihti pha chaipa chhao a châ. Chanôzy chhao lyu raihria ama patho mâh leipa vâta thozy phao ei ta, palazy ama vaw so tyh hra. Chapaw sa ka theipa nata kuhria a tao thaipa maihzy cha lyurâh lâ zâthôh – zâpali zy tai chhao ta â rie thei awpa ta ama pua tyh. Cha liata sa laipa ama kapa tlymâ, pa-aopa tlymâ cha ama khih liata ‘Sei’ nata ‘Vao’ ta a ia thei awpa o liata ama vaw tlôkhei tyh. Chapaw râhkhiepazy ama vaw tlô noh he khihchhôh liata ypa hawti machâ ta ama dy tyh. Râhkhiepazy heta sa laipa ama phao khiata cha ‘hawka’ amâ ngia awpa chy tawhta ‘Hladyuh pathlua’ lymâpa ta o ama tlô tyh. Râhkhiepazy ama tlô zâ he sahma thata bao ei ta, khihzy chhao ama padei tyh. Amylâpa ta sei nata vao zy thiepa ta, satlia laihsazy ta “Pakhupi Lâ” he ama vaw lâh tyh hra tahpa a châ.



Ama raitly daihti a châ vâta satlia laihsa nazy châta ama palypa- uasana daihti pha chaipa châ ta, kô charei ta ama vaw tao tyhpa hawhta Pami thla ama tlô heih awpa cha angiahtiah lei kawpa ta ama hady tyh. He daihti he “Chiahchi” nata “Âvyu” pawh lochona daihti chhao a châ tyh hra. A noh a vaw tlô nata cha Satlia laihsazy cha lâna chôta ama khih liata a hnei viapa O cha ama dôh tyh. He hawhta satlia laihsazy ta O ama dôhpa O hneituhpazy ta ‘Vaothawpa’ (he hawhpa daihti liata ‘Vaothawpa’ ama thiehpa he nôpaw daihti liata ‘Sakhia’ ama vaw ta tyh hra) ama hneipa cha ama khih liata satlia laihsa nazy châta thiepa ei ta, anoh yta sa nata lao atôpa ta sahmazy bao ei ta, hlasana chôta chanô nata chapaw a i-âhpa ta “Pakhupi lâ” he ama vaw lâh tyh. Cha hawhna chata Ody hropa, Vaothawpa ahneipa Olâ cha amâ pasie laih tyh hra.


“Pakhupi lâ” ama lâhna dâh cha he hawhta a châ. Chanô nata chapaw a-i-âhpa ta ama zydua cha achaku chyu ei ta, a padôhpa ta ama lâh tyh. A liah liata khoh tôhtuhpazy y ei ta, hla sana chôta satlia laihsazy cha ama pakhu chhi lymâna chôta a zy zyhta ta amâ chanei lymâ tyh. Pakhupi lâ ama lâh daihti liata hla ama sapa NE. Perry châbu rohpa “The Lakhers” tahpa liata palâsapa cha he hawhta a châ:


Mara Reih: Lôhmao saita la tlâh I tlâh,
Raisâh valâ zohna khoh vei.

English Version: It is very pleasant all dancing together in a ring.
We do not want to go to work.

Mara Reih: Satliapa la hao moh bao u la,
Pahmô litoh ta a toh.

English Version: Watch the way the young man is dancing,
It is like the flight of an eagle.



Satlia laihsa dei châ leipa ta khisawzy ta ama ly chaina nata thapha chaina daihti hawhta a châpa vâta a châh tacha noh charu noh sari taihzy chhao ama vaw hmâ tyhpa hawhta reihpa a châ. A yzie cha “Pakhupi Tla” he noh taihpa y hlei leipa ta, khizawzy ama pahâh kheina nata pha tahna hawhta ama vaw hmâh tyhpa a cha ngyu aw.


"Lyuva Khutla" châna hawhta Pakhupi lâ or Pakhupi Odôhpa he Hladyuh khai tawhta khita pazipa thei sala pha kawpa a châ.


Mama Chozah