SIAHA - Pati chhohpa niepasina vata College Vaih, Siaha liata hawti pakha a hrona a lei haw. Vadua achhih hmeiseih.
Hmyhpi (Feb.26) pa khata College Vaih, Siaha liata apahra haipa Pihno Esili, Ko 38-pa nata achhokha zy cha zala pati ama nie khai tawhta arei leipa liata ama zydua ta ama pavyh(py) apasa pata apahno chyu ei ta; chahrasala, he za he ta amô thei thlaha ei ta, myla my deikua ahy hmata thyuta beichho awpa chhao thei tla khao leipa ta ama y.
He noh zala liata ama unawh(saw) liata a hawti chaipa Thangveli, Ko 8 pacha a paha haw.
He khai pataw nata Pihno Esili nata asawnaw hropa Beirakhai, Delili, Ko 17 nata Beiryurei, Ko 12 pazy cha Siaha Civil Hospital lata thlai arakheipa cha eita, Hospital liata admit pa ama cha. Amo he cha ama serious khaoleipa ta pahnopa ama cha.
He py pasana he amo chhokha ta ama bai chaipa cha zala pati liata ahmie chata ama niepazy Ahra, Cha-Aw (parkia roxburghii), Dal, Bia nata Tomato-zy vata na tah ei ta; he he ochhoh hluhpi ta ama nie tyhpa a cha taraw.
Siaha Civil hospital official-zy deikua ta ama niepasipa hawhta ama pachapa deikua cha hlacha-ao(banana flower) nata tipiveithu (acacia pennata) chhopahlaopa, achhohpa, zahnia la liata ama chhochiehpa achhohpa, mei liata pasah leipa ta nata patlao pakhua leipa ta ama nie vata he hawhta vaduana he ama tyhpa hawhta ama reih.
Ahmie nata tihahzy pasah/patlao tua leipa ta nielei awpa he pati niepasipa tlamawna (nata food poisoning) tawhta avaina pha kawpa a cha.
Pihno Esili nata a chhokhazy Maraland.net ta eima taokhei hmeiseih. Pihno Esili nata a chhokhazy eima thlahchhana liata kha a thei suh vy.
Sources: Saiha Herald (Mara) nata Sawlakia.com (English)
-
|2010-03-03 17:51:59 Cha ryraoh na pahnothai ru rimCha chysah hrona adadieh rima bao chala aw!!Taothai aruh kaw dua maw ?Chahra sala eima hro nahe keimo ei chatlolei kha ta,cho lata taotupa Paw ta ary ata pa tlao cha mawsy...Ano deikua vaduahna aty vei na chhokha cha heta khacha eima thlachha nalia a theichyu ei su vy?Cho lata bao tupa Paw khazo pa ta ama hmiala ta amasie lymah nawpa kao toti liata byhna pie eisa la tha patlo lyma maw ei sy.
Fm. Bangalore
.
.
. 
Vaduana cha moto(chyhsa to) cholia ta atlo awpa cha ha tlo ta,
He vaduana adaihti lei kawpa ta atlopa he apei ei ta hmeiseih!
Ei taokhei kaw ei.
Abeipa thlalona rie chhokhazy hnota tlo maw sy!
Thotla Satlia