Maraland.NET - The Home of Mara people on the Internet

AIZAWL - India rah sawkhana a siekhei ngahaipa United Progressive Alliance (UPA) liata Chairperson Pihno Sonia Gandhi cha Pachyhnoh, 6th March he ta Aizawl la a khy awta Mizoram state liata stadium pitlohpa eima hneitua chai awpa cha a pathaona Lo a bo ba aw.

(Photo: Pihno Sonia Gandhi nothlahpa)

Pihno Gandhi he Puhpa Rajiv Gandhi, ano vahpa mohta biepa Rajiv Gandhi Stadium nata Sports Complex lobo awpa ta akhy awpa a cha. He vana heta  Puhpa S. Khipo, CEM, MADC nata Puhpa K. Hrahmo, EM Edn. zy chhao Aizawl la ama sie haw hra.

Mizoram Youth Affairs and Sports Minister Puhpa Zodintluanga ta thatih lapakhypazy a chho dah ta, he stadium he Mizoram state liata stadium pitlohpa eima hnei tuachai awpa a cha a tah. He he pahnona chota Puhpa Rajiv kha Mizo National Front (MNF) nata adyryna (peace) accord aroh kheituhpa achana hawhta Mizoram state he amo chhokha la tawh chhaota ngiatlah a cha kawpa cha ta, ano vahpa mohta stadium ama biepa he aly kawpa ta pahnopa a cha hra.

He Stadium pitlohpa he Mualpui Ground, Aizawl tawhta ahla leipa liata chhia pathao haipa a cha. Mualpui Ground yna he 3rd battalion of the Mizoram Armed Police (MAP) headquarters yna su liata a cha.

12th Finance Commission ta Rs. 25 crore phusa a pie khaohta state sawkha ta he Stadium project he a vaw pathao theipa a cha, tahpa ta Sports Minister ta a reih hra.

Pihno Sonia he Mizoram hleikho ta Meghalaya nata Assam zy 5th March he ta tly awta, he Mizoram a kaw ngia noh lilaw he ta Delhi la a lie pakhua heih awpa ta bie daopa a cha hra.

Related news:

• Photos: Mualpui Stadium eima hnola ta ama chhia hainopa Nothlapa thokha - Misual.com
• Sonia Gandhi to lay foundation stone of Rajiv Gandhi Stadium in Aizawl
• Sonia Gandhi to visit Northeast India
• Pihno Sonia Gandhi Aizawl lia - Mizo - DIPR Mizoram

• Add New
• Search

Comments (0)

Write comment

Your Contact Details:

Name:

Email: do not notifynotify

Comment:

Title:

UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge

Message:

Security

Please input the anti-spam code that you can read in the image.

Powered by !JoomlaComment 4.0 beta2