SIAHA, Pami (March) 5 - Atanoh my 10:30am, Siaha Tlyliah(Ditrict Playground) liata Mara rah liata Ku lai chaipa Lyuva Khutla,2010 cha ahma pa a cha. Lyuva Khutla,2010 Khichhai Laipa chata Puhpa Hiphei, Ex.MP(RS) cha ta. Khichhai Laipa ta chi nata pho pabohsana liata eima chi nata pho ta ahneipa hla, bie nata la zy he eima pabohsa awpa he a peimawh kaw, culture alei khia ta cha, chi chhao a leipa ha tahna a cha. Chavata eima rah, chi nata pho laiseihna liata Politician zy maophyuna ngalah cha leipa ta zawpi zydua ta eima tyuvyu nata mao phyunei a kho/ lyu khai tahpa zawpi hneota bie tana a hnei.
He daihti ahmana liana heta Maraland Idol,2009 nata Mara rah hlasa thaipa hlupi zy ta daihti amah ma khei. Sikul sacharu ta Parade pha ngasa pa palasa thei ei ta. Lorrain English School, Siaha hawti zyta Custom Parade angia ngasapa pamosana ama hnei hra.
Maraland Idol ,2009 - Laihsa Sohnei Zawhly hlasa nopa.
East Maraland tawhta Lelaipi khih mo chhao Lyuva Khutla,2010 ahma pata za tlo thei eita, Marapa la chinanopa zy pamosana ama hnei hra. Hla ama pamosapa zy hry liata Azy(monkey) la ama lapa zawpi paloh a la kaw.
Azy la, Lelaipi MTP zy ama pamosa nopa.
He Ku daihti ahmana liana heta Siaha District chhoh liata ta Chysa Pasaihpha patho zy;
- Ls.P.Judy,D/o. P.Zyusa, New Laty( January,2009,Beino chava liata chysa 4 ti atlapa hry ta chysa 2 apachha tuhpa)
- Ls. Irine Obeni Chozah, D/o. C.Beilua, Chhaolo(March,2004 liata ô kapa tawhta hati ko 2 apachhatuhpa)
- Puhpa N.Beipahnie,S/o N.Khalua(L),N.Colony,Siaha(August,2001 liata Puhpa K.Vasa,Ko 80 pa, Tikhao Ft.10 athupa liata atlapa a pachhatuhpa- zy hnota palyupalina ama hla.
Ls. P.Judy, Ls. Irine Chozah nata Puhpa N.Beipahnie zy nohthlahpa.
Lyuva Khutla he Art & Culture Dept. Mara Autonomous District Council (MADC) nata Mara Thyutlia Py (MTP), Hqrs. Siaha zy hriakhohpa ta taopa a cha.
Source: Siaha Herald website
