SIAHA, Pamih 10, 2010: M.CH.P Day ei 15-na cha rohna kawpa Forest & Environent Deptt. Hall, MADC, Siaha liata ta ahmapa a cha. He Program he Pino K. Pari, President M.CH.P(Hqrs.) ta chhihtha ta, Khichhai Laipa (Chief Guest) chata hruapa, Pino N. Naphie, Executive Member i/c PHE, Social Welfare, etc., ta Mara chanozy ama Day a hmakhei. M.CH.P Day he khih hrola ta cha Sub- Hqrs nata Branch zy ta ano-eih chyuta a hma ei ta, Siaha liata deikua Hqrs nata Branch zydua ta hmaokhata ama hma.
Photo above: MADC Office Siaha (Photographer & copyright: D4W50N)
He Program he my daw 10am ta pathaopa cha ta, zala daw 4pm ta ama pachha. Program pathao nawpa ta Pino Lynn H. Ngohei ta Abeipa la thlahchhana hnei ta, Pino Nazi Khaila, General Secretary, M.CH.P (Hqrs.) ta sahlao a vypakhypazy hnota M.CH.P hmahlana tlapi pahnosana a hnei. Pino P.Chaki, Vice President, M.CH.P (Hqrs.) ta ama biepipa “HRIAPASANA” tahpa hmapa ta sahlaozy hnota paper present a hnei. Pino Sylvie Ralte, MJS nata Pino Gracy Bawitlung, MJS zy chhaota M.CH.P Day he a hmakhei pata “Chano nata Dah” lachhah a hei pata biereina ama hnei hra.
Siaha Khihpi liata MCHP Branch zydua a pahlypakhy pata MADC Office tlyhmia liata “Sawlakia” a rohna kawpa ta ama lah. MCHP Drop-in liata ahriapazy chhaota “AIDS Chochah” liata ama hmahlana nata hmahlana dah zy a practical ta MCHP Day a vaw hlaopazy ama pahmosa.
Zahia tari 9th March, 2010 khata M.CH.P ta Puhpa H. Sahlo CEM in-charge hnohta MADC ry liata Rai lana lia Mara chanozy chata 30% pahawh (reserve) awpa nata MDC & VC (Direct Election) liata 33% seat pahawh (reserve) awpa ta a hawhna ama pangia. He ama hawhna he Ko 2009 General Conference liata ama bie pathluhpa a chadai pazina a cha. MADC ry liata rai lana lia heta chanozy chata IV Grade tawhta Class I Officer taihta 30% posts reserve awpa ta hiah ei ta, MDC & VC election liata 33% seat he chano-nah chata phuah hra awpa ta MADC chhihthatuhpazy ama hnaw hra. He ama hawhna he India Dahpipa Article 15 (3) a tlyhchaka pata a cha. A byuhna dah hawhta hmah la lyma awpa ama chhuah.
M.CH.P he ko 1995 liana khata paduapa vaw cha hata, atakopa chhaota ko 15 tlaita utheipa avaw cha haw. Kotato ta M.CH.P Day he Pamih(March) 10 pata hma tyhpa a cha.
-
|2010-03-10 16:50:27 AnonymousNo kyhpachana athei chyu su vy!
MCHP ahawna ataopa he atahma bawlaw ta hlao patlopa ta y maw sy!
Khokheituhpa
ThotlaSatlia
-
|2010-03-10 17:04:18 Ei star eiMara Chano Py (M.Ch.P) he Mara phopi hmia maniah a pakai tuhpa peimawh kawpa ama cha. Amo heta tradiational viakaozy maniah ama taopa, Mara poh phohropa molaipazy eima pie/present chhyhpazy pachhasa akhohtuhpa - Mara chapawzy hla chhaota chi nata pho pabohsana liata hmala tuhpa peimawh kawpa, no zydua a pahmaoh khaina su peimawh chaipa... Mara nozy ei cha star kaw sai ei.. Khizaw Women's Day kha March 8 chata he hawpa daihti liata March 10 liata namo DAY nama hmapa he a pha pachaipa ta ei pahno. Women's Reservation Bill pass tita cha 33% seats cha MADC lia chhao to ba hra ula tahpa he ei cha khokhei ei. Pihno N. Naphie he ei palaikhei kaw hra... Pihno K. Pari tiama lyma ma y... eima cha star kaw sai la y.... aphana lata!!! Mara awhsi zy nama cha khaw
-
Marapaw
-
|2010-03-11 13:14:47 young MCHPMara Chano zy ei ma hmasie via naw pata MCHP a duapa he ei ly hmeiseih.nama hmalana liata nama hlao tlo cheingei aw pata ei khokheina sah chaipa nata a pazipa ei cha hla ei..chhithatu pazy a BEIPA ta y pa lyma maw ei sy...mara chano zydua ta a chakhei chyu ei su u...!!!!!!
.
.
. 
MADC ry liata rai lana daihti suh(seat)30% nata MDC$VC direct election liata 33% reserve awpa tapata ama haw na he kei la apha eita hmeisei>>>
LONG LIFE MCHP