SIAHA - Mizoram state pohpalohpa ta Ku hmah tyhpa 2010 Chapchar Kut cha Siaha lia chhao Pohbienoh, Pami (March) 11, 2010 my dawh 11 pa khata Siaha Tlyliah (District Playground) liata rohna kawpa ta hmapa cha ta, Kut Paw chata Rev. Dr. T. Laikai hmapa a cha.
Rev. Dr. T. Laikai, Kut Paw, Chapchar Kut 2010, Siaha (Pic courtesy: Siaha Herald Newspaper).
Puhpa Thangchem Zathang, Addl. Deputy Commissioner, Siaha ta he programme he chhitha ta, Special Guest chata Puhpa Kunal, IAS, Siaha DC cha hmapa a cha.
Photo above: Puhpa Kunal, IAS, Siaha DC(Courtesy: NIC, Siaha)
Ku pahyna hla YLA Sub-Hqrs. zy ta ama sa khai na ta Kut Paw Rev. Dr. T. Laikai chata Ku poh adaopathlahpa ta pahyna bie a reihpa. Mizo zy ta Ku nano nanopa eima hnei zie reih ta, mano mapaw daihti liata sahma nata sa zy ta Ku zy vaw hmah ty ei ta, Krizyhpa eima chaha va ta Krista palohru phaopa ta aly kawpa ta eima hmaba awpa a cha zie zawpizy a haw ta, eima Ku zy he ta chi nano nanopazy apohkhana maniah tlokheituhpa a cha awpa a kho zie a reih hra.
Mizoram he Khazohpa rah nano kawpa ta paduapa cha ta, Khazohpa ta eima pahra nawpa ta maniah taopa ta, Tipi haosa rah hla kawpa tawhta Khazohpa ta Missionary-zy hma pata Va khih nata chyhsa chana maniah a pie haw, chavata Krizyhpazy cha khih nata ti pha chaipa cha thei awpa ta apachhuapanoh awpa a peimawh zie a reih hra. Mizoram liata chi nano nanopazy cha alyu khaipa ta unawna hawhta a mo chyu awpa ta bie a tah hra.
Chyhsa hropazy chata byhna cha chyu awpa ta a hrua hra ei. Eima dona nata tovyu zy pabohsa chyu awpa nata apohkhana phapa hnei lyma awpa ta zawpizy bie a ta hra. Kut Paw he ta Chapchar Kut Organising Committee Chairman hnohta baona cha ta phusa Rs.1000/- a hlapa hra.
Kut Paw bie a rei khai na ta Puhpa H. Lalchhinga, New Colony, Siaha ta Dao hla sapa ta meithai a ka papua; Puhpa Kunal, IAS, DC nata Special Guest chhaota bie reih ta Chapchar Kut he Mizoram liata pahrapazy raihriapasana ngiana cha ta, he Kut he aly kawpa ta ama hma chyu awpa nata chyhsa hropazy chata byhna ama cha chyu awpa ta bie a tah hra ei.
Chapchar Kut alyna liana heta chi nano nanopa ta atobina nano nanopa he tlyngia py M.Ch.P, L.W.A nata M.H.I.P zy tawhta pamosa ei ta, Siaha khichhoh liata school nano nanopa 14 school hawtizy ta la ama pamosa hra.
Pho la chi nano nanopa MTP, YMA, YLA, nata M.Ch.P zy ta ama pamosa heih hra. Hla sa thaipa hluhpi ao chhao nathlie ngathlahpa a cha.
Miss Chapchar Kut Siaha 2010 Laihsa V. Lalfakzuali, Far Right(Courtesy: NIC, Siaha)
Miss Chapchar Kut chata Laihsa V. Lalfakzuali D/o V. Sangvuana, SiahaTlah pa cha atlypa a cha.
Kut khaw nawpa ta Siaha liata tlyngia py nano nanopazy ta a zawpi ta 'Chai' la ama pamosa.
Puhpa S. Khipo, CEM, MADC chata lyma piena nano naopazy rai ta, Dr. Chawngkhuma Chawngthu, Secretary, Chapchar Kut Organising Committee, Siaha cha ta alyna pie reihta Kut alyna he pachhapa a cha.
Chapchar Kut Noh heta DC Puhpa Kunal, IAS, ta Ku alyna chata zala Kut a vaw hlaopazy D.C. Bungalow liata thopi a pachhuapanohpa ei. (Source: DIPR Mizoram)
Comments (26)
-
|2010-03-12 07:21:45 Thyudyu"bie a rei khaohta", 'khaohta'??? Khapa ta na maw? Mara reih a cha ma i?
-
|2010-03-12 12:36:04 Anonymous - khaohta"bie a rei khaohta", tahpa he "bie a rei khainata", tahna a cha awh! Chapi-Mara reih a cha....
-
|2010-03-12 13:26:35 A.solai - marasaw sai na eima cha ...MARA he chapizy, hawthaizy,vytuzy,zyhnohzy,tlosaihzy etc he eima cha, MARA he a hy ei via pa ma cha vei..... chapi rei chhao mara rei, hawthai rei chhao mara rei, tlosaih rei chhao mara rei..... comments a hlu via pa lia he ta typing mistake a y nata ei pa ngiasa, chysa hmoh tao chheina a byh leipa si la..., tlao a pahnoh thai achhua su u..
-
|2010-03-12 15:43:32 AdoHe news he Tlaikao reih ta ropa chata, Maraland.net contributor pakha ta Mara reih la ta a vaw palie, Tlosaih reih ro dah a phahla vata bahta taochheipa ahneipa tlao a cha. Admin la tawhta a vaw panano aw.. Hmodo viapa eima pahnopa he achho lyma tyh suh vy, eima thohkhei kaw... Eima chaly...
-
Rei chiehpa hawhta Tlaikao reihta ropa a cha vata Rev. Dr. T. Laikai biereipa Mizo tahpa hawhta a pahlypa ta a reipa chhao he a nathlietuhpazy pachapata pahno thai a chhuah hra suh vy... Mara Mizo eima cha a tahna cha vei tahpa pahno khei suh vy.. Pahno thaina hmo peimawh kawpa a cha tahpa my kha ei si..
-
Maraland.net
-
|2010-03-12 13:42:39 A.solaimara he khatino mata mizo cha leipa pi ta,anodeikua la, mara reih a lei nga kaw..., mizo chhao khatino mata mara cha thei hra va ei...anodeikua mara thokhala mararei apa thai sa la pa ama y... khiliah lia eima hmoh nata mara rei ta eima chho tla maw aw ta pa chi ta, miah a ka sai pa zy chhao a ma hly kaw ty... a pei ngasa.... pa lo pa sa a chhi kaw, mara pa cha la ta, mizo rei cheih ty pa na he nohzahna cha zy pa hnoh hra ei sa la, ly a chhi kaw aw.... eima chahna(identity) he riaphah kawta tlao phaoh lyma su vy....
-
|2010-03-13 06:41:32 Mara Thapasa. - Tlaikao la maniah paliepa ama chhuah khia maw?Eima khihpi Siaha liata Chapchar Kut rohna kawpa ta ama hmapa ei hmo nota Puhpa J.Vialua (L) eina patheisa ngasa. A Hla- Mara Thapasa kaw na "Na Tlopa Chi" tahpa kha ei mothlaw liata a vaw la nga kaw....Maniah hro lah chy maw sala, a paloh a pasa kaw na ta ei pangiasa.
Tlaikao-nah he so kaw ei ta, Mara nah pi he Tlaikao lata maniah palie khai awpa ama chhuah. Cha liata chaichhi ama hmapa cha, eima reih nata culture padasa/ pahlei lyma awpa a cha. Eima thyutlia lohmao-nahzy cha Mizo Hla nata Film...cultural activities & dances (Cheraw, Chheih Lam, Chai, etc)zy ta maniah chhu/ pahnie lyma ha eih. Eima satlia nata laisahzy ta Mizo Cultural Meet liata a hlao awpa cha Mara cultural Meet liata a hlao awpa hlata ama thapaw via syulyu hra. Lyuva Khutla hmana liata a hlao hlata Chapchar Kut, YMA Day liata a hlao awpa cha rohna ta via ei ta..ama thapaw ngasa. Eima no-paw nata uthei viazy chhaota eima Lyuva Khutla papeimawhsa na cha pahno hra vei ei. Tlaikao-nah hmotaona liata Tovyuh diduapa maniah pie nata ama thapaw kaw sai....Mizo khiama eima cha tlai ta nga awpa taihta ama piepasa. He he Mizonization dota a cha.
Chapchar Kut he State Festival a chapa hawhta papeimawhsa awpa cha a pha...Anodeikua eima festival rohna chaipa "Lyuva Khutla" hlata eima Khihpi hnei chhohpa Siaha liata Lyuva Khutla hlata Chapchar Kut a rohna viata ama hma thei he la...Eima pacha pasia awpa a peimawh hmeiseih... MARA THYUTLIAPAZY MANIAH DYUTUHPA TAWHTA A VAI SUH VY
-
|2010-03-13 07:47:18 kadau - Akei cha pao ta apahnei thla hawpalo pasa achhi hmeiseina TLAIKAO penawh ku liata keimo mara sawzy nohzahna na chhao pahno leita eima laula ngathla pa hela apacha pasia a byu hmeipata eipahno...Mara saw zy ahra ba su vy..TLAIKAO PAZY SEI CHANA BALIA EIMA KY HLA HETA............
-
|2010-03-13 11:14:41 Mara pa chysa chazaw ta eimaRei tuh pa ngala cha lei tah....He zydua pahno nga hla chho tah keimo Mara Thyutlia cha a chu nga hai zy pi he ,,tiama pa pua hmeisei su vy ,,A pa chai pa ta Medical line nata Center service- UPSC liata rai na no, na no pa liata angia chua pa ta thata hma eima la aw pa he a peimaw kaw ba..nata abroad la xy chao rai hria a chua pa tah palo hnei nga sa ta cha a chu su vy..Eima District council lia ngala eima aim chho tah he la Mara pa ra hma sie thei lei pa tah,eima culture xy chao lyma tah.Tlaikao nata mia na so via lyma hra aw...
May God bless Maraland.
-
|2010-03-13 11:35:46 AnonymousDear A. Solai,
U naw, Comment na pie tuapa vaw rei na ta, pha ei tah kaw.
Marasaw hryta thokhazy cha Mara reih he a chu rai leipa ta B.A, M.A,etc,..ama patlo thei. Chahaw hrata, Mara reih eikha dahdei chhao roh pachhi leipa ta, Marasaw officer a cha theipa ama y thei hra.
Mara reih "official language" chata Saikao reih he hmapa a cha, Anodeikua, Mara reih he academic paper english, mizo subject hawhta apeimawhpa a cha leipa vata Marasaw chathaipa hryta Mara reih he a uasa rai leipa ama hluh kaw. Chavata Mara literature he ngiachhie achhih ngaitapa tah ei pahno.
Mara reih eima thai hmeiseih leina chhapa he rei awpa hluhpi a y nga thla ha, Saikao-Siaha saw hryta Mara reih athai leipa ama hluh kaw pyly,....Chapi, Zyhno, Hawthai, Vytu,etc hryta Mara reih athai leipa ama hluh via hei.... Ahy maophyuna a to aw ?..Keima ei to hra aw !..Chavata a chu tyh na ta ei thai via ha ba!
Zyhno, Chapi, Vytu,Tlosai, Hawthai, Heima, Saby zy he no-chhi miakha tawhta apuapa ama chapa vata a cha thlyu aw,...Ama reih cheipa alyu hmeiseih tarawh leipa ta, azaona a y lai phuchupa ta ei pahno,.. .. ...Eima reih "Mara reih" vata ei viasa thokha zy nata a thata eima vaw ei-chhao tyh,...Atahma Maraland.net liata "Khaota" tahpa he ado/ado vei tahpa ta reipahaona a ypa heta eina palysa ngasa...He "Khaota" tahpa heta Mara reih akina nata ahneirona tlao a palasa kawpa ta ei pahno.
Mara reih apasa-sa ngathla tyh tuhpa.
Thotla Satlia.
-
|2010-03-13 12:50:30 Laiu FachhaiDear Marasawzy,
Anano ei tah kawpa cha, Marapasawzy pi heta rah hrola (Viah rah, foreing rah, etc) la eima sie tita eima rei eima paso via pachai khiah maw, tah theipa a cha maw. Net nata group nano nanopa zy hluhpi y ta, daihti ei hneina maih liata brows tyh hra ei na ta, thai thai leita tiama ngaitapata Mara reih ama ro holopazy ei hmopa tlu ta na palysapa y vei. Eikha cha "a lei lei theipa cha mapi" tahpa a lyup hmo na ta, he chyhsapa he a hnabei dua a dyh hma kaw vaw tan na ta, chahrasala a context vaw moh heih na ta, "a ly lei theipa cha mapi" tahna cha hri ta, hnabeidy cha rei lei ta, alypa chyhsa tlao a vaw cha hri. Chavata reihkah, hawhrawh, etc liata la a seisa tlah khei ei suh u. Spelling do leipazy deikua constructive correction tlao a pie tyh hri ei si.
Tawhla, Marapa Mizo eima cha nata cha lei kyh he cha, rei hmopa pyly ta, Mizo tahpa a chhopasiana rei sai ta a cha hri. Chavata keita cha, "Marapasawzy Mizoram nata azaopa ta rei a vaw byuh ha tita, "Mizo" tah cha pata, "Mizoram" tahpa a conscious kawpata rei ei chhuah tyh ba. Pakhona ta, "Keimo Mizo zawpizy ta" tah chapata "keimo Mizoram zawpizy ta" (keini Mizoram mipui te hian" tahpata reih nata ei ro tyh.
Eima hyutuhpa chhao heta, Mizo eima cha nata cha lei kyh lata a rei khopa cha leipata, Mizoram liata eima "kut" zy tahpa la tlao cha hri sala ei pangiasa.
A tlahpata,
Vanoh Paw
-
|2010-03-13 14:03:03 Mara reihMara reih chocha liata discussion a y ty pa he hmo pha kawpa a cha ta ei pahno hrah. Marasaw hlupi zy ta ama reih typa hawta Tlosai reih(written language) thai he eima chhuah chyu awpa a cha...Tlosai reih a chei leipa hryh liata thokha zyh ta tlosai reih ta ro(written) pa a ru eima tah tyh pa he hmo noza chhiepa sakha a cha ta ei pahno..keima cheingei chhao he Mara reih/Tlosai ta ro awpa hla ta Maw reih ta ro awpa zy ei nga via tyh..he he ei pacha hmeiseih na ta la kachhi chhi pa hmo a cha ta ei pahno tyh cha maw..
Ama rei tyhpa hawtah Tlosai reih he Mara reih chi pangawhpa hryh liata a thla chai ta theihpa a cha.Zyhno, Vytu, chapi,etc.. nata a zao na a hluh kaw.Hawthai nata chhochhi cha rei sakha tah theihpa a cha...A rai nao kaw pata pahno theipa nata cheih theipa a cha..Anodeikuah Mizo/english zyh hawta eima papeimaw lei vata Marasaw hlupui zyh ta a ro a ru eima ta kawh saih. Mizo.english zyh hawta papeimawsah chyu si la a rai nao kaw ta eima ro theih khai nata eipa ngiasah.
A kaw via ta pacha sila lingua franca eima hnei pa he eima va hneih kaw. He he ta Mara identity liata apaokhana thata a pie. Manipur, Churachandpur liata Kuki-Chin chi pho-Thado, Paite, Gangte, Vaiphei, Simte,Zou,etc. na zyh cha ama reih a lao kaw sai ta a theih theih khaipa a ma cha. Anodeikua, pho mo awpa lia atahma taih ama rei a rao veih.Thokhata Kuki tapa ama kho nota thokhata Zomi, thokhata Mizo tapa kho eita ama likaw liah tribal feeling a sa kawh.
Reih he a ih(rigid) tuh khia ta la a develop theih veih na ama a ta. Mara reih chhao he rigid lei pata a adjust ly ma sala, a develop cha tli via aw.Atahma duahsu lia cha Mara rei he bata a rigid pata ei pahno. a via pa chaita Spelling nata grammar chocha lia..English zy chhao he rah to lia ama ro da nata ama chei na da a lao tla veih.. Mara reih chhao he english hawta flexible sala a develop cha tli via aw..thokha(few people)zyhta Tlosai-Mara reih eima cheih chheipa mia pahneih sao tyh pa he la, ky kha lata la palo pasa a chhie kaw..Rev.Dr.Laiu a reipa hawta spelling nata grammar lia zy a hyhma a pahneisao ta a sei lei sila...he he Mara unity nata eima lingua franca develop naw pata chhao a peimaw hmeiseih.
James
-
|2010-03-13 14:49:45 SiahanianUnaw thotla satlia, na reipha kaw. Mosohpa thokha ta reih he eima identity palasana nata pho abohna cha hmeiseih vei ama tah tyh. Anodeikua he he society tohta hmah(apply) thei aw vei. Mara society lia chhochhi la he bie(statement) he chaluah rai lei awhpa a cha. Eima duasu nata duahmo sai pata 'reih' ngalah he eima pho abohna nata hnatlana a cha. Eima reih eima pahlei khia eima pho thlai a lei aw.
Tahma hla pachachhie chhi kawpa cha thyutlia chuhaipa(high n higher school) zyta Mara reih rei nata roh aru ama tah kawpa hih! Na vaw reipa hawhta Marasaw chathaipa Mara reih roh thai leipa ama hlu kaw. He liata mongyu reih ta vaw comment tyhpa zy he mara reih ama thai leiva cha vei ma? Ama kâ pachhie leipa ta thai rie thai achhua ei sala apha aw; hawh ma vei.
A peimawh chaipa la a chyhsazy reih peimawhna zie apachu via sila, eima common language 'Tlosai reih' he pasasa si la, anawhtawh leipa ta eima theina lia mai(zawpi ahmaopakhyna lia chhao rai) chei lyma sila, Media lata hma la sila, cha ta nahkhao nata mohta thei hlu sila, chhâ(generation) vaw y heih awhpa zy chata rairuna y aw vei, hriapapua ba s'u ahawh tu hlata, cha lei khia eima tu-saw zyta miah ama maochhin tu aw na!!
Anodeikua, Mara reih aboh na liapahlô chaipa eima Awnanopa hra ta 'Tlaikao reih service' po via nga kaw ta, noraih achhi chaima!!
-
|2010-03-13 15:14:29 Laiu FachhaiDear James, Siahanian nata comment apietuhpa nata a pie leipa Maraland.Net viasazy,
Chi nata reih kyh nama pacha kaw sai. Eina palysa kaw. A eipachaipata Siahanian comment tlah chhana khie bahta vaw pakawh via tua sa. Keita cha heta eima awnanopa nopawzy hnohta ei rei tyh. Maw reih a cheihpa local church liata cha Maw reih ta bie rei hrapa a pha. Chata a cha leipa, Assembly, Pakhyp nohkhih zy liata eima thai a raoh via chaipa tahta, Mara reih rai ta rei khao leipata Maw reih sai ta rei thlah hapa cha, pha ei tah lei hlie kho ta, eima chi nata pho cho liata pei a hriapa na eima cha ei tah tyh. Chavata keima dyutlai leipa no he, Assembly, Pakhypi noh khih zy liata daihti ei hnei khiata cha, Maw reih ta tiama papuapa ta ei rei thei thlah hapa chhaota, Mara reih ta reih na ta, Maw reih lata a palie awpa ei hrua pa tyh ei.
Tawhla, hmeihseihna kyh ta cha, eima Council he Mara reih pabohsa awpa he ama raihria tohpi chaipa a cha awpa a cha. Achhapa cha, Mara reih va tlai ta Council eihhrahpa eima hmopa a cha vata. Chavata Mara reih a thai leipa cha Council liata rai pie awpa cha vei. Rai ama piepa chhaota conditional ta pie awpa a cha. Mara reih thai a chhuah cheingei awpa cha ta, a thai tawhta pa-i awpa, tahpa condition ama tao awpa a ngiah.
Siaha, Tipa, nata eima rah liata public meeting nata sawhkha meeting zy nata Sawhkha molaipa (Mizoram, Central) dy ti chhaota, Mara reih ta program conduct lyma awpa cha ta, Mara reih cha Maw reih la nata Mongyuh reih lata palie lyma awpa a cha. Direct ta Maw reih ta tao thlah ha awpa cha vei.
Tawhta la, eima official reih ta eima hmapa Tlosai-Siaha reih he, thokha hluhpi ta nama rei hawpa hawhta thai ru tiah rah vei. Eima dialect hropazy nata a root word a lyu khai thlah ha. Kei cha Mara dialect zydua ei thei khai. Ei thei leipa dialect y tla vei.
A tlahpa ta,
Vanoh Paw
-
|2010-03-13 19:08:35 RahpangaiThyutlia chathaipa hluhpi Mara rah thapasa kawpa ama y tahpa he pahno na ta ei thlah a loh kaw tyh... Thyutlia sawzy he eima mokhah chaipa ama cha... hmiala toh lyma suh vy..
-
|2010-03-14 14:04:40 AnonymousKo 1999 liana kha Aizawl liata siku a chupa ta ei vaw y hra,
Ei kha cha A.R field liata Aizaw khih popalopa heta Chapchar Kut he hma nga ei ta, ama rahao ngapa cha va mo pachhi hra na tah, Sarlamkai, sarlamkai,...tahpa ta ama aw nga kaw
Field ka(side) lachha liana heta Chanmari vai YMA nawh ta Sawlakia adolei kawpa tah ama la ngapa he va hmo eina tah,.
O la a di na tah, Upper Republic vaih liata room tawtaw ei tlopa o chho dah kawpa liana cha keima dei atyu thla ha na ta,.Sarlamkai,..Sarlamkai.... tahpa ao he eina kao liata aparo nga kaw
Cha chata, palo pasana athata na pie ta,...Anodeidua, lotlana awpa ta viasa chho awpa pakha dahdei chhao ei kiapa liata y vei ei...
Myla class va kia na ta, class room liata "zahnia AR field liata sarlamkai tahpa ta ama lapa kha, sarlamkai cha leipa ta SAWLAKIA a cha, Mizo la cha leipa ta, Mara la a cha " tahpa ta palo tla kawpa ta, class liata viasa sahlaozy ei chhopa ei cha, "na feeling" na tah ei ta,. ei viasazy khiama ama cha, ei ta tyhpazy kha ei hmiahaopa he ama vaw cha khai thla ha..
He hawhpa zy vana heta Aizawl khih liata khihchhaipa palo na pahneisa tah, hro ngiary thai leina chhao Aizawl khih heta eina pahneisa tyh.Mizo ei cha lei zie chhao a pasia kawpa tah ei pahno hra.
Mizo chyhsa vata Marapazy eima pakhei kawna cha hawh muarua ta hmo awpa atahno taihta y hlei vei, Mopakha-pano ama pakheipa heta Marapa zawpi zy eima pakhei kaw tahna cha vei..Mizoram he India sawhkha 100%apahnie thlah ha tyhpa atano taihta ama cha, Mizo chyhsa hmiamo nga kawna awpa y vei, chi za awpa chi cha hra vei ei.. Mizo chyhsa ama tivyhna dah atlapipa ta ado tiarah vei,,...Sarlamkai tawhta Moral corruption ama hnei kawh. He hawhpa chyhsa khzaw liata chi ama chhih, Kyhpachana hmeiseihpa Kheiti (honey) ama hro liata y vei. ...Mizoram MLA constituencies liata.Pala bia he leilo pha chaipa hryta reipa a cha.
Atahno taihta Pala bia chyhsa riethei chaipa tah rei theipa ama cha nga thla ha. Zawpi thathina eima bai hlata hmo hropazy sai pacha lai hra su vy!!!!
Thotlapa ei chapa vata he chocha he rei awpa hlupi y tah...Eima thatih hela rei leipa tah y chy sila apha via thlyu aw!
Pasaiphazy chareina Maraland,
Cheihalo via ei si!
He khiazaw lia.
Sopavawnozy laina rah,
Cheichalo via ei si!
He khizaw lia;
Cheihalo via hei ei si.
Nama viasapa.
Thotla Satlia
-
|2010-03-16 15:30:14 Net working liata la... - Maranaization and ,................Net liata Marasaw ky eipacha nadah haw heta paloh hmeiseih liata kyeipacha vama,khatlu tlai tama, ei vaw chah tyh hra va tly... Kypachana do chaipa hawta ama reipa cha. sasy apakyna, mohropa zy chata vaphana piepa he a cha a tah---Voltaire.
Bible ta cha Aviasa chata hro apie hleikhota kypachana hropa a y thai khao ma a tah..?
-
|2010-03-16 15:41:09 Chano pano a dua eita......... - Laihsa cha Kut a vaw cha haw...Hmo ahmie leikaw eitah pa zy..
1) V. Sangvuana sawchanono, Vyutuchhopa cha Chapchar Kut Miss, Vyutuchhopa ta Chapchar Kut Miss ahmie leikaw eitah
2) Chano pano a dua eita Mara chano nata Maw chano ama cha. Chapchar kut chata la hmie tu vie Dress nata Cultural Dress he hawta hlano cha hlei vei, a Originality lia ahmie lei kaw.
3) Mara Pastor hlopa Kut paw chata raopa chata, Mara Pastor, Marasaw hlano ta Chapchar Kut lia Chapchar kut pawta Mizo/duhliana nata ama rao ngai vama?
4) He siaha liata Chapchar Kut lohia kaw pata ahma pa he Mizonaozation cha thei hla veima, Mawra liata eima y vata papyupahly kaw awpa tahna acha ma? ahmie thai rai ma? Chha a vaw y lyma awpa chata, Eima tlaicha thlamaw ma?.
-
|2010-03-17 12:43:47 AnonymousMarapa na cha khiata la, Mara rah he na palo hmeiseihpa tlai tah kyh na pacha hra aw! ......" Na popa liata thari(vein) a siepa cha, Beino chava Maraland a cha hryh laipa hawhta, na thari zydua liata marapa thisai pha ngaitapa tah a cha hryh lai nga kaw !! " cha hawhta Beino chava he Mara rah tawhta chihropa rah lata eima palo hapa tah a cha khiata la, Beino chava chhao a cha nahta pangiasa chhao a chhih vei.
-
|2010-03-17 13:14:14 ECM Pakhypi siesie pado abyu mPastor Pa-u nata Siahnian reipa a pha ei tah kaw.
Pacha chyu tuah ei suh:
1. Eima pakhypi laichaipa Assembly nata a ry liata pakhypi nanonanopa Presbytery, Bia Ryureina, KTP, KNP etc pakhypi zydua he mawrei saita conduct pa a cha. PALOPASA A CHHI DAH CHI!!!
2. Sermon chhao mawrei saita reipa a cha. Biephuana (announcement) chhao he mawrei saita piepa a cha.
4. Eima pastor mawrei thai leipa zy mohnaona a lai kaw bah. Chavata, eima pastor zy chhaota mawrei aoki do kawta sermon thei awhpa he ama zaona chaipa a cha pathao lyma ha. Theological training ama hnei chhana a cha va ma i???
6. Mawrei lata sermon rei he ama ama pasaipa ly lia tyh. Mararei thai hlata Mawrei thai he ama hmia kaina tlao a cha via haw.
7. Tipa Bia lia chhihia la rei ru kaw bah.
MAWREI HE CHALISA BA EI SIH LA PHA VEI MA? MAWREI CHEIHPA LOCAL CHURCH LIA CHA MAWREI TLA AMA CHEI HRAW KHA MAW. SERMON ZY CHHAO REV. DR. LAI-U REIPA HAWTA AMA PALIE SA THLAH HAW KHA MAW.
HY NA ECM A HRA BA TEH. EVENGELICAL CHURCH OF MIZORAM CHA VA CHI. EVENGELICAL CHURCH OF MARALAND NA CHA KHAW!
-
|2010-03-17 14:10:23 Ei pahno chhei vei khiah..bie ei theina dah ta cha Guwahati liata Mara laihsa Debie thi no kha, Rev Dr. Lai-u Fachhai ta aly biereina or biereina pachhopa Mawrei lata a rei ama tah. Mara saw thokha ta ama hupo khei kaw sai ngyu awh. Maw nawh chhaota mawrei ta bie a rei haipa ama nathlie no cha khasawta rei tuh vei ei ama tah. ANODEIKUALA (capital BUT), mongyureih lata a kaw rei chila zawpi si ama diah ama tah cha maw!!! Mawrei ao ki pado tu lei vata a mohnao tuh penawh, anawhta marasaw nata mawpa saw zy khata mohnao ngah khao vei ei. A mongyureih thaina khata mawrei tlaicha thlai a dosao ha kha zaw!! Pastor Lai-u he pasasah a chhi hmeiseih.
Mara unawh nata sietano saih u, mawrei thaipa he a pha hra ngyu ny. Chahrasala, mawrei thaipa nata thai leipa he eima chyhsa pasasana thliena chhaichhi cha khao kha se! marareih, eima pikheipa reih thaipa zy, chyhsa quality pa zy, international reih thai pa pa zy he pasasah sih la, keimo chhao thai a chhuha hra ei sihla tao chhei ngyu awh mapi.
keima saina liata la, eima Marapa Rev Dr. zy ta mawrei thai vei hra ei sala, mongyureih ama thai kawna nata ama qiality kawna tha ei theipa zyta ei hmia napakai ngasa! Pikheipa reih thai khao palie ei va, chheipah liata tlaikao rei zy pasasah via ha ei ama tahpa deikua keichatala saisona pha chaipa a cha tyh.
Pastor Lai-u he mawrei athai chhohpa pahlei palie lyma sala, a quality-na nata mongyuhreih a thaina he a thu via rili sala ei kho khei.
-
|2010-03-17 14:16:47 Rev Dr. Lai-u nawhta Meipaw TlEikha cha eima pastor nopawpa Rev. Dr. Lai-u nawhta meipaw Tlohnei he shillong liata MCF (tahma cha Shillong Mara Church) liata bie reina a hnei ama tah. Mawnawh thokha nata lai thokha zy ama vaw pakhy hra vata, Marareih ta nata mongyureih ta sermon daiti hmata HC.Lalmalsawma Zasai apaliesa ama tah. he taodah he apha ngasa1
Chi nata Pho, reikah nata culture abo awhpata tlaichhai tuhpa marasaw zy pita he hawhta taozie mopatlah chapa he eima mopa lyma awhpata ei khokheina sah chaipa ei cha hla ei.
Thotlahpaw
-
|2010-03-17 14:25:46 AIZAWL liata MAW nah reipa thoEikha cha Aizawl liata dao sakha lia he hmo va chalei nata ei pua chia cha mara nawh thapha mania ama rei pa ei nah tah athei. Cha cha khapa hro cha vei. Mara nawh he lai nawh hlata pasahsa ama chhi via tahpa a cha. Mararah thokha lia khi mawreih chei khoh vei ei. Mawrei chhao thai tla vei eih. Lai nawh ama rei chhao a my hapa hlata cha pasasah ama chhi via tahpata ama reipa ei thei cha maw.
ei paloru tata a lypa cha kaw.. ei tah. Mawrei eima chei kholeipa zy, eima thai tla leipa zy he amo tlaikao nawh chhoh lia tawh chhaota mania ama pasahsa palie kaw hra ma my. Eimareih my pata, ama reih eima hly khai ti liata deikua la ama paloruta mania ama mohnao kaw awh tahpa chhao ala thlah ha.
Marareih thai via lyma achhuah ei sihla, Mawrei he chuti khati awh awh awh ni e ni e eima tah chakhy thlahpa chhaota a zakhei leipaw sihla apahneisaoh hra kha ei suh. Mawrei he eima thai tu khai ha. Tahmata Marasaw thokha mawrei pasahsa dah ei pacha tita cha, mawrei he Thai lei via chhuah ei sih la pha plei khiah mawh tahpa einapachasa kaw!
-
|2010-03-17 14:57:33 PJChi nata pho, reih nata khihtlah chochah liata reipahmaona eima hnei tyhpa he a pha ngasa. Eima paloh liata eima vei pazy phualuana nata achhohiana daihti pha kawpa a cha pata ei pahno. Anodeikua lo-eih achhi lei kawpa la he liata eima bie reipa zy moto-zawmarâ ta ama theilei awhpa deikua paloh pasa achhi kaw. Marasaw internet hmah tyhpa zy pi he ahlu via cha achuhaipa rah khotho lata y penawh cha pita, ahlu via Mara zawpi zyta tly bei vei ei. He hawhpa hmo eima veipa roh n'aw pa thatihbu eima khihpi Siaha lia dadei a y leipa hela pachachhie achhi kaw! Daily newspaper Mara reih ta regular kawpa ta y sala byuh achhi kaw. Eima biehla-thâhhla zy he internet liata rohpa hlata cha yzie a hnei via awh pata pangiasa achhi.
Kheita tao bao va.....
-
|2010-03-18 06:08:26 A.solaiMarasaw chata paloruh hmahpa nama y ty pa vata ei ly hmeiseih. Mara rei he cheih hlu si la, ro hlu si la.. mara literature he thata hma a sieh cheingie aw. Kei he Mara tlosaih ei cha ta raw ta , Mara rei ro a ruh ei ta ngasa, ado ma do lei ma ro ly ma pa chhao ei chhuah hra.
Khizaw chysa eipa sahsapa hry liata pakha cha, Vladimir Putin Russia Prime minister he acha. Akhy hawpa Meeting/Conference/Foreign Addressal lia mai ta Russian rieh sai ta na bie a rei ty aw. English hmah ngai vei.English a thai lei pa cha tia ra vei. Chysa a thai. a so pa, Russia spy KGB Agent na avaw cha ty. Rei palietupa(interpreter) sai ta na a bie reipa russia rei thai leipana chata tla a palie ty. Russian a chana zie na a pahnoh pa sia tu ha, rah rakha1 bei, rah hro bei zy pasahsa muaruapa achhuah lei va a cha.
keimo Mara saw, eima rah tahta eima AW theipa "MARALAND" a hneihtupa na zy he ta, Eima Khichhai(ALIEN) Tlaikaona rei he ma eima hly aw?
Powered by !JoomlaComment 4.0 beta2
.Mara na pih he Mizo eima vaw cha hla hrah khiah?Thokhatah cha ma pi tah ei, thokhata eima cha ta ei,,pahno thai a ruh kaw diah!!