SIAHA, Pami March 31 (Siaha Herald) - National Human Rights Commission (NHRC) Team Delhi tawhta Siaha District kaw tly pata March 14 pa khata kaw tlo ei ta, eima rah liata hmo tao awpa phapa sawkha tlokhei awpazy ama reipa liata Mara reih he Optional subject ta Py 10 taihta achu thei awpa nata thotlah la khih 5 tawhta 8 pahlypa ta Residential School phapa sakha chyu hnei awpazy cha ama reipazy hry liata a hlao.
Complete report Siaha Herald online website liatapa ary liata eima vaw paste:
Siaha,March 19, 2010 (Chutyhnoh): National Human Rights Commission (NHRC) Team Delhi tawhta Saiha District kaw tly pata Dt. 14.03.2010 liata Siaha ama kaw tlo. Saiha District chho liata apahrapa chysazy adona nata tovyu liata rairuna zy a y nata y leipa mo pasia aw pata NHRC India ta ama kaw tuapa zy ama cha. Dt.15.03.2010(Monday) liana khata National Human Right Commission Team Delhi tawhta a kaw tlopazy(4 members), Mr.Kunal,IAS,DC, Saiha District nata official thokha zy cha Phura la sie pata, thotlah liata apahrapa zy rairuna cha asu liata mo aw pata ama sie. Zakha ama rie khai tawhta Siaha cha 16.03.2010 pata ama kaw ngia pathi haw. Siaha khihchho liata Saiha District Jail chhao asu liata za tly hra ei ta, Motherless Baby Home,KNP(H) ECM Awnanopa ta moho ngapa, College vaih liata pa chhao asu lata ama tly hra.
Workshop on Awareness and Facilitating Assessment and Enforcement of Human Rights at District Level Administration cha azahnia(17.03.2010) kha D.C Conference Hall, Saiha liata my 9:15am tawhta 5:30pm taihta hneipa a cha. He Workshop liata Saiha District chho liata Departments Officers, Politicians, NGOs nata chysa hropa hlupi ta ama hlao.
NHRC Team Workshop,DC Conference Hall, Saiha
NHRC Team tawhta biereina hnei pa ta, Workshop ahlaopa zy cha Group sapali( 4 ) lata pachhai pa ama cha.
Group I : Right to citizens, Group-II : Right to Food, Group-II : Right to Education nata Group-IV: Right to Health.
Group -III ( Right to Education) Group Discussion liata reipahmao pazy cha :
Points of Discussion on Problems:
1. Trained Teacher school liata ama chy tu.( Cl-I to Cl-X).
2. Subject eihrapa pachu awh pata Teacher hnei pa cha vei.
3. Hati / Chysa tlohleipa zy chata School hneipa cha vei.
4. Residential School nata facility phapa(eg. Light, drinking water etc.) hnei pa cha vei.
5. Thotlah khih liata English athaipa hyutuhpa eima hnei chy tu haw.
6. M/S nata P/S Teacher-zy English Medium of Instruction apahnie leipa zy MADC ta Voluntary Pension pie thei vei.
7. MADC ta Fund a hnei chy tu hapa vata Education Department mohona liata rairuna hlupi ama tyh.
8. Siaha liata Student Loan Apply theipa a cha leipa vata Marapa saw Professional Course achu thei awpazy ta rairuna hlupi ama tyh.
9. Thotlah su liata pachutuhpa zy hlao Incentive piepa ama cha leipa vata, ama post lia regular ta pachu thei vei ei.
10. MADC ta pachutuhpa zy nata School supervise kyh liata phahlana a hnei.
11. P/S tawhta M/S 4 Languages( English, Hindi, Mizo, Mara) a chupa he , siku hawti zy achuna lia rairuna ama hnei khei.
Points of Suggestions
1. Trained papua chiepa zy he pachutuhpa chata hneipa cha sala.
2. English nata Mathematics athaipa pachutuhpa School tota a eihra pata hneipa cha sala.
3. School to liata Mid-day Meal piepa cha, hmopeimawhpa zy eg. Gas, ti, sapha etc. zy adaihti liata hmo thei lyma aw pata hmalapa cha sala.
4. Khih 5 – 8 ahly thei awpa Residential School pha ngasa pa tao ta, Teacher qualified pazy piepa cha sala.
5. M/S nata P/S Teacher-zy English Medium of Instruction apahnie leipa zy MADC ta Voluntary Pension pie thei aw pata hma lapa cha sala.
6. School Inspector phapa hneipa cha sala.
7. P/S tawhta M/S 4 Languages( English, Hindi, Mizo, Mara) a chu vyu pata Language Subject he pachy via pa cha hri sala.
8. Mara reih Subject he High School Level liata Optional Subject chata atly thei awpa ta hmalapa cha sala.
9. Student Loan Siaha khih tawhta Apply thei aw pata hma lapa cha sala.
10. Thotlah su liata pachutuhpa zy hlao Incentive piepa tlao cha hri sala.
11. School Infrastructure facilities pha viapa hnei awpa hmalapa cha sala.
He acho liata Point-zy nata Group hropa Discussion-zy cha, NHRC Team Delhi zy hmia liata Power Point Presentation ta rei pahmao pa a cha. He Points reipahmaopa zydua he DC,Saiha tawhta hmalana rei ta Central nata State sawkha liata tlokhei pa a cha aw tah pa NHRC Team zy ta bie ama taih hra.
Source: Siaha Herald website.
-
|2010-03-31 09:34:59 beibei shillongclass ten taita mara reih ta a chu thei awpata avaw chapa he a lypa a cha hmeisei he he ta eima rei pabosana ky liata rai thata ahria aw tahpa chhao ei hna beisei he liata mara rei pachu tuh aw pata la awpa lia chhao ta eima sanaw chhokha phapa zy chavata mara rei thai pasia leipa pi tlai zy la lei pata eima hmialata ei ma chi hei zy chata hmo phapa cha awpa sai pana chota aahria tuhawpa eima lana ky lia chhaota bie hnei tuhpenaw chhaota ama soka kawpata ei ma haw chaima hra.
-
|2010-03-31 09:42:53 Thei salaDear beibei, he he proposal/suggestion dei a cha chy... implement theipa dei a cha ta, a hlao deikua tloh mah vei... recommendation hawh dei a cha chy... chavata tao theipa chasala khochhih kawpa tlai a cha... he kyh liana heta atahma ta eima Deputy COmmissioner Puhpa Kunal, IAS he Marasawzy ta Mara reih hleikhota Hindi, nata Mizo eima chupa tyhpa he eima rie a thei zie pahno ta, ano personal blog lia chhao he kyh he post a tao hra... Chavata, maniah a khokheituhpa phapa achapa ta a lyu hra... tao hmeiseihpa chasala, apha chai ngyu aw ei tah hra..
- TS
-
|2010-03-31 14:19:00 A ly a chhih ngaita kawdiaHe hawhta eima rah liata hm phapa tlo awpa ta hmalana hnei haipa he vahnei a chhih hmeiseihpa a cha. He pi patlohsa awpa heta NGO nazy ama tiama awpa apeimawh ngaita.
Ama point 8 liata Student loan/educational loan Siaha liata apatha thei leina chha khi khapa vama acha va tly? Su Bank Branch y leipa chhao chava, Eg :- Su hro la Siaha SBI branch hawpa liazy ta a patha thei thla haw.. Pahnopa nam y khiata la dua vaw comment u la a ly a chhih ko o.
-
|2010-03-31 14:42:34 jk, aijal - alyna lachha saina acha chy.........!Literature developemnent chata Marareih High school liata Optional chata tahpa he thlai ahlao tloh theo sala tahpa byu a chhih kaw. Eima Poem zyna Sonnet zy a vaw chu thei ba hraw pita..........................
-
|2010-04-04 07:06:52 @ jk,aijolna Poem nata Sonnet pachu awpa nakhoh khiata la e "Poem nata Sonnet" khi Mara reih phie so tua ma y..... hehe...... na ly ko o.... hehe
-
|2010-04-06 06:25:28 siachaimara - Chathei sala aly achhi kaw awh.Eima mara reih he Class 10 taihta achu theipa chasala, aly achhi kaw tlai awh! Beibei reihpa hawhta eima mara reih pabosana chhao cha awh ta, eima mara cha chhao he pasôh via aw pi ta,eima palaikhei via lyma na chhao a cha awh. Cha thei sala aly achhi kaw tlai awh.
.
.
. 
