CHENNAI (Maraland.net) - Laisa Sikhei cha Gurukul Lutheran Theological College & Research Institute (Serampore College), Chennai tawta Bachelor of Divinity (B.D) pha kawpa ta a patlopa Chennai MSO nata Mara Fellowship zy ta a graduation day aly kawpa ta Pachawh (April) 15, 2010 khata ama hma khei.
(Laihsa Sikhei, B.D certificate chhaota, nothlah laiviapa nata a zydua alana - click here)
"B.D eichu theinaw pata na khokheituhpa nata nabao tuhpa Khazohpa, MEC, Gurukul, ECM nata awnanopa zydua hnota eily ngasa ei," tahpa ta a reih.
(Laihsa Sikhei, centre, Chennai MSO nata fellowship member thokhazy chhaota. Nothlah laiviapa click here).
Laihsa Sikhei Thahti Chyupa: Ls. Sikhei he Puhpa Tlebau nata Pihnoh Sedeih Hlychho sawchano pa 4-na chata Nochhi Mararah Ngiaphiapi khihpa a cha. Zomi Theological College tawhta B.Th, Mungwa College tawhta BA History (2004) liata zy a vaw patlo tawhta MEC Awnanopa liata Krizyhpa Hawti Py (KHP) Secretary ta a chakao khaitawta BD a zachupa acha. Tahma he MEC nopawpazy khokheina vata Krizyhpa No Py (KNP) Secretary ta Lelaipi Assembly Office liata chakao narai akawhria ba aw. Chennai liata achu chhoh liana heta Myanmar Fellowship liata nata, Mara Student Organization lia chhao ta uthei viapa ta miah a chapa lai lyma hra.
Laihsa Sikhei he Sport nata Hlasapa lachha he apaha nazie chata ama College liata chhao ama hma ngasa hra.
Gurukul Lutheran Theological College Thati Chyupa:
Gurukul he Senate of Serampore ry liata Theological College 48 achuna a y haipa hryliata aphachaipa py hry liata pachapa chata; B.D, M.Th, D.Th Courses zy he ama offer. Ama Focus chaipa cha, Women Studies and Dalit Theology he acha. Library phakawpa amahnei hleikhota, E.Libarary chhao ama hnei hra. Tano tai liana heta, MEC cha ta M.Th 2, MTS 1, BD 4, he zy he leadership chata mia ama promote pahaw. Principal Dr. Samauel W.Meshack chhaota Laisa Sikhei hnota Lorrain Theological College Library chata Chabu hlupi mia a donate hra.Gurukul he Chennai MSO nata Chennai Mara Fellowship zy special programme ama hma tyh nasu acha hra.
( Ls. Sikhei nata A graduate lahpa viasazy nata Pachutupazy chhaota. Bigger pic)
Laihsa Sikhei kiana college tawhta chyhsa pahno ahlao chaipa cha Dr. K. Rajaratnam, India liata Ecumenical nopawchaipa pakha, former NCCI President nata Chancellor, Senate of Serampore University nata Director, Gurukul Lutheran Theological College, nata Lutheran World Federation liata nopawpa; April 7, 2010 ta maniah apahasai hapa he a cha eima tah thei aw.
Gurukul liata achu khopazy chata, Admission Application Form he September nata November thla likaw liata chalei theipa acha. Fees (Academic + Accommodation +Mess) he ko khata Rs.40,000/- rachho a cha tyh.
(Ls. Sikhei nata Chennai Burmese viasa nata M.S.O viasazy chhaota. Nothlah laiviapa - click here)
Laihsa Sikhei, MEC awnanopa liata chana peimawh kawpa a kaw patu awpa B.D hlaotloh kawpa ta a vaw patlo theipa vata maraland.net ta eima lykheina bie hla pita, Khazohpa ta a rah chata rohnah kawpa ta hmah lyma mawh sy.
Official website:
Gurukul Lutheran Theological College and Research Institute official website of : www.gltc.edu
Contributed by Satlia Moses C. Tehlo, Chennai. Acho liata eima ly kaw.
-
|2010-04-18 08:49:59 Lenin - Congr8ts!MSO Chennai Pics khi a moh a pha viatana eipahno
MSO chennai pics liata Ls Sikhei chachah (right) la ta kha a sesss hmi ngasa kha...
OT : @admin ... sesss na pic tlao vaw up ly... user nawta ama moh kho viata eipangiasa cha maw lolzzzzzzzz
-
|2010-04-18 12:33:07 bmmara - alykheina.........laihsa sikhei,
ei chaly khei ngasa,tahma cha mara chano chhao BD patlo pa vaw y holo bah ei ta,alypa a cha ngasa.......eima chano na zy he chei chalo lyma ei su u
-
|2010-04-18 12:44:34 DenProverbs 31:30 "Favour is deceitful, and beauty is vain: but a woman that feareth the LORD, she shall be praised."
Ei châlykhei ngâsâ..Laisa Sikhei. Abeipa ao vaw nathlie via lymâ la...ano ta byhnâ chapie lymâ mawh sy!
-
|2010-04-18 14:00:38 Akhai - ei cha ly khei hmei seikheikhei ei cha lykhei hmei sei hra nachu chho zy dua lia ta no po pacha ro na yl ei ap ta pi cha patlo tu pa eima bei zisu krista hno ta aly na bi erei hmei sei, He taw ta na cha kao naw pa su mai lia ta abei ap ta pi tlo na cha pi bai cha via ly ma maw se,
Na u tae Ngo aipaw
-
|2010-04-18 14:04:27 Sisipaw - AlykheinaDear Kheikhei
BD aphakaw pata navaw potlotheipa eichalykheikaw. Abeipa ta awnano pa chata kuphei rona kawpa ta cha hma lyma maw sy tapa thlahchhana nata khokheina eichahnei.
-
|2010-04-18 16:54:31 Lepavawno - Aly kheinaDear/ Kheikhei
Na khona nata nâ chhuana hlao cha patlotuhpa Beipa moh ei reithai. Rairu rietheina zy hry liata tiamana nata natao laina vata nama lata cha reithai nata B.D na vaw patlô theipa vata ei cha ly khei hmeiseih. Beipa raihria na chakaona liata hlao tlona byhna vaw to lyma ma y.
-
|2010-04-18 22:56:27 Cho U - Ei ly kawEi tuno Sikhei,
Abeipa ky pachana vaw to lyma chita BD na vaw patlo hawpa vata eily ngasa. Bangalore liata ei hnota a vy chita na chu nawpa nata a zaopa ta eima rei khona zy kha a tahma la rama haw ta acha haw ba.
Abeipa Khazopa rai hria liata ngachhina hneina chota na hrona a vaw hma lyma bei ma y.
Nawlaipaw
-
|2010-04-19 05:37:52 AnonymousEima chaly khei hmeisei. Mara chano hryta eima chamo pakia lai ngapa na vaw cha. Nalapi pavia leipala Khazo pata cha hma pha via rili maw syh
Paw Khaimau
-
|2010-04-19 12:36:50 SoSOpaw - Aly Khie naHi Khei Khei,
Eicha ly khei hmeisei. Khazo pata nahnota y via lymah maw se. Ei cha ly khei hmei sei.. Paw Chho, kha asa hrai kaw ba kha maw.. he he
-
|2010-04-19 13:10:29 Khaizahmono - A ly kheinaKheikhei y, he liata na patlo hawpa thati ei vaw hmopa cha ei lyna eina pakisa kaw chi. Daiti seipi eima cha mokhana a ngia liatia ty mapi. Khazopa ta cha hma maw sy tapa dei he Lahla su tawta thla ei cha chhapa theipa a cha.
-
|2010-04-20 21:22:13 Paw Hmo - AlykheinaDear Khei Khei,
Atlapa ta nata hlaotloh kawpa ta na school achuna (B.D)na kawpa tlo haw vata ei chaly khei hmei sei. Khazohpa ta na thainazy a noh chata nata eima rah chata cha hma pha lyma se! Eima rah chanozy achuna liata hmaseina hneilyma thei awpa he khokhei kawpa a cha vata he tawta further study chhao na pazao awpa eima cha kho khei sai.
Na hnabeiseina zydua Khazohpa ta hlao cha patlo maw sy!
From Geneva
-
|2010-04-21 19:54:33 Salai Pum Za Mang - Lawmhpi NakHello Khin2,
Na photo pawl web ah ka van hmuh cu lung hna a leng tuk ko. Degree na kan lak piak caah kan lung ai lawm tuk. Nanmah
teinak na hmuh mi cungah na hawi lei zong kan rak i lawm
tuk ve.
Atu khuaka dah na um lio? Khua lei na tlung colh lai ma? Sianginn
peh hna dah na timh leh lem? Na peh ahcun khuaika sianginn ah
na peh te lai? Na tlung ah tei khuai ka na tuan te lai? Zei tikah va
na ngeih lai? Nan wedding hna tikah van kan chim ve te mu!
Lawmhpi nak he,
Salai Pum Za Mang
Princeton, NJ, USA
-
|2010-04-22 07:37:04 sikheiABeipa Khazohpa ngiachhi kyhpachana vata ko 4 chho BD he Chennai liata a vaw chu nata a rairuna hlu kawpa tawhta atlapa nata apha kawpa ta ei vaw patlo thei vata Abeipa moh ei reithai hmeiseih.
Keima eichuna ei hlaotloh thei nawpa ta na deichhytuhpa, thlachhah nabaotuhpa, tha na patlotuhpa nata palohrupa ta na khokheituhpa MEC, ECM awnanopa zydua nata Marasaw nama zydua hnohta alyna bie ei chahla hmeiseih ei.
He Maraland.net liata khokheina, alykheina, thlachhakheina nata byhna awna cha na vawropa nama zydua hnohta alyna bie chahla ei nata, Abeipa ta eina khokheina zydua chi he hlao a vaw patlo cheingei awpa chhao thata ei hnabei seih hra.
Abeipa ta byhna miah pie chyu sala,Ano rah chata miah hma chyu mawh sy. Ei chaly kaw ei.
Nama deichhy ngapa
Sikhei
To Pum za mang
Ruahlo piin na ca kahmuh i ka khuarua zong a har pa. Na ka lawmhpi nak cungah lawmhnak tampi kanei ve. Atu hi khualei katlung lio asi i lam ah ka um rih ko.Kei cu Lailenpi ah Women Secretary in ka va um te lai. Cun, va kangeinak ding cu afiang rihlo e, afiang tikah thawng kanthan te lai mu.
Kalawm tuk, dam te in
Sikhei
-
|2010-04-24 05:01:11 SHILLONG MARA CHURCHLaisa Sikhei, Shillong Mara Church ta paloru hmeisei ta eima chaly khei.ABEIPA ta byhna chapievialyma mawh sy.
-
|2010-04-24 19:50:04 Anonymous - dear khei kheilypacha kwna ei chaly khei hmeisei........nuam kwta nta khazopa baona chota na hmiala daiti liata hlaotlona na hnei lyma wpa ta eicha khokhei.
chennaimarasaw
-
|2010-04-25 15:59:21 AnonymousHi...Lakhei,
Na vaw taopha hmeihseih..nataopha nahe khazohpa khih nata rah chata vaw chasala byhna tohnawh vawcha mah y..eicha lykhei hmeihseih....
Kheipaw
-
|2010-04-29 08:06:48 AnonymousKhaziamaw Maraland.net liata hehaw rreihzy he ama vaw roh tyh tly!!! Ama khokhiata cha English zy ta ama vaw roh vei...Mara cha ama thai leipa khia......
Marasatlia
-
|2010-04-29 11:21:31 aCHHYNAHi Marasatlia, Marareih nata English acha leipa ta a vaw comment-tuhpa he Puhpa Pum Za Mang cha ta, ano he Nochhi la (Chin State) chyhsa a cha. Lai reih ta a vaw comment. Laihsa Sikhei hmiapahnopa cha ta, Mongyu reih vaw ro awpa cha ano chata apatasana hawhta pachapa tlamaw theipa a cha vata Lai reih ta a vaw comment pa a cha thei aw. English zy cha a thai kaw taraw aw. Ano he US liata theology achuna liata alalaoh kawpa Princeton Theological Seminary (www.ptsem.edu), Princeton University liata theology lachhah ta achuna asahpa a chu ngahaipa a cha. He hawhpa a vaw y tita apachathai tyh suh vy. Laihsa Khei Khei a vaw lykhei kaw hrava a cha. - Ano-pahnotuhpa
.
.
. 
A pha kawpa ta BD na patlo theipa vata ei chaly khei ngaita kaw. Na thaina nata pahnonazy he Abeipa khihnarah kaw via lyma n'awpa chata na hma pazao lyma awpa ta ei cha khokhei.
Keima no (K.Pari) zy nata Ghana (Africa) la nama siekhoh nopa nohthlahzy vaw moh na ta, na chanosaw ziezy eina za patheisa kaw. Myanmar liata MCHP a duana chochah liata chhao hmah thata na la hra tahpazy pahno na ta, pasahsa na chhih hmeiseih.