New Delhi, Pachawh 18 (Maraland.net) - ECM nata MEC tawhta pachhuahpanohpa ta Rev.S.T. Zawsi, Moderator of Evangelical Church of Maraland (ECM) cha New Delhi liata a ypa Marasawzy vai awpa ta Pachawh 16, 2010 ta tlo ta, New Delhi MCF chakaopa ta Pro. Pastor chahnaona, nata chakaona nano nanopazy hneita, sahlaozy ama ly hmeiseih.
(ECM Moderator Rev. S.T. Zawsi, sitting, right nata chahnao thiehpa Pro. Pastor Lechotha nata MCF New Delhi chhituhpazy).
Moderator he a zasie laihna liata a za chapiapa Kolkata MCF, Chennai MCF nata Bangalore MCF zy lia chhao thlahchhâna nata ahmo pakhyna a hneipâ laih hra.
MCF New Delhi ta thlahpa lâta ama nodi dâhphina cha MEC ryureina laichaipa Assembly, Satu Ngiaphia (Ngephe) lâta ahawna tao ta, MEC ta ano râhchhoh a châ leinazie nata ECM ta vaih thei sala arainao viana dâh vaw pahno thai kaw ta MCF ahawna ao cha ECM Office pahnie ta, ECM ta hmah thlai alapa a châ.
(Sawhlana hnei nopa).
Châ reihtuhpazy nama lalao lei nawpa ta Delhi lia he MCFsâno y ta, atahma ta aza vaipa he MCF New Delhi a châ. A zavai chhâ chaina cha MCF New Delhi liata Mara sawzy Bâti, Thisaih nata Sawhlanazy hneipa awpa ta a zupa châta, châhrasala ano aza tlô hlata liata MCF sahlaozy ta ama thlahpa lâta nopaw awpa ama byuh kawpa vâta Pastor atly hawpa châta ECM Moderator ta MCF sahlao zydua ta ama khokheipa Puhpa Lechotha cha Pro.Pastor pa i-na chhao ahneipâ hra. Atahma ta Pro. Pastor eima pa i-pa he Thisaih raina nata sawhla deileipa cha biehnei pie khaipa chata MCF chhao he anota(Independently) ta aduahpa a châ vâta ECM or MEC ahy Pastor chhao rai cha tly aw pi ta, thisaih chhao eima cha za rai tyh aw tahpa ta a reih hra.
(Rev. S.T. Zawsi ta Bati pachasana a hnei nopa)
MCF New Delhi he July 12, 2009 liata paduapa châta atahma ta EMC Moderator he MCF zy ta Marapa Pastor hmia ama hmô tuachaipa a châ. Bâti châna, Thisaih dona nata Sawhlana zy chhao eikhana a châ hra. ECM Moderator pohpa cheingei ta sawchapaw 2 nata sawchano 2 Khazohpa lâta hlana hnei ta, Bâti 3, kupatusana baokha nata Pro-Pastor pa i-na chhao pakhyna service liata a hnei. MCF member he 100 chô châ ei ta, atamy ta apakhyna o a tlô theipa cha 70 chô lâ ama châ. North lâta a ypa Marasaw chhaikha chhao ama vaw hlao theipa ta pahnopa a châ.
(Puhpa Lechotha hnohta Pro. Pastor pa i-na a hnei.)
(ECM Moderator Rev. S.T. Zawsi Khazohpa bie a chakhei hainopa)
ECM Moderator ta a reipa cha, “Na mo MCF he KTP nata KNP zy hnei khai haw ei chita Fellowship a tah awpa châ khao leipa ei chita Local nama tloh haw, chavâta May thla liata ECM nata MEC Join meeting lia he Local kaw hia ula Mara Church ama tah awpa apha” tahpa thâ patlona bie a reih. Sermon a hnei nota alytu haw ta âlyna palâsa nawpa ta ano Moderator a châ tuachai nota Hlabu pha kawpa (Amâ ruchaipa) chhao MCF lâta a pie haw.
(MCF liata ei 1-na chata Thisaih sopa dona cha he hawhta pachhuahpanohpa a cha)
(MCF Secretary, Left nata Chairman, Right zy ta Bati, Sawhlapa nata Ku apatupazy moh ama pie ngala nopa a cha).
(Daihti chha tawhta zawpi ta hmaokha ta niedo khohna hneipa chata he he MCF Utheizy nata Moderator apaha kawpa ta ama nie ngala nopa a cha.)
MCF New Delhi he May thla thaona liata ama chhituh thiehpazy atlyna(Election) ama hnei heih awpata pahnopa a cha.
Pachawh 19, 2010 Hriatuanoh liata a yna su la a pangai pakhua aw. (Source: Satlia Vakhaitha blog)
Related News:
- Bangalore liata ECM Moderator ta Viarah liata MCF zy tly laihna report
- New Delhi MCF ta Pastor awpa ama tlyh haw
-
|2010-04-20 17:20:37 Aanswer - re:ECM nata MEC hriapakaohpa ta ama mission hawhta a cha vata ECM or MEC awnanopa eima rah liata asie dah nata alyu khai vei hrasala independent Church a vaw cha thei awpa duasu liata ama duah ta theipa a cha. He he aly achhih kaw. Pastoral ordination zy he Assembly la kaw hia laihpa cha mawhla a hawhsi hawhsa kaw awpa vata Moderator he chahnao theina biehneipa MEC nata ECM la tawhta ama piepa a chapata a lyu chai. - MaraPaemon_mara wrote:Delhi MCF he. ECM ma?
.
.
. 
