Bangalore (Maraland.net) - Mara Students' Organisation, Bangalore branch zy ta General Election cum Farewell Party cha Deva Residence (Hotel) Hall, Double Road, Bangalore lia atanoh, Pachyhnoh, April 24 ta hlaotloh kawpa ta ama hnei haw.
(He noh ta Returning Officer Satlia Pawsa Lava, MSO Senior Advisor ta election dahzy zawpi achho nganopa).
Atako ta ahmana su he kawh ta, pathaipathao kaw ta, chyhsa zathoh zapali taihta atloh thei nawpa su chata, atyuna, light nata hmobyuh hropazy pha kawta, pha chhao apha kaw. He ahmana he session ei 2 la ta pachhaihpa cha ta, session khana liata Laihsa M.C. Chiazi thlachhana ta pathaopa cha ta, General election hneipazaopa cha ta, he ary liata palasapazy he 2010-2011 chata chhituh thiehpazy ama cha:
President: L.D. Beihriasa
Vice President: Andrew
General Secretary: Franky Ngiachai Azyu
Asst. Secretary: Merina K. Beinopha
Finance Secy.: T.K. Rona
Treasurer: S. Melini.
Secretaries in charge-zy:
Games & Sport: Z.C. Chozah
Info. & Publicity: Beithlapahrua Nohro
Culture, Music & Drama: L.T. Lalpekhlua
(Chhituh thiehpazy Rev. Chatlai ta thlachhana ahneipa ei. From Left to Right: St. Pawsa Lava (Sr. Advisor), L.T. Lalpekhlua (Culture, etc), Beithlapahrua Nohro (Info.), Z.C. Chozah (G&S), S. Melini (Treas.), Rev. Chatlai, Franky Ngiachai Azyu (G.S), Andrew, (V.Pre.) nata L.D. Beihriasa, (Pres.) zy. Atlypatlohpa thokhazy deikua exam ahneipa vata nata ryhpaohleina hropazy vata ahlao thei vei ei. Nothlah lai viapa).
amozy he ama cha. Atlohpazy he official candidate zy sai cha eita, Returning officer Satlia Pawsa Lava, Senior Advisor ta pahnie kawpa ta chhitha ta, Satlia Amon Khaimeichho nata Satlia Malsawmkima Hlychho zy ta ama bao; thokha he uncontested ta tloh eita, thokha deikua vote pathlapa ta official candidate-zy pyly he ama tloh hra. Chhituhpa atlypatlohpazy cha Rev. Chatlai ta Khazohpa la byhna a awpa ei. He election chhoh zydua heta satlia nata laihsa hlasa ahawna (request) chhao hluh kaw ta, sahlaozy ta a ziza mawreih kawpa ta a 'nuam' ama tah kaw sai.
(Election officer-zy, St. Pawsa Lava, Returning Officer, centre nata Assistant-zy Satlia Amon Khaimeichho, left nata Satlia Malsawmkima Hlychho, right zy).
(Ls. Esly Lysiadi, MSO Idol 2009 hla a prepare nganopa).
Session ei 2-na he Satlia N. Beichakao nata Laihsa V. Lalhruaitluangi (Mami) zy ta pahnie kawpa ta chhitha ei ta, apalysana chi nano nanopazy sahlao lazy hnei khei eita, sahlaozy ama ly kaw sai. He session liana heta hlaotloh kawpa ta achuna apatlohpazy hnohta certificate of appreciation zy piena Rev. Chatlai nata Satlia Pawsa Lava, Senior Advisor zy ta ama hneipa ei.
(Satlia Beingiachhie Lapi Laihsanazy la tawhta ahawna hlaopatlohpa ta hlasanopa, MSO Paparazzi-zy chhao atyuhma vei ei).
Farewell party achapana hawhta music pyuryu pha kawpa Satlia Victor Beipahnie Azyu nata Satlia Aldrin Bohia zy ta sound system mohoh ei ta, apha kaw.
(Laihsa S. Melini, left nata Laihsa V. Lalhruaitluanga (Mami), right, zy hlasanopa).
Bangalore nata MSO sahlaozy siesai ba awpazy he sahlaozy ta i hmeiseih ei ta, hlaotlohna asah viapazy anua lyma awpa nata Bangalore MSO nata achuna su moh paphatuhpa cha lyma awpa ta khokheina chata Rev. Chatlai ta he sahlao pathliepazy chata byhna awna thlahchhana chhao a hneipa hra.
Session kha hawhta session nona chhao he ahma pha kaw ei ta, hlasa ahawna nata apalypalisana chi nanopazy y pazao lyma ta, Mara Rapper Satlia Beibiehrai chhao ahlao ta, laihsanazy request dao hluh ta, he daihti ahmana apalohpahawh hleikhoh ta apakisa hmeiseih. Zawpi zy ama ly kaw, tahpa eima correspondent ta a reih.
Daihti he zala dawh 3 rachhoh tawhta ahma pathaopa cha ta, Satlia Pawsa Lava, Senior Advisor thlachhana a hnei khai tawhta dinner pahahkawpa niepa ta he daihti he pachhasapa a cha.
More Photos at Marasaw.com
Note: Nothlah hropazy abyuhna hawhta update via heih awpa a cha.
-
|2010-04-26 04:04:42 khokheihnaBangalore MSO chhituh thipa zyh eicha lykheih kaw ei. Abeipa ta ti nata ra chata nama hria na lia cha chhitha lai lymah ei se..James
-
|2010-04-26 07:31:48 BeiRokhu Beita - AlykheinaBangalore MSO reiraohna he chhithatuhpazy dyutlaina va cha khai tyh vei...sahlao zy hriapasana nata deichhyna y leipata... Atahma pa lia chhao sahlao zydua hriapasana nata tiamana theila pa hmo thei awpata a y ha heih. Khipi pa liata hmochyhnawhkawpa chhao organise ru kaw tyh ta, he hawhta Parting Social nata General Election zy hneitheipa a cha pa he arohnah tah hmeiseih na ta, Marasaw zy chana dopa cheihchalo lyma tuhpa MSO motto FOR GOD AND MARALAND tahpa my leipata Bangalore MSO he hmiala toh lyma pata eima ti nata rah cha ta hriapasa kyh liata tiama nama papua via lyma awpata khokheina sah chaipa ei cha hla ei.
~
~~ BeiRokhu Beita
~~ Camp: Siaha
-
|2010-04-27 17:12:36 Delson NotliaBangalore MSO chhithatu thiehpenaw zydua eichaly khei hmeisei ei.Nama hmo taopa liana maita, Khazohpa ta cha y pa ly ma maw ei sy.FOR GOD AND MARALAND!!!!!!!
-
|2010-04-28 07:01:26 St. HYDMSO Banglore, eima chaly khei gaita, tiamapa nata hlao tloh kawpa ta Marasawzy chata rai nama hria pazao lyma awpata khokheina eim cahla hra..
Khi chhithatuh thiepazy khi nga ama chhih hmikawsai tlaina...
Mara Pheisaih apatlah haipa tlaina nama lyu e !!! Congratulatiionssss Ha haha!!!! For God And Maraland
Na saina da a pha kaw na, anodeikua ...
Chua? misual.com liata The Doctor c...
.
.
. 
Khazohpa nata Rah chata hria awhpata nga nama chhi hmeisei,
khokheina eicha hla ei.
FOR GOD AND MARALAND