Mararah, May 19 (maraland.net) - Lorrain Theological College & Mission Studies Centre, Yangon liata Principal Rev. Dr. L.B. Siama cha World Alliance of Reformed Churches (WARC) nata Reformed Ecumenical Council (REC) zy Uniting General Council 2010 cha United States liata a hlao hra aw.
He pakhypi pemawhpa he Grand Rapids, Michigan state liata June 18-27 liata hnei awpa a cha.
Rev. Dr. L.B. Siama he Mara Evangelical Church (MEC) awnanopa ta Maraland Pioneer Missionary Rev. R.A. Lorrain athei thlaha nawpa ta theology lata achuna paduapa Lorrain Theological College liata Principal a vaw cha hlata MEC liata General Secretary rai chhao a vaw hria chiehpa a cha. Thatih eima daona dah ta USA la a sie nawpa Visa a hmo hleikhota a ticket zy chhao liahsa pasia khaiha ta, May thlahpa noh 20 rachhoh he ta USA angia hla ha awpa ta thatih eima dao.
He Lorrain College Principal ta ryureina laipa ahlao awpa Uniting General Council 2010 tahpa achana chhapa chhao he WARC nata REC zy ta apokhana ama hneipa nawpa a cha vata cha ta, he apohkhana chata moh thiehpa hmaba awpa chhao cha World Communion of Reformed Churches (WCRC) tahpa a cha. Chavata, reformed awnanopazy chata cha he daihti he ahlao cheingei awpa hmo peimawh kawpa a cha.
WARC he 75 million members ahnei haipa 214 awnanopa apazao pakhypa, rah 107 liata awnanopa ahnei haipa cha ta, memberzy cha Congegational, Presbyterian, Reformed nata United Churches, kozabi 16-na liata John Calvin, John Knoz nata ahropazy ta Reformation ama vaw taopa tawhta awnanopa aduahpazy ama cha. Geneva liata secretariat a hnei.
REC chhao ta 12 million members hneipa ta 41 awnanopazy apazao pakhypa ta, rah 25 liata a ypa ama cha hra. Grand Rapids, Michigan, USA liata secretariat ahneipa a cha hra.
He Reformed awnanopazy ama vaw pazao khaina World Communion of Reformed Churches (WCRC) lia cha member chhao 89 million tlai ama phahaba aw tahna a cha.
Dr. L.B. Siama he he conference ahlao hla ta Texas lata Marasawzy vaina nata tlyna hnei tua aw ta, he pakhypi ahlaopa ta Grand Rapids la khy awta, cha khai tawhta USA liata Marasawzy ta ama conference tuachaina nata a ei 1na cha Washington D.C. area liata a kaw hlaopa aw.
Mizoram state tawhta WARC member achapazy cha Mizoram Presbyterian Church (MPC) nata Evangelical Church of Maraland (ECM) zy he cha hra ei ta, amo zy he he pakhypi liana heta delegate ahlaopa ama y hra na ta pangiasapa ama cha hra.
-
|2010-05-20 07:19:01 AlynaMara Pastor nata theologian-zy khizaw rah kawh viapa liata chakaona nata conference zy hawhpa ama hlao lymapa he eima tao awpa chi tlai a cha. LTC Principal a lasie liata hlaotlohna hnei mawh sy.. - MRpa
-
|2010-05-21 00:53:02 victorveu - Break IsolationRev Dr Lb Siama WARC pakhypi ahlao awh pa he eima Lorrain awnanopa ano deita a za y na tawhta eima puana lathloh a cha. Lorrain Awnanopa he khizaw lita keimo dei ta cha pi ta kao klha la liata ei ma hara kaw. He eima hara na he phu/py hropa a bai pahe ta eima thokhei chai na cha awh vei. Tahma haw tlai ta khizaqw liata krisita liata viasa hnei hlu ly ma awh pa he eima tlana chaipa acha. Atano liata WCC.WARC.CCA nata MCC liatazy member cha pita tahma he Lutherean World Allience liata member chhao eima tei nga hai. Kualumpur liata atyna hnei ei nata dusa ta a vaw cha lai awh pata ei na chho ei.
Rev LB Siama WARC pakhypi asie na he MEC ta khizaw awnanopa la liata athatlona ba pazaw thei awh pa tai ta khazoh piepa byhna cha thei maw sy tapa ta thlachhana ei ma hnei khei.
VVU
.
.
. 
