Indianapolis, USA (maraland.net) - Mararah Pioneer Missionary Rev. R.A. Lorrain mohta Bible school paduapa Lorrain Theological College & Mission Studies Center (LTC&MSC), Myanmar (Burma), Yangon liatapa cha website pha kawpa a hnei haw. Khizaw kaoki tawhta tly lyma theipa a cha.
(Lorrain Theological College & Mission Studies Center website, screenshot).
He website he Rev. Dr. L.B. Siama, Principal, LTC & MSC atahma ta USA lata khi atlyhaipa cha Indianapolis liata Marasaw, a eihpachaipa ta Dr. Ngochole ta website hnei awpa a peimawh zie a chho hlei khota abyuhpa zydua ano ta atoh khai awpa zie a vaw chho khai tawhta nata ano pohpa tlaita website taona liata abaokha vata a hnei theipa ama cha zie pahnopa a cha.
LTC & MSC he Mararah Pioneer Missionary Rev. R.A. Lorrain athei thlaha nawpa ta ano moh phaopa ta Mara Evangelical Church (MEC), Myanmar ta a paduapa cha ta, Rev. Lorrain (Vailimapaw) mohta Theological College aduah tuachaipa a cha.
He website tawhna heta LTC thatih he English nata Mara reihta sopa cha ta. LTC thatih hluhvia chhao pahno theipa a cha.
LTC he soh nata thih la chhao thata bao angiahpa cha ta, pasai kawpa ta hmosaipiepa ahnei khohpazy cha chhao he website tawhta PAYPAL account hmapa ta phusa chhao bao - Donate thei lymapa a cha hra.
Marasaw ahyrai eima theina hawhta he Biehrai School, Vailimapaw mohta paduapa he bao chyu suh vy.
LTC ta website ama vaw hnei theipa he eima lykhei hmeiseih.
Lorrain Theological College & Mission Studies Center official website: www.ltcmyanmar.org
.
.
. 
Rah Awnano No/Paw naw zy,
Rah Awnano pa chata nama hriapasana nata nama tao phana zy vaw thei pi ta eima ly na chhah thei vei.Awnano chata nama hmoh pha tao na zydua Abeipa ta byhna cha pi maw ei se.Atahma tawta Generation zydua chata chhao chi pha pa acha hra.
Alykheina chota.