SIAHA, Chhiepa 21 (Moonlight news) - Mararah liata Trade Licence chi hropazy a ma niepa ta pahmasa ta chi hropazy sohpaliesa tuhpazy cha dah ta a pasaileipa vata show cause notice pie haipa cha eita, daoh thokha cha pakhawsa raruapa ama cha pathao aw.
(MADC office, a hmiala tawhta ala dah).
Atahma no he Trade Licence chyhsa hropa (chi hropazy) pahmasa (sublet) pa 80 tlai y hai ei ta, thlakha chhohta areipasia awpa ta show cause notice piepa ama cha hleikhohta dah paraopazy cha dah hawhta ama cho liata action la awpa ama cha.
Puhpa M.H. Tiabi, EM i/c Revenue, MADC ta Moonlight newspaper nata apakyhna ama hneipa liata arei dah ta show cause notice piepa 80-zy hry liata chyhsa 24 ngalah ta avaw chhy ei ta, ahropa zydua cha thlakha chhohta ama Daoh chhaichhi zydua cha pahleipadia, thytha (dispose) khai awpa ta bie a pie ei. Dah siepahliepa ta biepiepa azyhkhohleipazy cha ama Daoh/O zy Tala/Chahbi ta khawpa ama cha aw, a tah hra.
Puhpa Tiabi ta a rei dah ta Trade Licence he a rah leilo sawzy ta eima hiapa chhaota chi hropa (viah, kaohpazy, etc) eima pahmasa awpa chaleipa ta, he hawhpta Trade Licence chyhsa hropa pahmasa ta, a pahma ma vaw niepa he dah ta pasaih leipa ta, chavata a rah leilo sawzy ta Trade Licence, etc ama hiapa achapa chhao ta, amo cheingei ta Daoh taopa ta, ama ha thlah awpa a cha, a tah.
He Trade Licence sublet chochah he MTP Hqrs. chhituhpazy nata chhao rairuna a ypa pathla khoh awpa ta reihpahmaoh ha hra pita, Dah paraotuhpa zydua cha Dah hmapa pyly ta ama cho lia action la lyma awpa a cha aw, tahpa ta Puhpa M.H. Tiabi ta a reih. (With inputs from Moonlight news).
-
|2010-06-22 09:11:49 DaRe^FrOnTE.. a tahma ma nama kaw hra? Kei ei pi hl atawta he hmo he eima rah liata chi ava tu hapa tlaita tahma ngala ama pahno pa la apei kaw na.....
-
|2010-06-22 11:17:28 huhu!!! - @Hmiala ta eima rah chhi tuhpazy khata ama pahno khai hla taraw!
Chasala ama tao nga tyh leipa na cha aw,vote hmo lei'pa ama chi vata chhao cha thei......Chaleipa chhaota ama chhokha/sanaw zy ama hlao hli pa tyh pa vata a cha thei hla hra!!!Rah chhituh riahphapa eima ngia kawna..!!
A chhana taita ama taonga hei sualua va tly ma????....Let's SEEEEE!!!!!!!!....WAKA WAKA MARALAND!!!
-
|2010-06-22 12:46:35 AnonymousMararah chhituh awhpa ta riaphapa nata ngachhihpa pua via lyma ei su vy!!!
Mararah thapasa ngasa pa!
.
.
. 
