SIAHA, Chhiepa 28 (Maraland.net) - Sawkha laipa ta amohohpa school - Jawahar Navodaya Vidyalaya (JNV), Siaha Collage Vaih liatapa cha tahmâ no he Sihtlangpui khih, Lytai District lâta pasie chyhpa a châ hai, he heta school hawtizy chata rairuna atlokheipa ta pahnopa a cha.
Jawahar Navodaya Vidyalaya, Education vaih, Siaha
He hawhta Siaha khihpi tawhta Sihtlangpui khih lâta âmâ pasiena chhâpa he tahmâ ta ama pahrâna Building, College Vaih (Mini-DIET, Siaha kiahpâ liata) liatapa he achyh tu hapa vâta a châpa hawhta pahnopa a châ.
Siaha thâtihbu sâkha Moonlight News reina dâh liata Thosai khih liata Jawahar Navodaya Vidyalayas (JNVs) Building awpa ama sa patlô tawhta âmâ khy pakhua heih awpa hawhta a reih. Thosai liata JNVs Building sana awpa châ heta Navodaya Vidyalaya Samiti tawhta Rs. 14 crore piepapua (sanctioned) hawpa châ ta, ZIDCO Mizoram ta JNVs School Building sana raih he ama hria haipa hawhta Moonlight News ta reih hra.
He raih he ama patlô palâ leipa châ khiata cha College Vaih liata ama pahrâna O he âcha-ie kaw ei ta, âchuhaipazy khodâh hawhta âtlyh leipa ei ta, chavâta Sihtlangpui Khih liata JNVs School Building 1st phase ama sa patlô chiehpa lâta âpasie chyh awpa ta Central lâ tawhta JNVs hyutuhpazy hnota bie kaw pie ha ei ta; châvata tahmâ he ama chhaichhi nata hmobao zy âmâ paly patho lichih a châ.
Jawahar Navodaya Vidyalayas (JNVs) he National Policy education (1986), Gov’t of India ry liata paduapa châ ta, tahmâ he India râh chhôh liata State 27 nata Union Territories 7 liata JNVs he pahy haipa a châ. JNVs he Co-educational Residential School châ ta, he School mohôhna nata sôh âbyuhpa zydua he Gov’t of India ta Navodaya Vidyalaya Samiti siepahliepa ta mohôh haipa a châ.
Navodaya Vidyalaya Samiti he âmo khota ryu âreipa Autonomous Organisation ama châ. JNVs liata âchu awpazy cha Class VI ama patlô tawhta JAWAHAR NAVODAYA SELECTION TEST (JNVST) seipahliepa Admission taotheipa a châ. Schedule Caste/ Schedule Tribe nata Phisycally Handicapped zy châ amâ leipa/asaipa ta âchu theipa a châ.
Siaha liata a y haipa he hawhta pasiepa achapa he school hawtizy chata rairuna thata atlokhei pata pahnopa chata, biehneituhpazy ta abyuhna hawhta hmahla thei ei sala aly achhih kaw aw.
Related:
-
|2010-06-29 12:36:13 emon_maracha hawta Siku O zy achytu hapa vata District hro la taita pasie chyhpa a chapa cha no a achhi kaw. Lytai district liata ama siku o tluta laipa ma Siaha district lia he y tla vei tly i.!!!
.
.
. 
