BALTIMORE, Khihpa 7 (maraland.net) - North America liata Marasawzy pakhypi laichaipa ei khana Mara America Conference Ei 1-na cha Baltimore khihpi Maryland State liata July 1-4 khata hlaotloh kawpa ta hneipa a cha.
(Mara America Conference liata nopawpa thokhazy group photo)
He Pakhypi liana heta America liata Marasaw a ypazy apohkhana hneipa ta chhienoh phanoh amohona dah zy, khihsa toti nata tawhta, eima rah la ta raihria khoh nawpa dah zy hmo hluhpi nopawpazy tawhta paper present zy hneipa ta daihti pha kawpa ta ahmapa a cha.
(Chairman Satlia Elaisa Vahnie biereinopa).
Conference Chairman Satlia Elaisa Vahnie ta chhitha ta, Minute Secretary Puhpa ZK Neyru cha ta, Special Guest: Rev. Dr. LB Siama a cha.
(Rev. John Vabei Byhna pathaona thlachhana).
Paper present a hneituhpazy cha, paper ama present apazi dah hawhta ary liata:
Rev. Dr. L.B. Siama: Paper present title eima vaw update aw.
Rev. Paul Pai U - Rah hrola (aeih hrapa ta USA nata Canada) liata Mara Awnanopa zy ta eima Mararah chhi nata pha kyh nata kiathyna kyh liata khapa e chakao abyuh? --- The Role of Mara Churches (particularly in USA and Canada) in humanitarian and social developing of our Maraland.
Rev John Vabeibyhna - Rah hrola Mara Awnanopa achihthana pha viapa--- What kind of Churche/Fellowship is most appropriate for the Mara Christians outside Maraland.
Puhpa Jeru - Rah padua heih naw pata Achuna Thaisona apeimawzie ---The Importance of Education in rebuilding of our Homeland.
Satlia Elaisa Vahnie - USA nata Canada liata Mara Community aih pata adua awpa nata achhitha pha via awpa.
Pakhypi Noh nona (Day 2) he Fellowship ta ahmapa a cha. 
(Maryland Mara Hlapy).
(Rev. Dr. L.B. Siama, Principal, Lorrain Theological College, Yangon, he pakhypi liata Special Guest achapa ta sermon achakhei nopa a cha. Ano he U.S. liata thlakha hlei tlai a vaw chaha ba, July 24 ta eima rah la alie heih awpa a cha).
A noh 3-na noh he Marasaw tawhta Member of Parliament (MP) eima hneipa USA liata a vaw tlo tawhta maniah apahasai hapa Puhpa John Matlei Chozah thlasu vaina programme chhaota hneipa chata; Puhpa Matlei (L) Biography reina nata alyna bie reina cha Puhpa Sichho ta hnei ta, Puhpa Matlei (L) ahronoh hnochaipa saiheina chhao Puhpa Sithau ta a hnei hra.
(Puhpa John Matlei Chozah, Ex-MP (L) thlasu liata).
(Rev. John Vabeibyhna thlachhana ahnei nopa).
He Pakhypi chhoh heta hlasathaipazy - Laihsa Vazapawh, St. Khai Cho (South Carolina), Khei Tao Thai & Paw Khei, Satlia Peter tawh zy ta hla ama sapa nathlie lymapa cha ta, programme zy a palohpahawh hmeiseih.
He Conference ahmana chochah liata uthei viapa thokhazy biereipa:
MSWDC Director Puhpa Jeru ra a reipa cha, "Marapa he chipho chyh pa cha hra sila, chipho tlohpa cha pita, he hawta conference eima hnei theipa he apha ngasa. Atahma chha thyutlia zy paloh rao kawpa ta eima chi nata pho nata rah chata ama hria pasa khona ala hmeiseih ta maniah apalysa kaw".
Conference Chairman and new Director Elaisa Vahnie ta cha, "Mara America Conference Ei(1)na he Marapa phopa (history) liata peimawh ngaitapa step sakha a cha. MSWDC-USA reformed taotheipa a cha hawpa chhao he historic hlaotlona a cha hra."
MSWDC-USA Chairman Puhpa Thahnei: "He hawta eima conference ahlao tlohpa he ahy hmata aly leipa y aw mapi. Khazopa ta maniah chhitha sala MSWDC-USA cha ahlao tloh via lyma aw ta, Marapa apokhana nata kiathy viana cha chhao rai ahria via lyma aw," tahpata Conference chho alyna bie reina liata a rei.
New York, South Carolina, North Carolina, Indiana, nata state hrola tawhta khichhai a vaw tlopa zydua chhao ta 150 rachhoh ama phapa ta pahnopa a cha.
He conference he noh 3 chhoh tlai ahmapa cha ta, ama conference programme detail cha ano eihta sopa cha ta, he liata click la download ma y (PDF file a cha).
-
|2010-07-07 15:14:41 AnonymousUS Marasaw zy eima chaly ngaita kaw, Marapa saw zy dua chachyta khao mapi.
US aleilo lia zy ta Conference tao pa zy he eima nah atheituana chata Mara History liata angia cheingei hawpa acha.
Marasaw zy apokhana, akaoraona charo leima sila hmiala ta chhao he hlata rona viapa Marasaw Conference zy he hneithei leima achhua su vei
-
|2010-07-08 01:40:38 Mara Conference - Aly achhieh kawThatih eima thei dah ta cha Mara Conference avaw hlao thei leipa state hropa la tawta pa Marasaw zy a eih viapa ta Colorado State nata Texas la nawh cha 2011 Mara conference Indianapolis liata ahlao cheingei abh awpa ta atahma taw tlai ta amapachhuapanoh ngabah a ma tah kaw.
Indianapolis Mara conference he cha mo 500 ama tlo thei awna tahpata thatih apau ngala na a ma tah. Mara Miss apatlahna, Stage Show nata Football akhaina zy chhao taopa awpa ta ama chhua ngala nota a cha ama tahpa vata...Siaha la Mara Miss nata hlasa thaipa zy vaw tlo thei hra ei sala apha kaw ngasa awna...
-
|2010-07-09 11:45:31 Meipaw - Aly kheinaUS marasawzy nama tao pha hmeiseina.Marapa chichyta eima cha pachhaota khazohpata mia a y pa pa ala hmeisei.Atahma tawta USA lia dei cha leipata Malaysia Mara Saw.Australia Mara saw nata Delhi Mara Saw zy chhao marasaw akaoraona.apaokha na achapa Conference he taothei achhua chyu suvy.
-
|2010-07-10 10:27:40 samuelkczalua - ReithainaUSA liata unawhzy,
eima kho kaw vata nata eima hnei kaw vata cha lei pata eima pahrana ti nata rah pha leina vata marahpa chi chyh nawkawpa he avawpachhai byu ha ba ta,ei lia tlo na tah kho thai lei awpa ti nata rah lia zy ta khichhai pa dei cha awpata eima vaw paipatlah ha pa he kyhkha la ta la angia kho thaipa rima cha vei,chahrasala Pawla ta cha "Ato he eichata pha nawpa sai ta atao tyh" atahpa hawta marahpa saw zy chata pha via nawpa ta khazohpata maniah apachhuahpanopa hawta apy thai eisila alyna bie tlao reih hri su u
nama pahrana mai liata A HY MA MARAHPA ?KHATAIH LIAMA MARAHPA RAH CHA A Y?KHAPA MA AMA CULTURE NATA TRADITION ACHA?KHAPA PALOHRUPA MA AMA PHAO ?KHEIHAWHPA ZYHNA MA AMA ZI? tahpa hia hri na nata KHATAIH LA NA KUA HEIH AW? A HY NA PANGAI AE? tahpa hia hrina zy he kha paloh lia avao pata A HYMA EICHA? tahpa he amy beih kha ei su u.
Nama photo zy vaw hmo pita paloh alie ta aly pita eima ngia achhie,apha hmeiseih,
.
.
. 
NB: Pic nama vaw UP pazy khi a moh a pha kaw sai