New Delhi, Khihpa 16 (maraland.net) - India cha ta a economic thatlona nata foreign company zy chata investment supipa achana ahmiepa ta phusa (Rupee) ngiana (symbol) thiehpa ataopa cha Union Cabinet ta zahnia - Pohbienoh, July 15, 2010 khata a pyh hawh. A nothlahpa ary liata moh la:
(India phusa symbol thiehpa, PIB ta Pohbienoh ta apapuapa, Photo courtesy: AFP)
He ngiana thiehpa he Devanagari hawrawh 'Ra' nata Roman Capital 'R' apahlyhpa a toh a y leipa cha aw ta, achola ta parallel line sano ta siethlu awta, he he ta akhona ngiana (equal sign) a cha aw.
Hmiala ta Re. nata Rs. tahpa ta hma tyhpa cha, he symbol thiehpa heta thlaha ba awpa a cha.
The Symbol Designer:
Eima hnohla tawh khata he symbol design he ataopasuana pahypa cha ta, IIT Guwahati liata lecturer thiehpa Puhpa D. Udaya Kumar, IIT Bombay tawhta post-graduate apatlopa pangiapa cha 3,000 design-zy hry tawhta atly patluapa a cha. Ano he Rs.2.5 lakh lyma adao aw.
(Phusa symbol ahneipazy nata ama symbol zy chhaota).
Press Information Bureau (PIB) ta arei dah ta khizaw liata ama phusa sign ahmahpazy cha British pound, U.S. Dollar, European Euro nata Japanese Yen zy cha ei ta, he club chono viapazy hry liata India phusa cha a y haba hra tahpa ta ama reih.
He India phusa ngiana thiehpa he hmapathao lyma ba awpa cha aw ta; Information and Broadcasting Minister Pihno Ambika Soni ta thatih alapakhypazy achho dah ta cha he India phusa ngiana thiehpa he thla charu (6 months) chhoh ta India liata hmakhai awpa ta cha aw ta, khizaw (internationally) ta ko kha nata akhophie nata ko 2 chhoh ta hma awpa a cha aw ta tah ta, computer keyboards nata softwares liazy cha thlai kho khai awpa a chazie chhao a reih hra.
Digit sakha hmapa Unicode he khizawpi standard apypa nata ahlypa khizawpi ta rairuna yleipa ta ama hma chyu awpa taopa a cha.
Outbound related links:
- New rupee symbol reflects strength of economy - Hindu Business Line
- Cabinet approves new symbol for Indian Rupee - IBN-Live
- Indian rupee gets a symbol, joins elite currency club - Times of India
- New symbol chosen for India rupee - BBC
- India gives new identity to its rupee - CNN.com
- India’s Rupee Rises a 2nd Day as Euro Gains May Encourage Funds - Bloomberg via Bizweek.com
-
|2010-07-16 06:24:08 ELJOHN BEISO - Eima chalyh kaw hana..Thati thipa, pahno byuhpa zy miahnavaw chho theipa vata eichalyh hmeisei. Vaw papua viahei ma y.
-
|2010-07-16 09:39:35 Lenin - "Ra" go go go !!! :)Bharat go!!!!!!!!!!!!!
Viarei lata.... "Ra" zy a lyuh pa khi maw....
-
|2010-07-16 10:17:30 ThawtMaraland.net news says:
Quote:He ngiana thiehpa he Devanagari hawrawh 'Ra' nata Roman Capital 'R' apahlyhpa a toh a y leipa cha aw ta, achola ta parallel line sano ta siethlu awta, he he ta akhona ngiana (equal sign) a cha aw.
Devanagari he Viarei tahpa ta eima pahnopa a cha. Hindi he Devanagari script ta ropa a cha. Viarei 'Ra' nata Roman (English, etc) Capital R zy amalgamation... etc..
-
|2010-07-16 16:20:33 PS - AchhynaKuta ropa liata hma pathaoba awpa cha ta, computer keyboards nata software liazy cha ko 2 taihta implement chhoh he aryu awpa hawhta reipa a cha. Computer liata aroh thai mah aw vei...
-
|2010-07-16 15:45:26 Lenin - Re/Rs is the best!a symbol a y ma leipa vata ...... kei cha "Re"/"Rs" tahpa eihma hla chy tlai!
-
|2010-07-16 16:32:05 KHITHIEKei chhao ata my Thati bu liata hmo nata,hu.....ahoh...tu...ta nata ..cha sala taothai tlo lei paw nata...ah...ah...keima cha sala ahoh tatloh leipaw nata...ah...........ah........
.
.
. 
