BANGALORE, Khihpa 19 (maraland.net) - Mara Students' Organisation (MSO), Branch: Bangalore zy ta student thiehpazy lâ pangiana Freshers' Social 2010 ama hnei heih awpa liata Dr. K. Beichhua, ex-MTP President châ Chief Guest châta ama hrua.
(Dr. K. Beichhua nothlahpa archive file tawhtapa. Original source: Siahaherald Website).
Bangalore MSO Executive Committee bie pathlupa hawhta he function peimawh kawpa he Pachynoh (Sat.) August 14, 2010 pata hnei awpa a châ tahpa Marasaw.com ta â reih.
Chief Guest ta hruapa Dr. K. Beichhua he MSO Branch: Bangalore founder châta; ko 2001 pa liana khâta ano khi â zatly no ta ano chhihthana ta he branch he a vaw duahta general election ei 1-nâ chhao ano chhithana ry liata hneipa chhao a châ. Chavâta, ama branch founder ama hruapa he chhituhpazy ama thâpawh kaw sai tahpa bie eima dao hra.
Chahleikho ta, he executive committee zahnia ta hneinona heta Bangalore liata Mara students zakha hlei syulyu yna âchâna hawhta â thâtlo via n'awpa ta nata MSO sahlaozy châ hmotaona kyh liazy châta ary liata palasapa hawhta group â pachhaih hra:
1. Hlichhy Group: Shanthi Nagar area liata a ypa zydua â pahly khai aw.
2. Dotha Group: Wilson Garden, Lakkasandra, Jayanagar, Adugodi nata Koramangala.
3. Laila Group: Hennur Cross nata a chheipah zydua â pahly aw.
Annual Sports 2010 News:
Kocharei tah hnei tyhpa Annual Sports 2010 deikua Phiata (Oct.) liata hnei awpa châ aw ta, Viarah khipi hrola ta achupazy hrua awpa nata hrualei awpa deikua pasia mah leipa a cha.
He Chief Guest chata Dr. Pawchhua hruana chhao he official ta thlai pahnosa awpa achâ zie bie eima dao hra. Ano he atahma Lytai liata Private Hospital liata ahria haita, ama chhokha ta Lytai liata ama ynga haino a cha.
Bangalore MSO luhpa pakha ta â rei dah ta châ, "Freshers' Social he achu haipazy châta function peimawh kawpa âchâna hawhta eima râh lâta nopawpazy Chief Guest ta hrua tyhpa châ ei ta, azahlao thei beih leipa eita, phusa-taka nata sohthih lâzy ta maniah ama baotyhpazy he eima ly kaw tarawpa ta atahmâ liata châ eima founder a châ vâta âno pohpa tlai maniah ahlao cheingei awpa ta hnabeiseihna âsâh kawpa eima hnei," tahpa ta a reih.
Hlaotloh kawpa ta Dr. Pawchhua chhaota Freshers' Social 2010 ama hmâ awpa ta maraland.net ta eima khokheina eima hla.
Related:
- Bangalore MSO Freshers’ Social nata Annual Sports 2010 - Marasaw.com
- Bangalore MSO Official website - www.marastudents.org
-
|2010-07-19 13:46:38 Lenin - A pha kawna.....Lypa a cha ngas dia... Dr Pawchhua he chysa pasa a chhi kawpa a chapata eipahno. Mara a chana a zakhei bei leipa,acha naliata khacha siapa, he hawta B'lore mohta taona cha ama vaw pahno ra rai chao he mopatla ama cha kaw..
Na saina da a pha kaw na, anodeikua ...
Chua? misual.com liata The Doctor c...
.
.
. 
