Siaha, Khihpa 21 (moonlight/maraland.net) - Mara Students' Organisation (MSO), General Headquarters, Siaha ta South Point School, Meisatla, Siaha liatapa cha Principal ta hawti pakha zahmawh palasapa ta ahriepa vata academic session achha tita pachhasa awpa ta hma a la hai.
(MSO Gen. Hqrs. luhpazy Press Conference ama hneina liata, extreme right MSO Hqrs. President Puhpa S. Vabeihasa nata a hrialahpazy).
He hmalana he MSO, Hqrs. Siaha chhituhpayz ta ama office liata thatih lapakhytuhpazy apakyhna zahnia zala dawh 2 pa khata hnei ei ta, achhapa MSO President Puhpa S. Vabeihasa tah a rei dah ta cha South Point School, Meisatla liata Principal Peter Paukholun ta a school hawti ahriepa pasatu hanapa chochah reita, July 8-pa khata Principal Peter heta Class III achuhaipa Lalnunhlua s/o Pihno Heleni cha hriena sakha cha ta a pazu (aza) thao papuasa ta a hmi nothlhapazy taopa ta, chachhao cha adaih tah leipa ta achulahpazy (class mates) pahnosapa lyma heih ta, MSO ta he hawhpa hmo achuna su liata atlopa he ama khohlei zie reih ei ta, dah aparaopa a cha zie ama reih.
He hmo atlopa chochah he school hawti hropazy hiahri laihpa cha ta, ama reina dah ta he he a ei khana chhao cha leipa ta, he hawhpa hriena he Principal ta a vaw hma tyhpa zahmawh zy ahlaopa he dah pasaileipa acha zie ama reih hra. Supreme Court chhaota a pasai leipa, he hawhta 'sexual abuse' acha tahpa reihpa chasala rei chhei ma pi; hawti hrie nawpa dah hluhpi a y thlah no ta he hawhpa zahmawh roh akiapa ahriena cheingei he cha keimo MSO zy ta a pei tah pita, he hawhpa he eima rah liata atlo khaolei awpa ta eima khoh, tahpa ta ama reih.
MSO Hqrs. President Puhpa S. Vabeihasa cha ta South Point School he Academic lalaopa liata a y haipa a cha vata nata school hawtizy pachapa vata atahma academic session he cha apha kawpa ta pasiesa awpa cha aw ta, hako 2011 tawh deikua cha he school he Siaha district pahlypa chhoh liata cha ama pahy heih aryh khaolei zie zawpi ama pahno awpa ta eima reih khoh, tah ta.
"Tararuana ta tlyma, he school he siekhei raruapa a cha khiahta cha MSO chata he school nata staff zy cho liata kheihawpa rai he tlosala maophao awma ma pi," tahpa ta the President ta reih ta, chahleikhota hawti pathoh Rochana, Philip nata Dawnga zy chhao he hawhta hriehapa ama cha zie a reih hra.
South Point School, Meisatla liana heta achuhaipa 120 y ei ta, Kg-1 tawhta Class-VII (seven) taih achuna chata, teacher 8 ama y.
Chahleikhota, MSO President ta MSO Hqrs. hmalana tlahpipa reih ta, he hawhta:
1. MSO Office building sana rai cha pazao lymapa a cha.
2. Zako ta School department nata Higher & Technical Department, Mizoram hnohta hnohta ama hmo tlokheipazy nata hmala haipazy cha he tawhta areileipa liata Aizawl la alaichadai awpa a cha.
3. South Point School liata hawti hriena chhiepa a tyhpa he keimo MSO Gen. Hqrs. Siaha cha ta pei tah pita, abyuhna hawhta action pasa kawpa ta la eima chhuah, tahpazy a cha.
Source: Moonlight newspaper online Mizo version cha Mara reih lata Maraland.net volunteer pakha ta a palie, acho liata eima ly kaw. Athaona deikua alyu khai hlei vei.
Comments (25)
-
|2010-07-21 13:02:23 Beita Jr - In EnglishMara Student Body Strongly Condemns Sex Related Punishment of Student.. Read more at http://bit.ly/bgT5ZX
-
|2010-07-21 14:29:56 Apaw, ViarahEima district khola tawhta avy ta eima rah liata school avaw paduapazy he ama riah apha kaw tyh na... eima phatu hanapa he advantage maniah ama lathlupa tyhpa ta ei pahno cha maw... maniah chi leipa ei ta, maniah za hra vei ei. Dah khola chhao he hawhta a y ngah lyma, Dah hawhta hria awpa deikua apha aw...
apasa thei chaina hawhta hrie cheingeipa cha mawh sy.
-
|2010-07-21 14:38:33 K.SatliaA pei kaw tyh na.... School pakhawsa ngasa cha apha tly ma? Principal kha hrie ei sala, Siaha tawhta papua ei sala cha vei ma? School khaw cha Meisatla school hawtizy English medium school ahnia kawpa liata ama kia theina cha tloh ta, pei kaw vei ma?
-
|2010-07-21 15:12:09 Anonymous - Child AbuseAccused heta a pahno thai nawpa ta Mongyurei te eivaw comment :
This is an extreme case of horrendous Child Abuse (Sexual harassment). It is beyond a case of Corporal Punishment. FIR should be immediately lodged. Considering the history of 'his' indulgence (from what we have learnt), it is high time that the NGO's and the Civil Society make pressures on the Authorities to bring the culprit to justice. I strongly condemned this kind of Immoral Act.
Dr. K. Robin
Secretary
Mara Research Society
-
|2010-07-21 15:31:31 MSO=MZP? - Pacha abyuh kawMSO Hqrs. ta he chochah liata ama chahraopa he ama tao hialia awpa achapa ta pahno na ta, anodeikua hmah ama la dah deikua he noza a vaw chhih kaw. He report hawta rakha ta hma ama lapa a cha khiah la hmo siedah dopa Law tawhta pa-aosa ta hriena pasa kawpa ama pataosa awpa he hmophapa cha ta, justice cha a dao awpa a cha. Chaleipa ta, a school khaw awpazy la ta ama bua viapa lyu ei ta, school khaw leipa a cha khiah teacher nata staff zy pachhipachy laihpa he novah achhih thai lei kaw... He school he Mr. Paukholon eih a cha vata a cha thei aw ma? Ahneituhpa he Mr. Paukholon tlai he a cha ma? A moh tawhta Manipur lata Zo hnahthlak a cha hmi kaw... Dah ta hawhta siekhei awpa ta hmo he sie khei phata, MZP, YMA nawhzy hawhta hmo tao he noza a chhih kaw. Press Conference zy ama hnei tawh cha reipasia khai awpa. Tawhta, Siaha chata ngala news he chavei, chavata, school khaw ama khohna chhapazy kha pahno a pha hra aw.
-
|2010-07-21 15:33:25 JK Chozah - Apei ngasa...!
Avaw pei kaw na. Eima MSO Hqrs Nopaw pazy hmalana liata apha tah nata ama tao pha kaw eitah. Chahrasala Tari Noh 8th July 2010 liata hmo tlopa chata, tawhtala Hawti hropa pa-3 chhao he hawta vaw tao hapa cha heihta, Ba tala hmo eima laichadai haw pa khiah ma aw eita, alikaw daiti liata reirapa nano nanopa a y kho kaw tyh. He hawpa he Hawti chata Moral raona chata apha lei ngasa, tawhtala Chi nata pho mohnaona la taih zy nata akhih nata tlah, Arah nata ti, Achyhsa nata ALeilo sawzy za leina, apahra lahpa chyhsa za leina a cha. Tahmahla Khizaw liata Education cheichalona kao nano nanopa hry khizaw liata he hawpa hmo atlo pa he noza chhao a chhi kaw.
-
|2010-07-21 16:26:20 Lenin - Natlo pachi, na nie pa chi, na s** pa chi...Natlo pa chi,na nie pa chi,na s** pa chi...a hmeisei dadei na a cha ha, a pasa ngasa na....he tlu pota, phohropa Mara-rah lia a khy eita, a marasaw cheingei mania tlo chiepa ei,mania nie pa ei,maophyu ngasa pata mania soh paei, a pasa ngasana.. MSO dei cha leipata, he hawpa case hela.. all NGO within MADC ta action apasa kawpata la eisa apha aw!
Pho hropa apachaipata VIA,Manipuri,Burma tahpa zy heta eima Mara-rah choh lia heta atlai tlao kaw ty eita,a pei ngasa,he haw penaw zy va ta,a patu pakhi na zy y hlu kawba ta, a pei ei ta hmeisei.. he he la Mara-rah liata NGO's zy dua ta hma la via tua ei sa..
-
|2010-07-22 05:58:16 AnonymousPune Thyutlia,
Lenin hnota na hiahri napa he vaw hmo nata, pachana na hma nasa hlei kho ta he hiahri napa he zah achhi kawpa ta eipahno. Na hiahri taraw leipa chie ta, he chochah liana heta eipacha dah vaw rei tua sala, Convocation liata Degree eima lo no hete, asia kawpata Oath lapa cha ta, bietai na pahneisapa eima cha khai. he hawta bie patai sapa eima cha chyu; "University tawta degree na lo no heta, khatai su lia rai, khatino rai, he Degree he namo thaby liata patao awpa nata na nozah khei awpa cha vei..." Convocation Oath he, convocation booklet liata hmo theipa ta a y.
Cha hlei khota, UGC Sixth Pay Commisson ta dah thiepa kaw tao ta, PhD a hnei ma leipa zy chhao UGC ta a recognised pa College zy liata ahriapa cha Asst/Associate Professors Designation piepa ama cha khai pa vata, he Degree title he eima University liata cha patao awpa ta pahnosapa eima cha. Cha hawna hra chata eima designation board zy chhao mania ama thla khaipa acha.
Khei hawpa rai achapa chhao ta, he he convocation Oath ahnawpa nata cha liata ei bietai haw tlaita hma awpa he ei duty do kawpa acha pata eipa hno.
Popularity akhai hra leipa nata, chysa pei hria awpa chhao ei kho vei kaw. Popularity akhai khopa zy chata deikua, su hro la akhai nawpa space ahlu kaw ngyu aw.
Abeipa ta he eirai hria eiphu lei kawpa na piepa he Marapa saw zy nata rah chata khei hawpa kao la tawta chha ta ma pahnai kawpa ta hma lyma awpa he ei chhuah hri. Atachakiana pa tlyma atalo-aina tlyma heta khatai rah hma mania tlokhei aw vei.
Dr. K. Robin
Secretary
MRS
-
|2010-07-22 06:07:40 Dr. Bobby BeingachhiPune thyutlia, na comment pa he vaw rei hra nata hmo napahnopasia khai leipa ta ala. MBBS zy title, Award a daopa zy, Civil Cervices liata ama Post designation zy nata PhD title he tlokhu ananopa hmo acha. Amo heta la ama patao leipa chhaota hmo adoh kawpa nata angia kawpa acha. Tawla India sawkha ta chhao he Award adaopa zy chhao he ama mo liata ama patao awpa he pasai hra vei. PhD a hmo pa ta amo liata apalahsa vei khiata la convocation bietai aparaopa acha hri. Tawla, pachu tupa zy he rai laipa category liata na pahlao hra leipa acha khiatala hmo dohpa cha aw vei. Civil Service hlata UGC hlao he asa viapa acha.
Dr. Bobby Beingachhi
-
|2010-07-22 06:15:26 B'lore MarapaDr. K. Robin, na bie achhyna he asia kawpa ta pahno nata pitlohpa achhyna ahno kaw. Abyuhna nata asu nata adaihti he y chyu ta, eima za awpa nata eima cheih chalo awpa a cha tlai. Hro hao ta ahaopa hawhta ama pahno thai lei vata he hawhpa arohpa ama vaw y tyhpa hela a pei kaw.
Thohna Doctor tlyma, thohna leipa doctor chhao rai ama chana Dr. a tah theipa ama cha no ta self-introduction liata a hmah leipa hluhpi y hra ei sala, amo preference tla cha ta, ama tah khoh khiah ama tah thei lei nawpa y bei vei. A eihpachaipa ta UGC ry tawhta Ph.D adaopenawh chhochhi hela ei paso kaw ei... Riapha kawpa ta vaw tao via lyma muh vy.. Khizaw liala aphapa ama ypa hawhta, ahnaodana lata hmo ala thai kawpazy eima y heih hra. Apei kaw tyh. Chavata, na chhopasiapa chhao he pha kawta, aly achhih kaw.
Mizo nazy chhao doctorate degree ama title liata asopazy bobi ta ahaona bie eima hnola liata ama website thokha liata reih eita, asia kawpa ta achhopasia awpa kha y leipa eita, majority kha ahaota ahaopa hawhpa kha cha ei ta, ama novah leina kha ngiachhiena tlao ama chhih kaw hrapata ei pahno.
Mara sawzy eima paloh he pakawh via tua ei sila aly achhih kaw aw.
-
|2010-07-22 06:21:14 B'lore MarapaOut of Topic (OT) discussion he yzie hneileipa chhao a cha tyh. Eima nohkhih leina apalasa kaw tyh. News khi moh sila, Siaha liata School sakha Principal hmotao doleipa a cha. He hmo he rei via hri awpa a cha. OT lata angia ta chyhsa mopakha tlyma, group tlyma, community, etc, reipachhiena la angia ta, ama paloh liata alapa maih aroh chakhyh pazy he la achhy chhao ta achhy khaolei awpa he pha chai awpa chhao alyu kaw nota, chhopasia deikua byuh tyhta, news chaipa chhao weight ahnei byuhna hawhta hnei thei khao tyh vei. Apei kaw. Topic liata y chyu tyh suh vy.
-
|2010-07-22 06:49:43 Lenin - Doctorate he ma!!??Thanks @PUNE thyutlia, pachanada ei navaw hiahri hrapa ra rai va chita ei ly kaw. Na hmo vwa reipa khi hmo do kawpa chata. A pa chaipata Marasaw pi he, eima soh a thlie thai lei kaw pita, tho kha eima chana zy chysata vaw pahno cheingei ei sah!tahpa zy lyuh kawpata ama chana zy a byuh lei ngana taihta a pataih pa eita, chysata ama hno la tawta ama pahnei sao ngapa a cha tyh hrapa acha.
Khi chocha lia khitala,a case bah ta ta ananoh ta eipahno. MRS Secretary acha na latawta a title a rohpa chata, a pah kaw hla ta eipahno. K.Robin atahpa ta pahno khai hraw sila, MRS Secretary chapata a 'Doctorate title 'Dr' a vaw patai sa pacheingei khita,apa serious sa hlei khota,a dignity,status,nata MRS a chei cha loh kawpata eihmo. Chavata,tlaokao penawta tao lei hra eisala keimo Marasaw chy kawpa tala eima tao pachaota mao mapi!
He chocha hela, a chysapa reipa a cha hmeiseita eipahno.
NB:- @PUNE thyutlia.. na example piepa a doh eita kaw... L.Beimopha ...etc etc..
-
|2010-07-22 07:08:13 Da ObserverMara sawzy proxy server hmana dah eima pahno hraleipa hela a pei kaw tyh na! Eima zao a vaw la kaw heih khi zaw!
-
|2010-07-22 16:50:06 M.Vabeiryureilai - PAHNOPASIA TUATA SYH!Thokha hlupi comment pie ty ei chita nama moh chhao nama roh ngah leipa khapa ma a y zie? Reih pahmao awhpa tlyma, hiahrina tlyma etc.. a y khia hiahri chyupata reih pahmao ei si la, a bao chyu awhpa a pha. Chyhsa tla a-ei n'awpa ta tlyma, moh hropa rei pachhie nawpa ta tlyma net he hma kh'ei suh. Phahnai via pata sy. Dear Lenin, Dr. K. Robin khi MRS châna la tawta "Dr" title khi pataipa cha vei, na pahno pasia lei kaw pata ala. Chyhsa chô-cha na pahnopasia leipa ngiachhie pata comment khao kha y. Tawla ahyrai, title tlyma, designation tlyma, achievement tlyma a y zie hawta moh kiah liata patai pa a cha lyma tyh. "Dr" title he hmô dah chi hlupi a y tahpa pahno thla chita, tlaikao zy ama roh ngah lei khia " Confer tlyma, honorary tlyma cha thei hra, achievement deikua a patai leipa y lih la aw vei ei. Prefix(Dr) or suffix(PhD) ta ama pa tai thei tahpa pahno ei su u. Ngiachhie pata ahyrai mohropa rei pachhie nawpa tlyma net tla hma kh'ei su u. Hmo phahnai viana châta tlao hma achhua ba ei su u.
-
|2010-07-22 17:20:58 Lenin - Huihammmmmmm reicha neipa a byuh hei!!!!@M.Vabeiryureilai huihaa.... eima Ryurei... ei rei kho khaoleipa,vaw pathyu hei chita,tla vaw rei hei tuasa, Dr K.Robin title "Dr" he MRS a chana latawta apataihpa acha!tah leipa nata ... @PUNE thyutlia pahnothai via nawpa nata.. a rai nao via nawpa lata heta tlao eiroh pa cha
"K.Robin atahpa ta pahno khai hraw sila, MRS Secretary chapata a 'Doctorate title 'Dr' a vaw patai sa pacheingei khita,apa serious sa hlei khota,a dignity,status,nata MRS a chei cha loh kawpata eihmo" ei bie quote cheingei na rei tlo lei khia tala, na bie roh na da nata keima bie origin word khi moh pakho la, a meaning a na noh sa lyuh awh! Kheita e, na moh Marasaw tawta chathai a soh sa viapa chata pita, chysa bie eima reileipi la zy ta na pa hei sa dai hma cha zaw.
1. Dr title a vaw patai pa cheingei khita, a py MRS he a cheicha loh ngasa eita. (Chathaipa zy chatacha "Dr" title cha,apa taihpa sa cheingei awpa hmo a cha zie cha eima pahno chyu tlai tlao, cha vei ma?)
2. "MRS Secretary chapata a 'Doctorate title 'Dr' avaw patai sa pacheingei..... he ei word liata "pacheingei" eita pa na chha zy he, na chathai pata cha a mean na pahno tlai? MRS Secretary he MA tly ma , MCom tly ma MSc(JRF) tly zy la cha sala, pataisa byuh tu ngyu vei, a rohna kaw tarawta, cha tlu po ta paronasa tuvei... a noh dei kua "Dr" tlai ta a vaw pataipasa hala.... a vaw rohna cheingei na, eiza ta na a cha kaw. A ruh la nga nataita reipa a byuh ta eipahno leipa vata, ei rei pazi khaoleipa tlao a cha khaw.
""Dr" title.............. na pahno pasia lei kaw pata ala"
Khazia ma "Doctorate Title" cha ei pahno pasia hra vei tly aw!! Ryurei...(Link http://en.wikipedia.org/wiki/Doctorate)link hlupi y hrata,eipa pahno hra tlai maw... pahno pasaia kaw hraw sala, a detail ngasapata he comment chyu ta lia heta a roh tia vei! kei hlata la na chaota na pahno pasia via ngyu thei hra, pahno pasia kaw hraw sala.. @PUNE Thyutlia khita "pachanada" eina vaw hiahri pavata, a pahnothai nao via nawpata tahna chota anao thei chaipa, asia no thei chaipa ta ei roh pa tlao a cha.
Marasaw tawta chathei hmeiseipa eima palaikhei kawpa zyta comment zy vaw pie eita, a ly pa a cha hmeisei, anoh dei kua, chysa comment eima quote pachua heipa a cha khiatala ... a comment word origin khala pahlei leipa sila, a word origin sakha alei khata, a meaning zydua a lei khaithei tahpa pahno nachota, chysa quotation he moh pasia via sila tahpa ei vaw haw hmeisei.
(Ei vaw OT (Out of Topic)pasi da chala... he topic hela OT khaoleipa sila apha thlyu na.... eima mean a lyu khai hlaba tana eipahno. Dr title he eima lykhei kaw saipata a la... chavata OT khao lei tla y su u..
-
|2010-07-22 17:52:24 Delhi Khydi - Shouth Point Principal khi Siaha tawta puasa!!!!!Lenin ta a vaw rei suachua hla pala, a vaw thlazi khai heina...(Opps OT khao vana) Principal khi Siaha tawta puasa!!! Manipuri bailai............ Marasaw mania moh hnao tu ha!! MSO nakhata Principal z* cha color ta thu hra tua u!ala pasa ngasa hra aw!!
-
|2010-07-23 08:45:17 maralaisanoI really appreciate MSO immediate action on this issue.... Longlife MSO
-
|2010-07-23 08:55:36 ELJOHN BEISO - He hawta cha sala eitah khoCha hawpa y ziechhipa chysa cha 1,2,3 ta tla pabasa ula, ahnia chaita MARA pa eima y leina suliah sopa cha sala...
-
|2010-07-24 14:29:24 Biesoh - MSO na taopha kawMSO ta achuna kyh nata azaona liata pha via na hnabeiseihpa ta hmah avaw lapa he taotlapa nata tao awpa tlai a chapa ta ei pahnopa vata ama taopa liata ei khohkhei ei.Tha patlo ei nata MSO Hqrs.Luhpazy y,hmopha taona kyh liata hmah vaw la pazao teh u.
Biesoh
VC
MSA
Magwe
-
|2010-07-27 09:45:08 Anonymousaw..avaw pei kawdia..school hawti zy hnohta hehawh pa hriena atao tuh pahe eima mara rah tawhta thlai papuapa chasala khoh achhih kaw aw..MSO hlei khota MTP zy chhao hehawpa kyh liata thakha tla theipa acha khiahla aly chhih kaw aw...keima khoh dah ta chasala mara leilo tawhta papua hlei khota tly pa ula chhei pa teh u...Fuck
Mara thisa liata
-
|2010-07-27 17:57:00 Anonymoushe hawta hawti zy cho lia hmotaophaleipa taona he marapa chhokha khazi tlyma nopawpa achapa tlai ta ama saw chota ama taochheina hlupi eita, hnei pita, biechhiepa,ama saw chota taoda phaleita taolana zy hlupi eima hnei-
Pupa- Puakholon cho eima kia hla heta sasy ta amo kala tua su- Mara chhokha mo tuasu- keimo mokhao lia pualeipa abaithlapa he la tuasu- chakhai tawta chysa hropa chota apuapa cha eima la thei aw.
Sawnaw zy pachhiparypa, biechhiepa chhopa pazeipa mo angialeina taih chhoreipa, chhapa zy he mara chhokha khazi tlyma hma chy eita ama hma ngala thlah haw-
MSO zy, MTP zy chhao chysahropa chhoreina liata dei thapi phia pata keimo sasy, sawnaw sahmadopazy chhorei leipa pita, chhokha liata saw taochhie ngaita kawpa zy pachakhei hlei lei pa pita atahawhawpa chysa hro cho kiana lia dei eima rai anao kaw khiata cha chathai tu ei vei aw.....
-
|2010-07-27 21:34:52 AnonymousMarapa nopaw hlupi nata chhokha hlupi chhaota he hlata pasaviapa sawnaw zy chota abused ( taolataona) he ma tao hrapa kha MSO zy MTP zy ta mopadei khei hra ba tuasu-
Power he hnei kachepa hawta dah zy azaw pakho laih pata hmotao awpa chhao he chipho tlopa pitlopa chatala kachhie chhiepa chata- Siaha lo o liata patahpa hmotaopasipazy lo o taw la papua pata lathlo lia tlai chysazy thisaopa eima cha awpa chakhao lei kaw ba ei na aw..eima zydua sasy ta ba amo tuasu--sawnaw zy chota eima taochhiena eima piepasina zy kha bah sai tuasu-
He hmo atlopa he eima zydua chata daw paro ngalapa hawta chasala lessons hawta alakala pata Khazopa byhna piepa hryuta aso chaipa sawnaw zy he Khazopa khozi hawta chhitha si- sawnaw zy chha awpa he khazopa khozi cha ei aw vei, sawnaw chota biechhiepa rei ngalapa taolana chito tao ngalapa sawnaw zy mamawpa piethei leina zydua he taolana chinano nano sai tla chata- he zydua tawh heta avai sila eima saw naw pabosa awpa tovyu he alaba tua su..
-
|2010-07-29 10:44:43 Laiu Fachhai - Dr Title hmana, etc1. He Principal hmotaopa he a do tlaipa a cha khiata cha a phuhpa hawhta action la cheingei awpa a cha.
2. PhD-zy ta cha kachhie leipa ta ama title "Dr" he a hmah thei lyma awpa ama cha. A hma nawpa daihti nata su amo ta ama pahno chai aw. Pakhona ta ama lapinozy tlyma, ama nopawzy tlyma, nata ama viasazy lata tlyma cha ama paphao tita hma nga kaw awpa byuh hlei leipa ta, chahrasala ama chana palasa awpa a peimawhna liata cha ama hma tyhpa he a pha kaw. Dr K Robin heta MRS Secretary a chana la tawhta he Principal hmotao do leipa he thailei a vaw pachasapa cha ta, official ta a vaw ropa a cha vata a official title Dr a vaw pre-fix-pa he pha ta, tao hialia awpa chi a cha. Keima lata personal email eina za paphao tita Dr tahpa ro hlei leipa ta, "Na nawhta Daoki Paw" tahpata tla a ro tyh.
He Principal heta cha Daoki Paw cha ahyma tahpa pahno leipa aw ta, K Robin tahpa chhao pahno hlei hra ngyu vei. MRS py moh ta he Principal he thailei a vaw pachapa cha ta, chavata Secretary a chana palasa ta, a title Dr chhao a ro pa cheingeipa hmo peimawhpa nata dopa a cha.
Vanoh Paw
Powered by !JoomlaComment 4.0 beta2
i like this video so much, 
