Maraland.NET - The Home of Mara people on the Internet

SIAHA, Khihpa 22 (Moonlight/Maraland.net) - Chyhsa ahyzy tlyma ta, "Dr. John Hamlet Hlychho Adona nata Khotahlaina tlyhnao awpa achhuana a cha thei aw ma?" tahpa biepipa hmapa ta Open Letter to Editor tahpa Puhpa B. Sabu, New Colony moh hmahpa ta taopa ta, copy hluhpi Siaha liata raipa cha ta, Puhpa Sabu ta ano aroleipa acha zie reih ta, court la taih tlokhei hapa cha he hawhta Moonlight newspaper liata reipasiana a papua:

BIEDOPA REI PAPUANA:

Chyhsa ahyzy tlyma ta, "Dr. John Hamlet Hlychho Adona nata Khotahlaina tlyhnao awpa achhuana a cha thei aw ma?" tahpa biepipa hmapa ta, ei moh (B. Sabu) hmapa ta Open Letter to Editor tao ei ta; Copy hluhpi rai papua ei ta, he he moh apachhiena nata myu apaphaosana asah chaipa ta ei pachapa vata cha (letter) araituhpazy hnohta Ngiathaina EINA HAW awpa ei nata ei bie ahawhpa cha hlaopatloh leipa ta a cha khiah cha court lata sie ei chhuah zie show-cause notice piepa ta ei pahnosa ei.

Daihti bitaipa chhoh ta ei hmo ahawpa hlaopatlohsapa achalei vata ei Dona palasa awpa achhuahpa ta Court la pangai ei chhuah haw.

He hawhta a cha hai nota July 14, 2010 (wed) za ta eima ECM Awnanopa Hqrs. nopawpazy (1) Rev. S.T. Zawsi, Moderator, (2). Rev. Ch. Chhama, SES (3) Rev. C. Beima, ES(M) zy ta formal meeting vyuhpa ta eima O la vaw charei ei ta, "ECM Awnanopa Bah pakha hawhta cha pacha pita, na dona nata thaichana Court liata na palasa khiahta cha, nama Bethel Local Church (ECM) ta tao aw ta, ECM Hqrs. chhao apabua thei aw; chavata hiakhala ta bie phapa ama rei khoh leipa chhaota, nama ta cha achhana cha na tlo lei awpa ta Khazohpa mohta eima cha haw," ama vaw tah.

Chyhsa chyhsapa tawhta cha achhana tlo awpa he khoh hrasala, Awnanopa Nopawchaipazy Ahawna he za achhih tah na ta, Khazohpa Ao hawhta pacha na ta, he hmo vata chyhsazy ta Awnanopa Reipachhiena ryhpaohpa ta ama hma awpa he pasaih hra leipa na ta; chavata, hmo doleipa vata maophyuna nata mohchhiena he phao ei tlyh via haw.

Haipa bie ta ei moh na pachhietuhpa zydua he Khazohpa mohta angiathai ei na ta, chavata court ei tlokhei khao leipa a cha.

Kha cha "Open Letter to Editor" tahpa kha keima ta ei taopa chavei tahpa ei phuah chaneipa heih hra.

Sd/-
Puhpa B. Sabu
New Colony, Siaha.

Note: He he Moonlight News(Mizo version) tawhta maraland.net volunteer ta Mara reih la ta eima vaw paliepa a cha. Adoleina a y pathlei khiah Mizo version motheipa a cha. Dr. John Hlychho nata Puhpa B. Sabu zy he ECM Bethel Local Church liata apakhy rairipa ama chapa ta pahnopa a cha.