SIAHA, Khihp 26 (Maraland.net) - Puhpa Kunal, IAS, Deputy Commissioner (D.C.), Siaha district chata sawkha ry liata schemes - BADP, BRGT nata IWDP raihrianazy mopasia awpa ta Zyhno, Siatlai nata Tipazy cha Chutyhnoh, July 23, 2010 khata tlyna a hnei.
(Zyhno khih vaih thokha ala dah, Photo courtesy: Puhpa Kunal, IAS blog, link at the end)
Puhpa Kunal ta a blog liata a rei dah ta saono a cha vata tlotlah khih hropazy tly rairu ta chavata metal lapi district headquarters tawhta tlotlah khih atlona suzy ngala tly thei awpa cha vata, Zyhno cha tly awpa ta a chhuah zie reih ta, Siaha district liata NLUP hma nawpa dah sawkha nata zawpizy reipahmaona su hrola ta hnei haipa cha Siaha liata 3rd August ta NLUP Board zy ama kaw tlo hlata hmo yzie achu via awpa chhaota khi atlypa a cha zie a reih.
(Mid-Day Meal, Zyhno liata).
Zyhno cha he kyh liata tly awpa ta peimawhpa achanazy cha khih laipa hry liata sakha a cha hlei khota Village council 5 y na cha ta, chahlei khota chi chei theina rah ahnei kawh kawpa ama chapa heih a tah.
Siaha tawhta Tipa cha dawhkawh sano (2) chhoh ta tlo thei eita, Zyhno cha Tipa tawhta minute 30 ngala tla ama ryu zie a reih hra.
Tipa nata Zyhno lihkawh liata Mara video album chata alyupa nothlah lana (shooting) ama hnei ngapa va hmo na ta, laihsano lalai achaki liata aduahta cameraman ta nothlah ala ngapa ei camera tawhta ei la hma leipa la ei i kawna, eima ra lalao ngano chata tahpa ta a reih.
(Tipa liata Mara Thyutlia Py (MTP) zy ta dyna hla ama sanopa).
He a khitlyna liata Puhpa Kunal chata Aganwadi nata Achuna O zy cha asu lia cheingei ta mopasia laih ta, pachutuhpazy cha tiama papua awpa ta a pasyu ei. Zyhno khih liata Mary Heichia Special Residential School (Heihlyuleipazy School) Pihno Heichia mohohpa cha tlypa ta phusa Rs.2,000/- a baopa ei. He school liana heta chyhsa 15 ngala atloh theipa achano ta, Siaha district pohpalohpa liata heihlyuleipazy cha 450 po ama pha zie D.C. ta a reih. He kyh liata he heihlyuleipa school amohohtuhpa board Zyhno khisawzy ta ama paduapa cha a reithai zie a reihpa hra.
(Puhpa Kunal, IAS, Siaha DC bie a reinopa).
Siaha DC he Tipa liata tlyngia py Mara Thyutlia Py(MTP) nata YMA hleikho ta VC zy ta Tipa MTP Hall liata vaw dy ei ta, pho la zy pamosa ei ta, alykawpa ta apakyhnazy ama hnei.
(Tipa YMA ta Sarlamkai ama pamosa, he he Sawlakia nata alyu khai vei, Sawlakia tawhta amopapa a cha tarawpa ta).
(Tipa MTP ta Awhkhypa La ama pamosa).
(Puhpa Kunal chhao Awhkhypa La a lah hra).
Puhpa Kunal he Tipa BDO, ADC(P), DCSO, ACF(MADC) nata IPRO zy ta a khitlyna liata ama deichhy laihpa ta pahnopa a cha.
All Photos are courtesy of Puhpa Kunal blog.
With inputs from DIPR Mizoram (Mizo) and Puhpa Kunal blog (English).
-
|2010-07-27 13:23:58 NB.Sila - Apasona vata alykaw raw nata Mara phorypa paso leiAw Unawzy,
Marapa ta eima châna dopa Culture eima paso liezie thata ala kawna. Apachonosana liata aly achhikaw ta, Eima Chipho cheichalona eima mo hei tita ngiachhie nama pachhisa kaw.
He Marapa Chipho ta ahneipa Lâso nata Phoryhpa hropa hlupizy he moh pasia ta akhasia nawpa chhao ta Marapa ta Phupy ahneipa zy tawta Reipasia awpa thata apha hmeisei hra.
Marapa Phola nata Culture hropazy chhao pasosa via lyma ei sila, tapa a hawna cho ta ..
NB.SL
-
|2010-07-27 17:50:23 Anonymouschysa hropa khapa ma ama tao tapa mo pata ama tao phahlana rei awpa he la rai nao kawpa chata keimo popa tlai hmia asa pata adopa aphapa tao awpa dei he aru kaw-
Tipa MTP zy nama taopha kaw, eima chaly kaw- reipachhiena ataotupa zy chhao pita keimo kha culture khia culture dopa dress khia dress code dopa tata tao tuasila chakhai tawh mohropa taona zy kha eima rei khiatala zawpi cha chhao phahnai awta chaleipa ta arei dei reita hmotao hriana hneileipa reipa zy he cha achathaipa chakhao vei--
half done is much better than never-
late is better than never-
Comment eima pie hla heta culture do tata apakhyna zy dress do tata atao na zy organized hawhrapa eima cha khia dei cha acho lia comment pie zy khi pachakhi tlai acha.
-
|2010-07-28 06:51:51 AnonymousCultural nata azao pata half done thai awh pa cha vei. Asiano awh pa abyu. acho liata photo khi vaw mo tua rai u. Mara rah liata Mizo dress atlo chaima pata atao ei ta Sawla kia lah eita. Ano deikua Awkhy pa lah ama la pahe Mara dress apha pata ama tao tlo leikhia taolei eisila apha via. Sawla kia chhao Mizo dress ama tao naw pa rai y hra vei. Mara Cultural dance chata Mara dress ta Sawlakia chhao ama kia awh pa acha. Apei kaw.
Marapaw
-
|2010-07-28 07:12:59 Anonymous@Marapaw, na bie reipa he ei support fully... eima phatu hana hena eima raokhei pathaopa alyu kaw... Sarlamkai tah ba eita Sawlakia nata alyu vei ama tah thlah heih.. he hela eima block hra a byuh kaw.. A khophie y thai vei... asaipa khiah saih, arah khiah rah... chakua tlohlei laloh tlolei abua tu haw.. Keimo eih amopa pata moh hro bie eita, Sawlakia nata alyu vei ama tah thlahpa hela hieha achhih kaw..
- Laila
-
|2010-07-28 17:11:50 AnonymousMarasaw hmotaopa akala taw reipachhiena he cha sasy reipachhiena nata alyu va heta na nata kei he adopa cha taotuasila aphapa cha taotuasila, cutlural chhaocha aki pacha palasa hra tuasila, awkhypala, sawlakia chhaocha achana yzi do pata hawhta vaw chalua hratuasila-
chatlolei pata ataopazy ama vawtaothei leika vata- judgemental kaw pata reipa rai he cha hmasinana mia apie vei- aphana kao rai na ahnei vei-
-
|2010-07-28 17:27:43 H.VBT@Anonymous, unaw na pacha chheipa a cha aw. Judgmental nata constructive criticism he pachhai thai a chhuah hri suh vy. Reithaina ngala adao khohpazy he Burma pheisai sawkhazy hawhpa khi ama cha, democracy rah liata cha opposition thatlopa heta rah hmasiena atlo khei. Opposition bie hawhta comment zy he eima paso kaw hra byu ta, merit a yna liata nathlie thai a byu hra. "Na tao leiva rei nga kha," tapazy cha, kheita eima zydua ta eima tao tiah cha... ataopazy ama taodoleina a y khia eima rei vei khia khei ta a cha thai aw. Ado viapa hawta nama pahno khiah palo pathai kawpa ta tlao a vaw duakhei hra u la, pitlopa bie la ta eima cha lapa hra aw.
He hawpa hmo adoleipa hawta pachana a y no ta a vaw eituhpazy ama y tla lei khiah la chi achhih kaw... whistle-blowers nazy, constructive opposition voice zy eima thi chhyh khiah cha kheita eima rah hma asie thei aw, eima culture ado thei aw.. vaw pacha hra tua ma y. Marapa ky apacha pasai eima cha hi...
-
|2010-07-28 18:40:16 Anonymouspakhata hmophatao pakha pakhata aparao haw chhyh va heta eima ra he hmasi thaileina cha hri pata ei pahnona dah acha-
Ra uthei pakha achahrapa khi vawtlo pata palyupalina liata cha ama theina rakha tata Tipa MTP zyta ama tao pacha- reipachhie awpa- constructive chhao/leipachhao criticism eima tao ngala pa he cha cutlural eipasona ky chahlei lei pata eima chhiena alana tlao achapa alyu-
Cultural zy, folk dance, awkhypala, odyla etc zy he cha criticism nata chy chalothei aw vei, khokheina, pakha taopa akileipa liata action chhaota baokhana taokheina he peimaw viakiapi?
India ra Democracy zy Burma ra pheisai ryureina zy he cha he thati origin cultural topic zy na heta pazaopakhi leipa sila pha via khiamaw? IP star address zy mo pata anonynous comments zy he Burma chysa or Burma pheisai ryureina nata pakhopa ngala chhao he ado chaipa achalei hmikaw khiah?
-
|2010-07-28 19:11:29 H.VBTDear Unaw na pahno vei... Eima sawlakia zy he maniah copy ei ta, ano leipa lata ama tao khai haw... Chavata, Awkhypa lazy eima tao nota ado kawpa original zy tao lyma thei sila apha, sawlakia chhao.. chata leipa ta cha anoleipa la ta maniah ama siekhei khai aw. Rah luhpa azatlopa y tla vei ei, Siaha D.C. cha ta, Mara la dopa kha a hmo awpa abyu. Adoleipa eima la ngapa he acha thai vei.
Mizoram state chhoh la Mara saw ama y leina lata chasala pahno thai a chhi, Tipa liazy cha eima rah chata YMA zy ta Sarlamkai tah lai ei ta he hawta adoleipa maniah copy ei ta ama la ngapa hena eima kho thai bao vei.. comment eima reipazy he patu thai achhua su vy.. Pheisai ryureina lia cha areipachhietuhpa opposition voice ama tlyhnao, democracy zawpi ryureina liata cha opposition ao he ama nathlie hra.... kha pakhopana khana tla eima vaw rei.. anolei la ta la chhy lei awpa sy..
-
|2010-07-28 19:15:59 Anonymous - Beikhokhei guides Mizoram into the QuartersSantosh Trophy 2010 - Beikhokhei guides Mizoram into the Quarters
Santosh Trophy: Beikhokhei guides Mizoram into the Quarters
.,.
A 63rd minute strike by East Bengal and Mizoram striker Beikhokhei was enough to send five times champions, Kerala home in the final pre-quarterfinal match played at the Saltlake stadium here on Wednesday.
..
-It was all to play for both the teams and the pendulum kept swinging from one side to another throughout the match.
,,
After a pale first half, the jinx were finally broken by the East Bengal youngster who has been in resounding form in the tournament.
,,
Mizoram now joins Delhi, last year semi-finalist Tamilnadu and runners up West Bengal in Group B, while Group A consists of defending champions Goa, Services, Karnataka and Punjab.
..
source - http://www.the-aiff.com/pages/news/index.php?N_Id=1695
-
|2010-07-28 20:18:01 AnonymousKypachana tapa he hmotaopa ahlao leipata cha adothei vei, chathai hra vei..y thai hra vei..
Marara he na nata kei hawta rah kypachasai eima chapa va tlai heta hmasina hneithai aw mapi, khiasa thai aw mapi..rah kypachana he hmotaopa chhaota chalua hra tuasu.. arei ta tla rei pa he ta la rakypachana hlutu hapi..
-
|2010-07-28 20:37:49 Anonymous@ H.VBT unaw, pheisai ryureina liata cha reipachhietupa voice zy ama tlyhnao tyh tapa he cha acho lia bietlapi eima rei ngalapa na khita a zaotu leikaw..
Democracy rah lia deikua cha opposition bie ao ama nathlie hra natapa chhao he ado kaw...chasala acha lia reihaipa bie zy nakhita ahmitu vei..
Tipa MTP zy hmopachhuapanopa liata akileina hlupi ama hnei thei.. chasala ama theina chhohta pachhuapano eita ama tao hra.. ama chalua theichhopa ta liata ama chaluatheipa cha eima ly khei..
racism pa kaw pata tlaikaonazy chhao he reingana daiti la chakhao vei..
sarlamkai nata sawlakia likawh buaparei thla pa hlata sawlakia dopa puathei nawpa cha Tipa MTP ta DC adyna thati liahe pahnie thlaleipa sila na nata kei raky pacha zy pita phatata vawtao hra tuasu..
Tipa MTP hmotao hmopachhuapano na chochah reisisawpa lia heta sarlamkai nata sawlakia na pathlapazi khiatala abuava ngaita kaw hri aw..
-
|2010-07-29 04:04:09 H.VBTNovaleina he abua kaw ty. A reipachhiepenawh ta ama reipa cha Tipa MTP dei chavei kha maw, Tipa YMA zy chhao ama hlao. Ama hmo tao doleipa hawta ama hmopa areipachhiengapa eima y awpa he zawpi ryureina liata cha hmo yzie ahneipa a cha, pheisai nata dictator ryureina zy hawta cha hawhta ama pacha dah a vaw reipazy eima tlyhnao khia ado thai aw vei ei tana acha kha... comment khi a pha pata rei hra ma y.
Tipa MTP bai khao kha, YMA hmo taopa khi eima kho lei viapa chhao a cha khi... Sawlakia a y, Sarlamkai he mania ama copy pa adoleipa ta ama taopa chata, atahma cha Sarlamkai nata Sawlakia anano hana ama ta thla ha; cha cha reipachhienga leipa Marapa eima chakhia la ngiachhie eima chhi kaw aw. He hawta eima ta vata eima la zy, eima chysia zy he atahma cha yzie ahnei lei pathao.. eima duakhei awpa cha vei ma? Cha hawta aduakheipazy cha Pheisai ryureina liata a y pazy hawhta "SHUT UP" eima ta aw ma?
-
|2010-07-29 05:01:20 AnonymousMarasaw atah pi ta, eima cha Tlosai cha chhao apha tata eima novana taihta eima reih thai leipa hela avaw pei kaw tyh na! Mopakha cha rohpa zy he apha tata reih achhua tua leipa ta, tla reply chakhy ngahpa zy he hmo phapa cha vei. He Comment eima piepa he areih tuhpa hlupi ama y tahpa he pahno ei su u... Marasaw eima mara châ novana taihta thai achhua ei su u....
-
|2010-07-29 10:30:38 AnonymousCommunity miakhakha, NGO miakhakha ta ama khichhaizy pasopata hmaokhata tla ama la pa zy cha Democracy ra achana hma pata reipasipasaw hatha hleileipa sila adovia ei aw-
Eima Democracy zy he Freedom to criticism hlata freedom to action ta hmatheisila phavia vei ma kadua? atahma haw heta eihlupi criticed tao hra sila keimo ta eima pileipa khia yzi raina ahnei hyh aw vei cha..
India ra achaleipa Democracy rahropa chysa zy he da amopa hra tua baosi.. na nata kei haw heta community or NGO miakhakha khichhaipasona ama la khona kyzy he culturally ( sarlamkai& sawlakia) ta chhao cha se, politically ( India Democracy& Burma Dictator) ta chhao cha se reipasipasawpa hmo awpa y vei ei -
Sawlakia do pata nata Cultural do pata zy ala theipa kho khiata cha cultural alaha via thei nawpa su zy pary pata, daiti nata chah zy apie kala hra pata- cultural show zy, cultural chaluana, cultural festival zy patopatia hra tuasi.
Cha hawta tao thei nawpa ta khotalaina eima hneipa Democracy- freedom he tlao ahma viapalie sala pha via khia ma kadua..
-
|2010-07-29 03:42:27 H.VBTUnawh, na bie comment pa nata keimo eima comment pa alyu leipa ta, positive kawpa ta constructive criticism a taopazy reihkah chhao eima nathlie thai leipa hawhta lyuta, cha reply khao aw vana... nama y ta y thlah hra ma y... hehe Cheers man, you must have had a hard time trying to promote your ideology. Good for you! I wish you all the best!
, Mara Lei Pawpi.JPG)
Kadua : Pha tata dua pacha sili tua...!!??
1.District Administrator ta bia achahlopa cha aly pa cha ngai ta kaw chasala he heta Dyuchhie pazy chata athona sakha chha atlokheima?.
2. Ei ta ha heih tlai tua aw...Eima Mara rah Khipi sanona (2) liata kheitazie ta Sarlamkai,!!!... Dress code do lei pata khazia cultutal he eima tao tyh tly?..YMA.. Etc.. pacha pazi tua kadua (Eitla sai-u).
3. Mara Cultural he; He hawta hmo naonah kawpa liata mah my a zoh kiah ta alai ha ty mah my?!!..Pha tata Mohona nata Khasiana liata ba kha chakhiecharie via tua su. Eima Culture Zy mohona liata Riakhie via thla haw su, Ba pasipaaovia hla tua su, avaw bo via thei lyma naw pata
4. Hmo chynawpa tawhta hmo rai rai he a thao tyh. Mei cha achana dopa ta liata hmapa cha chi a chhih vei chahrasala a vaw ka/dua ha nata cha chyhsapa chata chi a vaw chhih ha tyh....