KOLKATA, Khihp 28 (maraland.net) - India rah liata state vyuhpa nata gov't institution vyuhpazy lihkawh liata football ataopasuana lai chaipa Santosh Trophy 2010 akhaih haipa liata pre-quarterfinal match zahnia ta Salt Lake Stadium, Kolkata liata ama khaihna liata Mizoram cha India rah liata team pha kawpa ta rei tyhpa 5-time Champions Kerala team cha Mara Satlia B. Beikhokhei si kha kho chhohpa ta a tlo khei haw.
(Mizoram playerss, viakao rahpa nata Kerala player, viakao maihpa akypazy pre-quarterfinal match, Salt Lake Stadium, Kolkata liata Nohliahnoh July 28, 2010 ta ama khaih nopa).
He ama tlona he Mizoram chata Santosh Trophy ei 64 ataopasuana a vaw y chiehapa liata Quarterfinal ama ngia tuachaina ei khana chhao a cha.
Akhaihpa amohpazy ta ama rei dah ta, first half liata Mizoram player-zy ta apiepha ei ta, si paphyusa theina chance chhao ama hnei hluh, chahrasala, si kha chhao kho thei hlei vei ei.
Second half la deikua dohsah viapa nata pohraoh phaviapa Kerala player-zy ta Mizoram cha chadie via ei ta, chasala si kha chhao khothei pyly hra vei ei.
Minute 62na lia deikua Satlia Beikhokhei ta anodeita ball he Kerala defender-zy doveipa ta, goal avaihtuhpa chhao doveipa ta si kha a kho haw tahpa ta Times of India online edition ta a report.
(Satlia B. Beikhokhei U-19 Footballer of the Year 2009 Award chhaota. Orkut liata ano viasa atao khohpazy chata click here).
Siaha College Vaih thyudyupa Satlia Beikhokhei he India rah pohpalohpa liata U-19 Footballer of the Year 2009 Award avaw dao hapa cha ta, atahma he India rah liata football club liata phachaipa chana apahawh ngapa tah theipa East Bengal FC chata akhaih haipa a cha. He hawhta Mizoram state chata apa goal tuhpa a cha pa he eima palaikhei hmeiseih.
Mizoram team zy Quarterfinal liata Tamil Nadu nata Chytuhnoh (Fri.), August 2, 2010 ta asuh aw ei ta, ama tlo pazao lyma awpa ta eima khokheina eima hla.
Related (Media zy kheita ama rei):
- Man of the Match: Mara Satlia B.Beikhokhei - Marasaw.com
- Beikhokhei guides Mizoram into the Quarters - The-AIFF.com
- - After a pale first half, the jinx were finally broken by the East Bengal youngster who has been in resounding form in the tournament.
- Mizoram advance - The Telegraph, Kolkata.
- And it was an individual brilliance, rather than team play, that clinched Mizoram the winner..
- East Bengal striker Beikhokhei played a nice one-two with Lalhlimthara before cutting in from the right side. He then dodged past two defenders and beat goalkeeper Sarath K. with a well-placed right-footer at the far post. - Mizoram upset Kerala to make Santosh Trophy last eight - The Times of India.
- After the changeover, Beokhokhei had a solo run as the striker deceived the Kerala defenders and goalkeeper K Sarath to find the back of Kerala net and settle the issue. - Mizoram upset Kerala to make Santosh Trophy last eight - Yahoo News!
- Santosh Trophy at Wikipedia
-
|2010-07-29 10:10:41 JjEi lykhei ngasa. St.tata he skills lia cha khizaw liachhao chhie aw vei. Indian footballers zy hrylia chhochhi la skills hneipha chaipa acha ta ei pahno . Profesnal player dopa acha. A pôraoh deikua khodah hawta pha tu vei, chahrasa, messi, w.philips, lennon, bellamy chhao ama lai kaw rai tlyma! He trophy lia akhe dah tawta India coach ta a aw ba awta hnabeisei sila, Marasaw zydua ano chata thlachha khei suh vy..
-
|2010-07-29 13:30:52 AnonymousSt. Tata (Beikhokhei) ei cha palaikhei ngasa. Maradona ta defender-zy adovei tyhpazy ei naw patheisa kaw chi... keep it up!
- Na Fan
-
|2010-07-29 14:21:58 JK Chozah :Aijal - Pasaipha...... TataChalykhei nata eichapalaikhei kaw...
Marasaw dei cha leipata Mawra satlia Santosh trophy liata he hawta record pha kawpa na tao thei pa he a ly a chhih hnmeiseih. Khihkha vaihkha (College vaih satlia) ma chana liata eichapahnona zie ta cha, na hlaotlona he, Sasy avao pahnipa (self-Discipline hnei phapa), Pa-o Pazypa liata na sosi theipa vata a cha pata eipahno. He va heta eichapalaikhei ngasa tyh. Marasaw Football apahapa zydua chata amopatlah na cha pata eipahno, a ly a chhih hmeiseih. 21 century, tanoh liata la PASAIPHA nacha chatah leithei vana....Abeipa ta byhna cha bie lyma mawh sy. eikhokhei sah chaipa chhao chahla nata Champion thei chengei aw pa chhaota eicha kholkhei hmeiseih.
-
|2010-07-29 14:25:45 The Classic - CongratsMarasaw hmia na pakai kawna...
St Tata ei cha ly khei hmeisei.!
Myla nama khe hei nawpa liata khokheina ei cha hla ei.
Kolkota liata Marasawzy kha support awhpata athao holo tuah u...
Asuh liata ei y lei pala palo y achhi kawna...!!!
Tv tawhta Live ta amo thei tly ma????
-
|2010-07-29 15:27:20 NB.Sila - Aronah kaw dia!B Tata ( Beikhokhei) he hawta na tiamana nata na taophanazy ei vawhmo tita thata ei ly hmeisei.
Daiti hmiatuapa liata Marapa he Chipho chykawpa haw ta chipho hropazy ta miah vaw pacha lyma ei ta, achhapa cha Thlyutliazy eima tiamana he Chipho hropazy tlu ta eima taopha thei leina vata a cha viachai.
Chavata Marapa Phopipa tlaikha Chipho chypa hawta avaw chaty. Atahma haw ta Khilai, rah laipa liata Marasaw Mophanazy eima daolyma tiata Marapa ta Achipho laina( Phopipa) achana he avawla papua lyma tlai na...Vaw tiama lyma la, thlachha eima chabao lyma..
He hawta Eima Chipho Moh apaphatheipazy tlai eichi he "Mara Pasaipha" tapa ta Keimozy ta thata eima cha palai khei lyma haipazy nama cha ...
Alyna cho ta ...
NB. Pakuakua
Yangon.
-
|2010-07-30 17:26:06 The Classic - Santosh Trophy resultTano Mizoram 0-2 Tamilnadu, eima va duah ha...quater Final tawhta Leaque ta ama khe aw..tlona chance ama hnei hla chy!!!
-
|2010-07-30 18:12:56 Anonymous@The Classic, na update pa eima chaly kaw.. achasy cha... akhei hawhpa rai chasala live na na mo hra tly ma? Mo eina byuh hra da la aw!... match sano ama hneivia chy awpa lyu ta, ama khe heih awpazy he tlo ei sala kho achhih kaw...
-
|2010-08-01 05:16:32 The Classic@Anonymous, Live ta mo vana..mo eina bo kaw,
Match sano ama hnei pa liata heta khapa ama lo va tly...
A ma khe hei nawhpa daitih....http://www.kolkatafootball.com/aiff_santosh_trophy_2010/inde x.html..he liata ahmo thei hra aw!!!
-
|2010-08-01 07:28:35 AnonymousMizoram ta match sano a hnei chy, chazy cha:
Aug 02: (Gr.'B') : (YBK - 18.00 PM) :Bengal VS Mizoram
Aug 04: (Gr.'B') : (YBK - 15.30 PM) : Delhi VS Mizoram
=============
Group 'B' Standings
=============
Tamilnadu 3
Delhi 1
Bengal 1
Mizoram 0
Ty, @The Classic!
-
|2010-08-02 09:31:21 V.B.Mokhai - alykheina nata khokheinaDear Beikhokhei,
News Paper liata zy na thatih vaw pahno lyma pi ta, Mawrah Football team zy chhao nama zawzi ta tlona vaw to ei, Marasaw na thatih a pahnopa maihzy ta chaly khei hmeiseih pi ta, Hmiala daihti liata na Mara chi heihzy a theina chota tiama na vaw papua via lyma awpah nahta Mara sawzy cheihchalotuhpa na vaw cha awpa chhaota khona ei cha hla.
Pakhai
New Colony, Siaha
-
|2010-08-02 12:39:57 pawhe eicha palaikhei kawEicha vawpalai kheikawhra hehawta INDIA rah liazyta chavaw cheichalolyma eita keimo marasawzy chhochhicha eima cha rei thaivai heihra keichhao nataonamai lia ta khazoh patacha y palailyma sala tha chapatlo lymamaw sy tiama pa puavia lyma ma y
pawhe
Melourne
