PATNA, Thlazoh 17 (maraland.net) - Satlia S. Beihrokhu (Pakhai) s/o Puhpa S. Lyhmo nata Pihno Nanu Hlychho, Siaha Vaihpi pa cha atako MBBS (Dawty) final year exam liata ano kiana Jawharlal Nehru Medical College, Bhagalpur, Bihar tawhta sakhana (topper) cha ta Gynaecology nata Medicine eihpa liata Gold medalist a cha rairi. He hawta taophapa he Mizoram state tawhta dawhty achupazy hry liata sakhana a cha chypa ta pahnopa a cha.
(Dr. S. Beihrokhu (Pakhai) MBBS topper nata Gynaecology nata medicine liata Gold Medalist. Photo courtesy: Moonlight newspaper, Siaha)
UPDATE on August 31, 2010: Dr. S. Beihrokhu he ano college tawhta MBBS liata sakhana (topper) a cha hleikhota subject sano Gynaecology nata Medicine liata Gold Medal ala rairipa heih. He hawhta ataophapa he Mararasaw nata Mizoram chyhsa cha ngalah chaleipa ta Northeast chyhsa chata hmo ngiatlahpa a cha. Eima lykhei ngaita.
Dr. Beihrokhu Siakhai he Pakhai tahpa ta aw tyhpa cha ta, he medical college liana heta state hrola tawhta dawhty achupazy ta topper ama cha thei beih leipa liata topper a vaw cha thlahpa ta vianazy chhaota ama no-ah ta, misual.com liata a post tuhpa ta a reisata khazoh mota ama mo thlahbapa a cha.
Dr. Pakhai he ko 2005 khata St. Paul's Higher Secondary School, Aizawl tawhta Golden Jubilee batch cha ta, py 12 patlo ta, he ko pyly he ta Mizoram Higher & Technical Education ta entrance a conduct pa liata a roh patloh heih ta, he college pha kawpa he a to paphapa a cha.
Dr. Pakhai he Medicine department liata Gold Medalist achapa heih. Misual.com liata a post-tuhpa ta a rei dah ta, topper cha awpa ta cha, "No nata paw doctor, pachutuhpa hmiapahnopa nata phopipa (phylum) cha a byuh," ama tah tyhna rah cha ta, phusa chhao thata ryu a rei tyhna su cha. Chyhsa lathlih chakhyhpazy chata cha topper cha he hmo a thei leipa a cha. Chasala, Pakhai heta vianazy phusa nata ama khokhei tyhna zydua cha ly khai ha ta, history thiehpa he college liana heta a vaw roh haw. Hmiakai a chhih hmeiseih. He hawhpa liata Marapa saw ta sakhana a vaw cha thlahpa he ngiatlah a chazie reihta, a pohraoh zy chhao viah doh seih kawpazy pachapa ta cha chyh hrasala a tiamana nata thaisona cha ta viahnazy taihta ama chi zapa nata thlah ama sapa acha paphapa he a palaikhei achhih hmeiseih a tah.
A rei via dah ta, Khazohpa ta 'Byhna' nata 'Hlaotlohna' he chyhsa achhuahparuna nata Ano pahno thlahna hneina chota achu tyhpazy to awpa ta a soh thlaha tahpa pahnona chota cha achu tyh, a tahpa hra. Dr. Pakhai thatih he Misual.com liata papuapa cha ta, ama lykheina thata amo roh holo hra (ary liata link a y).
Dr. Pakhai he hawhta Marapa moh dei chaleipa ta Mizoram state nata Northeast pohpalohpa hmia a pakai tuhpa a vaw chapa he eima palai khei hleikhota eima pasahsa kaw. A sie lyma nawpa liata maraland.net ta eima khokheina a sah chaipa eima hla.
Related:
- Mizote tihmelthatu Pakhai - Misual.com
-
|2010-08-18 03:56:03 AnonymousA ronah dah cha! Marasaw achuhaipazy tiama papua lyma suh. Chadi medical nata engineering entrance exam liata topper cha achhua heih sila, cha hawpa taothei awpa ama y ta ei pahno. College level liata stream nanopa liata topper cha awpa achhua ei suh. State khotho lata achuhaipazy chhao tiama papua lyma tu, centenery byhna a vaw la lyma aw
-
|2010-08-18 04:39:43 CongratulationsPakhai,na vaw tao pha kaw hei na,PG taita taopa a chhhuah ma y..Marasaw hmai napa kai hmeiseih..Hmohmo(CMC) chhao kha topper chapa a vaw chhuah cheingeih ma y..
-
|2010-08-18 08:14:13 Anonymous - Ei cha lykhei hmeihseihDear Pakhai,
Hehawhta na vaw tao phana liata ei cha lykhei hmeihseih. Na paw nata na no zy cha ei hmiapahno pha kawpa cha ei ta, na paw nata na no chhao ei lykhei hmeihseih hra ei. Hehawhta hlaotlohna rohnahpa na vaw hneipa he na mahpaw-mano zy nata no na paw zy Khazohpa ama china nata thlahchhana byhna tah lei thei va na.
Beipa ta Marapasawzy, Mizoram chyhsazy nata khizaw chyhsa hlupi chata sapa nata thlahpa liata tlahna byhna hnawh ta cha hmah lyma se!
Na pawpaw,
Vanoh Paw (Laiu Fachhai)
-
|2010-08-18 08:29:54 zizi - Alykheinapakhai na thao pha ngasa. mara saw hmia na pakai ngasa. congrats.
-
|2010-08-18 08:34:14 Lai LaiDear Pakhai,
Ei cha lykhei hmeiseih na. Mararah chata Byhna vaw cha ma y. Marasawzy ta Dawty eima peimawh ngasa.
-
|2010-08-18 09:18:06 LaiLai Bangalore*************Bro....Esli ta chao na thati na chho tah..ei chaly khei hmei sei...
-
|2010-08-18 12:11:28 Anonymouspakhai natao pha tlaina. na hlao tlona liata palohru hmeiseih ta cha ly khei nata hmia la nasie lai lyma nawpa lia chhaota khokheina sah chaipa ei cha hla.
pahlu, shillong
-
|2010-08-18 12:41:38 AnonymousPakhai, natao pha ngasa. Marasawzy ta chalaikhei pi ta,eima chapasahsa.
Mara Satlia
-
|2010-08-24 07:39:56 t.k.ronana tao pha ngasa na pakhai a kho la liata na kaw chu naw pa liata kho khei na i cha hla...GOD bless u...
-
|2010-08-29 18:39:46 AnonymousNimin khan Pu S.Lyhmo te nupa chuan an fate hlawhtlinna avangin Pathian hnenah lawmthu sawina programme an hmang a.
..
He programme Khichho Macha H.Dawtlo kaihhruaiah hian thu sawiin Dr.K.Beichhua, Supt,LIKBK Hospital chuan, MBBS a Gold medal pakhat hmuh pawh a ropui hle a, kan nau Pakhai chuan Gold medal state dangah a la thei hi a ropuiin Centenary malsawmna a ni,a ti a.
..
Pawchhua chuan, MZP te hian kumtin pawl 10 & 12 top 10 te chu ropui takin an lawmsak thin a, kan ramah MTP,etc te hi khawiah nge an awm tak? Kan naute hlawhtlinna lawmpui thiama a lawmna buatsaih sak ve hi thil pawimawh tak leh anmahni tak pawh phur lehzualna siamsakna a ni zel dawn a ni, tiin Pu TT.Vakhu fapa Iahmo,Mizoram topper pawh seat a hmu lawk thei lo chungchangah a rilru na lutuk chu a muthil thei loh phah thu a sawi tel bawk.
..
Rev.M.Zakonia leh mi pawimawh dangte pawhin thusawina an nei a,Rev.Ch.Chhama,SES, ECM chuan Malsawmna-in programme titawp a,ruai kilho nghal a ni.
Source: http://www.moonlightonline.net/thuthar-lawrkhawm-24/
-
|2010-09-01 10:12:34 AnonymousMaraland Gospel Centenary khola la Marasaw chhao he eima vaw dua lei zie a vaw la via lyma heih .... Ei ly khei ngasa ha... The pride of Maraland.... na cha!!! God bless Maraland
-
|2010-09-01 17:36:03 Laikhai PawDear Pakhai,
Keima nata Marapa saw zydua ta paloh hmeiseihpa ta eima cha palaikhei kaw.
Zisu krista chakaona rai rohna ngaitapa nata peimawh ngaitapa na chakao pazao tita sona nata thaina cha pietuhpa Paw Khazohpa athai thlah ha la, Abeipa ta cha chhitha sala patlah theina Byhna cha vao heih lyma maw sy.
-
|2010-09-02 01:34:35 vatlei - eina chalykawDear pakhai
Naw tao pha kawpavata eima chaly kaw khazoh pata by hna chapie lyma mawsy
Tlei tlei
-
|2010-09-02 03:13:11 Jacob Hlychho - Congrats! Dr. S.BeihrokhuMara sawzy ta na hlaotlona liata cha palai khei pita aly kheina eima cha hla hmeisei. KHAZOHPA ta byhna cha pie lyma maw sy.[/b]
-
|2010-09-02 15:16:50 AnonymousNawta ..............mara saw zyta eima cha palai khei hmeisie,chadei chhao chavei vaihpi moh chhao napa phasa ngasa hra.keep it up..For GOD n Maraland..God Bless u
-
|2010-09-08 10:52:59 Betty - congrats!!!Pakhai na result ta eima vaih hmia napakaisa ngasa! na hlaotlohna liata eima chalykhei hmeiseih!! Congrats....
-
|2010-09-09 09:16:38 maggiechozah - .Congrats Pakhai !!! Na tao pha hmeisei.Ei chaly khei ngasa. For God and Maraland.
-
|2010-09-09 14:31:48 Paul Beirakhai - A ly na bieEima chaly khy ka che haw, Abeipa ta na hmo tao pa mailia ta by hna chapi ly ma se.
-
|2010-09-20 10:40:14 BEIBEIALY ACHHI HMEISEINA,HE HAWTA MARAPA SAW ATHAIPA EIMA HNEIPA HE APALAI LEIPATA ABEIPA LATA ALYNA BIE REI LYMA EI SUH VY..
PAKHAI HMIALA NASIE LYMA NAWPA LIATA ABEIPA TA CHA YPA SALA CHA HROBIE LYMA MAW SYH.
-
|2011-02-14 05:07:31 MaryPakhai, a ronah dah ca! mara saw hmia na pakai kw na....eima rah cata byhna vw ca lyma ma y! I m sooo proud of you!!
-
|2011-02-18 11:37:51 pakhai - Alyna bie reinana lykhei tuhpa zydua hnota alyna bie ei rei.
Hawh kaw hrasala eina pacha thai awpa ei chhita ei hnabeisei.
Hmiala daiti ei silai lyma nawpa lia chhaota thla kha eina vaw chha khei ty awpa ei chita ei cha haw chaima ei..
Khazopa rohna pa hnota a rona nata alyna y maw sy....
-
|2011-02-19 20:28:44 Anonymoushat off to you........Pakhai, na thaina zy Abeipa ronahna nata maraland chata byhna vaw cha lyma maw sy
Na saina da a pha kaw na, anodeikua ...
Chua? misual.com liata The Doctor c...
.
.
. 
Nathaina nata sohna zy Abeihpa nata Mararah chata hma lymah ma y!