SIAHA, Thlazoh 28 (Moonlight news/maraland.net) - Puhpa MH. Tiabi, EM, Revenue, Mara Autonomous District Council (MADC) zy chhaota Revenue department ta dah leipa ta sohpaliepa daoh 46 tlai cha nohliahnoh, Aug.25 khata ama khaw haw. Chahlei khota Maraland Democratic Front (MDF) ta EM chana ba awpa ta ama tahna chhao achhyna a tao hra.
(MADC office building nata tlyhmia, Siaha, Maraland).
He daozy ama khaw khai tawhta Puhpa MH Tiabi, Executive Member, MADC chata a chamber liata thatih lapakhytuhpazy apakyhpa ta, cha liata a bie reipazy cha:
1. MADC area chhoh liata Trade chi nano nanopa tawhta Licence piepa cha ta, cha liata Non-Tribal chyhsa 19 ta Licence hnei hai ei ta, Pho hropa vahpa (husband) a hneipa (Co-Marriage Traders) 14, ama zydua ta 33 cha ei ta, Non-Tribal Employment Permit ahneipa 17 hnohta piepa cha eita, cha trade zy cha:
(i). Steel Fabrication (ii) Quilt making (iii) Battery & Dynamo repairing (iv) Tailoring (v) Motor workshop (vi) Bakery (vii) Hair cutting (viii) Tea stall daoh hneituhpazy ama cha.
He zy he a rah leilo ahneituhpazy eima daih mah lei vata pie chypa ama cha. Dah pasaileipa sohpalietuhpazy (Illegal Traders - chyhsa License pahmasapa) atanoh taihta chyhsa 70 zy hnohta Show Cause Notice piepa cha eita, pie pazao via lyma awpa ta hmahla haipa a cha. He he MADC Trading Regulation 1990 ama paraona vata a cha. A ei khana chata MADC Regulation 1990 section 8 & 9 liata biehneina a pie vata atanoh Daoh 34 khawpa a cha, Illegal Traderhropazy hnoh chhao action la pazao lyma awpa a cha aw.
Illegal Trader zy cho liata eima department hmalana liata Thatihbu chyhsazy thata maniah nama bao hra vata alyna bie ei reih hmeiseih. Superitendant of Police, Siaha, NGO zydua, khihtlah chhituhpazy nata VC zydua maniah nama support na zydua vata alyna bie ei reih hra, a tah.
2. MDF Press Release No.3 of 2010 liata MADC Executive Committee pahnokheina y leipa ta Executive member biehneina khola ta Non-Tribal chyhsa 4 hnohta Trade Licence piepapua ta, House liata reipapuapa a cha vata reipasiana awpa pahno khaolei vata apaphasaipa hawhta baipa cha na ta, Trade Licence pie chiehpa cancel awpa nata biedoleipa reipa vata EM(Revenue) tawhta bah awpata ahawpa cha na ta; Puhpa S. Vadyu, MDC ta Letter to Editor a paphaopa Thatihbu nano nanopa dated 20th August 2010 liata a puapa, Non-Tribal Licence chochah liata ahy hmahta reikhei byuh leipa ta, rah nata chipho kyhpachana vata High Court taihta atlo chiehpa nata EM(Revenue) ta adolei kawpa ta baipa a cha zie thai kawpa ta roh ta. E.M(Revenue) cha pa maophyusa ama chhuah kaw tahpa pahno na ta, noza chhao achhih ei tah kaw. He chochah liana heta hmo rei awpa ngiaryhleipa bie chahrasala zawpi pahno byuh chaipa a cha vata document zy nata reipasia abyuhpa he a pei ei tah kaw, a tah.
EM(Revenue) ta a reipasiana:
Dt. 25.11.2009 liata Puhpa Beisa Khithie, MDC Starred Question No. 2 liata Non-Tribal zy hnohta Trade Licence piepa ama y na ta y vei House liata hiahrina athaopa cha ta, hiahrina ryhpa pyly cha Budget Session 2010 liata Starred Question liata hiahri heihpa cha ta, Monsoon Session liata Supplementary Question liata hiahri heipa a cha, khapa vata piepa ma ama cha? tahpa E.M(Revenue) ta achhyna liata "Zorammawia Variety Store he Vaih chhoh MTP, V.C., nata Biatuhpa MDC zy ta thata ama reikhei vata piepa ama cha tahpa ta achhypa a cha". Biatuhpa Puhpa S. Vadyu, MDC ta, "Rei khei vana," vaw tah ta, EM (Revenue) ta riahphah kawpa ta, "Na rei khei thlah khamaw, khazia House liata haipa bie na rei," tahpa ta Monsoon session liata achhypa a cha.
Cha bie cha apyh khohleipa ta Press Conference, MDF Press Release nata Thatih bu liata reipazao lymapa a cha. Zorammawia Variety Store he EM(Revenue) ta Executive Committee pahno khei leipa ta piepa hawhta baipa a cha. He he hmo ado lei kawpa a cha. Atahma ta EM(Rev.) acha haipa dawhkah liata atyu hla ko 8 asie hapa liata Trade License he ama hnei syulyu hapa a cha. Lic No.13/99 of 2nd June 1999 a cha. New Siaha liata ko 7 dao ama pahy khai tawhta department pasaina la tua leipa ta Siahatla ama pasiepa vata ama licence ko 2006 kha patupa cha ei ta, cancel awpa ta hmala haipa acha no ta Biatuhpa MDC nata Vice Chairman (Planning), MADC zy ta dated 5.10.2006 ta cha ta Zorammawia daoh he Executive Committee pacha awpa cha ta, chahla viata cha pachathai chy awpa ta ahawna hawhta action la mah leipa a cha.
Dated 22nd September 2006 liata MTP branch zy ahawna ropa ta taopa a cha hra. (He zy he ama cha (letter) zy cha a cha).
Ko 2007 June khata atahma EM(Revenue) acha haipa heta a dawhkah liata a vaw tyuh hra ta, dated 29th October 2007 khata Zorammawia ta Lic No.13/99 of 2nd June 1999 pathieh (renew) awpa ta a hiana Siahatla VCP recommend na chhaota VC zy ta EM hnohta ama pie, dated 12th November 2007 khata renew awpa ta VCP nata MTP President recommend-na chhao VC nata MTP zyta ama pangia heih. (Hezy he ama chazy cha a cha).
Ko 2008 avaw pahieh ta, March thlapa liata All NGOs cha pita, tah ei ta, VC zy chanozy ahlaopa ta Trade Licence renew awpa ta na vaw tah heih eita, thata na tei ei ta, chahrasala Trade Licence eima renew leina chhapa pahno thai awpa ta tlao ahaw ei na ta, eina pahno thai kaw awpa ei hawhta ei pacha nohta, ama Biatuhpa ama va pyuhapa ma a cha tly?
Amyla Puhpa S. Vadyu, Chairman, MADC cha ta EM(Revenue) liata a vaw ngia ta, Siahatla liata apahrapazy he chyhsa rietheipa a ypakhypa sai cha eita, daoh laipa chhao yleipa vata vaih hrola tawhta sah nata hmobyuhpa hropa torai lapakhy nawpa ta ahluahtheipa ama hma awpa a rairu zie zy, lapi achhiepa hleikhota vaih hropa ta Viah daoh laipazy ama y hluh kawpa ama thohkhei zie zy nata Mawhtah a vaw tlo awpa adyuh nawpa ta Daoh laipa saphazy a zuah thei awpa Siahatla liata a y a byuh zie reih ta, All NGOs nata VC zy ahawna papeimawhsa awpa ta na chho ta, ei no ei thoh tlai Chairman nata eima rei pahmao khai tawhta Executive Committee liata tlokhei awpa ta eima pathlu hapa a cha. Chairman Puhpa S. Vadyu vata Executive Committee taih atlokheipa eima cha no ta, ma hawhta amy thlahpa he a pei ei tah hmeiseih. Zorammawia he ahawna ei khana papeimawhsa leipa chaleipa ta, ama biereihpazy pacha peimawh kaw tloh ta, a haih thai chaipa bah mawh sy (ama tahpa he pahno thai achhih lei kaw).
Dated 16th May 2008 khata Executive Committee (Congress nata MDF hriakhoh no) liata EM ta tlokhei ta, mawhtah a vaw tlo awpa adyuh nawpa ta Siahatla liata daoh ko kha extend awpa ta tahpa cha ta, dated 17th May 2009 ta VCP ta Zomawia s/o S.P Singh Lic No.78/L&R/2006 nata Zorammawia s/o F.R. Singh Lic. No. 13/99 of 2.6.99 renew awpa ta VCP Puhpa H.C. Vanhmung ta cha pangiapa ta a reikheipa hra, dt 19th May 2008 ta renew awpa ta Senior R.O hnohta cha ro na ta (Document zy hi, chaluah ta a pahmo ei), dt 21.5.2008 khata sawkha tla ha ta, renew hma khao leipa a cha. Thla 7 khola EM(Revenue) pyly ta a vaw tyuh heih ta, vaw reikhei ha heihta, renew pa ta Licence number thiehpa ta thlapa a cha haw. Vahneipa ma vaduapa vata ma Zorammawia he ta a Trade Licence eima renew pa khai tawh heta pacha khalia khao leipa ta, khuh leipa ta atanoh taihta y ta, April 2010 khata thiha heih ta, buanga kaw nawpa y khao vei. Daoh deikua atanoh taihta a pahy thlah ha, pakhawsa abyuh habapa a cha, tahpa ta Puhpa MH Tiabi ta a reih.
Daoh khawpazy:
S/No Name Name of Trades
1 Hrama Petty Shop
2. Satô Shoe Making & Repairing
3. Lenga Motor works
4. C. Ngunziki Tea Stall
5. Lalnunpuii Essential Commodities
6. Machhuangi Essential Commodities
7. F. Zonunsangi Tyre retreading, Pumping and resol
8. Thanzova Essential Commodities
9. H. Hrangzuala Essential Commodities
10 Suichhing Petty Shop
11 Tinhleisungi Petty Shop
12 H. Thangpuii Tailoring , Sales and services
13 L. Napaw Essential Commodities
14 T. Malsawma Essential Commodities
15 Runremsang Hardware, cement etc.
NEW COLONY
S. No Name of Pass holder Name Trades
1. Solomon Essential Commodities
2. Dawhu Cement, Iron rod, Brick etc.
3. K. Kiadei Essential Commodities
4. Rose Pawngia Essential Commodities
5. C. Paha Petty Shop
6. V. Naomi Electrical goods
7. Reuben Hlychho Motor spare parts
8. Lili Pari Electrical goods
9. A. Tharu Cement, Iron rod, Bricks etc
10. Irene Petty Shop
11. C. Zonunmawii ( Bishnu) Iron rod , Cement, Brick etc.
Siahatla :
1. M. Remtluangi Petty Shop
2. Genevieve Essential Comodities
3. FC.Lalhmingchhuani Essential Comodities
Siaha Bazar
1. C. Napaw Petty Shop
2. HC. Rinthanga Essential Comodities
3. N. Santi Petty Shop
4. DK.Heitha Petty Shop
5. Didi (Viapa No) Petty Shop.
Source: Moonlight news, Siaha (Mizo reihta ropa Maraland.net volunteer pakha ta a paliepa a cha. Paliedo leipa a y khiah original article -Mizo reih ta ropa liata tla mo awpa a cha.
-
|2010-08-29 02:51:54 The legendEM hmahlana alypa a cha hmeisei.Marasaw zy pita phusa eima ngia,chahrasala phusa eima la na dah he apathai awpa a byu..Politician nata officerzy ama corrupt tah pita,cha corrupt list lia cha he licence pho hropa chata ala tuhpazy chhao he ama hlao hra...MTP heta council leaders na he licence regular viata check awpata pressure pie ty sala a phakaw aw..
Na saina da a pha kaw na, anodeikua ...
Chua? misual.com liata The Doctor c...
.
.
. 
