MARALAND.NET - Eima saw Satlia N. Ezekiela s/o Puhpa N. Salei (L), Mawhro, Mizoram, St. Philomena's College, Mysore, Karnataka liata 1st PUC achu haipa cha a ynapa pahnoleipa noh 3 a y khai tawhta Khazohpa nata Ngiapatuhpazy thlahchhana zawzi ta atlahboh kawpa ta hmo heihpa cha ta, zawpizy hnohta alyna bie reina ary liata vaw sopa a cha.
======== Alyna bie reina ===============
Eima saw a ynapa pahno leipa a cha tawhta Bangalore Mizo Association (BMA) chhituhpazy ta abyuhna hawhta hma maniah lapa ei ta, ama cho liata aly hmeiseih pita, Mysore liata BMA member-zy, eih pachaipa ta Satlia Laldinpuia (Dina) nata Satlia Jerry Ralte (Jerry-a) zy nata chyhsa hropa zy ta ama bike nata scooter zy thyupa ta ama hmo byuhpazy siesaipa ta ama theina papua ei ta, ama cho liata eima ly hmeiseih.
A thatih pahnopa a cha pataw na ta, Bangalore liata a ypa - Satlia Johan Chozah, Puhpa FC. Rehmo, Ex-EM (MADC), Satlia K. Beikhotlua (Atlua) nata Satlia C. Lalthanfela (LT-a) zy ta ama hmotao hai pazy siesai pa ta Mysore la abyuhna hawhta buakhei awpa ta sie ei ta, ama cho liata eima ly hmeiseih. A eih pachaipa ta Puhpa FC. Rehmo, Ex-EM, MADC, MNF ex-MDC chhao atahma hla computer chha liata rah achakaopazy chhaota atahmahla thai byuhpazy eima thai hra a byuh tahpa ta Bangalore la khacharakha ta y chy awpa ta a ypa chhao ta uhtheipa chapa ta, soh na thih hlei khota, ano pohpa tlaita Mysore la siepa ta apasai kawpa ta hmia asahpa ta asiepa vata ano nata Bangalore tawhta FIR file nawpa liata asie tuapazy cho liata eima ly hmeiseih.
Tawhta, ano thatih ama pahno pataw na ta Bangalore MSO ta maophaona la palahpa ta ama theina hawhta charohna rai maniah hriapa ei ta, eima ly hmeiseih. MSO chhithatuhpazy a eih pachaipa ta President Satlia L.D. Beihriasa, Vice Pres. Satlia Beipalaikhei Lapi, G.S. - Satlia Andrew (JK) nata Senior Advisor Satlia Pawsa Lava zy ta member zy pahnie kawpa ta chhithapa ta chyhsa 8 tlai ta Mysore la sie chhipa ta abyuhna hawhta tlua awpa nata Mysore Mizo Community zy baokha awpa ta ama siepazy kha aly hmeiseih pi ta, Bangalore Mara Christian Fellowship (MCF) chhithatuhpazy chhaota ama thlahchhana nata hmalanazy Abeipa ta byhna a piepa vata eima nawhtapa he atlahboh kawpa ta eima hmo pa a cha tahpa kha eima loh. Cha hawhta, Bangalore la liata tiama papuapa ta a vaw charoh tyhpa zydua cho liata aly hmeiseih pita, pakha pakha ta alyna bie rei awpa he rei tiah leipa dei cha ta, eima lyna bie eima cha vaw hla chanei heih.
Siaha la liata Puhpa FC. Zase, biatuhpa MDC ta Bangalore MSO zy abyuhna hawhta ama hma awpa Rs.5,000/- maniah piepa ta, cha hawhta Satlia Machhua (Mawhro), College vaih chhao ta abyuhna liata hma awpa Rs.9,000/- po maniah bao hrata, ama cho liata eima ly ngaita kaw. Hmo heihpa a cha tawhta Abeipa la ta alyna kyhchhih nata thlapalohna niepahmaona Bangalore liata ataotuhpa Satlia Pawsa Chozah, Maryland, USA hnohta chhao eima ly ngaita kaw.
Chahleikhota, website nata newspaper zy la liata thatih maniah papuapa tuhpazy cho liata alyna bie reih pita, a thatih pahnota thlah a vaw chha kheituhpa zydua hnohta alyna bie eima reih hmeiseih. Nama pahno chyupa hawhta atahmapa hla chhaota he tawhna heta thlahchha khei awpa he peimawh via pachai heih ta, ngiapatuhpazy tiama kawpa ta nama thlahchhana liata nama vaw bao lyma awpa he alyna bie eima reina liata ahawna chhao eima cha vaw taopa heih hra.
Nama hmotao phanazy he tho thei leipa aw pita, alyna bie rei tiah leipa cha hmeiseih ta, Khazohpa ta alie ta byhna cha pie mawh ei sy. Eima ly ngaihta kaw.
Nama tlyngiana, veiseihna nata ngiachhiena adaotuhpazy,
Pihno C. Nawzei nata a chhokha,
Mawhro
Mizoram
Note: Thatih siapa hmiala ta palasapa kha privacy vata palasa khaoleipa a cha. A pahno khohpazy chata This e-mail address is being protected from spambots. You need JavaScript enabled to view it la ta hiahri theipa a cha.
.
.
. 
