Teachers' Day Siaha liata Rohna Kawpa ta hmah

SIAHA, Thlarah 6 (dipr/maraland.net) - Ko tato tah hma tyhpa India rah President panona, Philisopher nata Educationist Dr. S. Radhakrishnan pinoh alypana hah ta Pachutuhpazy Noh "Teachers' Day" cha Hriatuanoh khata Siaha liata rohna kawpa ta ahmapa a cha. Pachutuhpazy Noh he September 5 cha tarawta, atako Khazohnoh ta asu vata Hriatuanoh ta ahmapa a cha.

Siaha DC Puhpa Kunal, IAS, biereinopa

He noh he Siaha liata School hawtizy ta ama school chyu liata ahmah ei ta, pachutuhpazy palyupalihna noh chata ama hmah. School hawtizy ta ama pachutuhpazy Pawpi pachhih zy pa aosa ei tah, hmopiepa nano nanopazy piepa ta ama palyupalih.

Siaha District chhoh liata sawkha department nano nanopa hotuhpazy chhaota School nano nanopa liata he noh he ama hmakhei hra.

Ls Merilyn Rualzakhumthangi, ADC (P) chhaota Elim School liata biereina a hnei
Elim Public School, New Siaha liata Khichhailaipa chata Miss. Marilyn Rualzakhumthangi, ADC(P), Siaha raopa cha ta, ano he MSO Gen. Hqrs., chhithatuhpa Puhpa S. Lakhai, Gen. Secy. nata St. Colin C.Ngohai, Secy.i/c Info. & Pub., Media la tawhta Puhpa Jeffry Khara, Editor, Moonlight Daily Newspaper nata St. Pakhai, NSV, Siaha nata ahrialahpa zy ta daihti ama hma khei hra. (Source: Siaha Herald website).

Elim School, Siaha school hawhtizy
(Elim School, New Siaha liata school hawtizy Mara traditional dress nata ama school uniform zy ta hla ama sanopa. Photo source: Siaha Herald website).

Puhpa Kunal, IAS, DC, Siaha district cha Don Bosco School, Siaha liata "Teachers are a bridge to the future" tahpa biepipa hmapa ta Teachers' Day he ahmana a hmakhei ei ta, pachutuhpazy cha hawtizy chata amopatlah chana hro ama hnei chyu awpa ta bieta ta, achu haipa hawtizy chhaota pachutuhpazy za thai ta, pa-o pazy tao lei awpa nata pathaihna pacha peimawh awpa ta thaina hmeiseih hnei papha awpa ta tiama kawpa ta ama chuna khasia awpa ta bie a tapa hra ei.

He noh pasupa ta DC Conference Hall, Siaha liata "Painting Competition" chhao Middle School, High School nata Higher Secondary School hawhtizy ta Sept. 3 -pa khata ataopasuana hneipa a cha.

Painting competition, Siaha, Mizoram

He competition liata ataopha pazy cha DC ta lyma phusa sakhana hnohta Rs.1500/- sanona Rs.1200/- sathohna Rs.750/- zy apie hleikhota Consolation prizes chyhsa 15 hnohta Rs.500/- chyu nata certificate ahlapa hra ei.

Lyma rainopa

He Painting Competition liata results cha he hawhta a cha:

Middle School Section
1. B.Francis, Class-VI Auxilium English School, Siaha.
2. Golden, Class-VI Lorain English School, Siaha.
3. T. Beimokha, Class-VII ECM Middle School, Siaha.

High School Section
1. Vabeikhochhua, Class-IX Don Bosco School, Siaha
2. A.A. Lakra, Class-IX Don Bosco School, Siaha.
3. HK Zodinsanga, Class-IX, ECM High School, Siaha.

Higher Secondary School Section
1. S. Reuben, Foxall Higher Secondary School, Siaha.
2. B. Lalzarzoliana, Don Bosco Higher Secondary School, Siaha.
3. N.T. Lalawmpuia, Foxall Higher Secondary School, Siaha.

He Teachers' Day ahmana liana heta achuhaipazy ama pua pha kaw.

Source: DIPR Mizoram nata Siaha Herald website). zy.