Bangalore, Phiata 18 (maraland.net) - Mara Christian Fellowship (MCF) Bangalore ta Special Worship Service cha Hyderabad nata Chennai Marasawzy chhaota a rohna kawpa ta Rev. F.C. Beicho, Speaker chapa ta Abeipa Tlakhai doh khohna, hlapy sathoh nata solo hluhpizy chhaota zahnia, Khazohnoh, Oct.17 pa khata ama pakhy tyhna New Life College Chapel liata ahrana tlona chota ahmapa a cha.
(MCF Bangalore Worship team zy ta hla ta worship service ama thao khei).
Hyderabad nata Chennai Marasawzy he MSO South Zone Sports Meet October 15-16 khata MSO Bangalore ta ataopa cha ahlao eita, a myla Khazohnoh he MCF Bangalore zy apakhyna liata special worship service he ama hlaopa a cha. Apakhy theipa malu chhao 146 tlai ama pha. Chennai tawhta 32, Hyderabad tawhta 22* nata ahropazy he MCF Bangalore sahlaozy ama cha. Ary liata nothlahzy mopa ta daihti ama hma dah hmo theipa cha ta, Sermon chhao summary sopa a cha, ary la liata.
(Apakhyna su he New Life College Chapel cha ta, chavei la chai liata Chennai Marasawzy ama tyuh)
Special Worship Service achana hawhta session sano la ta hneipa cha ta, session sakhana he St. Samuel C.K. Zalue, Chairman ta siekhei ta, second session deikua St. Beipalaikhei Lapi ta pahnie kawpa ta a chhitha. Session sakhana liata Hyderabad Mara Fellowship Hlapy, Chennai Mara Fellowship nata MCF Bangalore Hlapy zy ta hla paryh eita, solo chhao a hluh kaw. Session sano ta ahrana chhao a tlo. Ary liana heta session sakhana dei palasa chypa a cha.
(A lialiah liata MCF Bangalore sahlaozy)
(Chachah la Hyderabad Marasawzy, ala khai vei ei).
(Hla ta Worship service hnei nota Chennai Marasawzy atyuna liata ahrana a tlo)
(Hyderabad Marasawzy atyuna la chhao ahrana a tlo)
(Bangalore Marasawzy ama tyuna lia chhao)
(Stage la chhao ahrana a tlo hra)
(Chapel chhao ama bie kaw, a hnola chhao ahrana a tlo pyly hra).
(Chairman St. Samuel K.C. Zalua)
(Ls. Eunice ta ao ngia kawpa ta Khazohpa palyupalina solo a hnei nopa)
(Daihti pathaotuhpa Ls. M.C. Chiazi)
(Hyderabad Mara Prayer Fellowship Hlapy)
(Bangalore Ls. Kuakua hla a sa nopa)
(MCF Bangalore Secretary St. Pawsa Lava welcome speech nata announcement a hnei nopa)
(Chennai hlapy pha kawpa)
(Speaker Rev. F.C. Beicho bierei nopa)
Speaker chata hruapa Bangalore liata Ph.D. atao ngahaipa ECM(I) liata pastor pakha Rev. F.C. Beicho chata Khazohpa biereina hnei ta, 'Ei chyhsazy ta apanawhpa ta thlahchhapa ta eina charoh ei sala ama moleinazy tawhta ama siesai khiahta cha a ngiathai aw ei na ta, ama rah ei patlah heih ei aw, tahpa 2 Chronicles 7:14 tawhta reih tuata, 'He liata Khapa ma na tao?' (What are you doing here?) 1 Abeizy 19:13 tawhtapazy hmapa ta Khazohpabie a chahkheina a hnei.
Speaker ta cha achupazy ta cha ama chuna phata ta ama khasia awpa cha Khazohpa khona a chazie reih ta, cha hawhta chaleipa ta shopping malls lazy, chyhsa bazar lazy, pub, club lazy pua papeimawhsa viapazy nata atobina papeimawhsa viapazy cha Khazohpa sawzy chana nata ahmie lei zie reih ta, eima rah alei nata alozy he raoleipa ta keimo he arao theipa eima cha, cha cha ataopathituh awpa ta thyutliazy he Khazohpa ta cha hma lyma awpa khoh ta, dawty, engineer, officer laipa, pastor, politician, etc zy a kaw cha lyma awpa ei cha ei chita, cha chana chata nama patohpatia (prepare) awpa he peimawh ta, 'Khapa ma he liata na tao?" tahpa Khazohpa ta Elaiza a hiahrina he pacha tyh ula, nama hmotaopa kha pha kawpa ta nama tao via thei ha aw tahpa ta a reih.
Eima correspondent ta a rei dah ta thyutliapazy theithai kaw awpa ta daihti minute 30 rachhoh hmahta, a biereipa apha tah kawsai eita, ama khi (da) lei zie ama reih holo. Sermon liata pahnei awpa chhao y holo ta, bie a nathliepazy he thyutlia viaro cha eita, ai hma awpa rai chaleipa ta, eima thohkhei hmeiseihna tahpa ta ama reih holopa a cha, a tah.
Sermon khai tawhta Abeipa Tlakhai chhao Speaker ta a doh khei ei.
(Abeipa Tlakhai Rev. Ngiahmo nata Rev. Chatlai zy Tlakhai ataotuhpa Rev. F.C. Beicho ta a pahysa ei).
(MCF Bangalore Hlapy ta Abeipa Tlakhai nata ahmiepa hla Tlakhai pahy khai tawhta doh chyhta ama Conductor Samuel C.K Zalua hmapa ta ama paryh. He hla heta chyhsa hluhpi paloh a hria kawpa ta pahnopa a cha)
Abeipa viachha - ano pohpa pakei chheina.
(Thisai - Krista thisai)
(Su no lata thisai nata viachha daona hneipa chata, chavei la Rev. Ngiahmo nata Pro. Pastor Zahne zy ama duah)
(Chachah la Rev. Chatlai nata Rev. Tlabei ta ama duakhei)
Pastor nawhzy chhao Abeipa pati niena ama hnei.
First session he Rev. Ngiahmo ta Benediction hneita pachha chypa a cha.
A chha tawhta apakhyna okah liata group photo hneipa cha ta:
(Nohthlah ala nona heta sahlao hlupi a hlao vei ei).
Refreshment pahah kawpa niena hneipa a cha.
Refreshment khai tawhta second session hneipazaopa a cha. (Session sakhana nata sanona lihkawh liata nothlahzy second session chhana liata bonus photos liata sopa a cha)
Session Sanona news nata nothlahpazy Second Session of B'lore, Chennai & Hyderabad Marasawzy Apakhyna (with Photos)
-
|2010-10-19 05:19:02 hyderabad soccer - A o hra bao a chhi da chalaThlahpa nata sasa kyh liata chhao byhna nama to chyu awh tahpa hnabiesei a chhih.
-
|2010-10-22 07:17:05 AnonymousBangalore Mara Christian Fellowship liata chhituh ngachhihpazy hlupi hnei haw ei chita ei cha ly khei hmeiseih ei. Nama chata thlachha eima chabao lyma. Bangalore he India rah liata achuna phapa sakha acha hrapa vata achuna he phapata eima rah nata chipho chata vaw khasia chyu mu vy.
Rev. Zodau
camp. Saiha
-
|2010-10-26 09:59:03 Anonymousfootball akhaipa nama thaipa haw tlai khata cha achuna ky liata nama hmasie thei hrasala ema lykaw aw. eisaw chapaw pachhao cha achuna ky liata ahmasie leipata chasala sport lachha deikua afit ngasaba hra. thlapa lata Abeipa zapati nie nazy hneikho thei eichita echaly khei hmeisei ei tiama kawpata apakhypazina ky liata sie lyma chyu mu vy. Abeipa ta byhna chapie chyu maw sy......
-
|2010-10-26 10:04:11 Anonymoussouth india rah lata apahra penaw zy nama tao pha ngasa. chennai mo zy choliata ahrana atlo hmeisei pata epahno, khahawta marasaw nama y namai liata Khazopa pahno nachota nama y lyma awpata khokheina asah chaipa cha hla ei nata, Rei nama rao kawsaipata chapahno ei nata. amachaita chennai satliana nama chhie leikaw,
tawta chano lata Bangalore laisa na khaw nama chhielei ngasa,
By ziazi solo
-
|2010-10-26 10:10:04 AnonymousHEY Marasaw chapaw achhielei via na he chennai liata ma ama y khai haw.... hako tawta la chennai liata na P.hd etao aw....
nama displine nata nama piepa nada liata nama ngiachai. chennai mara chapaw evawhmo pala. varah tataw liata valyucha apahra penawna anama lyu.
SIASIA
-
|2011-02-10 09:16:11 Bangalore - Eivaw lykaw e............Dears
Bangalore Maras nahno ta Alyna eicha hnei kaw sai y.
Nam photos zy vaw hmo khai nata athata Bangalore Khipi chhao
eivaw vakaw e. Pastor , Rev Peter Chatlai nata Rev. Tlabie zy eivaw hmo pa hei eila eimapo pahmaokha ta a y hawta eivaw palao sa kaw. namo hawta Sukha,,Pykha, hmaokhatae ta ei y khokaw dah cha aw ?>>>>>> Abeipa namareithai na kyh liata zy , Nama chu na kyhliata Sapa-Thlapa, kyhliata vawtiama ma via ula Thlachha nachota eima thei rairi hei aw sy.
Mr.saw
-
|2011-02-10 09:22:22 Maras - AhawnaDears
Bangalore's
Bangalore ( MCF ) liata Ls ( M.C Chiazie ) E-mail ID nata
Cell phone Number eima pahno thei khiatala eima chalykaw aw.
Mania vaw chho thei u la Marasaw zy chata !!!!!!!!!!!!!!!
Maras
-
|2011-02-10 09:23:57 Maras - AhawnaDears
Bangalore
Ireland liata a y pa MaraPawpi
ID nata Phone maania chho thei u la eima cha lykaw aw.
Maras
-
|2011-02-10 20:54:15 maraland.netChyhsa (third person) email ID, Phone zy amo pasaina la tua leipa ta public domain liata so awpa he eima ngia aryh kaw vei. Maniah pachathai ma y. Chavata, ahawtuhpa na chana hawhta na email tlao vaw pala la, na email liata tlao thatih eima chavaw pahnosa aw. Nama email palasa awpa aryh na tah vei khiah admin@maraland.net lata paphaola, eima pahnopazy a y khiahta cha chho eima chhuah aw. Eima chaly kaw.
.
.
. 
Eima Beipa Zisu Krista chata Marasaw zy mo ta hmotheipa, ahria ta hria theipa. Nah ta theih theipa tlaita miah ypa ta, Tha kha miah patlo ta, Maniah cheichalo tahpa nyutheipa chavei tahpa South India liata Marasaw zy liata ala pasia ngaita kaw, Chaw haw tlaita chyhsa sia pa nata U-theiviapa, hmo y zie pahnopa nata dyutlai kawpa zy, Pastor zy Abeipa ta rypaona nano nano pa hma patata a cha pie ei.
He hmo zydua liana heta Mopakha hro lathloh nata Mara rah chata nahta, cha haw tlaita maniah pataosa thei tuhpa Zisu Krista Moh rohnahna nahta akhih'na rah kawna chata chhao a cha cheingei nata kha hnabeiseih.
Rev Chatlai ta Khazohpa bie devotion chata a tlychakapa I Kawrini 10:31 -ff chhao he Marasaw thyutlia pazy chata cha eima bie pipa(MOTTO) haw tlaita hma theipa chhao acha pata ahmie kaw hra.