Mara Research Society Seminar 'Tradition to Modernity' pathao

SIAHA, Dec.17 (DIPR/maraland.net) - Noh no chhoh a ryu awpa "Understanding Hundred Years of change among the Maras (tradition to modernity)” tahpa biepipa hmapa ta Seminar, Mara Research Society (MRS), Headquarters, Siaha ta a pachhuapanohpa cha zahnia, Pohbienoh, Dec.16, 2010 my khata I&PR Conference Hall, Siaha liata Puhpa K. Riachho, IAS, Secretary, Food, Civil Supply & Consumer Affairs, Gov't of Mizoram cha Khichhai Laipa ta hmapa ta pathaopa a cha.

L to R: MRS Vice President Dr. K. Zohra, Khichhai Laipa Puhpa K. Riachho, IAS, Secy FCS&C, Gov't of Mizoram nata
MRS Secretary Dr. K. Robin zy nothlahpa

He Seminar he Dr. K. Robin, Secretary, MRS Headquarters, Siaha ta chhitha ta, Rev. L. Chhieto ta Khazohpa la hlana daihti a hmah khai tawhta Rev. Dr. Laiu Fachhai ta Presidential address a pie hleikhota chhithatuhpazy hmiapahnosana a hneipazaopa.

Khichhai Laipa Puhpa K. Riachho, IAS, Secy FCS&C, Gov't of Mizoram bie a reinopa.

MRS President Rev. Dr. Laiu Fachhai ta Presidential address a hneinopa

Khichhai laipa Puhpa K. Riachho, IAS, Secretary i/c Food Civil Supply & Consumer Affairs, Gov't of Mizoram, Aizawl chata bie reina hnei ta, Mara Research Society zy ta seminar ama pachhuapanohpa cha ly y achhihzie reih ta, Marasawzy pi he hmiala cha chi chyhpa ta chahra ei sila atahma deikua cha phopi ta rei tlah awpa ta vaw hluh via haba hra pita, he zydua he Khazohpa ta eima missionary nazy hmapa ta byhna maniah piepa a cha, tah ta, Mara rah chhoh liata Achuna la hmasie awpa ta taopathi awpa hluhpi abyuhpa a ypazie reih ta, eima khihtlah hro chhao thata panano abyuhzie a reih hra. Nie nata baw eima charohna kyh liachhao ativyu thei awpa ta thata hmah eima la abyuhzie a rei hleikhota politics lia chhao panano byuh pita, taopathi awpa hluhpi a y, a tahpa hra.

He khai tawh heta Technical session hnei heihpa cha ta, Dr. K. Zohra, Vice President, MRS chata he daihti he chhitha ta, chyhsa athaipa nano nanopazy te biepipa atlyeihpa hmapa ta paper present ama hnei.

MRS Vice President Dr. K. Zohra ta technical session a chhitha nopa.

He seminar liana heta Siaha khihpi nata Mararah chhoh liata literature lachhah nata eima culture, identity nata Marasawzy hmasiena la ta apahahpazy ama pua pha kaw, seminar he atanoh hma pazao heih awpa a cha.

He he MRS ta atako liata seminar a ei 2-na chata a tao heihpa a cha. Ko thaona la khata ei khana taopa cha ta, Mara nopaw nata cha thaipazy ta pha takaw eita, public demand a sah kaw vata a ei 2-na he taovia heihpa a chapa ta pahnopa a cha. Detail report MRS official la tawhta ama tao heih awpa ta pangiasapa chhao a cha.

Acho liata nothlahzy slideshow liata:

With inputs from DIPR Mizoram website.