SIAHA, Nawh 4 (maraland.net) - Mararah liata ko 3 tlai rahhmahpa nata rahsazy pabohsana kyh vata India rah chhoh la tawhta Mararah la rai a kaw hriapa novah Puhpa Nimesh Ved nata a viasano Pihno Roshi zy ta Maraland ama puasai tawhta rahhmahpa nata rahsazy pabohsana kyh liata bietana Mara zawpizy Maraland.net hmapa ta ama vaw tao.
(Mararah liata pavaw sakha nothlahpa. Puhpa Nimesh blog tawhta lapa)
"Keimo mopakha (personal) experience liata eima paloh tlah hmeiseih ta, Maraland sawzy eima cho liata ama phana hawh heta rahhmahpa nata rahsazy cho liata chhao palasa thei ei sala tahpa he ei kho chaipa a cha," tahpa ta Puhpa Nimesh Ved ta a reih.
"Rahthyupa (hunting) nata heihchopa (hunting) nata rahsazy o sahroh hawhta ahriahrapa nata o liata sopazy he ama ba sai awpa ei khoh ngaita. He hawpa ama tao vei khiahta la Maraland ta rah (forests) angia ngaitapa nata khochhih kawpa pabohsa ama khoh khiatala hezy he ama basai a byuh."
"He hawhpa (Mararah) rah pathohpa, rahhmahpa (forest) phapa he Mizoram state chhoh lia nata a khola state hlupi liata chhao y khao vei, chavata he hawhpa forest-zy he ama sawnazy nata saw sawheihpazy chata ryu ngia ngaitapa chata paso ama khoh khiahtala, rahthyupazy, heihchopazy he ama ba sai awpa a byuh ngaita," tah ta, Mararah rahhmapazy thoti eima ngei hleikhota a chhoh liata pazu pavawzy eima byh ngathlahpa he a izie a reih.
"Mararah eima chahryna khih to Siaha, Tipa, Phura, Lomasu, Chakhei, etc liazy ta paso kawpa ta nata daorai kawpa ta ama daihti, pachana, pati pahahkawpazy, o tlona phapazy nata ama veiseihna zydua he my thei beih aw ma pi," tahpa ta reih ta.
(Pala Tipo nata a chheipa liata rahhmahpa. He nothlahpa he Puhpa Nimesh zy ama lapa cha ta, khizaw su to tawhta vaw hmo eita, Mararah nata Pala Tipo zy he hmo ama byuh kaw saipa a cha).
"Pala Tipo liata ziazierohna hry liata ei tyu nopa zy, Lomasu chho (south) la chhah liata rahhmahpa hry liata ei sie laih nga nopazy ei mothlaw liata pachapady nahta, eima o tlopa tawhta New Siaha bazar lata ei zu laih nganopazy nata Siaha helipad liata football akhaihpazy ei mokhahpazy he ei paloh eina palie hmeiseih," tahpa ta a reih.
(Veitu nohthlahpa. Puhpa Nimesh blog tawhta)
Environment & Forest Deptt. MADC, MTP, Village Councils, MSO, MCHP, Don Bosco School nata school hropazy nata py nano nanopazy ta kyh toti liata ama baokhana zydua cho liata chhao alyna bie a reih hra.
Puhpa Nimesh nata Pihno Roshni zy he rahhmahpa nata rahsazy pabosana la liata Non-governmental organisation (NGO) peimawh kawpa Samrakshan tuapa ta Mararah chhoh liata ko 2007 September tawhta Ko 2010 December thlapa taihta y ei ta, he ama y chhoh heta kyh toti liata rahhmahpa nata rahsazy pabosana liata ama theina hawhta sawkha nata Mararah liata NGO hluhpizy nata hriakhohpata he hawhpa lachhah eima novah via n'awpa ta apahnosana nata pachuna computer liata powerpoint presentation-zy, slideshow, painting competition, etc zy school hawtizy nata Mararah zawpizy ama vaw hnei khei lyma tyhpa a cha.
Puhpa Nimesh nata Pihno Roshni zy he ama yna lia maihta byhna ama to lyma awpa ta eima khokheina eima hla.
He ama hmo pha taopazy he keimo ta hma thai ta, eima rahhmahpa alei haipa nata rahsa eima hneichhohpazy pabosa lyma awpa he eima taobyuhpa peimawh ngaitapa a cha.
Related:
-
|2011-01-04 12:27:38 Tutu - Khazohpa Kuzo pabu sa awpa!Mydi nohchhih phapa ry liata pavaw sarei theipa a chapa cha a ngia kawna, he hawpa Chysa ta eima tao thai leipa Khazohpa Kuhzo he pabohsa lyma su vei!
Tutu
Biotechnology
Yangon University
-
|2011-01-07 17:00:50 PTThanks to the lovely couple! We've got the msg loud and clear. Hope Mara internet community will also spread the awareness whenever they are in Maraland! We all must act before it's too late.
Well done Puhpa Nimesh and Pihno Roshni. May God continue to bless you!!
Goodbye!
-
|2011-01-08 15:08:02 padao thangiePuhpa Nimesh nata Alapino eima chaly hmeisei ei. Na ma bie tahpa he palo hmeisei tata pa cha sila marasaw jy pi heta eima rah ta tawta liata eima chicheipa nata thoko riko, rahsa etc.. jy heta khatlu tama eima rah ama palyu pali o?? abie tahpa he Ky kha lata eima pacha hmeisei hei khia cha eima no paw pa nata thyutlia thokha hlupi jy hno na heta Eima khi chyu liata V.C.. MTP etc. jyta Pavaw, Rahsa, Ngasa jy thohna hmapa nata hmo chhaichhi chi chhipa hmapata thie khao lei awpa tahra eisala ama pathlei thei leipa hela apei hmeisei na. tahma khizaw aso sa ta eima rahsa lai viapa jy cha pa bosana cha pahnaw hraw sila pavaw jy nata ngasa jy eima thoko riko pajy cha abo hmeisei hleivei. Khito Liata Ahyhma cheisia ta pavaw aby khaoleipa tapata pathlu sila, vote law sila khi kha lia zyla zakha liata sycharu ta kholeipa ama y thlyu o? M I too pesimistic? o m I thinking M better than them?? never.. its bcoz I love too much my land and the nature that GOd has given us.. Before all our butiful nature and the butiful animals and wild plants extinct lets march towards to save our Butiful Land before its too late and OUR MARALAND D gift of Beino it turn into barren land..
.
.
. 
He tawhta pabosana rai he eima hria pathao vei khiah cha, Rahsa thokha zy, Nga thokha zy he cha Ama moh (Names) chhao alei haw ba aw. Sawtlia zy ta eima rah liata Sa nata Nga zy he Museum liata vatluata mo awpa taihta acha ba aw.
Eima rah nata sa-nga zy he paboh sa via ei su vei.
Sisipaw