AIZAWL, Chhiepa 4 (Zozam Times/Maraland.net) - Mizoram State AIDS Control Society (MSACS) ngiana dah ta atako Pachawh (April) thlapa chhohkhata chyhsa 3576 zy thisaih mopasiapa (test) tawhta chyhsa 107 thisaih tawhta HIV+ ama hmopapua. Ama veina chhapa liata chano chapaw ahmana vata hluh chai eita, ko la liata thyutlai ama hluh chai hra.
(Sketch of people from different ethnic groups holding hands calling for respect of the human rights of those with HIV. An important step in fighting the disease. Pic courtesy: www.un.org)
April 2011 chhoh ta HIV+ hmopapua thiehpa 107 zy hry liana heta chano chapaw ahmana tawhta he hri akiapa he 75 pha ei ta, chapaw 39 nata chano 36 zy cha ei ta, ko 15 tawhta ko 24 lihkawh pazy ama cha. Ko 14 ryla nata ko 50 cho lata he pasana ahneipa he athiehpa 5 rairi hmopapuapa a cha hra.
HIV+ ahnei thiehpazy hry liana heta thyutlia hluh chai heih ei ta, ko 25 nata ko 34 lihkawh he 46 ama pha. Ko 35 nata ko 49 lihkawh he chyhsa 27 pha ei ta, ko 15 nata 24 lihkawh he 24 pha ei ta, ko 14 nata ko 50 chola he he hri ahnei thiehpa 5 rairi hmopapuapa ama cha hra.
HIV/AIDS liata Mizoram pohpalohpa duasu he October 1990 tawhta April 2011 taihta thisaih test chiehpa zie 1,44,240 cha ei ta, he hry liana heta 5,650 cha HIV+ ama cha. AIDS vata chyhsa 204 (chapaw 131 nata chano 62) zy thi haw ei ta, he hry liana heta hawti 11 ama hlao.
2011 nata HIV+
Thlapa (month) - Thisaih - HIV+
Nawh (Jan.) 1878 53
Hmyhpi (Feb.) 2184 74
Pami (March) 3416 104
Pachawh (April) 3576 107
---------------------------------
Total = 11,054 338
Source: The Zozam Times
Related:
- Mizoram state lia Sex vata chyhsa 3416 zy HIV+ vei
- Mizoram state HIV aveipa 4% pha, Sex vata hluh chai
- Mizoram State AIDS Control Society (MSACS) official website: www.mizoramsacs.nic.in
-
|2011-06-04 12:54:14 Judith Paw - A sohsi awpa byuh kawMawrah duasu he a chhie kaw, HIV+ aveipa la tawh saipa ta. A hluh chaipa ta he hri a vaw pohna chhapa he chano nata chapaw achaku chakiena tawhta cha ta, acho liata comment pietuhpa 'emon_mara' reipa hawhta eima hra ba awpa nata sohsi kaw awpa abyuh. Atliata liata Siaha liata hiahhri ei na ta, Mararah (Siaha Dist) liata 54 tahpa na chho ei ta (ado nata do leipa asiapa ta pahno va na). Cha nota Mararah liata khih sakha liata cha chyhsa 15 tlai he hri he ama vei ha hrapa hawhta ama reih hra.
-
HIV+ pasana ahneipa eima pahnopazy cha tla ahao leipa ta nata chi thlahha leipa ta biezy cha eima chho awpa a cha. Ahrao leipa liata he hri he apakia hlei vei. A sohsina lathloh pha chaipa cha:
1. Drug tao leipa ei sih la.
2. Thohna Treatment la daihti liata asohsi ei sih la
3. Lahpino/vahpa hnei hla via cha ahyhmah ta sex hmakhei leipa ei sihla.
4. Dyhcha daihti liata a sohsi kawpa ta lahpi/vahpa hnei ei sih la
5. Lahpino/vahpa a hnei hapazy cha, eima lahpino/vahpa dei leipa cha achaku chakie leipa ei sih la, chi a chhih hlei vei, tah theipa a cha.
HIV+ he chi a chhih kaw tarawpa ta ngachhih kawpa ta a ypazy chata cha chi a chhih hlei vei. Tlaikaopa chano/chapaw rai rai cha khatlu ta hmisiapa hmah cha hra sala, HIV+ hnei awpa hawhta pacha la, cha eima bohna a cha.
.
.
. 
