Guwahati, Khihpa 31 (maraland.net) - Mara Christian Fellowship (MCF) Guwahati ta 2011-2012 chhohta ama chhithatuh awpa zy cha dt 31.07.2011(Sunday) liana khata hneipa chata,he election chata official candidate zydua cha loraoh kawpata a tlyh patloh khaipa ama cha.
 |
| Guwahati MCF Election hneina nopa |
He daihti he outgoing President K.Beihmotaosa ta chhihtha ta, Outgoing V/President tawhta khazohpa bietah nata daihti pathao pa chata, a pha kawpata daihti a hma pa a cha. Koh 2011-2012 chata eim chhithatuhpa a tlyh patloh pazy cha:
1. President - Puhpa Beirapatha Lapi, 3rd Sem LLB
2. Vice President - St. Josia Vabeikhokhei, 3rd Yr, B.Sc(Bot.)
3. General Secy - St. Beirangachha Zathang 3rd yr BA
4. Asst. Secy - St. C. Pheihra 2nd yr BA
5. Secy i/c Info&publicity - St. K. Beibiepatha 3rd Sem LLB
6. Secy i/c Finance - Ls. S. Beinoki 3rd yr BA
7.Treasurer - Ls. Ch. Ngokali 3rd yr BA.
 |
| Newly elected leaders for 2011-2012, From left to right - President Beirapatha Lapi, GS Beirangachha Zathang, Secy i/c info & Publicity K. Beibiepatha, Treasurer Ch.Ngokali, Vice President Josia Beikhokhei, Fin Secy S.Beinoki zy nothlahpa |
 |
| Chano group photo |
"Eima pahno chyupa hawta Guwahati he North East su pipa a chana hawta he liata student nazy he a tlahleipa nata khichhai lasie buaba kheipa aeima bua ngasa tyhpa cha ta; Mara sawzy thlachha kheina chhao ama ngiah ngaita kaw," tahpa ta Out-going President St. K. Beihmotaosa ta maraland.net a chho.
 |
| Guwahati MCF Chapawzy group photo |
"He admission lana daihti (a viapachaipa ta Guwahati khola zasiepa zy) nata December thla chhochhi he cha eima buaba pachaina daihti a cha tyh. Chahleikho ta Tiwa mission field kiahpa ta liata a ypa eima chapa vata eima chakaona chhao keimo rakha liata cha a kaw ngasa hra, nama thlachha kheina eima cha haw chanei," tahpa ta MCF Guwahati Out-going President ta a reih.
Guwahati MCF zy thatlo kawpa ta ama sie lyma thei n'awpa ta eima thlahchhana liata a thei tyh suh vy.
-
|2011-08-01 14:20:38 JK Chozah: ATC Aizawl - Alykheina.......Gauwahati liana heta eipachana hla Marasaw nama vaw hlu via syly! MCF zy padua pata he hawta nama sie theipa a rohnah ei ta kaw, Khazohpa pahnona nata Ano a chhyna ky liata nama daihti zy nama pie tyhpa he Abeipa ta my cheita aw vei. Tiama vaw papua lyma ula...Marasaw nata mara rah athei thla na chota kha nama sie laih lyma aw pata khokheina ei cha hla ei....Abeipa ta byhna cha pie mawh ei sy
-
|2011-08-03 16:24:42 byhna soloSt BM.. a ei hra kawta lyna bie cha vaw hla tuasa...nama hmalana he a rona ngasa.. MCF Ghy...nama sie lai nawpa lia khazopa ta cha y pa eisala tha cha patlo lyma maw ei sy....
-
|2011-08-04 06:23:15 bm - @byhna solost byhna solo,ei chaly kw...he hmo zydua he nama thlachha kheina zawzi sai a cha...nama thlachha kheina eima ngia via lyma aw...
.
.
. 
Abeipa ta byhna cha pie lyma maw sy.
Na uta
pathai,visag