Maraland.NET - The Home of Mara people on the Internet

Rock music band U2 a pahno leipa ytla ngyu mapi; Bono of U2 eima tah chhochhi khiah cha asia via heih ngyu aw. Chapawsai yna music band (boy band) alaluah kawpa ‘Boyzone’ chhao kha laihsanazy dei chaleipa ta thyutlia zyta ama style eima la kaw tyhpa ama cha, ama pasahsa kaw ty. Amozy he Island angia ngaitapa rah Ireland tawhtapa cha eita khizaw ama tla kaw, he rah khihpi chaipa he Dublin (pronounced u as in cut) cha ta he liana heta Mara laihsa chhao a rah phana ahlykheipa ta ko 2006 tawh khata avaw y pathao. Ano thatih he pahnopasia tita apalaikhei achhih hmeiseih.

Maraland.net liata section thiehpa vaw pathaopa pita he hawta Mara laihsa eima pachy kawpazy he ‘Mara Pawpizy’ tahpa ta eima vaw roh lyma ba aw. (Arei leipa liata newspage tawhta Mara Pawpizy (flowers) lata eima soh ha aw)

Atahma ta eima vaw reingapa he Laihsa Lalzamliani Bohia D/o Puhpa B. Makho (L) College vaih, Siaha laihsa a cha.

Pami (March) 2006 khata Dublin khihpi liata Blackrock Clinic liata rai avaw hria pathao. Ko 2 hleita avaw ypa liata O-lyu pha kawpa Siaha liata vaw sa hma ta, athaina B.Sc (Nursing) ngala chaleipa ta computer course Ireland liata taopa heihta, hako tawh chhochhi cha IT lata Master degree – Master of Science in Health Informatics (IT services in health sector) achu aw ta Nurse chana tawhta IT sector hnatlana lachha aheihpa la a profession chhao apalie ha awpa a chhuah ngahai. Siaha liata a uhta nawta nata nozy liahsa a bao khaota atahma cha ano ta ta motor zy chhao avaw hnei ha ba hra. Ano thatih he achyu kawpa ta vaw so i achhih kaw, ary liata aki thei chaina hawhta eima va soh: Maraland.net ahmahtuhpazy chata athohna a cha cheingei awpa ta eima hnabei a seih hra:

Nopaw nata achuna thatih: A humble beginning & struggle:
Laihsa Lalzamliani Bohia he Zami tlyma Zamte tahpazy ta aw tyhpa chata, Puhpa B. Makho (L) nata Pihno J. Hekhai sawchano Khopai khih a puapa cha eita, rihla pano nata naro pakha a hnei. A rih-lahpa uhthei viapa nata naro zy cha dyhcha ha eita, ama seihnaichaipa chapaw deikua ano hnohta a y ngahai. Apaw he Assam Rifles (Army) liata a y vata Aizawl liata khih vawsa via tyh eita, 1984 pa kha ta Mararah (Maraland) la akhy pakhua eita, Siaha college vaih liata khih ama sapathao ngahai nota vadua achhih kawpa ta Ko 1995 pa khata apaw ta pavyh (stomach) cancer ta avaw paha sai haw ei. Ko 1994 khata Pre-University Science subject kha Siaha college tawhta 1st liata vaw passed ta, BA Siaha liatla avaw pazao haino ta apaw chaipa avaw paha haw, cha nota Siaha liata BA 2nd year achu ngahaipa cha basaipa ta B.Sc (Nursing) achu khohna vaw hnei hrita Rs.500 ngala hneipa ta Aizawl la sie nata Aizawl ei tlopa cha Rs.150 dei ei hnei tah ta, Khazohpa nata Puhpa K.T Rokhaw zy baona vata B.Sc (Nursing) he ei vaw chu theipa a cha a cha tah hra.

Ei chu daihti deikua ei puhpa (uncle) ta na sponsor ta thlakhata Rs.1000/- he dao tyh nata ei viasa nazy cha a lei thoh (3 times) a hluhviapa ta dao tyh eita heimo ei moh kaw tyhna chota kho chhao a viasanazy hawhta puahluh leipa nata cha ngalah kha tla achu tyhta achupasa kaw tyh. First year tawhta 4th year a patlona taihta 1st division kho khaita class pohpa lohpa liata 4th position a cha tyh, subject thokhazy cha 85% zy hmo tyhta chazy chata a tha pathyu viata ahna thata avaw pangah tyhpa tlao a cha.

Mawna thokha paloh chhiepazy siepahliena : Overcoming Mizo bullies
He B.Sc (Nursing) a chuno he ta Mawna (Mizo) na ta akia thaoba ko khana lia cha vaw hmohnao awpa ama vaw chhuah kaw tyh. Northeast state hrola tawhta avypazy hnota, “Ano he la Lakher pana a cha, Mizo chavei” ama vaw tah tyhpa zy cha paloh apasa khoh kaw tyh. Ano ta reih ta, ei kha deikua cha maoh ei vaw oh thei khao leipa vata heta he ta ei vaw chhy ei a tah, “Maw va cha awhpa he ei khopa vah chaleipata, Mawra chho liata eima ypa vata Mawra chyhsa ta biepa cha hra pita, namo ta Maw/Mizo chavei eina tahnga n’awpa chha y vei, Mara-pa chi na ei cha; chahrasala eina vaw pahno pasia via awh ei china,” tahpa ta. “Atanoh cha bie cha ei chula thokhazy ta vaw my thei khao vei ei. Eina pasasa na lata ama vaw hma ha hra ly achhi thla ha!” tah pata a reih. Ado tlaina. Palohphaopa amo hlata aru viapa ta phao awpa he a peimawh hmeiseih.

He hawpa he Mara saw cha chu haipazy eima tyhnga tyhpa a cha, palohpasasana ta hmaleipa ta achu liata pahaona ta hmah lyma ta a ko nona tawhta a result avaw pha khaoh zy ta cha, “Mizo a cha hrana,” zy ama vaw tah heih. Vaw pacha pakhua tita pahneichhi a chhih kaw. Chasala, chazy he eima thaivei khiah cha maniah amohnao awpa he ama hluh tlaina!

Harapazy vaw cha pita, chyhsa ta miah mohnao awhpa vaw kho kaw tyh eita, chahrasala hara ei chana avaw thei ngai vana atano taihta. Arian(Zodiac) ei chana ma ei star sign a lyupa chyhsa chhaopa rei awhpa ama hluhkaw tahpa pachana chota chi beih vana, tahpa ta Mara laihsa zy ama dualei zie a reih hra.

Hetana heta ko 2000 pa khata B.Sc(Nursing) cha Regional Institute of Paramedical & Nursing (RIPAN), Aizawl tawhta phakawpa ta 1st class liata avaw patlo thei haw.

Raihria awpa ta athaona:
Ko 2001 pa liata Kolkata liata raihria awpa ta a zathao ta Mawrah puasai chhao Hindi zy a thailei vata thata angiaroh ta, Capital Bus ta Guwahati la aviasano nata athao eita, July College Vaih, Siaha atahma ta Australia liata a y ngahaipazy Delhi la ama sie daihti kha vaw cha ta Bus kha liata kia khoh eita a thlah avaw loh via syulyu. Guwahati tawhta apua awpa train kha my dawh 7 pa ta apua awpa chata, ei kha ama tlona chata ticket chhao vaw mohthai leipa eita train ta asiesai syulyu ha ei! A viasano Sangzuali chhochhi cha a mothlih avaw pathla pathao. Chano chahazy chata train miss kha avaw pasa kaw. Train miss ngalah chaleipa ta viarah hmo siezie pahnoleipa ta ypa kha thlazoh achhih kawpa a cha. July dei chaleipa ta Pastor achu awpa ta aza siehra pa Pawchi ta 10 Pm ta asie awpa vaw lapa ei ta cha noh pyly ta ama vaw sie pakhua thei haw. July zy deikua cha Zamte zy vata ama ticket cancelled ei ta cha nohta Delhi la siethei khao vei ei.

“July zy kha ngiachhiepa ta alyna bie na hlapa ma y. Khazohpa ta keimo chata avaw tuapa tah leithei vana, ama cho liata eily hmeiseih; ko 2001 tawhta ahmothei khao leipa pita ei va kawna,” tahpa ta a reih hra.

Viarah la ta hmo yzie a pahno viapazy he eima vaw y tyh, a pahno mahleipazy eima bao lymapa he avaw ngia ngaita kaw!

Train chhoh liata y dah zy, amozia dahzy chhao a ei khana a cha vata vaw thai leipa eita poh abu awpa chhao avaw paryh hma leipa eita tla ama pahnei thlahbazie a reih hra.

He train liana heta chyhsa siapa Noel ama tahpa Northeast hmia aphaoh thlahpa avaw hmo chho eita, ano he Kolkata tawhta Kathmandu, Nepal khihpi la asie awpa chata, ama khichhai zie ahmo vata bie avaw chhota, chata Kolkata liata apaw cha vaw phone ta amo he vaw pick up awpa ta a request pa hawhta apaw cha Kolkata ama tlo tita avaw pick up ha ei. Ama o liata patlosa ta hmiapahnoleipa chhao he hawhta avaw khasiapa cha ama ly hmeiseih. Chadeikua, my pati nie nota a viasano nata ama pie chheina he hawhta a reih, "Sausage a pawhmao lata ama rienapa nie tlamawh hata zao thai khao leipa, dustbin tlua chaima ta eima hmo thei leipa vata o-kah la ta a khaopa a ypa liana heta hnaota ti ta lei thlu ta, ei palo ngia aryh leipa vata choka la va vaw nata ei hmo pa cha ei viasano sa pala thei leipa kha kitchen la a vaw lo ta, awh para hei nata, at last toilet la va pathysa hana ta. Eima pahneina lata ei tha achha khai," tahpa ta a reih. “Eima paloh chhatu ha ta thy n’awpa eima pahno khaoleipa cha, pala (swallow) thlah la tahpa chhao ei vaw chho hmakhai,” a tah. Pahnei chhi achhih chaipa a tyhpa hry liata a rei ngapa a cha. He noh pyly he ta Mizoram House, Ballygunge lata Noel pawh heta avaw pathlie ei, ama thlah thata avaw loh.

Viarah laita raihria nao vei:
BM Birla Heart Research Centre Kolkata liata interview awpa ta a viasano nata ama vawpa cha taxi driver ta chahlo chahla khei chaima eita, ama va asah kaw. Ama hawhpa ha. A viasano chhochhi cha a mothlih apathla panga tahpa ta a reih. Rai hmo awpa ta ama hiahrina cha ei chhythei tlalei vata thata na hiahri ei ta, ano ta Mizoram la kua thei khao awvana, tahpa ta kha adua kheita 30 minutes khola ta vasa ta hria awpa ta aryh ama tah. A ko khana liata ei kha cha ama incharge hmo hiahripa achhythei lei vata ama knockdown hapa chhao a reih. Avaw physical pakaw. He no heta ICU liata avaw hria pathao haba serious kawpa atlahleipazy cha advance kawpa chhaichhizy hmana su liata avaw hria pathao. Ama hrialahpazy he hriakhoh anao leizie chhao avaw experience pathao. He liana heta ko 4 vaw hriata, cha khaota hospital ahropa liata ICU lia pyly ko 2 avaw hria khaota rah hrola avaw siepa a cha.

Rah hrola sie n’awpa lapi tluana:
He liata rai ei hria ngano heta rah khothola (abroad) sie nawpa dah he Kerala tawhta ei viasazy thata hiahri tyh ei nata, na chho khoh tyh vei ei, ko hluhpi eima y khoh tawhta tla ei taotia n'awpa dah ama vaw chho hra.

Cha nota computer course kha thla kha (1 month) he basic computing pahno n'awpa chata chhao avaw chupa hra. Cha tawhta cha internet liata rai (job) he avaw charoh pathao lyma, Resume (CV - Cirruculum Vitae), transcripts, etc pangia abyuna hawhta a tao lyma. Tawhta, newspaper he kah chareih ta jobs page he amoh lyma hra. Delhi nata Mumbai liata interview ei hluhpi chhao avaw tao hma ha hra.

Ano deita ta khi atly tyhpa zy cha Khazohpa ypana vata ngalah deita na a cha hmo naonahpa chavei tahpa ta a reih hra. Chasala, hmo ei khopa hmo awpa ta ei chipa deikua y vei a tah. Mumbai liata Missippi la ta sie awpa ta thlakha (one month) chhoh achu na ta, ahlaotloh leipa ta Ireland la he tlao avaw pahy ha, ei ly kaw a tah.

English reih cheina liata University phapa liata achuna asahpa tlyma, dawty nata nurse nawzy English reih cheina liata a practice khohpazy chata English test IELTS (International English Language Testing System) chhao cha ei 3 po ei vaw tao tawhta ei tloh, ICU liata rai hriana chota exam piepa cha avawru kaw tlai aw.

Welcome to a new land, Ireland:
Blackrock Clinic, Dublin khihpi liata avaw pazaopa cha kahkha liata ei thoh (3 times a week) hriata, hlaochhao palohtlah achhih kaw, chasala a paloh lia deikua asah viapa achu awpa he kha a y. Achu via n’awpa lapi atlua no chhaota apaloh liata ala kawpa cha, “Rah phapa tlo pita thaina sakha chha la papualeipa cha ei i kawna,” tah ta, Europe liata computer course basic pa ECDL (European Computer Driving Licence) course chhao patlo ta, he he Nurse chana tawhta IT sector lata apasie laih achhuah vata a cha hra.

Atahma he EUCIP (European Certificaion of Informatics Professionals) he kah kha liata ei kha lyma akiahpa lyma. Dawty nata Engineering zy bala he hmata achu awpa taihta ei paloh lia yta chasala ko hlupi achuna liata kawhma heihpa cha a chathaipa ta ei paho lei vata he M.S in Health Informatics he tlao ei vaw tao hri awpa a cha a tah hra.

English ta: EUCIP is a pan-European qualification scheme for people entering the IT profession and for IT professionals wishing to continue their professional development. EUCIP has been developed as an independent, European recognised scheme for IT professionals.

EUCIP he European Union phusa Euro 5000 per person per course chata, ano he tax apiepa a cha vata Euro 1000 ama pacheisa, India phusa ta Rs.3.4 lakh mapa kha Rs.67,537 ngala apie ba tahna a cha. EUCIP he December thlapa liata a patlo awpa vata Christmas he eima rah la hmahthei aw vei.

Ei viasa ei chu lahpa nata ei hrialahpazy cha dyhzy cha khaiha eita, kei deikua la dyhcha awpa hlata chhao tlaohtlona phaviapa hneita ei uhta nawhta no chhokha nata ei ti ei rah chata achyhchha phahnaina hnei via awpa he ei paloh liata tlao a lai via a tah hra.

He hawhta vaw sie awta Health Informatics lata angia pathla tita cha System Analyst or Programmer in IT health sector he a cha ba awpa a cha.

Ireland thatih chyupa:
Ireland he ko 1922 pa khata UK tawhta independence vaw hmota, Europe tawhta maw-notla (north-west) liata y ta, island of Great Britain he nochhi (east) la ta Irish Sea ta a pachhai. Europe map mo nota Great Britain chavei liata island tawtaw viapa he a cha. A kawna la cha 81,638.1 km² (31,520.6 sq mi) cha ta India liata state Jharkhand (79,700 sq. km) nata Assam (78,433 sq.km) zy US liata Maine (86,542 km²) zy nata a kawh-na alyu kaw. Mizoram 21,081 km² hlata alie thoh pali rota a kawh via. 1/6th Ireland island maw-nochhi la he Northern Ireland tahpa ta UK rahchhoh a cha. Republic of Ireland he a hmiala cha Southern Ireland tah tyhpa chata, atahma cha Republic of Ireland or Ireland tahpa ta tla a cha ba. Population cha 6 million rachhoh a cha.

(Ireland map Europe map liata ala dah)

Ireland khihpi chaipa Dublin he cha ta metropolitan area liata chyhsa apahra haipa cha 1,661,185 a cha. Mizoram state population a leino ro tlai a cha. EU liata border/rari y khaoleina Schengen agreement UK nata a sign hra leipa ama cha. Police nata judicial la ngalah ta co-operation ama hnei hai.

Irish chyhsa hro liata pachhai thai khaolei awpa cha St. Patrick he a cha, British English chyhsa chahrasala Ireland liata pioneer missionary vaw cha ta Mara sawzy chata Rev. R.A Lorrain hawhtlaita a cha hra; ama za kawpa nata St. Patrick Day cha ko chareita March 17 pa heta hma tyhpa a cha. Irish sawzy chata festival rohna chaipa no 5 taihta aryu tyhpa a cha.

Ireland he Great Britain hawhta a chakua pa hawpa rah chata, chichei ahnalasi pha kawna rah panyu kawpa, sports ataopazy chata nohkhih apha kawpa rah a cha. Zyna la cha Europe rah pohpalohpa liata angiapatuhpa achhyna service attendance apha chaina rah a cha.

Hlaotlohna bieparu (Secret to success):
A kheihawpazy he ma hlaotlohna na hneina liata a peimawhpazy tahpa hiahrina cha he hawhta a chhy:

Khopasana, riahphana, hlaotloh awpa ta khopasana, hriapasana, taolyliana nata mao-ona zy he hlaotlohna chata chhaichhi peimawh kawpa zy a cha tah lei thei vana a tah.

(Desire, bravery, thirst for success, hard work, perseverance and patience are all the key to success)

Ei viasa nawhta na cha ei chu ngathlahpa cha na hmo eita, ITLES chata a prepare pazy, tawhta ei career liata phusa ei pachha khaipazy hmo eita eina pahnei saoh tyh ei, chasala kei deikua cha ei khopa kha asia kaw vata ei paloh chha beih vei a tah hra.

Chyhsa advice he hmoru kawpa cha ta, chasala chyhsa hlaotlohpazy experience eima rei khiah cha ama khopa cha amo ku liata a pahniezie ama pahno thei aw, hriapasa awpa ta ama ma thlah khiah la tahpa ta a reih hra.

Chana liata asia kawpa chyhsa:
Atanoh taih he ta Khazohpa cho liana heta ei ly hmeiseih. Keima liata dikhata hmata apalainazy a y tlamawh lei n'awpa ta thlahzy ei chha. Khapa hmata ei chaleina chota he hawhpa palohru he ei phao tlamaw aw tahpa ei chi kaw hra. Ei vaw puana su nata khei hawpa chhokha (family) ma ei cha, kei cha dychhiepa chhokha ei chana kha mythei beih vana. Hmo hlupi hneitheipa chahrasala eino, ei chhokha, ei uhta nawhtazy duadu he my beih vana.

Chasala, Khazohpa ngiachhiena vata khapa achaleipa kha atahma cha thlakhata Rs.2 lakhs hlata hluviapa na pahlaosa ta he ei ly kaw tyh. Khazohpa tawhta ei khopa cha eina pie lyma haw. (A hlao figure zy he maraland.net ta publish a khoh vata publish hripa a cha). Ahy pakha pano chhama athona acha awpa he ei lyna a cha a tah hra. Ado kaw.

Siaha College Vaih liata amo O concrete ta avaw sapa he achhahpachovia lymapa chata, chahlei khota Siaha khih alialohpa (a yna su reih mapi) liata o hmopha kawpa sakha chhao chalei heih hrata eima rah la kua tita business zy tlyma pathao pakhua heih n'awpa cha ta a cha. A uhta nawta chhao a theina hawhta baota, ano chhao riethei tao khaota motor pha kawpa a chalei ta liahsa a tha adah ha ba.

Atahma chhao he ICU liata achyh chaipa cha nata chasala he heta achyhta hmata inferior viana paloh napie rai vei, ei hrialahpazy ta na pahno kaw hra eita, miah ama mo dah chhao za achhih kaw, Khazohpa ngiachhiena vata ngalah a cha a tah hra.

Chyhsazy chata byhna cha hr’awpa ta:
He liata phusa vata y nga awpa he ei pachana chaleipa ta eima rah lazy kua ta keimo hawhta arairupazy baokha hra awpa he ei kho chaipa a cha a tah hra. He paloh he apipaw kaw.

Dublin lia he za(night) life akichai kaw chasala ano cha Bar nata Pub lazy he daihti hma awpa nata phusa zy pahryu awpa ta pua hra vei, o liata y ta myla khapa ma a tao aw tahpa Khazohpa la ta thlahchhana chota tlao a plan tyh. Western lifestyle heta apa influence sa hla cha hriapasana ta hlaophapa hmota eima rah la vaw kua heihta chyhsa baothei tlakaipazy bao awpa he a kho chaipa a cha.

Ireland he European Union (EU) liata a yhra vata ko 5 khola cha EU status* ano chhao avaw hmo khaoh ta US lazy chhao he a pasie thei ngyu aw, San Francisco khihpi California state, USA he climate zy chhao Ireland hlata phavia ta ei paloh lia ala kawna a tah hra. A viasano Miami, Florida la ta asie hapa chhaota avy cheingei awpa ta eina khokhei hra a tah. Ano chata cha hmo rairupa cha hrao vei.

Ei hlaotlohna chyhpa ta he ta o lyu phapa nata khisa totu phaviapa ei no hlei khota, ei uhta nata achhokhazy, ei sietano seihnaiviapa zy ama peimawhna daihti liata ei chahu thei hr'awpa he ei kho chaipa a cha a tah.

Achuhaipazy la ta pasyuna:
Mara thyutliazy pasyuna vaw hnei la tahpa cha, aka achhie kaw, eima pasai khaota he hawhta a vaw reih:

Adona chota, ahyhma chi leipa ta eima hmiala sie lyma ei sila, eima rah cheichalo awhpa ta India rah nata Maw-ra lia ngala ta chaleipata abroad tawta eima rah rietheipa he cheichalo achhua ei su u.

Mongyu bie ta, "If there is a will,there is a way" tapa nata,''God helps those who help themself'' tahpa he eima paloh liata so ei si la tha mia patlotuh awhpa ta. May God bless you all Mara saw, tahpa ta bietahna a reih.

Mongyu reih la ta abaichhina he he hawhta tla vaw soh tua ei si:

I just want all the Mara saw to be brave, ambitious, determine, hardworking and competitive in everything that they do to show others that we are not just Minority. Someday we may explore the world with our wisdom that come from God.

Mara reihta: Mara saw zydua he riahphana, achhuaparuhna, hriapasana nata azaotiana he hmoto eima taona liata palasa ta chyhsa hropazy hnota chhao minority eima thlah leizie he palasa ta, nokha noh cha khizaw chhao he chahrypa ta eima sona novana zy cha Khazohpa tawhta avaw puapa acha zie nata Rev. R.A Lorrain hmapa ta pakhaipa eima chana he khizaw chata byhna eima cha thei hrapa a cha tahpa ta a reih. Ano he 'Mara Christian Network' (MCN) www.marachristian.net liata Treasurer post a patu haipa a cha hra.

Buakha ta a paha na ahnei nota Spain zy, Italy zy, nata Europe rah hlupizy he avaw tly tyh hrapa a cha. Rah hluhvia chhao tly laih awpa a chhuah hra.

Pachhana - Maraland.net la tawhta:
Chi phapa cha a tu n'awpa dopa liata tupa a cha khiahta cha vaw pyuhta laiseihta nietlah bawtlah avaw cha tyh. A pawpi zy cha angia ngaita tyh. Marapazy pi he chi phapa eima cha tlaina. Mara pawpi hluhpi suto liata vaw pawh lyma mawh sy.

He hawhpa achhuah paruna paloh aphaopa pachana asah kawpa ahneipa, Mara chana liata asiapa nata nopawzy uhta nawta zy kyh apachapa laihsa he Mara pawpi dopa ta a cha.

Maraland.net ta eima lykheina asah chaipa hla pita, achhuahna zydua liata byhna ato lyma awpa ta nata hlaotlohna asah viapa chhao ato lyma awpa ta eima khokheina asah chaipa eima hla.

Notes:

• A email ID he This e-mail address is being protected from spambots. You need JavaScript enabled to view it This e-mail address is being protected from spam bots, you need JavaScript enabled to view it liata hia theipa a cha. Privacy vata maraland.net ta eima palasa leipa a cha.
• He article or photozy he webiste hrola ta publish khoh pathleina a y khiah cha Source: Maraland.net tahpa ta click theipa link so awpa cha awta, newspaper liata apapua khoh pazy chata, He article nata photozy he Maraland.net website tawhta lapachhuahpa a cha tahpa asiakawpa ta ama palasa awpa ta eima haw.

Comments

owow! Written by Guest on 2008-09-24 12:09:18 Ls. Zami Bohia eicha pasahsa kawna. Mara pazy noha maniah natao hmeiseih. Eicha palai khei kaw na. Satlia Hmipha

Zamte Aly Kheina Written by Guest on 2008-09-24 17:35:02 Hello Zamte, USA lana Nursing rai hria awpata asie aw tahpa hawta na thatih vaw dao tyh nata, ei paloh ruta liata ei chaw pado nga kaw tyh bao. Ireland tlao na vaw tlo haw! Ko 2001 pa liata Guwahati Hotel sakha liata a vaw chho pita, nama Kolkata la sie awpa cha chita, July zy nata keimo New Delhi la sie awpa cha pita, apasai leipa pita, eima chhaikho lei kawpa chhao ta eima vaw chhai thlahpa daihti zy kha! Maraland.Net arohpa na kyh he ei py khai. Chipho kyh apachapa, palohru phapa, hmiphapa, chano ngachhihpa, tiamapa nata boachha tlahpa "Mara Pawpi" tlai na cha. Hlaotlona vaw to pha via lyma ma ei! Ko 2001 pa liata Guwahati liata na vaw tyhpa Nochhi Mara Satlia kha ei cha. Nochhih Mara Satlia

Written by Guest on 2008-09-25 05:48:55 Zami, Ei cha palaikhei ngasa thlah ha. Khazohpa ta byhna cha pie sala, cha hrobi pazao lyma se! Marasaw cheingei vahpa ta hnei mah y! Shillong lia chhaota satlia siapa hluhpi eima hnei. Aizaw, Siaha,Tipa, Delhi, Hederabad, Bangalore, Pune zy kha chahawhta Shillong ei vaw recommend-pa vata nama hia vaw tlia khah sy; namo chhao nama vaw advertise thei hra. Tawhla, Mara chano he ama dua lei kaw. Atahmono bawlaw heta la, thaina nata advanture, achhuahna, etc liata chapaw hlata hmahta ama chhuahna a lai viapa ta ei pahno. Chavata keita la "chano-chaha" tah ta aw awpa chhao pasaih khao veih ei na. Maraland.Net ta "Mara Pawpi" a tahpa ei he ei vaw kho ngasa. Mara Pawpi nata Mara Princesses zy ama cha hmeihseih. Tawhla, he tlupo ta byhna topa ta hlaotlohna a hneina chota, nawhna hro liata a hro nga thlah ha chyna liana heta Khazohpa a pahnopa laihsa vaw cha hmeihseih ta, ano va heta Beipa moh chhao ei reithai hra. Bravo Zami! God bless and take care. Na Pawpaw, Pastor Vanoh Paw (Laiu Fachhai) Shillong Please write to me: email ID* Admin's Note: The email ID has been given to the recipient intended to... We have deleted it for the sake of our valued user's privacy. God bless.

emon_mara Written by Guest on 2008-09-25 03:29:17 laisa zami...na thati he rei avaw pha hmeisei..mara saw zy pi he nama haw sai cha thei ei sila eita kaw..ABEIPATA cha y pa lyma maw sy..mara cha byhna vaw cha ma y..

USA la MS Health Infortics Written by Guest on 2008-09-25 05:34:40 Zami, USA la University pha kawpa liata M.S in Health Informtics he avaw chu hla bao? Johns Hopkins University hlei kho pata he University zy he Top sai cha eita, scholarship chhao ama hnei pha kaw sai. Nama hawpa talented and bright pa chata rairupa cha aw vei. Thlachha eima cha bao aw khaw. Top 10 Schools in IT(Health-Informatics)by Computer World Carnegie Mellon University Georgia State University Indiana University—Bloomington Northeastern University Rensselaer Polytechnic Institute Stanford University University of Pennsylvania University of Virginia Virginia Tech Polytechnic University Ama website google theipa cha awta, ama scholarship info chhao hmo theipa a cha. USA Mara Satlia zy ta eima chaw mo kha aw khaw US Mara Satlia

Written by Guest on 2008-09-25 05:50:47 Hi Zamte, you are the maraland girl! Mara pawno chhithaino y na cha hmeiseih. Satliana interview abyuhba he zaw! lolz. Mara laihsa nama vaw dua lei kaw tlai na. Ei chapasahsa kaw. - Pawlai

Congratulations & Appreciations! Written by Guest on 2008-09-25 17:52:09 Hi Mamte, Nama he Guwahat's rial-ways Station leta pastor paw khata ka thlaw paw, Laisaw a se angsang paw kha cang thlang ceh maw? I think you are, Wow! Congratulations on our success! Asang

Written by Guest on 2008-09-27 04:40:39 eima chhohsocha miah navaw chathlia kaw tlai hezaw?thlahchha nata eima cha bao aw

Alawngbia Written by Guest on 2008-09-27 10:30:39 hi, Asang, Kaaning karei he Internet lehta ka uikheh hmuh na acang,kacapasang sa ngetei,hmelang le zawng kaa ning le kaa rei zaw khui ly teita ka cui lawngmang paw cang tapaw kama leta thawzang alai pui napa pe,kaca lawng khuingetei. c.pathai texas,u.s.a

Khoh kheina Written by Guest on 2008-09-30 09:50:11 Zamte, he tlupo ta Satlia na zy ama cha va-ia pa he nama tawhta cha zy avawlie hra bao, chaleikhia personal tama na contact ha va tlyh, achapa chhaota he liata acha vaw v-ia kawnaw zy he na lyna chazy vawchapai hrate. Chennai Mara Satlia,

To all mara satlia Written by Guest on 2008-10-01 15:55:32 Nama sai heina nata veila ta thata einaw reithaina ei chi he ei ly hmeisei Zami Dublin

Written by Guest on 2008-10-01 15:57:30 Hi Pawlai Ly na pachhi dah rima cha!! Zami Dublin

Written by Guest on 2008-10-01 15:59:48 Satlia Hmipha, Thank you so much for your lovely comment.may God bless you Zami Dublin

Written by Guest on 2008-10-01 16:01:44 Hello Nochhi Mara satlia Ko hlupi a lei taw chhaota mia navaw thei thlapa he ly a chhi hmeisei. A tla pata na y lyma no acha nata ei hna beisei Zami Dublin

To Emon-mara Written by Guest on 2008-10-01 16:04:38 Hi Dear Emon Thank you so much for your lovely lovely encouragement and blessing. may .God bless you too zami Dublin

Thanx for the Information Re; Health Inf Written by Guest on 2008-10-01 16:14:52 Hi Dear I am extremely glad to have read your message regarding the Informatics course in USA. I can understand what you mean. I already enquire about this course in most of the University,but it turn out tobe a very competitive course and there are certain thing I need to fulfill which could took me longer than what I expect. Studies in USA is always the first option for everyone,but Unfortunately things doesn't seem to be easier than here.I will pay only about 3000 Euro/yr for the Master degree while the fees in USA could be upto $50000/yr,and the scholarships aren't that much..But i will still think about USA in my free time.Thank you so much for your kind concern about this and spare your time to send me details of the best university. I hope it will give me lots of Idea about the course. I will start enquiring as soon as i have free time. Thank you very much once again for your help and nice comment.may God bless you too zami Dublin

Written by Guest on 2008-10-01 16:22:43 Hi Asang siata rei navaw ropa cha palo lie achhi ngasana.Namo reih(Siata reih) he ei thai kaw hra mata siaha lia ei yno cha. Palo lia achhi ngasana.Chysa vaw ngia tu khao leipa nata,na hmi zy ei chahmo leipata cha chaw pahno pasia khao vana,bah naw pacha thaila..Keima cha thati reih awhpa he ei hnei hlu kaw mahta..Life is full of struggle,advanture etc..Atlapata na yno acha nata ei hna beisei.I'd like to thank you for your kind compliment,i am just an ordinary girl,and people are kind enough to help me out in every step.I wanted to thank to all who already helped me and who appreciaZami dublinte my achivement .may God bless you

Written by Guest on 2008-10-01 16:29:08 Hi Asang Spelling mistake a chha lata vaw yta naw pacha thai la,Mara rei he chei thai kaw nata chahrasala aroh la he vaw thaitu leipanata,eima chyta tawhta Aizawl liata school eima kiahpa vata mawhrei he vaw roh hlu via pita.sorry about that Siata rei ei vaw rei pa cha,eima opa liata ei viasa no V.John sawchanono Duhkimi zy nata eima chyno daiti zy naw patheisata,palo a lie kho ngasana. Atlapa mapha sy Zami Dublin

Hi Chennai satlia Written by Guest on 2008-10-01 16:35:03 Hi Chennai satlia na reipa he avaw doh ngasana. nama comment zy he a reply thei tapa eivaw pahno vei hemaw,bah naw pacha thai ula a pha awh. Mara satlia naw zy he vaw dua tiara hra leipa ei chita,Mongyu rahla nama vaw sie hra awhpa zy he kho a chhi ngasana.Abroad la vaw sie awhpa he nama main target vaw cha sala a pha ngsa awhna.Mara satlia zy he vaw kho kaw hra ei sila eima yna ti nata rah ta a chulei taw cha heta he palo lie kaw pata tla eima y he zaw.Mongyunaw hro he kaw la hmeisei thaipa cha tlo lei khata!! By the way whats your name?? zami Dublin

Feel free to keep intouch with me Written by Guest on 2008-10-01 16:46:51 Hi to all mara gentleman Its a great pleasure to be a mara where everyone acknowlegde my little achievement and hardship.Its all up to us to push ourself harder to achieve what we wanted.there are thousands of Indian studying and working in Dublin as well as in many part of Ireland,I always have a wish that some of my own people could have come and work here too.. I wander why people wouldn't try to go out of India while many Indians are already making a very good progress in every aspect ouside India.I think we could definitely fight for our own state by working abroad.So that we can bring more money,help our family,and help our neighbour,and serve the God.Pls feel free to contact me incase if you wanna know what step to take to go abroad.Its all depend on what you are looking for and how much you wanted.I am just an Ordinary girl from poor family,its not that I am intelligent or bright,but I work bloody hard day and night.If you are ready to follow my footstep success will come along..God bless you all

Good Job! Written by Guest on 2008-10-03 09:31:27 Zami, Your message is so lucid to understand that it is a matter of hard work and keeping faith in what you are doing! And of course be focused I'm sure many more great things will come to you. Go on! Keep the good work, Mara girl! Supporters for Mara Pawpi(s)

A Time that this small page becomes a pl Written by Guest on 2008-10-06 02:37:32 Zami, Eima comments zy a positive kawta miah navaw lie vawta aly achhikaw. Narei pa he adokawsai, Mara satlia zy nata laisa zy chhao abroad la amasie via awpa he, hmophachaipa achaleipa chhaota achhuana ahneipha pa nata ataopasu pazy chala hmopha acha cheingeiaw. Keima chhaocha western la achaleipachhao ta Asia, Japan or Korea or Singapore rakha he cha within 2 years liata vawsie theithlyu aw ei beiseih. Naihta Nama chhao cha Marapa nama deita hawta navaw y thlah vata napalo zy achalie kaw tyh awpa eipangiasa. Generally tala eima hla no he apaso viapita eima y hnai natala apasothaitu khao tyh lei pita ahlatawhta pakha nata pakha apaso kawpata eima mail tyh pa he kho achhidah. HEHEHEHEHEHE!!!!!!!!!!!!! As I have seen time machine(2050)movie, i wish if i could keep you always young and the same mind as you are having now, so that you will be always loving the Maras. Thanks for asking my name. Keimala chysahro hawhta ahmi phathailei, chhoso phakawpa Mara Hmichhi eicha. Chennai Mara Michhi(Chhoso deihkua phakawpa).

Hi PAWPI Written by Guest on 2008-10-06 02:56:04 it is nice that this page becomes a meeting point with you and the same time it is a melting point of heart for us too. Keep on writing replied mail here not only for a love matter but also for sharing of our thought about how Mara will improve deeper and higher. It is also will be nice if you could give some advices and guide lines to the youngster girls how they should do a better job and impressive to venture even to abroad like you. Please do not stop writing here or otherwise give us your ID (sorry if hurt) so that we will be able to stay in touch in time of needs. Once again Hmichhi.

Written by Guest on 2008-10-07 04:27:34 nurs chysa nata topi ,mara laisa ei napaly sa ,ngasa,

pawpi Written by Guest on 2008-10-09 03:39:50 Na mo he a hy ma cha bie? tapa ei pahno kho kawh. Kei la Mami cha ta maw sila a ry awh va ma? ei ta. Nga na chhi zie he Marapa cha ta a mopa tla cha maw se.

sunday chozah Written by Guest on 2008-10-09 09:05:07 ha ha ha nachhielei kaw he chukssssss...............

HI PAWPI Written by Guest on 2008-10-10 01:21:11 Ei moh he keimo ta pachopadua ta tla eibie pa acha. Naita tahma chhoduamaw cha navaw chapai tlakhao vei y. Eima chawva kaw ba heih nyu. Bah leita vaw chapai leima la alyachhi kaw aw. Chennai Hmichhie.

Hahahaa....This is a lovely message Written by Guest on 2008-10-11 15:51:24 Abeipata mia tao dah he zakhei awhpa chavei mata.Khazia hmichhie na ta ngathla va i!!! Hmi hlata cha thaina nata sona a so via mata.. Nama message ei vaw dao ty pa he palo tlah achhi ngasa ty na..Tlaih chu keima bao hela chysa pasyu pali la thai tu lei pa nata.Ano deikua ei paloru liata y ngathla ty pa cha,mara saw satlia nata laisa cha achu hai pa zy heta Job oriented kaw pata cha a vaw chu thei lyma ei sala ei ta kawhna.. Filipino Doctor hlupi zy heta Nursing a chu pata USA la zy sie eita,part time ta hmo hropa zy foreing liata a chu eita,MBA,MSc etc chatanachata chana hropa zy ama kaw patu laih ty.. Mara student zy heta technical line lachha nata computer science,Nursing,occupational health therapist etc keima cha a chuna nata thaina la he pasa sa kaw nata,ko hlupi eivaw chu sa thai leipa vata atahma he thata a chu sah lai awhpa vaw kho taraw nata chahrasala,vaw young kaw khao tlo lei kha pita a bua kaw. mapha chy u sy Zami

Congrats from Shillong Written by Guest on 2008-10-13 13:08:42 The last time I met you in Shillong I believed and felt that there's something in you that showed "I can do it!"you had confidence, a drive, determination, attitude, and now you are there, wow...if we have 1or2 girls/ladies like you... We are proud of You. May I call it a wonderful story of Mara Pawpi?. Congrats!Be an Inspiration to all the Mara Students(MSO), specially Shillong because there are more than 435 Marasaw(MSO Sub Hqrs. Shillong 2008 Statistics)! These words are for you (way back in 198'The Merchant of Venice' written by William Shakespere.In Ireland;'There is a Lady, Her name is Mara Pawpi,She is 'Fair', but Fairer than that word!"You are a Mara Pawpi but more than that word.You are really something 'Mara Pawno' oh...sorry... "Mara Pawpi".Please do not forget "Marasaw Pasaiphazyta ama cha ha thla ha!" God Bless You, wherever you are. K.DaviesShillong. Please Send Articles/Messages/ to This e-mail address is being protected from spambots. You need JavaScript enabled to view it This e-mail address is being protected from spam bots, you need JavaScript enabled to view it or This e-mail address is being protected from spambots. You need JavaScript enabled to view it This e-mail address is being protected from spam bots, you need JavaScript enabled to view it

Thanks alot for replied message!!!!! Written by Guest on 2008-10-14 00:46:24 Dear Zami, Keima hmichhie chaila chhao cha navawlie tyh chita pha eitada,,, eventhough we don't see each other (most probably we don't know)but still i feel the closeness within us because of our common thought and stimulation that we have for both for personal and for society, and the other hand because of our identity. I personally feel some negative feeling for some students who only are still thinking for the present moment spending time in vain of decoration. Spending some amount of money from parent but seems not to achivement any content serults It is the reality that is happening in now and here. If it is continues like this manner Maras will more less be still remain the same situation. Nothing can give them repent but i hope only when one sees the result by the time it seems to be to late. Achapachhao ta he lia he OUR MEETING POINT vawchatyh ta apha kaw. Eima chata tha miah napasa kheinazy he atotlah awpa palo ta eivaw chhuah via aw. Hmichhie, Chennai (here onward "UNIQUE CREATURE PAWPAW MARA"

Written by Guest on 2008-10-19 10:38:43 Keimachhao eichapasah sangasahrana.einakho cheingeichiawtapa eingiapa chaina a cha.

WOW!!! Written by Pabei on 2008-10-21 23:57:21 Na ngiahtlaina, Keimo Marasaw zy chhao pihta keimo nata Keimo apalai khei awhpa eima vaw hnei hra pa he la, Zami cha lykheina ta, Nangia na nata Na siana zy he marasaw thlala na cha na kha khati no rai ta na my lei awpa ta bie chata nata ei cha pasyu hmeisie hra a, Ei cha palaikhei hmeisei hra,.......

Einch !U-Zamte Written by Guest on 2008-11-02 22:45:28 Hehe......how r u? Haven't seen u in 5 years.....still remember the times we spent in Kolkata....now i am in Chennai doing M.Phil in Communication and Journalism....I am so happy about your features...keep it up girl. I hope n wish that u be sucessful in everything you do......i will pray for u. By the way, do u know Amazing Grace? He died this morning at Siaha hospital around 9:20. See u soon and reply....ASAP...BYE From Ur old fren Omteii, Chennai

Written by Guest on 2008-11-03 03:45:13 Dear Zamte, Eima chaly ngaita kawna acho lia thati zy he vaw rei nata Khazopata byhna roh nah kawpa achatobi hmeiseipa hmo pasia nata eily ngaita kaw. Nahlaotlona zydua he keimo thyutlia saw zy chata achuna phapa avaw cha hmeisei tlaina, Khazopa ta he hlata aroh nah via pa ta chhao chatobi lyma sala byhna roh nah pazy vaw dao pha via laih lyma ma y. July-Sept thla eima rah la eisi noh ta Khazopa byhna nadaona thati zy he khopai khisaw zyta vawropi nachho eita Khazopa eima reithai hmeiseipa acha, tiama via lyma ma y thlachhana liata chhao kha eima thei lyma thla awna. Krista Ngiachhina liata Sasa Armenia

Hi Awmte Written by Guest on 2008-11-10 10:28:08 what a big surprise to see your message.Ofcurse I do remember you girl. You've done so well and I really appreciate what you are doing at the moment,keep it up my dear..yes it was a long time ago the last time we met in kolkata,I am glad that we all did well so far.But its really sadful to hear that Grace is gone..he is a very nice guy and he helped me alot when I went to Bangalore long time ago..Its really shocking to hear the news about him,he is too young to die. Good people don't live long which is sad!! I am really glad to see your lovely message,we can keep intouch if you want my email.I'd love to hear from you again. May god bless you in whatever you do. zami Dublin

Hi sasa Written by Guest on 2008-11-10 10:32:31 Sasa na message kho chhi kawpa vaw hmo nata ly na pachhi hmeisei. Tlaih chu a beipa bao na va sai chata he hawta ra hrola zy rao hria thei awhpata hlao tlona eima vaw hnei thei pa zy he.Nama chhao cha Armenia liata khapa e na tao? Na mesage rei a pha hmeisei,rei thaina zy he so hlu pi hlata so via tlo ta. May God bless you too Take care Zami Dublin

Written by Guest on 2008-11-11 11:30:58 Dear Zami, Comments responce navaw tao pazy vata eicha ly ngaita kawna, Khazopa ngiachhina zawzi vata atako he Doctor Of Medicine(MD) Final Year, Armenia liata eichu ngala hra khapama avaw lyu aw pahno mah tlai vana, kozy he atlah pata pachha theipa achakhiacha 2009, June thlapa chhana liah khita graduate awpa eimo khah hai, Armenia rah liata MD achu haipa Marasaw zy chhao atahma cha keima chhao reipa pa heta pacharu eima cha haw, alypa acha ngaita kaw, Khazopa ta namo zy thlachha baona he thei lyma sala atloboh pha kaw pata achuna zy he eima vaw patlo patlai khai thei chyu awpa eima mo khah beisei kaw. Acho liata comments avaw pietuh penawh zy comment roh nah kawpa zy he vaw reih nata alypa acha ngaita kaw hana. Khazopata byhna roh nah kawpa chatobi via lyma cha baichha via laih lyma chyu mawh ei sy: AMEN SaSa Armenia PS: December lia he London la avy awpa rai y ta atahma noh heta Dublin vawpha theimah leipa chhao London la he Christmas & New Year zy a vawhmah theipa chamawh la eima hmo thai hra awpa khoh achhi kaw patlaita, New year khaipa nah heta London-Dehli-Maraland patla laih lyma heih awpa acha heih ngyu awna, mawta chakah pa zy ama nodidaphi tu haw tlohta, thlachhana liata athei suh vei.

HI,PAW PI Written by Guest on 2008-11-27 16:30:35 ATAHMA TAITA MARA STIA MANIA NAMEI THAI LEIPAVATA NACHO LIATA THATA EICHA VAW LEI KAW.MARA LAISA HROLIATACHAO NAMAHAWTA MARAPA KEI APACHAPAHE HMOTLALIA VANA.EICHA PALAI KHEIKAW. C.HREU NOR WAY

hello Zamte!!1 Written by Guest on 2008-11-28 02:41:12 cha navaw pi hei dah rima cha!!!...mara satlia eima lu miah na pahia sa khai hei he zaw...a thohna hmo1 chha miah pachao tua la a pha aw,'taleitala, eima hro vasa a chhitu tlamaw na!!!!...lol.. May God bless you more & more.... mara satlia johly pune

Hi Sasa Written by Guest on 2008-12-04 11:28:58 St Vincent hospital liata Kidney infection nata Blood infection vata 2weeks y nata atano eivaw pua theipa acha.Nama message zy vaw hmo nata ly achhi ngasa.Ei chaw pahno pasia leipa cha bah naw pacha thaila,tlao ei cha pahno ngasa mata,na paw kha Evangelist rona kawpa acha taty..Nama tao pha ngasa na,MD zy foreign liata nama vaw tao theipa cha arona ei ta ngasa,nama sie tua no zy khata nama thati zy vaw thei hranata,atahma cha nama vaw patlo daihma ha chazaw.A rona hmeisei,mara saw zy, dua tlai mapi tapa a la ngasa UK la zy christmas kaw hma awhpa cha byu achhikaw tlai,ei tla leipa vata leave zy hnei thei khao lei panata,chavata atako la Dublin liata Christmas zy ei hma awhpa abyu thla hezaw. No hro liata daiti rypaona avaw ylai baona,hmia zy a hmo theina daihti! Mawta chakana liata thata baona zy navaw bua khei pa nata abroad la tawta baona avy pazy ei vaw theinata ei cha pasasa ngasa,chapaw saw na hno ngasa.. keep it up.May God bless you in everything you do. Do keep in touch. Zami Dublin

Hi Johly Written by Guest on 2008-12-04 11:33:08 Ly na pachhi ngasa na.. Thohna o tawhta ei vaw oua dyu ta chata rei awhpa hnei hlutu lei pa nata eima rah zy vaw va kaw nata,nama message kho chhi ngasa pa ei vaw dao pa heta thata na palysa ta,mara satlia zy nama polite ngasa na.. No hro ei vaw tla via tita mesage pasi viapa zy ei vaw roh khaw e! mapha chy.. zami

Hi HreU Written by Guest on 2008-12-04 11:35:54 Na reithaina kho chhi kawpa vata lyna bie ei chahla.. reithaina zy he so ta chalei theipa chatlo lei khata.. atlapata na y lyma bao nata ei hna beisei zami

Merry Christmas and Happy New Year!! Written by Guest on 2008-12-26 11:56:21 Hi Dear Zami, Infection navaw hmo pathleipa cha apei kaw na, vaw tla haw ma y, pakha avaw mohoh lyma ma y Mara Satlia hlupi ta chapasoh ngaita kaw tlo pita, thlachha eima cha bao lyma hra. Christmas zy nama hma pha ma? keima chhao atako cha pacha leipita Oxford liata Christmas akei hmah thei nata alypa acha kaw, chasala eima rah la Christmas tlu khata vaw papha paha thei vana.. aroh nah lachhah la Christmas Presents hlupi vata tlao aroh nah kaw, Christmas present ta ipod pha kawpa dao nata this is the best Christmas Present I ever got!!! Atamy khata London la eima vei heih, tlalei zia leina zy avaw tyh leipa chala cha he la zy Chrismtmas akei hmah thei la aroh nah thla awpa naita cha.. Kothiehpa khai tawh heta Maraland la ei si awpa chata bieta khoh pazy Marara tawhta hmo nava kaw pazy nahnei khiacha vaw reih ma y.. January thlachha hla heta eima rah tawhta London la vaw tlo heih aw nata eivaw eichaw phaopa khawh, hmiakhu tihah zy nava kaw hra ba eina.. , London tawhta Dublin la hmo paphao awpa he ama ru tu ei vei tapa eipacha.. A Very Merry Christmas and Happy New Year!! Kaoki Marasaw zydua hnohta chhao Christmas nata kohtiehpa byhna vawtlo pha chy mawh se. AMEN SaSa Camp: London

Written by Guest on 2009-02-07 01:24:59 mara pawpi do ta na ca.....mara satlia cheingei vapa ta hnei ma y..mara satlia zy trang tu....

hi Written by Guest on 2009-02-16 05:06:54 hi na dawh bak si na za bak

Eichapalaikhei hmeisei tlaina. Written by Guest on 2009-03-07 04:55:40 To/ Dear Zamte, Marasaw châthaipa ,ahmiephapa atapacha nama dei he navaw chachy ngyu aw.Eichaza hmeisei,tha eicha patlo hmeisei.Avawchupa zao lailyma ma y.A daiti zy atlo hlata cha,,..... Atlapata..tha eicha patlohmeisei. Mara satlia

ka ngaisang che Written by Guest on 2009-05-22 02:12:32 uzamte ka chhuang lutuk che i hmalamtan duhsakna sang ber ka hlan ache...

diana solo college veng saiha Written by Guest on 2009-05-22 02:15:32 hai

Dear Zami Written by Guest on 2009-06-07 19:23:15 Mara satlia na ty awhpa kei ei chaw pasai thla haw

Hiahrina... Written by Guest on 2009-07-25 06:27:21 Dear Zamte, Tanoh Mara Pawpi tahpa vaw hmo nata ei ly kaw. Na raihrianazy apha kaw aw, eichaly khei hmeiseih. Eipahno byuh kawpa sakha y ta, chata... Ireland liata dawhkhata tlawkhazie e adahtlahpipata ama hlao tahpa he a cha. He he Restaurant, Factory, Convenient Store, Hospital lia zy ta pachhaihpa chasala hlao anano aw ta, a dah tlahpi pata Ireland Pound ta dawh khata tlawkhazie ama hlao thei tahpa he ei vaw pahno khoh kaw. (Ireland National Minimum Wage cha €8.65 achapa hawhta vaw pahno hra nata. Asu liata a ypa chi thatih siapa napahno via awpa vata eicha hiahripa a cha.) Eichalykaw. Mara Satlia

Written by Guest on 2009-07-28 00:11:04 HI ZAMTE. Na thati nata na hmi zy ei ma hmo leina rei kawta, va na chhi kawh ty. Edom, Siaha Vaihpi

• Add New
• Search

Comments (9)

• |2009-09-18 10:48:45 Aldrine Bohia  - A ly kheina.
  U zamte......nama vy Za Ka vai mara Hrahzaw piza i va mai. maipa pha sa cita eicha vy law hmese....Hmely na hria lawma na aiza Khazaih za Bohnye chapei lama mawso..[/b]
  
  • 1
  • 1

  ReplyQuote

• |2009-09-20 05:40:37 samuelkczalua  - A lykheina
  Dear, Zami. Ei chapasahsa kaw, kheitarai chasala nathaina kha marah pa rah chata natah Marahpa Satlia chata cha maw se,tahpa he eicha khokheina nahta eicha hawna acha,A Beipa parohnah sala Ano
  palyupalih la,Marahpa rah he za ma y.
  
  • 0
  • 0

  ReplyQuote

• |2009-09-27 22:15:48 zami
  Atano taita mara website liata einavaw palasa ei chi he ly achhi hmeisei.. a tako cha ei bua kaw tyh vata Maraland.net zy vaw visit hma ty leipanata navaw pacha thai ula ei kho . Ireland lia heta Euro hma ei ta, Average wage/hr ta cha €10 he minimum a cha nata ei pangiasa.. depends on the kind of job people are doing wages could vary from €10-€40 /hr. Nurses could earn up to €35 /hr.But living is expensive here..feel fre to keep intouch and ask any question..
  zami,Dublin
  • 0
  • 0

  ReplyQuote

• |2009-09-29 01:24:23 Anonymous
  nasatadachalai achhoso ynapalaluokawchina hiahrina eichahne ngechhipata nawcyubiemaei. boy friend zy nahnamama?dychhaawpa napachamama?
  atlapata. East mara.usa.
  • 0
  • 0

  ReplyQuote

• |2009-10-06 07:29:59 salai.mara  - ma liy sia
  gxcgbxdfbdfb
  • 0
  • 0

  ReplyQuote

• |2009-11-07 13:47:48 Anonymous
  zamte i dam?
  • 0
  • 0

  ReplyQuote

• |2009-11-15 16:06:17 Dr John Hamlet Hlychho  - ATTEMPT GREAT THINGS FOR GOD
  Dear Zamte,
  
  Na thatih vaw reih na ta, ei vaw ly hmeiseih. Abeipa Khazohpa he Apahniehna tlah achana zie athata eina vaw pathieh (remind) chi. Nama hawhpa Chano Laihsapa Khazohpa a chipa, hmopha tao awpata achhuahna (determination) a hneipa, nata a hlaotlohpa Mara rah ta eima chahneipa he achapalaikhei hmeiseih na ta, eivaw ly hmeiseih, "Attempt Great Things For God & Expect Great Things From God" tahpa he avaw thei nga thlah ma y. God Bless...
  • 1
  • 0

  ReplyQuote

• |2009-11-19 09:41:12 kamal  - hey guys
  HEY GUYS DIS IS KAMAL HASAN FROM HYDRABAD JUST WANA SAY HOW R U GUYS DOING?IF ANY OF U GET DIS MSG COL ME GUYS ...MISSING U GUYS A LOT YAAR.
  • 1
  • 0

  ReplyQuote

• |2010-07-05 15:09:31 Mara Satlia Denmark
  Congratulation Zami!
  
  This achivement is a clear message to all Mara students that 'success is not accidental, but it is a result of hardworking!'.
  
  It is also a challenging bell to everyone that our gifted Maraland can only be protected from the assimilation of other tribal groupings only through the unity of our people, the wisdom of the young generation and the height of our education. The future of our land lies on the shoulder of today Mara students.
  
  The security of our people in East and West is now in a great danger point from perspectives!
  
  
  As a Mara, I am very proud of you for u are being an example of your fellow here!
  
  Take care! Ei cha ly kaw!
  • 0
  • 0

  ReplyQuote

Write comment

Your Contact Details:

Name:

Email: do not notifynotify

Comment:

Title:

UBBCode:         -color-aquablackbluefuchsiagraygreenlimemaroonnavyolivepurpleredsilvertealwhiteyellow -size-tinysmallmediumlargehuge

Message:

Security

Please input the anti-spam code that you can read in the image.

Powered by !JoomlaComment 4.0 beta2