SIAHA - Mara Student Association General Conference ei 37-na cha Meisakotlah, Sawhmo Tlah liata khih ngiaryh achhih kawpa liata hneipa chata, hlaotloh kawpa ta hneipa a cha. Khichhai laipa chata Puhpa C. Sahliema S/o Rev. Dr. Laima Chozah hmapa a cha. He conference liana heta Miss atlyna hneipa chata nohthlah chhao ary liata a y; Marapa eima origin nata identity zy pahnopasia viana chata Seminar hneipa chata, Magazine release-pa a cha hra. Report aki viapa ary liata:
(Chief Guest Puhpa C. Sahliema, Yangon tawhta a zahlao)
Biehmia
Ei (37)na MSA G/C cha chana liata ropa daihti nata chah hawhta tao thei hawpa cha ta, ahy pakhata hmahta ama khih lata ama piapa rai y leipa ta alyna hmiaphao chhaota pai thei khaipa a cha vata Khazohpa liata alyna bie reih nata eima G/C hlaotloh thei nawpa ta thlah miah chhakheituhpa nama zydua hnohta chhao alyna bie eima cha hla. MSA kyhapachapa nata MSA sahlao(meba) zy chata G/C liata pahno byuhpazy nata Photos thokhazy eima vaw palasa tahpa C. Macho(G/S) ta eina pahniehpa vata atahma he peimawh viapazy ei vaw palasa aw.
1. Khichai atlo theipa:
Keima vaw pahnona rakha ta cha atako ei (37)na MSA G/C he khichhai ama tlopha chaina G/C a cha aw tahpa ei pangiasa. Meisakotla khih nopawzy ta miah chhuahdypha kaw ei ta,amo ta cha sahkha(1000) cho miah mokha ei ta, a tlo theipazy cha chapaw 471, chano 263 pahly ta 734 eima cha. Khihchho maluh he 381 cha ei ta ei,(37)na MSA G/C cha maluh 1115 ta ahmapa a cha.Aronah kaw diah!
2. Aeih viapa ta Hruapazy:
Khichhai laipa(Chief Guest) ta hruapa C.Sahliema(Yangon) chhao ahmia hmo thei pi ta, cha hlei khota Rev. Renau, Rev. Ngehmo, Rev. Vatlo, Rev. Neropaw,Puhpa Vachei,Saya Hlakhai nata Saya Kautha zy chhao eima G/C chhoh zydua eima hnohta miah ypa lyma ei ta, pachana phapazy miah pie ei ta, thlah chhao miah ama chhakhei lyma. Ao ngia kawpa ta ei (37)na MSA G/C aparonahsatuhpa L.Vabeiha, Paw Vabeikheisa, Paw Hmotu, Paw Sacho nata Ngephepi Hlapy zy hmia chhao eima hmo theipa vata eima ly hmeiseih.Puh Saimaw( Guest of Honor) nata MSO Delegate deikua ama hmia hmo thei ma pi.
(OB, advisers, nopawpazy nata khichhai laipa chhaota)
3. Election:
Centre luhpazy atlyna(Election) he ko(2) ta ei kha atly tyhpa a chapa hawhta atako chhao atly heihpa a cha.Ko hro no cha ti nata tlah apachaihna paloh phaozy vaw y tyh ta, cha leipa chhaota Centre Yangon lia cheingei ta a ypenaw via saita patlohpa a cha tyh tita eima Mara rah chhoh liata a ypa MSA meba nata Marapa kyh a pacha kawpazy siesaipa a cha tyh.Atako deikua a kho cheih hawpa ko zy hawhta cha khao leipa ta Kalay, Pakokku, Sittway nata Mara rah chhoh liata a ypazy a rai pataih khaipa a cha vata raihria lia chhao a hma sie via aw ta, apokhana chhao eima hnei via aw tahpa ta hnabeiseih khaipa a cha. 2009-2011 chhoh MSA Centre liata a chhitha awpa rah luhpazy cha myla hanoh G/S ta a vaw palasa aw.
Chief Guest ta Mara Deiva Magazine ei 17-na a release.
4. Culture
MSA ta a cheichalo chaipa nata apabohsa chaipa cha Mara Pho la nata Pho hla zy he a cha tah ei sih la tachei ngyu ma pi.Atako cha ATHI LA arapasuapa chata ama vaw la bao cha eima pohhmi zydua miah a loh khai haw ta,eima vaw chipa khai haw hra.MISS chhao he Culture Department tawhta maophaona lapa chata ko hro nata alyu leipa ta mo pa(3)atly awpa ta G/C ta bie pathlu ta hmapa chalapa a cha.No-ah a chhih kawpa cha “PI” saita eima tlypa he a cha. 1. Fie Paw Nge(Miss), Lialaipa, 2. Fie Thlei Paw (1st Runner-up), Locheipi, 3. Fie Ngo Di Da (2nd Runner-up), Ngephepi zy ama cha. Sathilo chhao ei (37)na MSA G/C tawhta akhai pathaopa a cha. Phopi Taovyu tahpa Cassette taona liata Ao ngia ngaita kawpa ta hla miahsapenawh chhao Palyupalihna chahna piepa a cha.
Miss nahe Conference ziza ama tao kaw. Ama nohthlahpa sia tuleipa ta apei eima tah kaw .
5. Mara Issue Seminar:
Mara Issue Seminar he MSA ta a ngia bah kawpa nata a thokhei kawpatyhpa a chapa vata tao heihpa a cha. Ei (37)na MSA G/C liata ei (4)na Mara Issue Seminar chata paper present hruapazy cha mo pakha hmahta ama hmia nata Paper hmo thei lei pi ta thapi ta eima ngia a chhi kaw. Chahrasala MSA kyh apachatuhpazy ta MSA a tlala awpa ama pasai thai lei vata C. Sahliema (Chief Guest) nata C.Vachei zy ta Seminar miah ama chhitha.C.Sahliema ta Leadership nata Management tahpa miah pachu ta C.Vachei ta Mara tahpa a vaw thaona nata Marapa eima chana khy miah apachu.MSA ta Seminar miah pachutuhpenaw cho liata thapi ta aly pi ta,eima thokhei hmeiseihpa a cha.
(Marapa Issue seminar hneinota nothlahpa)
6. Alyna bie chha leipa eima cha hla
i) Ei (37)na MSA G/C hlaotloh thei nawpa ta miah chhuahdytuhpa Meisakotla khih nopaw nata MSA Branch;
ii) Mawhtah chakahna ko a chapa vata tlalana a y lei nawpa ta miah avaw chakheituhpa MSWDC,MFRC nata MSA branch zydua;(MSWDC tawhta MFRC nata MSA sie pahliepa ta 2009 Marasaw py (10)ezahpazy a chakheina liata atahpa Ks. 68000/-,Ngephepi MSA tawhtasapha pau(45) nata branch to tawhta a chakheina hnei chyupa cha ta, Ks.100,000/- nata Sapha pau (25) he Meisakotla khih mopaw nawh ku latahla theipa a cha.)
iii) Mara Cha a zao awpa Question thaona liata paper nata typewritermiah pahmatuhpa MEC Office nata MEC-SD cho liata;
iv) Steward miah chapatuhpenaw Kalay Sub-Centre cho liata;
v) Ei (17)na Mara Deiva apakhaisatuhpa Dr.Tainsa(Sasa) cho liata alynabie asah chaipa hla pita, MSA ta my beih aw ma pi;
vi) MSA G/C hlaotloh thei nawpa ta thlachha miah baotuhpa nata kao hrola tawhta miah baokhatuhpa nama zydua cho liata MSA ta rei tia leipa
alyna bei eima cha hla khai.
vii) Meisakotla khih nopawzy ta Seihtoh ko(4) sakha, vao so (5) sakha, Vao so (4) sano miah ama thipa vata eima ly kaw diah.
Khichhai laipa, chhituhpazy nata uthei viapazy
7. Ei (38)na MSA G/C
Mawhta chakahna miah a tlo thlu ngalapa vata kyhchhi a hawh awpazy hengiaroh a chhih ngasa na! Chahrasala Mawhtah hla ta la, eima rahzohpa
he pakhaisa ta py(10) pass-pazy, University kikuhawtizy hluhpi hnei taEducation ta eima khih padua pathi ba awpa na eima khoh via haw ba
atahpa Mala MSA branch nata nopawzy ta ei (38)na MSA G/C rohnah kaw heih awpa cha ama phao haw.Arohnah kaw diah! Ei (37)na MSA G/C tawhta
Marasaw Doctorate (Ph.D, D.Min , etc…) a hmopa zydua palyupalihna chahna pie pathaopa a cha haw.
Pachhana
Branch chhaikhazy ta MSA G/C ahmana noh he pahluh(pasi) sa via sih la, Conference nata Seminar eima tao khai nata pai thlah tyhpa cha eima paloh na a y ngasa tahpa ta ama vaw haw holo.MSA ta Marasaw apokhana palophao nata akaoraona miah apahneisa hmeiseih tahpa G/C liata ala pasia kaw tyh.Eima Mara rah NGO liata ko 42 chhoh a vaw sie hawpa MSAhe tlah parei sala achuna kyh liata hma sie via lyma mawh sy.
Eima rah nata chipho chata,
C.Vakhaitha
Advisor
Mara Student Association
Centre, Yangon
Update Note: Chief Guest he Satlia tahpa ta vaw palasa tlamaw pita, report liata Puhpa tahpa palasapa a chalei vata eima vaw pahno chheipa a cha. Puhpa tah awpa a cha. Net ahmahtuhpazy nama pachathaina eima cha haw.
Nothlah hluhvia nata a laiviapazy mo awpa cha gallery la sopa a cha aw.
emon_mara
Written by Guest on 2009-05-22 05:55:53
eima unaw kho ngaitapa zy sai khizaw chysa vata eima yna tla hmata ana no hrasala,khati no raita eima mara chana he my lei pata pa lai seisa a chhua lyma ei su cy.
Palo lie achhie hmeisei na eima rah liata nothlapa zy eima vaw hmonata he la. |
Written by Guest on 2009-05-23 20:28:17
palolie achhi tlaina. khei hawpa chana nanopa chhao nata khei hawpa duasu, yna nanopa chhao ta Marapa chhana liata asypahmao via rili su vei...
Aw tawla, he hawpa Akaoraohnazy , seminar, campaign hawpazy nata social activities zy miah liata inaugural service athaona hla chata, T.merisa sapa "Hiava Kuhria rohnapa" hla he kuki Mara ta ahly khei chhyu silacha, ei paphasa kaw bao.. pamohsana sakha lia achhi awpa chhao rai ta chasala... kheita???
singapore_fox |
Written by Guest on 2009-05-23 20:38:53
Ailao achhie tu hawba,rohmopa saita vawrothlahei chita ,pahnobao viapa achapa mata roh papuana hneihleivachi.Adaii chhao aly ngaitabahra,Maraunaw liata ei khazi leitimanawpala sa ha tly mo pachhi ma ei. |
emon_mara
Written by Guest on 2009-05-24 04:52:09
singapore_fox Na comment sakha ei pahno thai leipa y ta,Kuki Mara tapa he khapa maw na chhuana cha tly plz ta eina chho thei chi ma? |
Written by Guest on 2009-05-24 08:36:10
Ailao achhie tu hawba,rohmopa saita vawrothlahei chita ,pahnobao viapa achapa mata roh papuana hneihleivachi.Adaii chhao aly ngaitabahra,Maraunaw liata ei khazi leitimanawpala sa ha tly mo pachhi ma ei.
Unawh, na reihpa he ado kaw na ta ngyu thei aw. He news thatih he hawhta a cha. Maraunawh liana khata India lata Marasawzy y lila veih ei. Maraunawh yahoogroup liata MSA la tawhta news ama vaw sohpa kha Maraland.net atlytuhpa hluvia he cha reih hei tla mapi. Nama cha Maraunaw liata ypa na cha vata he news he ei hlupi naw rei hapa a cha nata pangiasa na ta, chavata...a cha ai kawpa bapa a cha nahta ei hnabeiseih.
Tawhta, pahnobao viapa achapazy cha maraland.net a mohotuhpazy heta ama thei na hawhta ama vaw soh lymapa ta ei pahno. News ama roh chiepa, ama roh chaneipa hmopa y tla vei!
Maraunawh lata ama vaw roh chiepa, Marasaw, a eih viapata India lata ypazy pahno awpata aphapazy cha maraland.net mhohtuhpazy ta vaw soh chanei heih tyh hra thei ngyu ei ta, cha hawpa news nama vaw reih daihti liata hmo yzie kha ba pahnothai a vaw chhua thei ula alypa a cha kaw aw.
Sapa liata ti nata rah sakha liata y thei khao vei hraw sila, Marasawzy eima yna chyu tawhta internet hmahpata thatih eima patheisana chochah liana zy heta palo sakha liata y kho sila kho a chhi ta, reih raona paloruhpa chhao phao achhuah chyu sila alypa a cha hmeiseih aw.
@ emon-mara, Singapore_fox tah 'Kuki Mara' atahpa he a roh chheipa a cha nata eipangiasa. 'Kaoki Mara' tahpa rohpa achhuana zie achapata eipahno.
Achhana liata MSA zy nama taopha hmeiseih. Ti nata rah chata nama raihriah via lainawpa liata Abeipata cha ypa lyma maw ei sy.
Eichaly kaw ei.
Tla-Ua |
Ahawna:
Written by Guest on 2009-05-24 23:10:00
Tla_Ua, kuki Mara tapata ei vaw roh chhei hapa nata ailao achhie pa ei pahno thai leipa liata navaw pacha thai bei ma y.
Ngiachhi pata:: ei vaw palasa khona khacha, tahma nocha Marasawzy kaoki eima paihpatlah ngaba pavata eima Ao zy, Hla zy, nata khei hawpa eima ngiana miah zyhe paratice liata "ALYU" pata hma thei sila..tapakha, tahma hawta East Maraland news nata apazao pa liana heta tla eivaw comment hrapa acha.
Maraland.net he vaw khokhei chaima ty nata thlah chhao eisa kaw hra ei, mo hlupi phahnai angiahpa acha pavata...
Mana cha Maraland.net Uthei pakha nacha hleikhota, Marapa ta amohpatlah pa PAKHA cha chita,India liata ay pa e,Myanmar liata pa e, Mara unawhzy groups liata a y pa chachita tapazy, east maraland liata tapa a y pa e, west maraland e, maraland.net lia tapazy...hawpa tla narei nga thlapa he la, marapa chata hmopha natao ngapazy dua he hmiakha achhi thai vei...Tla_Ua y...hahaha
ei chaly kaw.
sing_fox |
Written by Guest on 2009-05-25 06:46:16
ei cha ly khei ngsa eina,,,,MARAPA NTA KHAZOHPA CHTA tiama papua via ei su ve......
pawtha...USA. |
Written by Guest on 2009-05-25 10:27:04
Singapore_fox, Achhana liatapa khi Khapa na reihna y zie? East Maraland nata West Maraland chochah liata ei reihna yzie liata khapa hema na kholeina chhapa cha. MSA News chochah liata na comment na khih la mo la, Maraunawh yahoogroup thatih vaw palasa va chi ma? Kha hmo kha ei vaw reihpasiana a cha.
Na khokheina aw khochhipazy vata eichaly kaw.
Tla-Ua |
Written by Guest on 2009-05-25 23:18:48
Tla_Ua,
"Ti marei nata Tlah reih ha chi, Tlah tapita Ti tahachi"!!! saiso pata areih pazy he viasa taolei cha mawhsala cha... um;;; laihsa chamawh chila e...kho nachhi kaw awpa tlai...
hahaha@comments |
Written by Guest on 2009-05-26 01:00:07
To hahaha@comments & Mara unawh zydua hnota...
Comment chochah liata ei vaw reih pasiana kha 'Saisopa' cha vei. Rah Course a cha. Moh pakha achakhia khona nata reihpachhie khona chhao cha hra vei. Maraland.net news liata Maraunawh tawhtapa news ama vaw sohpa thatih liata comment ei vaw chhyna a cha. He hawpa hmo he saisopa cha vei. Ti nata rah chata hmo angiahpa nata eima pacha peimawh kaw awpa chizy sai a cha.
(Ailao achhie tu hawba,rohmopa saita vawrothlahei chita ,pahnobao viapa achapa mata roh papuana hneihleivachi.Adaii chhao aly ngaitabahra,Maraunaw liata ei khazi leitimanawpala sa ha tly mo pachhi ma ei.) 
He Comment bie ei vaw chhyna kha cha ta, East nata West Maraland chochah ei vaw palasana chhapa chhao kha hmo yzie hneipa a cha vata a cha. Mara thatih maniah apahnosatuhpa cha rairi ei ta, ama raihriahna chochah liata chhao za ama chhi hmeiseih.
("Ti marei nata Tlah reih ha chi, Tlah tapita Ti tahachi"!!! )- He na reihna chhapa he pahno thai a ru eita kaw! Khapa ky lia chama eima bie ahmo thai leina a y ha tly! A yzie la Maraunawh yahoogroup liata ypa cha ngyu aw chita, MSA News kha eikhazie hleima cha naw reih hapa a cha ngyu aw eicha tahpa kha na hao kawpa a cha ngyu na ei tahpa nga kaw ba! Ei taochheina a y khiala Abeipa mohta navaw ngiathai ha bei ma y.
Hmo chana dopa khiamaw eima chhoh eima ta nota he hawpa lachhata- 'Saisopa bie' nata Marasaw unawh eima chana ziza pachhie thei lai thla ha awpa la taita bie ki a sia lai thlahapa vata pei eitah ngaita. Maraland.net news a vaw reihtuhpazy nama pachathaina chhao ei cha haw ei. Maraunawh yahoogroup hyutuhpazy hno chhaota ama pei ei vaw rei pathleipa acha khiatala ngiachhiepata na vaw ngiathai bei mu vy.
He tawhta la, Keima chata la Maraland.net comment liata pachanazy vaw thyu nga khao hlei leipa sala apha chaipa ta ei pahno.
Maraland.net nata Maraunawh yahoogroup mohohtuhpazy Marasaw chata nama hriaphana nata tiamazy vata eichaly hmeiseih ei.
Maraland tlah parei ma y!
Tla-ua |
Written by Guest on 2009-05-26 02:57:28
Hi Tla-ua, "Maraland.net comment liata pachanazy vaw thyu nga khao hlei leipa sala apha chaipa ta ei pahno." na tahpa he apha chai aw ma? Hmopha taopa he basai lei phavia hri aw vei ma?
Maraland.net staff. |
Written by Guest on 2009-05-26 07:09:37
Aly achhi hmeisei na, he haw pata su hro la eima unawh penawh zy ta ama chana(MARASAW)ama palasa lyma pa he arohna hmeisei,,,,Mara ra chata byhna cha aw pata khati mo raita eima thlachha na liata apavao sa lyma ei su u...
Delhi Satlia  |
Written by Guest on 2009-05-26 18:57:40
Hi Tla_Ua, keima vata napalo phalei tlahmawh lia chih... hmopha taopa basai lei pata maraland.net staff ta miah kho khei pa khi...
sing_fox |
TWO IN ONE
Written by Guest on 2009-05-27 03:06:42
Nochhi mara nata Notla mara zy he khizaw liata mara sawzy y chhopa eima cha.chavata khataih liaraita eima ypa chhaota lo miakha tata y ei suh u.... unity is strength,,,,,, |
Written by Guest on 2009-05-27 03:33:12
Ha ko khatai su liata MSA G/C apa haaw?Ahy zy maw Leaders thiepazy tapa vaw palasa tua bei |
Written by Guest on 2009-05-27 18:48:48
keila Leader zy liata bua hlei vana. Khapa hmata bua awpa y hra vei. |
Written by Guest on 2009-05-28 03:49:22
MSA General Conference a paha heih nawpa nata Leaders thiehpazy cha report apietuhpa ta bie a taihpa hawhta maniah a vaw pahnosa palah thlyu aw, nama vaw ha chy awpa ta eima cha haw.
Maraland.net staff |
paw mara
Written by Guest on 2009-06-23 10:28:49
ei..khai maralaisa namangiakawna tlaichhaikaw pata nama nothlapazy einma vawmopacha mia atasili kawna. |
