BANGALORE, TAIPEI - Pastor Laiu Fachhai (Vânoh Paw) cha University of Stellenbosch, South Africa, tawhta Doctor of Theology (Old Testament) degree piepa a châ haw. Ano he D.Th(Th.D) eima hneitua chaipa a cha.
Rev. Dr. Lai U Fachhai thatih chyupa:
Pastor Laiu Fachhai he 1979 liata BSc (Zoology) a patlô tawhta Zyhno High School liata kô 2 chhôh (1979-1981) pachutuhpa ta y ta. Chakaona raihria awpata Beipa awna â pahnopa vata a pachutuhpa châna rai cha 1981 liata bâsaipa ta Union Biblical Seminary (Pune) lâ Evangelical Church of Maraland tuapata BD a chu awpa ta sie ta. Kô 1984 ta BD kaw patlô ta, Saikao Bia liata Probationary Pastor ta kô 1 tlai a y.
Chakhai tawhta, ECM nata MEC a pakaohpa ta Byma râh liata râhzohpa field liata Field Director ta kô 4 hlei (1985-1989) za y ta. Kô 1989 liata ECM lâ a kaw lie heihpa ta Tôkalô Biatuhpa (Saikao Bia chhao a pakaoh pa tyh) ta kô 3 y heih ta. ECM vyuhpa ta râh hro lâ missionary ta sie awpa ta, Bangalore nata Maharashtra rachhôh liata kô 2 daihmâ a patohpatiana a hnei khai tawhta kô 1994 liata Sudan lâ missionary ta tuapa a châ. Ano he Maraland tawhta râh hro lâ ta tuapapuapa missionary hmiatuachaipa a châ.
Sudan liata kô 2 a chakao tawhta Sudan lâ missionary ta a sie hrapa Taiwan zuahnô Debbie nata amâ hnei. Amanô Debbie Fachhai chhao he BSc (Medical Technology), MSc (Public Health), MDiv, nata MTh zy a patlô hapa a châ hra. Amâ hnei khai tawhta Sudan liata kô 3 daihmâ theological college liata pachuna rai hria pazao via ei ta, kô 2001 liata South Africa lâ MTh tao awpata ama zu.
Ama pano ta MTh (Laiu Fachhai Old Testament, Debbie Fachhai Practical Theology) ama patlô tawhta Sudan râ lâ a ngia heihna visa ama hmô thei khao lei vata 2003 January liata Ghana lâ ama sie heih. Ghana râh Accra khihpi liata theological college liata kô 2 ama pachu khai tawhta, kô 2004 chhâna lâta Kenya râh Nairobi khihpi lâ a pasie heih ei ta, he Nairobi khihpi tawhna heta SIM-Sudan Director châpa ta chakaona ama pazao heih.
Kô 2006 November liata ta South Africa (Stellenbosch University) lâ Pastor Laiu Fachhai DTh tao awpa ta zu heih ei ta, chatanachata Beipa baona vata atakô (2007) December thla thaona lâna khata Pastor Laiu Fachhai cha DTh cha a phapata a kaw patlô thei haw.
Sawchapaw pakha (kô charupa), a moh Vânoh Laiu Fachhai, hnei ei ta, atahmâno he ama chhôhkha ta Taiwan liata ama y chy no châ ta. Atakô Krismas he ama yna vaih, Meisavaih, Siaha, lâ kaw hmâ a chhuah ei ta; chakhai tawhta, January thla khophie rachhôh liata ama chakaona raihria pazao awpa ta Shillong, Meghalaya lâ ama sie aw. Kô khazie rachhôh ma cha Shillong, Meghalaya, liana heta y chy aw ei ta, North East India awnanopazy tawhta thyutliapazy hluhpi ta overseas (râh hro lâ) missionary hluhpi ama sie thei nawpa ta patohpatia kheina he ama raihria tôhpi chaipa a châ aw.
Shillong liata Mara Awnanopa liata chhao ama theina hawhta a hmâ a chhuah ei ta, chahleikhôta Shillong liata theological seminary zy liata chhao part-time ta pachuna rai chhao hria pâ amâ chhuah hra. Âmo he ECM tuapazy châ ei ta, ECM nata SIM a pakaohpa ta Africa râhzy liana kha missionary ta a vaw chakao tyhpa ama châ. Shillong liata ama chakao nawpa chhao he ECM tuapata SIM ry liata hria awpa pyly a châ aw. SIM website a tly khohpazy châta www.sim.org liata a tly thei.
Rev. Dr. Lai U Fachhai dissertation topic:
PRIMOGENITURE IN THE OLD TESTAMENT: TOWARDS A THEOLOGICAL-ETHICAL UNDERSTANDING OF PATRIARCHY IN ANCIENT ISRAEL.
Abstract:
Ancient Israel was a patriarchal society. Primogeniture was one of its manifestations. However, there were surprising exceptions to the rule of primogeniture. The custom was often not followed. It was theologically and ethically qualified and politically and ideologically appropriated.
These theological-ethical qualifications and political-ideological appropriation of primogeniture based on socioeconomic and religious-political changes of the ancient Israelite society indicate that patriarchy according to the Old Testament is not a static divine blueprint for all societies of all generations, but a dynamic socio-historical and theological-ethical process subject to change, modification, reinterpretation, and re-appropriation according to socio-economic and religious-political developments of a given society.
In the name of patriarchy, women had been denied their rights, robbed of their dignity and worth, and regarded as a second class image of God in many societies then and now. Committed to correcting these wrongs, this research – arguing that patriarchy in the Old Testament is not so much a privilege as it is to a responsibility – challenges the contemporary hierarchical patriarchal ideologies, and contends for gender equality in all walks of life, remembering that we are all created equally in the image of God.
Maraland Gospel Centenary byhna:
Ko 2007 he centenary ko a chana avaw hnokaw. Secular la dei chalei pata Religious studies liata doctorate eima hnei holona liata bahta doctorate degree anano nazy eima vaw soh tua aw:
D.Th(Th.D), D.D, D.Min nata Ph.D zy ananona:
Doctor of Theology (D.Th) he theology achuna(academic) chhoh liata asahchaipa, Krizyhpa theology field ngala apahly. Doctor of Divinity(D.D) he cha an honorary degree chata, chakaona liata ahma hapa, khihnarah chata a phahnai kawpazy hnota Krizyhpa Seminary or University zyta ama pie tyh.
Doctor of Ministry(D.Min) deikua he professional degree chata, practical hmo ministry rai hriana liata hmapa theology a apply-na liata asieh via chai. Doctor of Philosophy(Ph.D) in religion - he cha religious study akawh kawpata liberal arts nata humanities focus pata Krizyna ta hmah mania apasiesa thei n'awpa la chha he anyu via chai.
A sona(value) he alyutla vei. A zydua ta a sohna khai.
A tlahpakyna:
Rev. Dr. Lai U Fachhai nata a chhokhazy Maraland.net ta aly khei hmeiseih pita, Shillong Mara awhnanopa nata Mara sawzy chata byhna ama cha pazao lyma awpata eima khokheina nata thlachhana eima hla hra.
-
|2009-10-03 20:47:29 GoodAly a chhi kaw. Doctorate degree Ko kha(1) ta patlopa he no-ah a chhikaw. India liata a chuna system tlahpipa hawta a cha khiacha, Doctorate degree he...Secular la tawtacha MA tawta ko 5 minimum, MPhil tawta ko 3 minimum cha tyh ta. Theology la chhao MTh tawta ko 3 minimum a cha tyh hra. Rev. Pa-u ta doctorate ko 1 ta apatlo thei thlahpa he aly achhi kaw na. Awnanopa chyhnawpa chata cha Doctorate hnei hlu awpa rai2 he phata eima peimawh pa a cha. Eima ly khei ngaita!
-
|2009-11-25 14:22:52 marasaw - ei lykhei kawRev. Laiu he burma-mara-unawh tawta khazopa ngiachhina a to sa chaipa a chapata eipahno, DTH a vaw patlopa he ei lykhei kaw, ,
Teachers/Lecturer/Faculty chhao chahrasala DTH or PhD he academic line achapa vata ko 3-6 min years (Residential cheingei ta) ama tao tyh. Rev Laiu ta Ko 1 chhohta a patlo thlahapa he cha Distance Learning (Correspondence) ta atao tahpa a sia kaw. Shillong liata John Roberts liata Professor 1 chhaota he he eina chhona dah a cha.
Distance (Correspondence) chhao rai vaw chasala, DTH avaw patlo theipa he ei lykhei ngasana. Rev ei chalykheina
-
|2009-11-25 14:48:33 thlophaKhizaw pi ta chyhsa athaisoh pa apaso pa haw tlai ta nata athaisoh pa akho pa haw ta keimo marasaw zy pi ta pakha nata pakha eima
palai khei kaw hra. Thaisoh na chhao he ABEIPA tawh ta avaw tlopa
achha thai leipa by hna acha.Rev-Laiu Fachhai nata Marasaw zy thai
so na liata eima paloh ru liata eima cha palai khei hmeisei.
Marasaw ato kyh liata achu nga hai pa unawzy dua vaw tiama cho teh u.
-
|2009-11-25 17:14:58 Laiu Fachhai
Dear Marapasawzy,
Khaziama nama bua nga kaw heih tly, keima DTh kyh liata. Kei he keima nata keima a reipaphapa nata a recommend-pa chyhsa cha leipa na ta, chahrasala hmo nama pahno pasia lei vata ei vaw reipasia aw.
1. Ei DTh lana University liana heta correspondence ta DTh la theipa cha vei. He University of Stellenbosch he khizaw liata University pha viapa py liatapa cha hra ta, University he ta faculty hluhpi hnei ta, Faculty of Theology he university faculty peimawh kawpa sakha cha ta, he faculty of theology he ko 150 utheipa faculty a cha. University facility chhao Serampore Senate-zy nata la pakho thai awpa chi cha vei, ama hlei kaw.
2. Tawhla, he Stellenbosch University liata DTh program he British system cha ta, fully independent research a cha. Professor HL Bosman ry liata research a taopa ei cha. DTh course he July 2002 ta a register na ta, thla 6 chhoh a su liata ypa ta research tao na ta, January 2003 tawhta Sept 2006 taih Ghana nata Kenya liata ei rai hriapana chota research tao heih na ta. Oct 2006 tawhta Dec 2007 taih a su liata resident ta tao heih na ta, 2007 Dec ta ei graduate tahna a cha. Full-time student ta a register-pa ei cha. A yzie cha, ei registerna noh tawhta chhupa ta ko 5 daihma ta ei patlo tahna a cha chu. Resident ta University liata ei yna deikua cha ko 1 nata khophie a cha. Resident ta ei yna daihti he cha, research ei vaw tao hapa zydua compile ta ro ba awpa cha ta, writing daihti tla a cha.
3. John Roberts Theological Seminary liata professor reipa a vaw quote-pa "marasaw" chi he Shillong rachhoh liata a ypa na cha na ta pangiasa na ta, chavata hehawhta a reipa ei hrialahpa professor moh he na chho la, eima pano tlai ta ano la vawh si la, va hiahri si la a pha aw.
4. A chhana liata cha, degree lah hrawh lah kih hmahta paziah hra si la, quality a y tloh lei khiata cha khapahmah yzie hnei aw vei; noza tlao a chhih hri. Chavata ei quality nama pahno khoh khiata cha ei article nata chabu ropazy reih u la, chatawhta nama pahno thei aw. Ei MTh thesis chhao a tlia (August 2009) liana khata the Indian Society for Promoting Christian Knowledge (ISPCK) ta a papua haw. Ei DTh dissertation chhao publish patohpa a cha hra aw. Mongyuh reih ta "peer assessment" tah heih ei ta, chavata ei quality he DTh quality tlai a cha ma, tahpa na pahno pasia khoh khiata cha Dr K Robin chhao nama hiahri thei hra. Chaleipa chhaota University of Stellenbosch la chhao nama hiahri thei hra.
Vanoh Paw
-
|2010-02-11 11:26:49 mara paw. - pachana mia kha.Ei pawpaw (uncle), Vahno-paw, eicha vawly khei ngaita kawna.
Eima laikathi lia, pati nie awpawta,tlyhmia lia eicha hmopa kha atlia chaipa acha.keichhao,ei unawpawta eina hrua tarawta, eika ba chhi pahta eiza nie khao leipa acha.
Commentary y tyhpazy hi,kei chhao eikhacha sermon daihti hma nata comment vaw ypacha,"Khatluta chysa peimawh pama acha tly i...he paw zy tlai hi", tahpata. Chasala,"A-yh-ru,paloh-lie,taopa hno lei,pakah-Bu- pua tla maw hawta tla eipacha".
Sy- ta, nachabu roh/papua pa, "The Maras" khaw eivaw rei ba hra.Eipasoh ngaita,eithobyh liata eipaso thla ha.The Maras kha, Mara chi/pho chahta Ryuh(Assets) atloh pata eipahno hra.
Reihpachhiena zy he Byhna awhpa ta a vawpazi tyhpa acha khia cha,ku chabai thlapa phachai khia maw! acho liata taw khi...
-
|2010-02-11 14:40:46 ALY ACHHI KAW, BUT...Eima Pastor Pa-u he a DTH a chuna thati a detail kawta mia chho ta eima ly kaw. A hnota eima ly khei hmeiseih hra.
Anodeikuala, a zareipasia laih dah eima zarei nota deikua cha mania azapangiahma sa pam lilaw kaw heih bao. Apalaina reikah deikua he Pastor pakah tawta pua awhpata cha a zangia tuh vei. "...ei quality nama pahno khoh khiata cha ei article nata chabu ropazy reih u la, chatawhta nama pahno thei aw." tahpa zy, "...ei quality he DTh quality tlai a cha ma, tahpa na pahno pasia khoh khiata cha...' tahpa reika zy he chysa hropa tawhta puasala ano chata noh y a chhi kaw bao. Ano paka nata ku tawh cheingei ta he hawpa apalaina reikah apua pa deikua he cha a hmiehma lei kaw!!!
A hyma Pastor pakha quality nata quality lei pahno khoh vata ama busy kaw sai hrapa tlaicha Dr K Robin tlyma University of Stellenbosch la tlyma a hiahri awh???
Thokha theologian nata pastor sahlao he cha Academic la liata PhD nata DTH degree 100 hmata hnei hra eisala, KRISTA HRO NGIA NGAITAPA NAWHNA la deikuatacha PRIMARY SCHOOL HMATA PATLO VEI EI TAHNA A CHA.
Zisu kha pachutuh phapa ama tahpa khoh vei. Marasaw zy pi deikua phapa, athaipa, a quality pa tahpa saita a address ei sihla eima pasasana zie a cha chy. Eima thotlah chana a la pasia kaw tyh.
For God and Maraland!
-
|2010-02-14 16:23:25 Laiu FachhaiDear "ALY ACHHI KAW, BUT..."
Ei chhyna a palaina reikah hawhta a vaw la tlamaw hapa cha pei ei tah kaw. Na ngiathai mah y. Your points well taken. Hetawhta la khahawhpa ki ta rei khao aw va na. Ei vaw rei tlamaw hana chhapa kha hehe a cha. "Good" nata "Marasaw" tahpazy khie ei chhypa ei a cha. Ko 1 ta patlo thlah hapa cha ... tahpa ta nga lei kawna ama hnei vata khahawhta ei vaw chhypa ei a cha. Tawhta la "quality" ei reipa kha academic la chhah cha ta, ei academic standard eina question-pa va ei ta, kha hawhta ei chhyna chhapa cha a cha chai. Chahrasala, like I said, your points are well taken. I will not do it again.
Na chakaolahpa,
Vanoh Paw
-
|2010-02-14 16:53:06 eRev.Laiu Fachhai ta a DTh chochah liata clarification a piepa lia heta keitala a palai na reika ei hmo pata ei pahnovei chamaw. Brief and compact kawta a rei vata pahnochhei deikua a nao kaw hra. A M.Th thesis ISPCK ta ama papuapa he palaikhei a chhih kaw. ISPCK heta chabu chakhy publish kho vei ei. They only publish that are worth it.
-
|2010-02-15 07:31:48 Maraland Research SocietyEima marapa saw zy hry liata eima palai khei kawpa Rev Dr. Laiu Fachhai (Vanopaw) Dth chochah liata controversial kaw pata comment piepa acha pa he MRS ta apei eima ta ngasa ha. A chabu roh tuapa “From Warriors to Missionaries” tapa nata ISPCK ta ama published pa “The Land Must be divided…” zy he Marapa saw zy chata ryu tlopa acha ta lei thei aw ma pie. Marapa saw zy hry liata academic research liata methodology ado kawpata research asie kheipa acha na zie he reipasia awpa byu leipa, achabu rohpa tawta ala pasia kawpa, ahy raita hmo thei awpa acha.
He comment apie tupa he amoh apalasa lei tarawpa ta, Vanoh paw he personal kaw pata achhy thai leipa acha pata ala. He hawta personal attack pa he thlao achhi lei kawpa, khazohpa hmo kho lei kawpa acha. Eima duasu pacha pata areipachhiepa hlata apasyu awpa eima cha nota, he hawta areipachhie pa he chathaipa (internet a hma thaipa) tao awpa zie acha pata ala vei.
“Teachers/Lecturer/Faculty chhao chahrasala DTH or PhD he academic line achapa vata ko 3-6 min years (Residential cheingei ta) ama tao tyh. Rev Laiu ta Ko 1 chhohta a patlo thlahapa he cha Distance Learning (Correspondence) ta atao tahpa a sia kaw”.
He acho liata a comment pa chhao he Higher Education apachaipa ta Doctoral Research chochah liata hmo apahno pasia khai lei vata acha thlyu aw.
1. 2009 UGC notification thie chai pa liata cha India rah liata Mphil tlyma PhD tlyma correspondence (Part time/ Open) ta tao pasai khao leina dah apapua.
2. Candidate ta Research tao akho khia ta la, ahmia tua chai ta Post graduate Degree ahnei awpa byu ta, cha tawla UGC ahnaw pa hawta Written Examination/Entrance (compulsory) nata Interview sie pahlie ngala pata Mphil or PhD tao theipa acha.(He he UGC dah thie chaipa acha… see UGC wbsite www.ugc.ac.in)
3. Mphil or PhD admission tao khai tawta Pre PhD course minimum 6 months tao heipa abyuh (he chhao he qualifying mark a y hra). Cha khai tawta research work athao thei chyu chyupa acha.
4. “3-6 years residential cheingei” tapa comment chhao he adoh khai thlyu aw vei. UGC rules nata guidelines liata cha PhD he 5 years chata, abyuh na dah hawta 2 years extend theipa hmo acha. Anodeikuala 2 years complete hlata patlo pasai leipa tapa ta Central Universities hlupi liata dah taopa acha hra. College lecturer zy chhao he , admission zy tao khai tawta ama research Guide zy nata apatlapasao pata arypao na dah hawta residential cheingei leipa ta degree he a-hmo theipa acha hra. Chata cha leipata 3-6 years residential ta y awpa abyuh khiata cha khei hawpa College nata University hmata he hawpa zie he leave (Chhuti) pie thei vei. College Lecturers hlupi zy he rai ama hria tawta research tao hei pata degree a hmopa zy ama cha.
5. India rah liata UGC sie na dah nata Foreign University sie na dah he apahlie tut la vei, ananona cha kao hlupi liata y hrasala, aliamaripa (crux and substance) deikuala alyu via khai thlyu aw. Internet taw ta chhao hmo thei kahipa acha. Khaparai chasala India rah liata la Correspondence ta PhD taopa he UGC ta recognize khao vei. He acho liata pa zy he atlapipa eima palasa theipa cha sala,detail kaw pata Apahnopasia via khopa chata cha www.ugc.ac.in liata hmo theipa nata hiahri theipa a cha hra.
6. Achha chaina liata cha, Rev. Dr. Laiu Fachhai ta Dth Alana pa University of Stellenbosch liana heta correspondence ta research atao thei leina zie cha arainao kawpata internet hmapata hmo theipa acha. Rei chiepa hawta, admission zynata registration zy atao khai tawta a research Guide nata apatlapasao pata arypao na daihti lia maita ahmo pata (continous residential acha leipa chhaota) abyuhna daihti lia maita university liata y (reside) pata a Degree he avaw hmopa acha.
Ano he, Marapa saw zy hry liata chysa hmeiseipa, chi nata pho tha apasa kawpa eima hneipa cha ta, adaophi leipa ta hmiala toh via lyma awpata eimapsayu awpa tlao acha hri.
He hawpa comment pha lei kawpa he tao khao lei awpa ta MRS ta eima cha haw. Chysa tha apathyu awpa he keimo Marapa saw zy maophaona peimaw kawpa acha. “Do not Judge people From Your Critical Eyes” tapa bie he eima bievaopa cha thei sala, eima rah nata keimo he eima vaw pha via lyma thlyu aw.
Maraland Research Society
Hqrs: Siaha
-
|2011-03-16 14:17:13 BeiaProf. Dr.Laiu Fachhai.
Even though some people against you and not accepted what you're worthy to handle on!!!..BUT for me you are my role model, i am a big fan of u, proud of you, aspiring your hardworking and i'm always stand by your side. Dear Prof, keep going, keep going, keep going and bring a new glory for our people.
Best of luckB-)
-
|2011-03-17 06:25:16 Shlmara - Rev Dr. Laiu comment chochah liata Beia atapa achh"Aizawl Theological College liata Mara Professor y aw" tapa link liata comment pie leipa ta, Link paropa liata Beia atapa ta reithai pakheina bie Rev. Dr. Laiu fachhai avaw paphaopa he hmo paropa athao papua khopa vata ataopa achapa alyu. Na khokheina na palasa kho kawpa acha khiata la a relevant link liata khazia comment na pie vei. You are very hopeless.
Shlmara
