Mara Doctor Mumbai lia Post Graduate a chu

Thursday, 12 April 2007 00:00 Delhi Correspondent

NEW DELHI : Mara doctor post graduate(MD) achupa eima hnei ha ba hra aw. Entrance results apuapa liata su 3-liata tlohta. Mumbai liata apazao aw.

Satlia Dr K Beiparysa (Sangpuia)
Dr. K. Beiparysa (File Photo)

Dr. K Beiparysa S/0 K. Sachho, Siaha College Vaih cha academic session thiepa(i.e. 2007, May/June) tawhta Post Graduate Medical Course; Mahatma Gandhi Institute of Medical Sciences(MGIMS) www.mgims.ac.in , Mumbai liata a chu pazao aw. Field Specialize nawpa deikua hmiala liata Councelling liata ama pie pa liata a palo tla tulei vata Next Councelling liatahpa tlao aha chy no a cha.

MGIM he India rah liata PG Course a chuna chata kho achhi kawpa, Medical students hlupi ta ko ta tohta ama chhu typa a cha. ST/SC/OB Quata hawpa zy he y tla leipa General nahzy nata ama lyu khai. He hawpa hry liata Mara Satlia Merit List liata aro patlo theihpa he pasahsa achhi hmeisei.

Dr K Beiparysa(Dr. Sangpuia tah pata kyu tyhpa a cha) he PG a chu thei awpa heta MGIM lia dei he chaleipata Guwahati Medical College, Guwahati nata Pune liata Armed Forces Medical College (AFMC) zy liata a tlo hra. Chysa tiama kawpa nata amopatla a cha kawpa a cha ta, Ko 2006-2007 Session chho chata Delhi Mara Christian Fellowship liata Chairman cha na a patu haipa a cha.

Dr. Sangpuia he Puhpa K. Sachho SDO nata Pihno K. Naphie saw 4-pazy hry liata a u thei chaipa apazipa a cha. Chapaw pano nata chano pano cha eita. A u thei chaipa he chapaw chata, aseihnai chaipa panozy he chano ama cha.

Eima pahno chhei vei khiah Mara saw tawhta medical line liata Post Graduate course achu tua chaipa a cha.