AIZAWL - Atako 2008 Mizoram University MA result papuanona kha ta keimola saw Political Science liata Gold Medalist adao paphapa pakha y ta eima ly khei hmeiseih.
He Gold Medalist adao paphapa he Puhpa NG Lawrence Zosia S/o Puhpa Ng. Silla (Ex-EM, MADC), College vaih, Siaha a cha.
Mizoram University tawhta MA Political Science liata Gold Medalist (First class first) eima hnei paphapa he aly achhih hmeiseih.
Ano he areisi kawpa chyhsa achapata pahno pita, Siaha thatihbu liata chhao palasapa a chaleipa hawhta eima vaw pahno dah a cha.
Puhpa Zosia he dyh acha patoh vata tla chata ko lata a hawhti kaw chypa a cha. MSO Jt. Hqrs. Aizawl liata 2006-2007 liana khata General Secretary post a vaw chakao ha hrapa a cha.
Ano he University liata lecturer cha theina NET (National Eligibility Test) -Lectureship chhao he a vaw 'through' chiehpa a cha hra.
He hawhpa hlaotlohna phapa cha achuna liata tiamapa nata amopatlah achapa Mara saw eima hneipa he Maraland.NET ta eima palaikhei hleikho ta achuna asah viapa chhao atao pazao awpa chhao khokhei pita a hmo a tao via lyma n'awpa liata eima khokheina asah chaipa eima hla.
With inputs from Dr. K. Robin (Daoki Paw), Mizoram University.
