Mara Boxer-zy Siaha Rohna Kawpa ta Ama Ngia

SIAHA, Chhiepa 8 - Boxers - Joel Hlychho, Simon Hlychho nata T. Beirapathai zy cha zahnia khata rohna kawpa ta Siaha khihpi zala dawh 4 rachhoh ta ama ngia.

Joel ama phao
A laiviapa click here

Kaochao taihta District Boxing chhituhpazy, MTP Hqrs nata Siaha Vaihpi chhituhpazy nata sahlao hluhpi ta motor 20 hlata hluhviapa ta ama za dy.
Joel dei ta
A laiviapa click here

Meisatlah liata Auto-rickshaw 60 hlei ta za dy heih hra ta, Siaha DC Complex liata chyhsa hluhpi ta ama dy hra.
Dyna liata
A laiviapa click here

Puhpa B. Dawpho, President, MTP Hqrs. chata Joel nata Dinsanga achona (final) kha TV tawhta vaw moh chyu pita, Joel khata acho pasa kawta, Dinsanga luhpahia ngahaipa za knockout awpa ta acho chanei awpa a chhuahpa cha Referee ta chalihsa (stop) ha ta, count khao tlohleipa ta, chavata pachana thata maniah a pie, chavata Joel he champion ta eima phuah a tah.

Pawpi pachhih chhaota
Source: Satlia Colin C. Ngohai (Saiha Herald via Orkut - red eye effect vata a laiviapa palasa ma pi)

Puhpa K. Lalchhanhima, district boxing President (SDABA) chata kha final result kha fair ngasa leipa ta, mawrah zawpi ta hmo ta, Joel a champion cheingei tahpa a hmotuhpa cha zawpizy eima cha tahpa ta a reih hra.

Puhpa C. Thanhnuna, Secy, SDABA chhaota pasyuna bie reih hra ta, Puhpa CZ.Hluna, Jt. Secy, SDABA chhao alyna bie a reih.

Pawpi ahlatuhpazy liata MCHP, MHIP, USC, Florist Assn. MTP Hqrs , MTP Siaha Vaihpi Branch, SDFA, SDBA, Revenue Dept. MADC, pawpi nata hmopiepa ahneituhpa ama hluh kaw.
MTP zy chhaota
MTP, Siaha Vaihpi chhituhpazy chhao ta. A laiviapa click here (Source: Satlia Colin C. Ngohai).

Boxer nazy chhao ta alyna bie ama reih hra. (News Source: Moonlight News )

Comment from the Contributor of photos:
Joel zy zahnia 8.6.2009 daw 3:00 pm ra cho ta kaochao ama vaw tlo!!! Maraland ama vaw ngia... zawpi zy ta eima vaw ly ngasa.... Marasaw paloh liata la CHAMPION ama cha ngahla pylyh tahpata kha eima pyh. Pic hropa eihma viati vaw up va eivaw chuah hei awh.

N.Solomon Beihlotha
Siaha.

Note: Nothlahpa source palasa leipa zydua khi Satlia N. Solomon Beihlotha ta a vaw thyupa sai a cha. Satlia Colin nata Satlia Solomon zy cho liata eima ly kaw.

Comments

Guest

|2009-06-10 17:06:58

Mawra(State level competition)liata ama tao pha kaw.He eima Boxer pathopa nawzy
nata eima boxer hropa nawzy chhao National level liata ala cheingei awpa tah
tiama papua via lyma ei sala tahpa ei khokheina ei hla hmeisei ei.

Tawhta
lah,Eima sport star nawh thokhazy Mara mo papha kaw eitah, alykhei kaw pita,
reithai ama hlao hra. Anodeikua, paritheipa Sahma,drugs zy atao lai thlapa y
eita,ahao ama chhi kaw.

Joel,Simon nata Beirapathai zy Khazopa pahno hmeseina
chota Boxing liata tiama papua via lyma ei sala tahpa ei khokhei kaw ei. Ama
taopha kawpa vata aly kheina ei hla ei.

Sopavawno.
--------------------------------------

Guest

|2009-06-11 08:03:04

Riahphana hneiha eita, hriapasana chhao ama hnei hra, hmopha taona kyh liata
achhihpa ta eih pachaipa ta drugs hawhpazy he tao leipa ei sala ama sapa chata
pha awta, belt hlupi ama dao via lyma na ta kha ei loh... ama hawhti kaw sai
chy, future a bright hmeiseih...

Ei cha palaikhei kaw sai ei..

Ramala
--------------------------------------

Guest

|2009-06-11 15:07:53

Sopavawno,na Comment he ado ngasa.Marasaw he Khazohpata ato liata Byhna mania
pie ta,he aByhna he thokhazyta ahmathai tyh leipa pihta apei ngasa.Atahma
Marasaw pi he,Sport liana heta hma eima sie lyma.Chahrasala moh patha kawpa nata
moh ala kawpata eima vawcha nata he eima rao ha tyh.He he khapa vatama acha
tahpa khiatala paritheihpa(Drugs) hawhpa he eima vaw tao tyhpa vata acha.He
paritheihpa eima tao tyhpa vana heta ato liata hmiato khao leipa pi ta,hno tlao
eima sy lyma ha tyh.Sport liata hmiala toh lyma awhpa eima kho khiatala
paritheihpa he eima padilei awhpa he apha ngasa awh.Atahma liata Joel,Simon nata
Beirapathai zy chhao he paritheihpa he ama taolei eisala hmiala liata Marasawzy
moh papha lyma eisala tahpa he eikhokhei ngasa hra ei!!!!

Mara satlia
--------------------------------------