Maraland.NET - The Home of Mara people on the Internet

Nice dance. Ama thai kaw

He hawh lapa he achhietu haw..ama la lei awpa apha via...MSO zy tlaita MSO la la leipa ta MTP lazy la hapa cha..pahni chhih kaw e..............

MSo eima cha vata MTP cha mapi tahna chavei; MTP ta mia apahly khai ha. MTP dance a cha va ta, Mso fucntion liata la lei awpa tah na cha hri vei.

full support ei cha pie.....mtp y leipasala mso y lei pa aw ta.....mso y leipa sala mtp y hra aw vei

Khakha ngiachhie ngasa pa ta MSO la he ba vaw post theila eima chaly kaw aw...B'lore MSO nazy he MSO la a ma thaileipa vata MTP la a ma la pa a cha....na ta ei pangiasa....tawta la hmo motla a cha awhpa he vaw post theihla kho a chhi kaw......nama ta hmo motla chapa na vaw post ti ta Blore MSO nazyta a ma cha vaw mo pa thei nawpa ta...

B'lore MSO vaw tiama via u la,hma vaw la via lyma te u...
'FOR GOD AND MARALAND'

Dear Hmotu, MTP la he Bangalore MSO ta a taochhyhpa cha vei, he MTP La nama nata comment tuhpa thokhazy ta nama pahno leipa ma a cha tly? La hropa nama hmo tyh aw, MTP La deikua internet liata hmo awpa y hluh vei, he video he Bangalore MSO zy ta MTP La ama lapa internet liata ei kha eima hmona a cha hra. Khazia Mara la angia ngaitapa mo ai nama tah thlah tly. Ei noraih kaw cha maw!! Pacha hratua u....

Mr Hmotu B'lore MSO nazy he hla lolie chhi kawpa tlyma, soh a ma chhuapa chavei...tahpa na pahno thla ta raw pata na vaw reipa a cha nata ei pangiasa...B'lore MSO na zy he a mo ta a ma theina rakha pa liata MARA Culture nata MARA hmotaopa zy he a ma palasa pa tlao a cha,,,,nama mo pakha a lynawpata a ma taopa chavei tahpa he vaw pahno ba la a pha aw......


B'lore MSO
Tla parei ma y

Zachhih pa y,He nama la pahe khapa hemaw Mara Culture a cha aw vama?Keila a y zie raita vawpahno thei vana.Hlano ta mano mapaw zyta amavaw la tyh pama acha?Mara Culture tapata biepa chasala kheita eima rao aw.Eg.. Athih la,Viadaw la tapata amo sakhakha vaw pie ha ma y.chakhiacha keima chhao aw''' hehawta acha hi eivaw taba hra aw.ba nawchho pasia ma y.
Eichalykaw aw.

Zachhih pa y,mara culture a cha chatana,marapa culture nata mara hmotaopa tahpa a cha khaw...hlano ta mano mapaw zyhta amavaw la tyhpa chata hra na.....MTP dance he marapa hmotaopa chavei ma...blore MSO na zy he marapa ta la a ma hneipa MTP dance he a ma la hrapa chavei ma...na vaw pahno thai ba nata ei pangiasa...

Bangalore Mso zyta nama function liata mara la na ma vawpa la sapa hi a pha eita kaw,lahela akhei hawpa rai chasala mara la a cha hla khiatala keila a pha ei ta kaw,hehawta la churukawpa nama vawpa la sathiepa he arona eita kaw,lahropa zychhao vawpa lasa via lyma tu u,keila apha ei ta kaw,

Mr, Khakha nata Mr, Hmotu, na mo la marahpa hlata manipur pa nata naga pazy pasahsa via ula eichapa ngiasa kaw ei.....tlao nama civilization ma asah tu ha hri tly,,marahpa ta nama khopa chi la chhah eima hnei tu leipa a lyu......bah mia vawpachas thai t'u.....

Mr.big chihro phohro pazy eipasah sa nakyh cha leipata internet lianahe motlah achapa chase,nathlietlah achapa chase namavaw soh khiahtacha apha eitakaw aw.Hmo sakha eimatao pahe a y zie ahnei ngasa awpa abyuh.eima tao pavata soh chakhythaipa chavei.khokheitu navata roh chheipa ay khia napachathai teh u.

Mr. Hmotu, na chhao internet liata comment tlahpa vaw comment ba hrala a pha kaw aw na... hehe

Kheita ama lah pachhao ta Mara pa lapa cha eipa sa sah kaw!! Khei hawpa lah pa acha pa chhaota Mara pa lapa mai heta popularize ly ma awh pa he apha. B'Lore MSO via tia ma ly ma ty u!!

Comment he rei paphapa vata dei aphapa tah awpa cha vei. apha leipa khiah pha vei tah awpa chata, apha lei kawpa, achhie kawpa tlaita, hohipa ta apha kaw tah awpa he, ei hro ta eina paoh rairai vei cha maw, unawh saih u, Hmeiseihpa ta la apha khiah apha, apha vei khiah pha vei atah ngahpazy dei he chyhsa siapa ama cha. Hmiahmo tlah phiapa ta hohi awpa cha bei vei. Hohipa ta eima cha pakhei tyhpa he eima rah chata hmo chichhihpa avaw cha haw tyh.
MSO lapa he a y mah vei khiah vaw pathao teh u. Cha achupa sai nama chapa tlaita khiazia, nama hnei mah vei. MTP nah hahzy tla nama la ngalapa cha mo rairai angia vei. Cha athaipa nama chapa cha tao lyma teh u. Create lyma teh u chi cha. Nama daotlai lei kaw dah cha.

Eima vaw reipachhiepa vata eima comment zy he rei tlah cha vei natah khiahtala cha cha na pacha chhei haw. Apha khiah apha, achhie khiah achhie tla acha.

Eima kho khiah la aw pita, eima khokhiah la lei aw pita, eima rei sai cha sy... MTP sahlao sai eima cha hra. Nama khodah hawhta vaw comment holo ula tla a cha. Nama rei nga vata a upload tuhpazy ta la pathla hra aw vei ei... Macha paphoh thaipa alyupa pakhapano nama vaw y hra he tly ma... hehehe... Eima phana rakha liata he hawhta Mara la sakha eima vaw la theipa he eima palai kaw mah maw... hehe.. @Khakha he khataih tawhta comment a vaw piepa ma a cha tahpa ei vaw pahno byuh kaw na... hehehehe
Long Live Bangalore MSO!!

Shillong liata chhao MSO Fresher Social liata alah cheingei hra awpa ta Mara thyutlia achuhaipazy ama chu nga kaw hra. He hawhpa la he Siaha Vaihpi MTP dei a vaw lah leipa ei ta, zako no tawhta Zyhno MTP zy chhao ta "Modern Sawlakia" tahpa ta ama vaw lah hawpa a cha. 1999/2000 liata chhao Aizawl MSO ta ama vaw lah haw hra. He la he MTP ngalah ta ama lah aw, tahna cha leipa ta, thyutliapazy la awpa tla a cha. Eima rah lata cha MSO Branch zy hlata MTP zy Active via ei ta, Cultural lachhah cha MSO ta ama tao thlah tarawpa ta MTP zy ta ama tao via chaipa vata "MTP La" tahpa hawhta pahnopa tla a chapa ta ei pahno. Atahma he Mara khotho la cha MTP Branch y leipa ta, MSO zy ta ama taoh tahna cha ta. Alatuhpazy chhao, viahpakao chi nanopa eima thla tyhpa hawhta eima rah la ama khy nata "MTP" member ta tla ama lah heih bao. Panano thomo awpa cha vei (MTP nata MSO he)
=
Sawlakia he hlano eima mahno nata mahpawzy daihti liata ala pi chaipa vaw cha tyh ta, anodeikuala krizyna chha tawhta cha sawlakia hlata chareipakhyna liata alapa cha "Ala pi chaipa" a vaw cha haw. Thyutlia thokhazy ta Abeipa reithaipa ta alah tyh hra ei sala, Western Music nata Dance zy ta maniah vaw pahnie lyma ta, atahma khizaw Music, la, atobina, hrozie nata khaw hmahsienazy cha arasai ta hnohchhy thai hmeiseih thei ma pi. Chavata, atahma hlata music, hla nata la kha eima rah taohzie hmapa ta ama pahiehpa "Inculturation" a cha via chaipa ta ei pahno. Chavata, he hawhpa lachhah he tlao pahahkhei via ei sihla, apeina y vei. Sawlakia nata Awkhypa lazy, raka tlapazy chhao tao thlahha pyly hra ei sihla, a pha kawpa ta ei pahno.

Viasazy,

Nama comment pazy vaw moh nahta pacha awpa hluhpi avaw pua via tili.
Atahma he BGL MSo nah lahe Culture dance rairai ta cha vei. Mara Culture dance liata skirt zy ta lapa sakha chhao y vei. Jean tahrao ta atobipa Mara Culture Dance sakha chhao hmo thei mah hra vana. Chavata Mara Culture dance tahpa ta he hawhpa la he nama chaluahpa achakhiahla keima la ei thina taihta ei cha chakhia aw ei. Marapa noh apazaopa tlao cha ei chita, Marapa aluahpa cha tiahrah veih ei chi tahna acha. Anodeikua Culture Dance chaleipa ta Mara Modern Dance khiahla bah mo ady via. Mara Culture Dance he taochhyh(create) chakhyh khah ei sih. Khazia e Modern Sawlakia tahpa ta ama tao thai rairai. He hawhta taochhyhpa vata eima Culture dance aleilo hri aw. Pacha peimawh ngaita avaw cha he zawh!!!!
Cha achupa MSO sahlaozy khazia e, active leita ama y thai. Khazia e For God and Maraland chata ama hria vei. Hria lei pyly cha py parao awpa apha via. Cha achu leipa MTP nahzy tla apahnie sa hapa cha. MSO he ngiachhie ava wchhih dah cha aw!! Cha athaipazy culture zy, literature zy sie khei lyma pa acha aw. Cha athai leipazy ta ama siekhei ngala chhoh ama siekhei chhiepa rei aw. Sawlakiazy modern sawlakia tahpa ta ama tao laih hapa hawh tlai he ta acha lyma aw. MSo eima cha bochha kawpa vata acha hri. MSO he eima chamokhah kaw bao. Namo ta eima rah liata Culture, literature liata vaw chhihtha teh u. Khokheituna vata reichheipazy a y khiahla na vaw pacha thai bei teh u.
Mara viasapa
Khakha at online

Dear Khakha he la he, b'lore MSO na zy ta Mara culture dance tahpa ta a la ma pi tahpa na vaw pahno awhpata ei kho....a moh chhao bie hra mapi.....a ma vaw post na lia chhao ta MTP dance tahpa a cha aw... marapa noh a pazaopa na ta pa he la vaw pacha viala pha khia maw...he hawta khokheihna bie a hlapa he la b'lore MSO ta a py thei mapi.....khokheihna na hlana da a nano kawna.....he hawta khokheihna mia na hla awhpa hlata la,eima hmotaopa liata a vaw hlao lei y la,ei ma cha ly via aw....

Na zaw marapa cha chima,khazia chyhsa hro ta a ma tao awhpa ta na so thla haw,....khazia e, MSO saita maophaona na pie thla haw......

Hlichhy-Hly-ah dance ta awpa tlao a cha. coined by Tlachai zyhno. Siaha Vaipi paw pakhata akawpi hra., Maw naw sawhlakia paru ei ta, sarlamkai ama lapa stolen dance hawpa khaw alyu pakaw..apha ta hleina!

ex- President. Mso. B'lor Branch.

Khakha reihkah liata "Jean tahrao" a tahpa he dua maw a yzie ei pahno vei. "Tahrao" tahpa he khapa ma a yzie a cha tly? Marareih ei thai paki lei vata ei pahno leipa chhao a cha thei aw. Bah na vaw chho tua u...

Mara reih vaw study via mah y. Reih hropa Tlaikao zy, english zy thaikawpa ta Mara reih na pikheipa rei na thai leipa he noza achhih tu haw..

Tahrao tahpa yzie cha maniah chho la, nohkhih kawpa ta bie reih tua ei si. Tlosaih reih liata 'Tahrao' tahpa y vei. Chavata, eima cha hiahripa a cha. Bie hmeiseihpa reilah thai awpa ta bah comment chyu tua ei si. "Tahrao" tahpa cha a yzie bah maniah vaw chho tua ma y. Eima thaileipa, pahnoleipa chyhsa hiahri awpa he a nawhtawh lei a pha..

Tlôsaih reih deima na thai.Mara reih hropazy thai khao vei chi ma?? Keima cha Mara reih a ypa zydua ei thai khai. Chavata nama chhao Mara reih hropazy vaw study via mah y.1. Chapi 2.Dova 3.Ngiaphia 4.Hawthai 5.Heima 6.Iabao 7.Khapi 8.Leita 9.Lialai 10.Lochei 11.Motu 12.Ratu 13.Razao 14.Saby 15.Tha-y 16.Tlosai 17.Vyty 18.Zyhno tahpa ta Mara clan he y ta he zydua pahlyhpa ta Mara tahpa acha. Chavata chaw chhopasia
abyuh hlei aw vei..Mara reih sakhakha acha hrapa vata acha. Na pahno khohpasa khiah palasa cheihpa reihzy vaw study pha mah y.Abeipa ta novahna acha pie aw. Thlachha chhao ei chaw bao aw.

Khachhie, chyhsa chialia kawpa na cha ngyu he. hehehe... Tahrao cha maniah chhopasia la tla a cha chamaw. Mara liata 17. Vyty y tla vei, Vytu deikua a y.... "Tahrao" cha hnopasy tahna ma, chaopasy tahna ma, skirt tahna maw? Bah na vaw chho tuala ei cha tahpa a cha. Na chialia ialia dah he na buaba kaw.

Dear khakha..he na comment liana heta mara reih sakha hmah la la,ama bua nata pangiasa vana,,reih chi nano nano pa eima vaw hma pahlao nata cha pahno thai avaw ru kaw ty..chavata ama pahno kho pa cha chhopasia thei la.amo cha chhaota achu nawpa cha pahrata,,chysa hro pacha chhaota apha hnai nata eipangiasa..

English he pahno khai ha ei sihla, achu via awpa byuh aw vei. Reihhropa tawhta lapa (transliterature) y leipa sala hneiroh hra aw vei. Chavata, a hneirohna cha reihhropa tawhta lapa a hluhpa vata a cha. Nohchareih ta biechho (word) thiehpa he kha a poh lyma. Cha cha aruna cha ta, achu awpa ahyrai ta eima hnei hluh. Marareih chhao he Tlosaih reih ngalah hma awpa eima chhuah khiatala, hmahsiena hnei leipa aw ta, hneirohna la pangai hra aw vei. Chavata, eima baichhi lyma awpa a cha. Chanota, a yzie cha mohropazy pahno pasia awpa ta eima chhopasia awpa a cha hra. Kei he Zyhno reih pikheipa ta hmahpa cha na ta. Eima Marareih hmapa liata pahlao lei thai va na. Hawthaireih nata Chapi reih liata bie angia kawpazy chhao thata ei pahlao tyh. Achahta cha Bracket liata tlyma, note ta tlyma, a reihtuhpazy pahno pasia thei nawpa ta ei chhopasia pa tyh. Chavata, Khakha chhao he a phata ta reihpasia sala, a pha kaw nata ei pangiasa hra. Marasaw hluhpi he Marareih thai leipa pi ta, eima pahno dah nata hmadah alyu tla hra vei. "Intellectual" a tah hra ta, article sakha a roh thei leipa ama hluh kaw.
.
Chazy hry liata Maraland.net liata Comments vata Marareih eima hmah tyhpazy he ly achhih hmeiseih. Maraland.net Staff hnohta alyna bie hla na ta, Abeipa ta byhna cha pie mawh ei se.

Acho liata comment-tuhpa na reipa he 100% ei cha support. Ado ei tah hmeiseih. Keima hawhpa comment hluh leipa regular reader-zy chata novah a vaw chhih ngasa.

I want to dance too because I strongly believe that dancing Mara Dance is attempting a great thing



'for God nad Maraland'



By hunger for wisdom and knowledge

Tahma ta Shillong MSO ta freshers cha ta la ama chu nga hai pa he..tahmata Bonagalore MSO ta ama la pa nata a lyu lei pata,,tahmata Modern sawlakia na tahpa he tahma deikua cha mara cultural dance liata pahlao hapa chata 'Hlichy nata Hly-a' la phituh pa Tlaichai, zyhno acha,,he Hlichhy nata Hly-a la he Awkhypa la liata hla ano eih hrahta ahnei haw na khata he la chhao he a no eihta HLA hnei hrata,cha cha hla sano ta pazao pa chata 'Eima chareina' tahpa nata 'Veih la lyubie' tahpa zy he acha..1999/2000 liata Aizawl MSO ta ama la pa nata Zyhno MTP ta ama la tyhpa he Hlichhy nata Hly-a la tlao acha.....

Tahma ta B'lore MSO ta ama la pa MTP la deikua he Ko 2005,MTP general conference, siaha vaihpi ta patlota, Siaha Vaihpi MTP ta a eikha(1)nawpata ama la pata ei pahno..MTP la nata Hlichhy nata Hly-a la he na vaw pahno pahlao pa pata eivw pahno..

Na reipa asu kaw. Ei reihpasia khai leipa vata a cha. Atahma ta "Hlichhy nata Hly-a La" eima tahpa nata "MTP La" eima tahpa he alyuna nata a nanona hnei raihrie ta. A origin he kei ta ei hmo dah liata cha "Sawlakia" tawhta a cha via chaipa ta ei pahno. Chavata, ei paloh liata he la mianopazy he "Modifying Sawlakia" tah theipa a cha.
=
"Modern Sawlakia/Hlichhy nata Hly-a La" liata cha satlia nata laihsazy apheih lata aduah ei ta, a chahta a kaw pahlie ei, a chahta a kaw patlah heih ei, tah ei ta. Ala dah cha, sawlakia liata ku nata phei tao dah nata alyu daihmapa ta taopa a cha. MTP La liata cha sawlakia hawhta apahhlopa ta siepa cha ta. Ku nata phei taona dah liata sawlakia nata alyu daihma ta, anodeikuala alyu leipa (phichhyhpa) a hluh via. Atobina chochah liata "Cultural Dress" cheingei, tahpa y leipa ta. Chhihthatuhpa ta 'cha hawhta eima tobi aw' a tahna dah hawhta tla a cha via chai. Music chochah liata chhao, achahta Sound Tract taopa ta alapa cha ta, achahta cha Orchestra zy aka lata hlasapa a cha hra. Aizawl MSO zy kha Dire Straits hla, "Sultans of Swing" ta ama lah. Hezy he cha "Hlichhy nata Hly-a La" tah thaipa cha vei.
=
Chavata, he la "Taochhyhpa/phichhyhpa raihrie" a cha. Step chhao eima baichhi thei, eima pachyh thei. "Moh" chochah liata chhao, la aphituhpa ta a khoh khia, ano khodah hawhta a bi thei. "Cultural Dance" ta bi awpa cha leipa ei ta, "Modern Mara Dance" tlao ama cha raihrie.

'MTP la' nata 'Hlichhy nata Hly-a La' he keima ta eihmo dah ta alyuna a ypata pahno lei pa nata anodeikua modyfying swlakai natahpa deikua ado na kao chhao a y hra aw,,achhapacha he La athao na la ngalah ta achyta a step alyu daihmapa yta,anodeikua alyu hmeiseivei..tahmata shillong MSO freshers meet nota ama la awpa he na hlao thei khia cha na vaw moh pasia via heih awpata eicha hw khohpa hra..(compare-sawlakia, MTP La nata Hlichhy nata Hly-a La napahno chiepa acha tarw chhaota)...Dress lia deikua na reipa khi avaw do kaw..
Sound chochah lia deikua he Sound track ama taopa chhaota 'Eima chareina' nata 'Veila lyubie' pyly ta sa tyhpa acha..he liana heta hla athaipa ama y lei pa tly ma, sound track aryhpaoh leina vatly ma acha khia cha he La ala nawpa music a hmie chaipa, hla a sei najie nata la a sei najie chhaota ahmie chaipa ama hma teh,,cha2 atlahpi pata 'Sultans of Swing' acha(he hla chhao he achyta apachho),,chavata Hlichhy nata Hly-a La acha hla pyly kheihawpa ama hmapa chhaota..tahma deikua cha zyhno artists zyta he hla sano pazy he record tao haw eita,,he he ama hma lyma ba aw..anodeikua su hro la (e.g B'lore,delhi etc.) he hla ama hnei vei khia hla hropa chhao ama hma thei hla pyly hra,chasala ahneituh viachaipa hawta pachapa zyhno mo ta ama pahno khia ama palo atla nata pangiasa tu vana..

Keimo Mara na pi he La vaw hnei hlu kaw pita,chi nano nanopa (Awkhypa la.hmiakhuti la,thi la,sawlakia.etc.) 19 or more eima hneipa hawta eipahno,vaw pahno pasia tu khao leipa nata(Laila Hall liata mara la zy tahpa liata hmo theipa a y) he hry liata Hlichhy nata Hly-a La he avaw hlao hra,,MTP la deikua avaw hlao leipata, khazia ma chatly? tawhta MTP la he ano eihtlaita Hla ahnei tlyma?,,chavata he la ttaochhyhpa acha no na heta kho dah hawta panano pa nata step zy pachyhta baichhi awpa nata moh zy thla awpa he acha thaipata vaw pahno vana,,A originality kha a peimw chai pata tlao eipahno,,.chasala he La he Cultural dance acha tah hleipa nata anodeikua Cultural dance Awkhypa la,sawlakia,,thih la,etc zyhry liata deikua avaw hrao hra chamaw.!!!!???..
Mara La zydua he phi chhy pasai vaw chata,,,generation to generation ta vaw practice lyma eita,,daihti reipi avaw sie nata cha Cultural Dance ta avaw cha ty,,chahawna hra chata Tahmata Hlichhy nata Hly-a La nata MTP la chhao he ko 100 zy vaw sie sala ama practice nga hla haw khiala Cultural Dance avaw cha thei hrw nata pangiasa achhi,,,he leipata La chi na no nano pazy chhao avw pua via lyma nata eipangiasa...

He hawhta su nano rah nanopa tawhta reipahmaohna eima hnei theipazy he ly a chhih kaw na. Thokhazy chata cha no-ai chhao cha thei aw ta, anodeikuala he he eima rah issue peimawh kawpa a chapa ei pahnopa vata rei via lyma awpa abyuhpa ta ei pahno. @kt, Azl, ei chaly kaw. Na vaw response lymapa vata. A pahno viapazy chhao pachadah vaw thyu lyma hra ei sala, a pha kaw aw.
=
1. Atahma ta Shillong zy ama lah awpa he "Modern Sawlakia" a cha. Tloh-lei kawna chota ama Advisor cha hra na ta, he la alah awpa ta bie ama pathluna liata chhao a hlao hra na ta, "Modern Sawlakia" alah awpa ta eima pathluh (Dt. 14th. Aug '11, pihno S.Ngodei o liata Meeting hneipa a cha). Meeting liata reina liata chhao abyuhna dah hawhta step pahluh/pachyh awpa ta Leader ku liata pahniehpa a cha. Hla chhao Sound Tract ta sakha ngalah a cha aw. Chavata Hlichhy nata Hly-a La hawhta alah cheingei awpa a chhuah ma pi.
2. Aizawl MSO zy ta 1999/2000 nona kha keima chhao MSO Jt. Hqrs, Aizawl liata chhithatuhpa ta ei y daihti chata, "Modern Sawlakia" eima tah. "Hlichhy nata Hly-a La" alah ma pi.
3. Zyhno MTP zy ta ama lah tuanona kha "Modern Sawlakia" ama tah. He he a daihti nata ko pahno pasia khao leipa na ta, anodeikuala ama lah nota asu liata ei y hra. Chanota Zyhno tawhta hlasa thaipa Chakhu ta aka la tawhta hla a sa.
Hezy vana heta chyhsa hluh viapa ta "Modern Sawlakia" tahpa ta pahno via pi ta, ado via hra. Achhapa cha, "Modern Sawlakia" tahpa heta "Sawlakia La, atahmano ta eima khihsazie hawhta a hmiepa ta alapa" tahpa ta a kaw dy via ha. Cha chata Sawlakia tawhta lapachhuahpa/phichhyhpa zydua a kaw o khai ha. MTP La nata Hlichhy nata Hly-a la chhao Modern sawlakia liata cha a kaw hlao thei ha hra, tahna a cha (Sawlakia tawhta phichhyhpa a cha hrapa vata).
4. "MTP La" achu pathao daihti liata Siaha Vaihpi liata ei y no pyly cha ta, Siaha Vaihpi MTP ama lano chhao ei y hra. He he (ei pahnochhei vei khia) Puhpa N. Lybei phipa a chapa ta ei pahno. Ano ta a pachu.
=
Tawhla, "alyu" tahpa nata "alyu vei" tahpa kyh liana heta saina dah rei cha kaw ta. Alyunazie ta eima sai khai cha, palyu thei kaw pi ta. "A, alyu vei" eima tah khiala, cha hawhna hra cha ta reih theipa a cha. Analogy tawhta eima sai khiatala alyuna hluhpi a y. Khizaw liata Scientist mohpathahpa Albert Einstein ta cha, hmoto he eima pazao khai na, tahpa ta "Theory of Relativity" hmopapua ta, ano hmo dah nata chyhsa hluhpi pachadah alyu hlei vei. Darwin nata Scientist hluhpizy ta chyhpa nata azyh hmah ta eima lyuna hluhpi ama hmo (Theory of Evolution liata cha). Cha hawhna chata kei ta "Compare and Contrast" tawhta moh na ta, Modern Sawlakia nata MTP la he alyuna nata alyu leina hluhpi ei hmo raihrie. Chavata, ei reihapa hawhta Group Sakha liata ei soh.

A u Judith Paw..kei chhao eina reply hei pa chi vata eicha ly ngasa hra,,na reipa hawna khita he issue he hmo peimaw kawpa chata chysa hropa zy chata chhao apha hnai khei nata eipangiasa hra...

1) tahmata Shillong mo ta ama la awpa he hmiala ta cha Modern tahpa cha tyhta tahma deikua Hlichhy nata Hly-a La acha ha ba,,eipahno na dah ta cha 1997 Tisi MTP General conferece liata Modern tahpa tawhta Hlichhy nata Hly-a tahpa acha ha ba..chatawhta he La step pachyh nata baichhi awpa Leader na ku liata nama so pa he,,ngiachhie pata panano leipata a original haw tlai ta lah pata, aphi tuhpa nata ahnei tuh viapazy palo tla nawpata bah vaw lah thei ula tahpa eivaw kho ngasa,,
Sound tract chhao he eirei hapa hawna khata sano ta pazao pa chata,,pachapali tu leipata nama nathlie khiacha sakha hawhta nama thei w,,achhapacha he hla zy he sound track sano lata(separate track) ta tao ta sakha play ta achha nata ahropa thla hei tahpa asu thai leipa naita sakha hawhta pazaopa acha,,ama la na step athla na liata ahla chhao kha avaw thla ha hra aw,,chatawhta hlichhy nata hly a la cheingei hawta la awpa nama chhuah vei khiata cha tlao vaw lah leita y lalao ula apha via khia maw..a origigality a lei awpa dua maw eivaw pasai thai vei,,

2) Aizawl MSO zy ta 1999/2000 nota Hlichhy nata Hly-a la tahpata ama vaw thla syulyu ha,,Modern tahpa ta nama pahno va tlao acha..kha nama la pakha Hlichhy nata hly-a La tlao nama la..Modern chavei.

3) na reipa haw na khita Zyhno MTP zyta ama la patho no cha 1972-3 rachho chata,Modern sawlakia amata tlai...achhapacha tahmata Sawlakia he Macha Sawlakia tahpa cha tyhta chavata he la he cha a modern via pavata Modern tahpa acha.,chanonachata Chakhhu hla sa ta ama la pacha 1996 Zyhno MTP conference kho la tlao acha,,a yzie cha he La ama phi tawhta ko 24 kho la acha,,

4).MTP La ama tahpa chhao he eirei ha pahawna khita ko 2004 or 2005 liata vaihpi liata MTP conference nota ama la pathaopa acha,,avaw Modern kaw tlai pata eipahno keichhao,,

Acho liata a post-tuhpazy ta Mara Cultural dance tahpa ta post leipa ei ta, MTP Dance tahpa tla a cha. Alahpazy ta MTP dance ama tah vata a cha aw. Cha cha modern cha thei ta, cultural or traditional a cha thei. He liata cha modern Mara dance a cha.
Tawhta, he hawhpa la he Mara dance moh a phao awpa pasai mah pi eima tah khiahta cha MTP General Headquarters Ryureina liata agenda ta tlokhei awpa a peimawh aw. Eg. Bollywood liata choreographer pha kawpazy ta ama film liata la ama taopa zydua he India dance tah hawhpa mohzy a moh bie tla vei ei. He atahmahla ta 'la' thokha ama vaw puakhei penawh hela MTP la tahpa tlyma, Hlichhy-Hlya tah hawhpa moh paphaopazy he yzie hnei leipa a cha. Chyhsa pakha ta a choreograph chakhyhpa Mara phopi "la" hawhta a cha awpa he yzie hnei vei. He he MTP Conference liata patlapazia ei sala a pha kaw thei aw.

From

MR.CKC

To

ADMIN/STAFF


Subj : Humble Request

Respected Sir,

The richness of Maraland.Net has been challenging my life to identify who am I and what must try for my mother/father land(Maraland)?. I love Maraland.net and don't want to misuse it. I really respect and appreciate Maraland.Net.Therefore,I kindly request to arrange a challenging song ' Maraland Thiehpa padua suh vy' sung by Miss. Vasty in other videos on Maraland. Net. I would like to sing 'Maraland Thiehpa Padua Suh Vy' and dance Mara Dance on Maraland.Net.


Thanking you,


Yours sincerely,
Good Member

Vast T. Azyu ta 'Maraland thiehpa padua suh vy' tahpa music video cha http://www.maraland.net/videos/other-videos/1017-vasty-maraland-thi... liata eima vaw soh haw.
Maraland.net palohpahawtuhpa zydua nama cho liata alyna bie eima cha hla chanei.

Bangalore MSO eima cha ly kaw. Na mo he hawhpa la nama vaw la vata constructive discussion vaw hnei thei pita...

"Modern sawlakia" tahpa he asu thai ta pahno na.

Modern La (Modern dance) tahpa cha khiatala ado thei thlah haw. Achhapa la Modern dance eima tahpa he classical dance variety liata a y theipa a chapa ta ei pahno. Cha hawh hrata Hlihchhy-Hly-ah La he folk dance a cha thei hra aw. Classical dance hlata pha viata, yzie chhao ahnei via hra. Tawhla, Sawh-lakia he Carnatic dance ama tahpa a cha aw. He Carnatic dance ama tahpa chi he aroh-na ngasa.

He hawhta vaw palasapa cha sala ado thei hla vei tly ma?




(1) Modern Dance (Mimic dance) = MSo Sub.Hqtrs Bangalore nawh zyta ama la tyhpa.
(2)Hlichhy-Hly-ah Dance (Folkdance) = Zyhno thyutlia nawh zyta ama la tyhpa.
(3)Sawh-lakia (Carnatic dance) = Mara nawhta ama la tyhpa.

Mara chi nata pho heta la hlupi hnei pi ta, Originality ahneipa cha ei ta, yzie hnei kawpa ta ama vaw Lah tyh.

Modern dance deikua hela originality hmopa y lila vei. Festival sianopa cha hawhta hnei kaw hlei hra vei.


Hlichhy-Hly-ah La he apahno leipa hlupi y thei pi ta, Zyhno mo zy ta Hlichhy nata Hla-y thatih tawhta hmopapua ei ta, hla (sonnet style) kawta phi ei ta ama lapa acha. He la he 1972-3 daihti rachho liana khata vaw la pathao ei ta. Atlia viapa 1996 Zyhno liata MTP general Confrence a y no tawh khata pahno pathaopa acha. He La he MTP nata MADC tah Officially ta ama recognised tly ma? He La chocha he ei palo eina khai kaw. Achhapa la, SAwhlakia he ama reipa liata Marapa pakhata SARLAMKAI ata laipa vata atano daihti liata Maw nawhta SARLAMKAI ama vaw hnei haw.

Achhana liata Shillong MSO zy ta la tahma nota nama chupa he khei hawpa la rai vaw cha sala taochakhy leipa ta a chu thei ula, Hlichhy-Hly-ah la nama chu khiata la Zyhno satlia nata laisa Shillong lia ta y holo hra ei ta, angia kawpa ta lah thei ula ei cha khoklhei kaw ei. Tawhla,Modern Dance nama lapa acha khiata, khei hawhpa festival dance tlaima a cha tahpa pahno thei hra ula apha ta ei pahno.

Achhana liata; Sawh-lakia he "Sawh-lakia" tahpa ta y sala, Modify laipa ta "Modern Sawh-lakia" tah laipa he apha chaipa acha thei va tlyma? cha hawhrata "Hlichhy-Hly-ah La" he Modern sawh-lakia tah leipa ta Hlichhy-Hly-ah La tahpa ta y sala apha viapa a cha thei ngyu aw.


Powmie.

Pachana phapa nata kawh kawpa a cha. A pahno viapazy pachadah vaw thyu via lyma tua u. Achu via awpa nata reihpahmaoh via lyma awpa abyuhpa ta ei pahno.

Dear Judith Paw na reipa cha a do kawna,anodeikuala modern sawlakia tlyma Hlichhy nata Hly-a la tlyma a cha pa chhaota,a chana do kawpata a la thei u la, kho a chhi kaw...namo kho dah ta step pahlao/ pachy tlyma tao leipa u la pha via vei ma.....keima mo pakha ta la a chana doh kawpata a vaw la thei u la...pha ei ta via.... a taotuhpa zy pasaina leipata la tao leipa u la, a pha via aw...



Shillong MSO
Long live

Pasyuna pha kawpa nata yzie hneipa Comment zy vaw hmo na ta, pachana thata ei na pie. Atahma kahhrao bahta na saoh pa ta, chatahrasala, comment thiehpa a y nata yleipa kha ei moh tyh. Research achyhta tao awpa abyuhpa ta ei pahno. Ei tlah via pataw nata Article ta tlao ei vaw roh aw. Comment pietuhpazy athei khiala, nama cheingei ta vaw roh thlahha ula, ei khoh kaw. Achhapa la, documentation ta soh khoh na ta. Mohropa, uhthei viapa lachhah nata he hawhpa lachhah pahno viapazy pachana chhao ei pahno khoh kaw. Hiahhrina he he hawhta ei cha vaw tao ei:
1. Hlichhy nata Hly-a La, Modern Sawlakia nata MTP La zy he ama thaotona (origin) kheihta e?
2. He la miathohpazy he Sawlakia taopananopa (Modifying Sawlakia) a cha thlahha ma?
3. Pho La (Cultural Dance) ta eima rao thei aw ma? Khazia vata e?
4. He lazy he phichhyhpa nata khodah tawhta tobina chhao ahy tlyma rao chhyhpa a chapa vata Choreography a cha thei ma?
5. Sound Track nata Western Musical Musical Instrument zy he Mara Tradtional Music ta eima pyh thlahha ma?
=
He acho liata hiahhrinazy hmapa ta comment vaw pie thei ula, ly achhih kaw aw. Kachhiena ahneipa nama y khiatala, keima e-mail: a.zawngia@gmail.com liata naw paphao thei ula, ei ly kaw aw.

A u Judith Paw..navaw reipa khi ado kaw..he issue he he liata reih ta, azydua azyduata reih khai thaipa cha leipata..chavata na reipa hawna khita article ta tlao pachhuah panoh pata a detail via pata roh pa tlao chasala apha kaw aw eiva ta hra,,,Uthei viapa zy he hawh lata pahno viuapazy asao hiana chota tlao pachhuahpanoh achhuah ei sila tlao aphavia nata eivaw pangiasa kaw hra..eicha ly kaw..

Thatih lyypa....
MSO Sub-Hqrs, Shillong ta Fresher social hma nawpa ta patohpatiana siekhei nga kaw pi ta, Lazy chhao thata ama chu. "Modern Sawlakia" tahpa nata "Hlichhy nata Hly-a La" tahpa chochah liata pachadah a vaw lyu leipa ta, Marasawzy eima pohkhana pha via nawpa ta MSO nopawzy ta "Modern Sawlakia La" lah awpa ama tahpa cha "Hlichhy nata Hly-a La" tahpa ta ama thla ha aw. Su nanopa tawhta viasazy ahawna za hmeiseih pi ta, pasyuna phapazy nahthlie awpa ta MSO Shillong zy kha eima pahy.

Shillong MSO Sub-Hqrs nama vaw nopaw thai kaw. He hawhta apahy kawpa ta hmo nama taopa vata thapawh nama pachhisa kaw. Freshers' Social hlaotloh kawpa ta nama vaw hma awpa ta khokheina eima cha hla.
- Ex-Members vyuhpa ta

A ma thai ngasa na