SAIKAO, 17 Chhiepa, 2025 – Awnanopa apôhkhana Special Assembly Ryureina 2024 ta avaw pathlupa ECM HQ, Saikao liata Mission Administration (Mission, Social Mission & Devlopment) Department y awpa tahpa châ ta, rypaoh leina vâta charâta pahy thei leipa achâ tawhta, Târi 17 Chhiepa, 2025 (Hriahei noh) ta Rev. Jimmy F. Sâchai Moderator Elect, Rev. Pheitha Lâvâ ES i/c Mission nata Rev. Az. Beirâkaw ES i/c SM&DV zyta Saikao lâ siepa ta Office pahy n’awpa zy mopasiapa a châ.
Saikao Pastor Bia liata Nôpawpazy nata Local (3) liata Nôpawpazy ta LMC Peter Hall liata vaw y dy eita, apakyhna Programme ahmâpa a châ.
Apakyhna Programme he Rev. Azyu Beirôna, Biatuhpa Pastor ta chhitha ta, Machâ JC.Mawsi, Secretary Saikao Pastor Bia ta Thlahchhâna hnei ta alynabie reina ahneipazi.
Rev. Pheitha Lâvâ, Rev. Az. Beirakaw nata Rev. Jimmy F. Sachai zy tawhta Saikao liata Office chârâta pahy theileipazy, ECM Awnanopa duahmo nata thlai Office pahy awpa achâziezy nathliepa a châ.
Machâ C. Lalirha Awnano Hyutuhpa ECM Local Church, Saikao ta Abeipa lâ Thlahchhâna hneipa ta apakyhna daihti pachhâpa a châ.
Saikao Pastor Napawpazy ta ECM Assembly Nôpawpazy châta my pati amâ vaw chhuahnopa cha ama dôh khô.
My pati niekhai tawhta, ECM Assembly Nôpawpazy ta O (Building) ruapazy cha Office nata Staff Quarters awpa ta mopasiana ama hnei.
O (Building) ama mopasia khai tawhta, Rev. L. Mark tlyh pata ku chalyuna ama hnei. Rev. L.Mark chhao ta ECM Assembly Nôpawpazy hmia avaw hmôpa cha â lykaw hra.
— ECM Saikao Pastor Bia.