SIAHA, 26 Chhiepa, 2025 – Atanoh heta Salvation Army Youth (SAY), Siaha Corps, MG Centenary Corps & Tipa corps zy ta apakaohpa ta ama Founders day 2nd July 2025 pachhaipa ta Siaha Blood Bank liata paso awpa thisaih ama pie.
Thisaih ama pie hlâ heta Convener Capt Lalthanpuia Ralte, Commanding Officer Siaha Corps ta thlahchhâna hmâh ta, he khai tawhta Blood donation camp he pathaopa a châ.
Thisaih pietuhpa zy he chapaw-16 nata chanô-1 cha eita, ama zydua ta 17 ama châ.
Atanoh SAY Siaha corps zy ta Blood donation camp ama hneina lia heta Siaha Dist AVBD Chhithatuhpa tawhta Puhpa CL. Hranga, President AVBD,Puhpa Lalnunkima pisa, Vice president AVBD nata Puhpa L Beihrokho, Asst. Secretary AVBD zy ta ama chakuchavei.
Chyhsa hrona pachha awpata thisaih sôh ngaitapa apietuhpa zy chô liata AVBD zy ta palôh hmeiseihpa ta alyna bie reih pi ta, chyhsa hropa châta byhnâ cha via lymâ awpa chhaota khokheina sâh chaipa eima cha hlâ chyu ei.
Sd/- L. Beihrokho
Asst. Secretary
Association for Voluntary Blood Donation, Siaha Dist Siaha