SIAHA, 28 Chhiepa, 2025, Pachynoh (MNN) – Târi 27.06.2025 pa ta Mizoram Amateur Taekwando Association (MATA) ta World Taekwando Black Belt Awarding Ceremony a pachhuah panohpa liata Puhpa A. Thazi, Siaha Vaihpi cha 1st Dan Black Belt hlâpa a châ.
He daihti he Mizoram Chief Minister Puhpa Lalduhoma ta hmâkhei ta, he hawhta Black Belt chhichâna a reih “Black Belt daotheipa chyhsazy he Taekwando technical skill nano nanopa â ngia kawpa ta athaipa ama châ pâ hleikhô ta chyhsa palôh chhyupa, sasyh avaopahniepa, asohsi theipa nata sasyh avaih theipa chyhsa ama châ zie pamosa ta, mohropa zy nonai kawpa nata daothei kawpa ta apachu theipa nata lâpi dopa liata chhihtha theipa ama châzie apamosa” tahpa ta a reih.
He Puhpa Lalduhoma biereipa he Puhpa A. Thazi ta azi hmeiseihpa ta pahno pi ta, a hlaotlohna kyh liata Marasawzy pi ta alykhei pi ta, thyutlia sawzy chhao ta amopâ lymâ tah, lâpi dopa achhihna lâthlôh châta hmâh chyu hra awpa ta eimâ khokheipa a châ.
Puhpa A. Thazi, hmialâ a sie lymâ nawpa liata khokheina sâh chaipa eima hlâ.
(Admin, MNN)