SIAHA, 23 Khihpa, 2026 (Pobienoh) – Noh 2 chhôh ôpa Mara Autonomous District Council (MADC) Monsoon Session 2026 cha a noh 2 n’awpa ta atamy my dawh 10:30 AM khata MADC Session Hall, Siaha liata hnei pazaopa a châ.
Atanoh myrâh atyupahmaohna hiahrina nata achhyna daihti nata zâlâ liata Bills reipahmaohna nata apykheina daihti he Puhpa N. Viakhu, Chairman ta a chhihtha.
Atakô Monsoon Session 2026 atyupahmaohpa liata Starred questions (pakah ta chhy awpa) sâ 11 y ta, unstarred questions (ropa ta achhy awpa) sâ 5 y ta, unstarred questions he member-zy atyuna dawkâh liata achhy chiehpa ta sopa châ ta, starred questions sâ 11-pazy he atyupahmaoh daihti noh 2 chhôh liata hiahrina nata achhyna tao khai theipa a châ.
Zâhnia zâlâ liata phawpa Bills, a ry liata palâsapazy atanoh liata passed-pa a châ.
Official Bills Passed-pazy:
1. The Mara Autonomous District Council (Taxes on Entry of Goods into Market) Bill, 2026.
2. The Mara Autonomous District Council (Village Councils) Bill, 2026.
MADC Monsoon Session 2026 he zâlâ dawh 3:51 PM pa ta Puhpa N. Viakhu, Chairman, MADC ta daihti taihpa y leipa ta a pachhâsa.
ISSUED BY:
Information & Publicity Department
Mara Autonomous District Council