Rev. S. Beizawzi ta “Awnanopa” nata “Aw nanopa” a nanona a reipasiapa he vaw reih hra tua mah y. (Edit leipa a cha.)
English ta Church tahpa Mara nata Mizo liata cha chhopasia byu leipata reika ta a sia thlapa chata eima vahnei ngaita, Church tahpa cha Achhyna o reina nata Awnanopa reina chata hma rairiepa chata, Awnanopa nata Kohhran tahpa deikua cha a sia pachie thlapa cha taraw ta, Marapa zy deikua pi cha he reika dopa tawta eima tlei pathao lymapata ei pahno. Daiti khacha rakha taw tlyma deikua cha Marapa zy pi ta, Awnanopa he Aw nanopa tahpata eima reika parozie liata theipa a hlu via kaw ba, eima sosi chyu a peimawh kawpata ei pahno.
Kohhran eima tah khiata cha Awnanopa reina chata, Ko hran eima tah khiata cha Doka hropa lalai/ lathlô doka hropa reina a chapa hawh ta, Mara rei liata Awnanopa eima reina mai ta Aw nanopa lata eima rei ha tyhna chhapa cha eima aony a sosi lei vata a cha.
Chahaw hra ta, Awnanopa eima tah khiata cha Church, Kohhran reina chata, Aw nanopa eima tah khiata cha Awpa, chahlyu thi lyu zy tao nawpa tla a cha leipa reina a cha tahpa pahno ei su u.
Awnanopa tahpa aony liata cha ‘Aw’ he a chyta a hnaipata parosa awpa chata, Aw nanopa liata ‘Aw’ aony eima pasah khiata cha chahlyu thih, Awpa nanopa reina a cha awh.
Châ ta eima ro nota cha, ‘Awnanopa (pazaopa) nata Aw nanopa (pazao leipa) tahpata ro pi ta a pahno nao kaw ta, eima paka ta eima rei tita deikua aony pahnai nata pasa reita a chhuahna anano theipa a cha vata a sosi awpa a cha.
Marapa zy pi ta Achhyna o, Awnanopa meeting etc. zy liata Awnanopa tahpa eima reina maita Aw nanopa tahpata lata a reipa eima hlu ngasa ba, padona rai hria chyu su vy.
Photo: Sabyh Local Church, MEC